Author: سعد فاروق

فلسطینوں سے اظہار یکجہتی کے لئے جماعت اسلامی نے 22 اپریل کو پاکستان بھر میں پہیہ جام ہڑتال کی کال دیدی۔

باغی ٹی وی کے مطابق کراچی میں فلسطینوں سے اظہار یکجہتی اور غزہ کے شہدا کو خراج عقیدت پیش کرتے کیلئے ملین مارچ سے خطاب کرتے ہوئے امیر جماعت اسلامی حافظ نعیم الرحمان نے کہا کہ ان کا کہنا ہے کہ تمام سیاسی جماعتوں کو اسرائیل کے ایجنٹ بننے کی بجائے اسرائیلی ظلم وبربریت کی مذمت اور فلسطینوں کی مدد کے لئے آگے آئیں، جذبہ جہاد کو جھوٹے نعروں سے نہیں دبایا جاسکتا، ن لیگ، پیپلزپارٹی اور پی ٹی آئی سے کہتا ہوں اہل غزہ کیلئے آواز اٹھاؤ، اسرائیل کی مذمت کرو، تم مظلوموں کیلئے بات کیوں نہیں کرتے ہو، تم مٹ جاؤ گے، تمہیں تاریخ معاف نہیں کرے گی، ہماری ترجمانی کرنے والی حکومت نہیں ہے، ہمیں اس نظام کو بھی بدلنا ہے، ہریونیورسٹی سے ہزاروں کی تعداد میں طلبا و طالبات کو نکلنا چاہیئے۔

حافظ نعیم الرحمان نے کہا کہ حکمرانوں اور عوام سے مخاطب ہوکر کہا کہ وضاحت کرو کہ تم اسرائیلی مصنوعات کا بائیکاٹ چاہتے ہو یا نہیں؟ طاغوت کا ہتھیار طاغوت کے خلاف استعمال کریں گے، ان کی چیزیں خرید کر ہم انہیں ہی طاقتور کررہے ہیں، ان لوگوں کو جہاد کے اعلان پر کیوں تکلیف ہورہی ہے؟ تم اپنی جھوٹی باتوں سے جذبہ جہاد کو دبا نہیں سکتے۔ اقوام متحدہ کا چارٹر دریا برد کردیا گیا ہے دنیا بھر میں دہشت گردوں کا راج ہے، یہودی مسلم حکمرانوں کو نہیں چھوڑیں گے، 56 مسلم دنیا کے حکمرانوں کو آج اپنا کردار ادا کرنے کی ضرورت ہے، وزیراعظم اور آرمی چیف کلیدی کردار ادا کریں۔

ڈیرہ غازی خان: قبائلی عوام کا خوارجی دہشت گردوں کے خلاف اعلانِ جنگ، مقامی لشکر تشکیل

خیبرپختونخوا میں سکیورٹی فورسز کی کارروائیاں، 6 دہشت گرد ہلاک

اسکول پرنسپل کی 9 سالہ طالبہ سے زیادتی کی کوشش، مقدمہ درج

عبادت کے لیے جانے والوں پر روسی میزائل حملہ،32 افراد جاں بحق

ایشیاء کی سب سے بڑی مویشی منڈی اگلے ہفتے سے شروع

جماعت اسلامی کے سابق نائب امیر پروفیسر خورشید احمد کا انتقال

ایشیاء کی سب سے بڑی اور کراچی کی مویشی منڈی کا 19 اپریل کو افتتاح متوقع ہے ۔ افتتاح سے قبل ہی منڈی میں پنجاب اور سندھ سے جانوروں کی آمد کا سلسلہ شروع ہوگیا۔

باغی ٹی وی کے مطابق بیوپاری اور خریدار کی آسانی کیلئے منڈی میں اے ٹی ایم مشین کی سہولت بھی دی جائے گی۔ جنرل بلاکس میں بیوپاریوں کو اپنے ساتھ معیاری ٹینٹ لانے کی اجازت ہوگی۔ وی وی آئی پی اور وی آئی پی بلاکس میں ٹینٹ لگانے پر انتظامیہ کی جانب سے بڑا ریلیف دیا جائے گا۔ وی وی آئی پی اور وی آئی پی بلاکس میں ٹینٹ انتظامیہ سے ڈسکانٹ قیمت پر حاصل کیا جاسکتا ہے۔ ناردرن بائی پاس پر لگنے والی اس مویشی منڈی میں عوام اور بیوپاریوں کے لئے سہولیات ہی سہولیات دی جائیں گی۔ ترجمان مویشی منڈی کے مطابق منڈی آنے والے خریداروں کیلئے پارکنگ فیس میں 50فیصد تک بڑا ڈسکائونٹ دیا جائے گا۔

وی وی آئی پی اور وی آئی پی بلاکس کے بیوپاری اگر اپنا ٹینٹ لگاتے ہیں تو انتظامیہ کو جگہ کے حساب سے رعایتی قیمت ادا کرنی ہوگی۔ ٹینٹ منڈی انتظامیہ کے معیار کے مطابق ہونا چاہیے ۔معیاری ٹینٹ نہ ملنے کی صورت میں انتظامیہ سے ٹینٹ رعایتی نرخوں پر لیا جاسکتا ہے۔ مویشی دوست منڈی کا افتتاح 19اپریل کو متوقع ہے۔ افتتاح سے پہلے ہی پنجاب و سندھ سے بیوپاریوں کا مال آنا شروع ہوگیا ہے۔

پولیو کے قطرے نہ پلانے والے والدین زندگی کے دشمن ہیں، مصطفی کمال

اسرائیلی محاصرہ، غزہ کے 60 ہزار بچے فاقہ کشی کا شکار، یو این کا تشویش کا اظہار

جماعت اسلامی کے سابق نائب امیر پروفیسر خورشید احمد کا انتقال

وفاقی وزیر صحت سید مصطفیٰ کمال نے اپیل کی ہے کہ والدین اپنے بچوں کو پولیو کے قطرے لازمی پلائیں، قطرے پلانے سے انکار کرنے پر نا صرف وہ بچے خطرے میں رہیں گے بلکہ ارد گرد کے بچوں کی زندگیاں بھی خطرے میں رہیں گی کیونکہ پولیو کا کوئی علاج نہیں۔

باغی ٹی وی کے مطابق ان خیالات کا اظہار انہوں نے اپریل کی پولیو مہم سے قبل ایمرجنسی آپریشنز سینٹر (ای او سی) سندھ کے دورے کے بعد میڈیا سے خطاب کرتے ہوئے کیا۔ وفاقی وزیر مصطفیٰ کمال کو صوبے میں پولیو کی موجودہ صورتحال اور 21 اپریل 2025 سے کراچی بھر میں شروع ہونے والی پولیو ویکسینیشن مہم کی تیاریوں پر بریفنگ دی گئی۔ اس موقع پر صوبائی کورڈینیٹر ارشاد علی سوڈھر، ٹیکنیکل فوکل پرسن ای او سی ڈاکٹر احمد علی شیخ، یونیسیف پروونشل ٹیم لیڈ ڈاکٹر عظیم خواجہ وہاں موجود تھے۔

مصطفیٰ کمال نے کہا کہ دنیا کے صرف دو ممالک پاکستان اور افغانستان میں پولیو وائرس تاحال موجود ہے اور اس ماہ ان دونوں ممالک میں ہمہ وقت پولیو مہم کا آغاز اس کی اہمیت کو اجاگر کرتا ہے۔ حالیہ ڈیٹا کا حوالہ دیتے ہوئے وزیر صحت نے بتایا کہ پاکستان بھر میں 85,000 خاندانوں نے گزشتہ مہمات میں پولیو کے قطرے پلانے سے انکار کیا تھا، جن میں سے 34,000 صرف کراچی اور 27,000 ضلع شرقی سے تھے۔ اسی سلسلے میں آج اتوار کے دن خصوصی ہنگامی اجلاس بلایا گیا۔ نیشنل کوآرڈینیٹر، صوبائی کوآرڈینیٹر، پانچ اراکین صوبائی اسمبلی اور دو اراکین قومی اسمبلی ضلع شرقی سے شریک ہوئے کیونکہ یہ چیلنج اتنا بڑا ہے کہ سب کو اپنا کردار ادا کرنا ہوگا۔

وزیر صحت نے انفراسٹرکچر کے مسائل پر بھی بات کی اور مقامی سیوریج اور صفائی کے نظام کی بہتری کے لیے بلدیاتی اداروں کو گائیڈ لائنز جاری کرنے کی ضرورت پر زور دیا۔ آخر میں انہوں نے فرنٹ لائن ورکرز کی محنت کو سراہا اور بہتر تنخواہوں اور سہولیات کے لیے کوشش کرنے کا وعدہ کیا۔ انہوں نے کہا کہ ہم تمام سیاسی جماعتوں سے رابطہ کریں گے تاکہ وہ اس قومی مہم میں ہمارا ساتھ دیں۔ پولیو کا خاتمہ کسی پارٹی کا ایجنڈا نہیں بلکہ پوری قوم کی ذمہ داری ہے

انہوں نے عوام سے اپیل کی کہ وہ ویکسین کے خلاف افواہوں پر کان نہ دھریں، اور بتایا کہ پولیو ویکسین شریک تنظیمیں خریدتی ہیں اور اگر کوئی خوراک ایکسپائر ہو جائے تو اسے فوری طور پر ضائع کر دیا جاتا ہے۔یہ وہی ویکسین ہے جو بڑے نجی اسپتالوں میں دی جاتی ہے۔ یہ محفوظ، مؤثر اور عالمی سطح پر منظور شدہ ہے۔ مصطفیٰ کمال نے مزید کہا کہ کراچی کے تمام اضلاع سے لیے گئے ماحولیاتی نمونے پولیو وائرس کے لیے مثبت آئے ہیں۔ اگرچہ وائرس کی منتقلی جاری ہے، لیکن کیسز کی تعداد ویکسینیشن کی کوششوں کی کامیابی کی وجہ سے کم ہے۔ فرنٹ لائن ورکرز وہی معیاری ویکسین دے رہے ہیں جو نجی اسپتالوں میں دستیاب ہے جبکہ پولیو کو دیگر صحت خدمات جیسے غذائیت اور ہیپاٹائٹس کی روک تھام سے جوڑنے کے لیے بھی کوششیں جاری ہیں۔

اسرائیلی محاصرہ، غزہ کے 60 ہزار بچے فاقہ کشی کا شکار، یو این کا تشویش کا اظہار

جماعت اسلامی کے سابق نائب امیر پروفیسر خورشید احمد کا انتقال