Author: سعد فاروق

پاکستان پیپلز پارٹی سندھ نے متنازعہ کینالوں کے منصوبے پر کام بند کرنے کے اعلان پر سندھ بھر کے تمام اضلاع سے لے کر تمام تحصیلوں کی سطح تک مسلسل تین دن اظہار تشکر ریلیاں نکالنے اور جشن منانے کا اعلان کیاہے۔

باغی ٹی وی کے مطابق اس حوالے سے سندھ کے صدر نثار کھوڑونے کہاکہ وفاقی حکومت کی جانب سے کینالوں کے منصوبے پر کام بند کرنے کا اعلان متنازعہ کینالوں کے خلاف پیپلز پارٹی اور سندھ کے عوام کے موقف کی کامیابی ہے۔پیپلز پارٹی کے سندھ بھر میں اضلاع سے لے کر تحصیل سطح تک تمام تنظیمی عہدیداران و ذمہ داران آج(جمعہ) سے مسلسل تین دن ضلعی اور تحصیل سطح پر کینال منصوبے کے خلاف پیپلز پارٹی کے موقف کی کامیابی پر اظہار تشکر ریلیاں نکالیں اور جشن منائیں۔

انہوں نے کہاکہ متنازعہ کینالوں کے منصوبے کے خلاف پیپلز پارٹی اور سندھ کے عوام کی جدوجہد کی وجہ سے وفاقی حکومت کو سندھ کا موقف تسلیم کرنا پڑا۔پیپلز پارٹی کی سندھ حکومت سی سی آئی میں بھی سندھ کا بھرپور مقدمہ لڑے گی اور متنازعہ کینالوں کے منصوبے کو ختم کرائے گی۔شہید محترمہ بینظیر بھٹو نے جدوجہد کرکے کالاباغ ڈیم منصوبہ ختم کرایا تھا اور اب چیئرمین بلاول بھٹو زرداری نے 6 کینالوں کے منصوبے کے خلاف سندھ کے موقف کو تسلیم کرایا ہے۔کینالوں کا مسئلہ صرف پانی کا مسئلہ نہیں سندھ کے وجود کا مسئلہ ہے۔پیپلز پارٹی نے سندھ کے وجود کو بچانے کے لئے ہر فورم پر بھرپور کردار ادا کیا ہے اور کرتے رہینگے۔

متحدہ قومی موومنٹ پاکستان چیئرمین ڈاکٹر خالد مقبول صدیقی نے کہا ہے کہ بھارت کی آبی جارحیت جنوبی ایشیا اور عالمی دنیا کی سلامتی و امن کیلئے خطرہ ہے.

باغی ٹی وی کے مطابق متحدہ قومی موومنٹ پاکستان کے مرکز بہادرآباد پر چیئرمین ڈاکٹر خالد مقبول صدیقی نے سینئر مرکزی رہنماں ڈاکٹر فاروق ستار، نسرین جلیل، انیس قائمخانی اور سید امین الحق کے ہمراہ پریس کانفرنس کی، ذرائع ابلاغ کے نمائندگان سے گفتگو کرتے ہوئے ڈاکٹر خالد مقبول صدیقی نے کہا کہ آج کا بھارت ایک مذہبی جنونی ریاست ہے، یہ حقیقت دنیا کے سامنے عیاں ہوچکی ہے کہ بھارت نہ صرف اس پورے خطے بلکہ عالمی دنیا کی سلامتی اور امن کیلئے خطرہ ہے، پاکستان کے عوام نے کبھی کسی مذہبی جنونی کو اپنے سربراہ کو منتخب نہیں کیا جبکہ بھارت میں ایک دہائی سے زائد عرصے سے انتہا پسند ہندں کی سرکار ہے اسلئے بھارت اب ایک سیکولر اسٹیٹ کہلائے جانے کا جواز کھو چکا، انکا کہنا تھا کہ بھارت خطے میں نفرت کے بیج بو رہا ہے جو بڑی تباہی کا موجب ہوگا.

مقبوضہ کشمیر کے حالات پر روشنی ڈالتے ہوئے انکا کہنا تھا کہ 07 لاکھ بھارتی فوج کی موجودگی میں مقبوضہ کشمیر ایک عقوبت خانہ بن چکا ہے، بھارت کی انسانی حقوق کی خلاف ورزیوں اور مظالم کے خلاف آواز بلند کرنا ہم سب کا عزم ہے، استصواب رائے کشمیری عوام کا عالمی حق ہے، اقوام متحدہ کو مقبوضہ کشمیر میں انسانی حقوق کی پامالی پر بھارت کو عالمی دہشتگرد ریاست ڈیکلر کرنا چاہیئے.

بھارتی آبی جارحیت کی مذمت کرتے ہوئے انہوں نے کہا کہ سندھ طاس معاہدہ عالمی بینک کی ثالثی سے ہونے والا بین الاقوامی معاہدہ ہے، جسے یکطرفہ طور پر ختم کرنے کی جرات مودی سرکار کے پاس نہیں، آج پاکستان کی قومی سلامتی کمیٹی کے فیصلوں کے پیچھے پوری قوم کھڑی ہے، افواج پاکستان ملک کی داخلی اور خارجی سلامتی کے محافظ ہیں، ہم اپنے حصے کا صبر و تحمل دکھا چکے، اب باری اقوام متحدہ اور عالمی اداروں کی ہے کہ وہ بھارت کو بین الاقوامی معاہدوں کا پابند کرے.

متحدہ قومی موومنٹ قومی اسمبلی کے آئندہ اجلاس میں بھارتی جارحیت کے خلاف قرارداد پیش کرے گی اور پاکستان کے 25 کروڑ عوام افواج پاکستان کے ہمراہ بھارتی جارحیت کا مقابلہ کریں گے، سینئر مرکزی رہنما ڈاکٹر فاروق ستار نے کہا کہ کسی بھی واقعے کا الزام پاکستان پر لگا دینا بھارت کی فطرت ہے، سندھ طاس معاہدہ کی رو سے یہ طے پایا تھا کہ مغربی دریاں کا کنٹرول بھارت اور مشرقی دریاں کے 80 فیصد حصے پر پاکستان کا کنڑول ہے، ہر طرح کی بھارتی اشتعال انگیزی کی باوجود پاکستان صبر کا مظاہرہ کر رہا ہے، مودی سرکار کا مشن بھارتی عوام کو گمراہ کرنا ہے، اقوام عالم نوٹس لے کہ اقوام متحدہ کی قراردادوں کی دھجیاں اڑائی جارہی ہیں.

کشمیر میں لوگوں پر ظلم کے پہاڑ توڑے جارہے ہیں اور یہاں تک کہ بھارتی حکومت نے سکھ رہنماوں کو کینیڈا تک جا کر نشانہ بنایا جبکہ آج بھارت نے پاکستان کے خلاف آبی جارحیت کا عملی نمونہ پوری دنیا کے سامنے پیش کر دیا، ان اقدامات کے ساتھ مودی سرکار نے اپنی ریاست کو تباہی و بربادی کے راستے پر گامزن کردیا ہے جبکہ پاکستانی حکومت اور ریاست مثالی قومی یکجہتی کا مظاہرہ کر رہی ہے۔

پہلگام بہانہ، بھارتی فورسزکانام نہاد آپریشن،1500سےزائد کشمیری گرفتار

دوہرا معیار ایک گورکھ دھندہ .تحریر :عائشہ اسحاق