Author: سعد فاروق

امریکا نے بھارت کی متعدد ٹریول ایجنسیوں اور ایجنٹس پر ویزا پابندیاں عائد کر دی ہیں۔

امریکی محکمہ خارجہ کے مطابق یہ اقدام غیر قانونی امیگریشن میں ملوث افراد اور اداروں کے خلاف کارروائی کے تحت کیا گیا ہے۔ترجمان محکمہ خارجہ کا کہنا تھا کہ بھارتی ٹریول ایجنسیاں انسانی اسمگلنگ میں معاونت کر رہی تھیں، جس کے باعث ان پر سخت اقدامات ناگزیر ہو گئے۔ ترجمان نے مزید کہا کہ امریکا انسانی اسمگلنگ کے نیٹ ورکس کو توڑنے کے لیے ویزا پابندیاں لگانے کا سلسلہ جاری رکھے گا۔

امریکی حکام کا مؤقف ہے کہ اس کارروائی کا مقصد محفوظ، قانونی اور باقاعدہ امیگریشن کی حوصلہ افزائی کرنا ہے، جبکہ ان عناصر کو روکنا ہے جو انسانی جانوں کو خطرے میں ڈال کر غیر قانونی طریقوں سے سرحدیں عبور کرواتے ہیں۔

اسلام آباد پر بھارتی قبضے کی جھوٹی خبروں نے بھارتی عوام کو پریشان کر دیا

افواج پاکستان نے دشمن کو ناقابل فراموش سبق سکھایا، قوم ساتھ کھڑی ہے،شہباز شریف

کرنل صوفیہ دہشت گردوں کی بہن کہنے والے بی جے پی وزیر کی معافی مسترد

پی ایس ایل 10: اسلام آباد نے کراچی کو ہرا دیا

خیبرپختونخوا میں سیکیورٹی فورسز کی بڑی کامیابی، 9 دہشتگرد ہلاک

حالیہ دنوں میں سوشل میڈیا اور کچھ مرکزی ٹی وی چینلز پر ایسی خبریں گردش کرتی رہیں کہ "بھارتی فوج نے اسلام آباد پر قبضہ کر لیا ہے”۔ یہ جھوٹا دعویٰ نہ صرف گمراہ کن تھا بلکہ اس نے بھارتی عوام کے درمیان شدید بے چینی اور خوف کی فضا بھی پیدا کر دی۔

باغی ٹی وی کے مطابق بھارتی ریاست ہریانہ کے علاقے نروانہ سے تعلاق رکھنے والے منجو نامی مقامی تجزیہ کار نے اس جھوٹی خبر پر ردِ عمل دیتے ہوئے کہا کہ یہ خبر صرف ایک چینل پر نہیں، بلکہ کئی مرکزی میڈیا چینلز نے اسے ٹی وی پر دکھایا۔ دیہی علاقوں میں رہنے والے افراد جو سوشل میڈیا یا ٹوئٹر استعمال نہیں کرتے، وہ صرف ٹی وی سے ہی خبریں حاصل کرتے ہیں۔”ان کا کہنا تھا کہ میڈیا نے غیر ذمہ داری کا مظاہرہ کرتے ہوئے اس خبر کو ایک سنجیدہ انداز میں پیش کیا، جس سے عوام میں جنگ کے خدشات نے جنم لیا۔ "لوگ پوچھ رہے تھے، کیا واقعی بھارت نے اسلام آباد پر قبضہ کر لیا؟”

انہوں نے سینئر صحافی رویش کمار کی ایک پرانی بات کا حوالہ دیا کہ "لوگوں کو ٹی وی دیکھنا بند کر دینا چاہیے”۔ آج کے حالات کو دیکھتے ہوئے وہ رائے دیتے ہیں کہ رویش کمار کی بات بالکل درست تھی۔سیز فائر سے متعلق بات کرتے ہوئے انہوں نے کہا کہ، "یہ ایک قومی معاملہ ہے اور بہتر ہوتا کہ دفاعی سیکریٹری خود اس پر بیان دیتے۔ اگر بھارت نے اپنی مرضی سے جنگ بندی کی ہوتی تو ایک مضبوط پیغام جاتا۔ لیکن اگر یہ امریکی دباؤ پر ہوا ہے تو یہ درست نہیں۔

انہوں نے مزید کہا کہ پاکستان نے جس انداز میں جنگ بندی کا جشن منایا، اس کے برعکس بھارت نے اسے ایک "سفارتی شکست” کے طور پر قبول کیا۔ ان کے مطابق، اگر بھارت واضح طور پر کہتا کہ یہ جنگ بندی پاکستان کے دباؤ پر ہوئی ہے، تو عالمی سطح پر ایک مختلف تاثر جاتا۔

افواج پاکستان نے دشمن کو ناقابل فراموش سبق سکھایا، قوم ساتھ کھڑی ہے،شہباز شریف

کرنل صوفیہ دہشت گردوں کی بہن کہنے والے بی جے پی وزیر کی معافی مسترد

پی ایس ایل،اسلام آباد کا طوفانی آغاز، کراچی کو جیت کے لیے 252 رنز کا ہدف

خیبرپختونخوا میں سیکیورٹی فورسز کی بڑی کامیابی، 9 دہشتگرد ہلاک

بھارتی سپریم کورٹ نے مسلم خاتون فوجی افسر کرنل صوفیہ قریشی کے خلاف متنازع اور تضحیک آمیز بیان دینے پر مدھیہ پردیش کے بی جے پی وزیر کنور وجے شاہ کے خلاف تحقیقات کے لیے خصوصی تحقیقاتی ٹیم (ایس آئی ٹی) بنانے کا حکم دے دیا ہے۔

بھارتی میڈیا رپورٹس کے مطابق، سپریم کورٹ میں کرنل صوفیہ قریشی کے خلاف اشتعال انگیز بیان کے مقدمے کی سماعت ہوئی، جس میں بی جے پی وزیر نے عدالت کے روبرو مشروط معافی پیش کی، تاہم عدالت نے اسے ناقابل قبول قرار دیتے ہوئے مسترد کر دیا۔جسٹس سوریا کانت اور جسٹس این کوٹیسور سنگھ پر مشتمل دو رکنی بینچ نے ریمارکس دیے کہ وجے شاہ کی معذرت صرف عدالتی کارروائی سے بچنے کی کوشش ہے۔ ججز کا کہنا تھا:آپ عوامی شخصیت ہیں، آپ کے الفاظ پورے معاشرے پر اثر انداز ہوتے ہیں۔ آپ نے ایک قابلِ احترام خاتون فوجی افسر کو ہدف بنایا، اور اب محض ‘اگر کسی کو تکلیف پہنچی ہو’ جیسا جملہ بول کر ذمہ داری سے بچنا چاہتے ہیں؟”

عدالت نے وزیر کے بیان کو "شرمناک” قرار دیتے ہوئے کہا کہ ان کے الفاظ سے "پورے ملک کو شرمندگی” کا سامنا کرنا پڑا۔عدالت نے واضح کیا کہ ہم قانون کی حکمرانی پر یقین رکھتے ہیں، جو ملک کے اعلیٰ ترین اور عام شہری پر یکساں طور پر لاگو ہوتا ہے۔عدالت نے حکم دیا کہ ایس آئی ٹی میں اعلیٰ پولیس افسران کو شامل کیا جائے، اور 28 مئی تک ابتدائی رپورٹ عدالت میں پیش کی جائے۔ ساتھ ہی وزیر وجے شاہ کو ہدایت دی گئی کہ وہ تفتیشی عمل میں مکمل تعاون فراہم کریں۔

واضح رہے کہ وجے شاہ نے ایک سیاسی جلسے کے دوران بھارتی فوج کی نمائندہ مسلم خاتون افسر کرنل صوفیہ قریشی کو "دہشت گردوں کی بہن” کہہ کر پکارا تھا، جس پر مدھیہ پردیش ہائی کورٹ نے از خود نوٹس لیتے ہوئے وزیر کے خلاف ایف آئی آر درج کرنے کا حکم دیا تھا۔بی جے پی وزیر نے اس فیصلے کو سپریم کورٹ میں چیلنج کیا، تاہم سپریم کورٹ نے ہائی کورٹ کا فیصلہ برقرار رکھتے ہوئے واضح کیا کہ:یہ صرف تفتیش کا حکم ہے، سزا نہیں دی گئی۔ قانون سب کے لیے برابر ہے۔

خیبرپختونخوا میں سیکیورٹی فورسز کی بڑی کامیابی، 9 دہشتگرد ہلاک

سینیٹ اجلاس میں سیکیورٹی فورسز پر الزام لگانے پر اراکین میں تلخ کلامی

چین کی پاک بھارت کشیدگی پر تشویش، تحمل کا مشورہ

روس کا یوکرین پر سب سے بڑا ڈرون حملہ، متعدد مکانات تباہ، خاتون ہلاک

بلوچستان میں فورسز کی کارروائیاں، بھارتی حمایت یافتہ 3 دہشت گرد ہلاک

چین نے ایک بار پھر پاکستان اور بھارت پر زور دیا ہے کہ وہ کشیدگی سے گریز کرتے ہوئے تحمل کا مظاہرہ کریں اور خطے میں پائیدار امن کے لیے بات چیت کا راستہ اپنائیں۔

باغی ٹی وی کے مطابق یہ بیان ایک ایسے وقت میں سامنے آیا ہے جب دونوں ممالک کے درمیان کشیدگی میں حالیہ دنوں کے دوران غیر معمولی اضافہ ہوا ہے۔ چینی وزارت خارجہ کے ترجمان نے پریس بریفنگ میں کہا کہ چین پاک بھارت صورتحال پر اپنی پوزیشن پہلے ہی واضح کر چکا ہے۔ ترجمان نے مزید کہا کہ چین دونوں ممالک سے رابطے میں ہے اور علاقائی استحکام کے لیے پرامن اقدامات کی حمایت کرتا ہے۔

ترجمان کے مطابق، ’’ہم چاہتے ہیں کہ پاکستان اور بھارت خطے میں امن و استحکام کے لیے کشیدگی سے گریز کریں اور طویل المدتی جنگ بندی کو یقینی بنائیں۔‘‘

اسحٰق ڈار کا بیجنگ کا اہم دورہ
دوسری جانب، پاکستان کے نائب وزیراعظم و وزیر خارجہ اسحٰق ڈار تین روزہ سرکاری دورے پر بیجنگ پہنچ گئے ہیں۔ دفتر خارجہ کے مطابق، بیجنگ ایئرپورٹ پر چینی حکام اور پاکستان کے سفیر خلیل ہاشمی نے وزیر خارجہ کا استقبال کیا۔ترجمان دفتر خارجہ کا کہنا ہے کہ اس دورے کے دوران اسحٰق ڈار اعلیٰ چینی قیادت سے ملاقاتیں کریں گے، جن میں دو طرفہ تعلقات، اقتصادی تعاون، اور علاقائی سیکیورٹی سمیت مختلف اہم امور پر گفتگو ہو گی۔

واضح رہے کہ 22 اپریل کو مقبوضہ کشمیر کے علاقے پہلگام میں ایک حملے میں 26 بھارتی سیاح ہلاک ہوئے تھے، جس کے بعد بھارت نے 7 مئی کو ‘آپریشن سندور’ کے تحت پاکستان کے مختلف علاقوں پر فضائی حملوں کا آغاز کیا۔آئی ایس پی آر کے مطابق، ان حملوں میں پاکستان کے 6 مختلف مقامات کو نشانہ بنایا گیا، جن کے نتیجے میں 40 شہری شہید اور 121 زخمی ہوئے، جب کہ پاک فوج کے 13 جوان بھی شہید اور 78 زخمی ہوئے۔

جوابی کارروائی میں پاکستان نے فوری ردعمل دیتے ہوئے 5 بھارتی جنگی طیارے، جن میں 3 رافیل بھی شامل تھے، مار گرائے اور لائن آف کنٹرول پر واقع بھارتی فوجی چیک پوسٹوں اور بریگیڈ ہیڈکوارٹرز کو نشانہ بنایا۔

روس کا یوکرین پر سب سے بڑا ڈرون حملہ، متعدد مکانات تباہ، خاتون ہلاک

تنگوانی: کار چھیننے کی کوشش,فائرنگ کا تبادلہ دو ڈاکو ہلاک، تین افراد زخمی

روس نے یوکرین پر جنگ کے آغاز کے بعد سے اب تک کا سب سے بڑا ڈرون حملہ کیا ہے، جس میں متعدد مکانات تباہ ہوگئے اور ایک خاتون ہلاک ہو گئی۔

بین الاقوامی خبر رساں ادارے رائٹرز کے مطابق، یوکرین کی فضائیہ نے بتایا کہ صبح 8 بجے تک روس کی جانب سے یوکرینی شہروں پر 273 ڈرونز داغے گئے، جو کہ ماسکو کی جانب سے فروری میں قائم کردہ پچھلے ریکارڈ سے بھی زیادہ ہیں۔حملہ اتوار کے روز اُس وقت کیا گیا جب امریکی صدر ڈونلڈ ٹرمپ اور روسی صدر ولادیمیر پیوٹن کے درمیان ممکنہ جنگ بندی پر بات چیت متوقع تھی۔یوکرینی انٹیلی جنس سروس کا دعویٰ ہے کہ روس نے اتوار کے روز ایک بین البراعظمی بیلسٹک میزائل داغنے کا بھی ارادہ کیا تھا، جس کا مقصد مغرب کو خوفزدہ کرنا تھا۔ تاہم ماسکو کی جانب سے اس دعوے پر کوئی فوری ردعمل سامنے نہیں آیا۔

ادھر، صدر ولادیمیر زیلنسکی نے روم میں پوپ لیو کی تاجپوشی کے موقع پر امریکی نائب صدر جے ڈی وینس اور سیکرٹری آف اسٹیٹ مارکو روبیو سے ملاقات کی۔ یوکرینی میڈیا کے مطابق ملاقات تقریباً 40 منٹ جاری رہی، جس میں دونوں ممالک کے وفود کے درمیان اہم امور پر بات چیت ہوئی۔صدر زیلنسکی نے کہا کہ یوکرین حقیقی سفارت کاری کے لیے تیار ہے اور جلد از جلد مکمل اور غیر مشروط جنگ بندی کو ضروری قرار دیا۔

یاد رہے کہ یوکرین اور روس کے درمیان جمعے کے روز تین سال بعد پہلی مرتبہ براہ راست مذاکرات ہوئے، جو مبینہ طور پر سابق امریکی صدر ڈونلڈ ٹرمپ کی جانب سے فریقین پر جنگ بندی کے لیے دباؤ کا نتیجہ تھے۔

بلوچستان میں فورسز کی کارروائیاں، بھارتی حمایت یافتہ 3 دہشت گرد ہلاک