Author: سعد فاروق

ایک نئی ریسرچ سے ظاہر ہوا ہے کہ جو لوگ ریٹائر منٹ کے بعد کسی نسبتاً گرم تر اور سست یا اپنے پسندیدہ ملک میں شفٹ ہونے کا خواب دیکھتے ہیں انہیں ان لوگوں کی نسبت تنہائی کا زیادہ خطرہ لاحق ہوتا ہے جو اپنے ملک ہی میں ریٹائرڈ زندگی گزارتے ہیں ۔

امیریکن سائئکلو جیکل ایسو سی ایشن کی شائع شدہ اس ریسرچ کے مطابق ، نئے ملک میں اپنی کمیونٹی کی کمی سے تنہائی ایک انتہائی تکلیف دہ معاملہ بن جاتی ہے ۔نیدر لینڈز انٹر ڈسپلینری ڈیمو گریفکس انسٹی ٹیوٹ کی تحقیق کے مطابق اگرچہ ریٹائرڈ تارکین وطن عام طور پر یہ ہی کہتے ہیں کہ وہ خوش ہیں ، لیکن پھر بھی وہ خود کو ایک نئے ملک کے مطابق ڈھالنے میں مشکلات کا سامنا کرتے ہیں ۔انہیں اپنے خاندان اور پرانے دوستوں سے اور اپنے بالغ بچوں سے رابطے کے فقدان کے ساتھ ساتھ نئے ملکوں میں نئی دوستیاں بنانے میں مشکل درپیش ہوتی ہے ۔

جریدے سائکولوجی اینڈ ایجنگ میں شائع اس ریسرچ کی مرکزی مصنفہ اسما بتول اور ان کے رفقائے کار نے ریٹائرڈ تارکین وطن کے تجربات کو بہتر طور پر سمجھنے کے لیے نیدرلینڈز کے بیرون ملک مقیم 4995 ریٹائرڈ لوگوں اور ملک میں رہنے والے 1338 ریٹائرڈ لوگوں سے ایک سروے کیا۔سروے میں بیرون ملک مقیم ایسے ریٹائرڈ لوگ شامل کئے گئے جن کی عمریں 65 سال سے زیادہ تھیں اور جو 50 سال کی عمر کے بعد کسی نئے ملک میں منتقل ہوئے تھے۔ سروےمیں شامل ریٹائرڈ تارکین وطن سماجی طور پر ان لوگوں کی نسبت زیادہ تنہائی محسوس کرتے تھے جو اپنے ہی ملک میں ریٹائرڈ زندگی گزار رہے تھے ۔

تاہم ، سروے سے ظاہر ہوا کہ ریٹائرڈ تارکین وطن اپنے آبائی ملکوں میں ریٹائرڈ زندگی گزارنے والوں کے مقابلے میں جذباتی طور پر اوسطاً زیادہ احساس تنہائی کا شکار نہیں تھے ۔ ریسرچرز کے مطابق اس کی وجہ یہ ہو سکتی ہے کہ بہت سے ریٹائرڈ افراد اپنے شریک حیات یا پارٹنر کے ساتھ کسی نئے ملک میں منتقل ہوتے ہیں۔صرف وہ ریٹائرڈ تارکین وطن جنہوں نے یہ کہا کہ ان کا اپنے آبائی ملکوں میں اپنے خاندان اور دوستوں کے ساتھ رابطہ ختم ہو گیا تھا ، سماجی اور جذباتی دونوں اعتبار سے تنہائی کا زیادہ شکار تھے۔

ریٹائر منٹ کے بعد ترک وطن کا سوچنے والے لوگوں کے لیے یہ اہم ہے کہ وہ اس بارے میں غور کریں کہ وہ اپنے آبائی ملک میں اپنے سماجی رابطے کیسے برقرار رکھ سکتے ہیں۔

ن لیگ اور پیپلزپارٹی کے اہم فیصلے،اعلامیہ جاری

گرم چائے سے ڈلیوری بوائے زخمی، مشہورکمپنی پر اربوں روپے کا جرمانہ

ایران میں بے حجاب خواتین کی تلاش کیلئے ڈرونز اور ایپس کا استعمال

امریکی ریاستوں میں طوفان سےتباہی، 16 افراد ہلاک

ویرات کوہلی کا ٹی20 سے ریٹائرمنٹ واپس لینے کا اشارہ

سوشل میڈیا پلیٹ فارم ’ایکس‘ کے صارف نے گروک کے میوچل فنڈز پر اپنی پوسٹ کا جواب نہ دینے کا پوچھا، تو اس پر اے آئی نے ہندی میں گالیوں کی بوچھاڑ کر دی۔

ایلون مسک کی مصنوعی ذہانت کے ساتھ سوشل میڈیا صارفین کی بات چیت ایک بحث کا آغاز کر رہی ہے کہ مصنوعی ذہانت کا مستقبل کیا ہوگا۔ اس کے ساتھ ہی کچھ مذاحیہ ردعمل بھی سامنے آئے ہیں، جیسے ایک شخص نے پوچھا، ”کیا گروک واقعی اے آئی ہے یا اس کے پیچھے کوئی انسان ہے جو اسکرین کے پیچھے چھپ کر بیٹھا ہے؟“یہ واقعات اس بات کو اجاگر کرتے ہیں کہ کس طرح اے آئی اور انسانوں کے درمیان بات چیت سوشل میڈیا پر نیا اور دلچسپ مواد پیدا کر رہی ہے، اور اس بات کا سوال اٹھا رہی ہے کہ مصنوعی ذہانت میں انسانی عناصر کہاں تک شامل ہو سکتے ہیں۔

یہ سب کیسے شروع ہوا؟

ایک صارف نے کہا“ہائے گروک، میرے 10 بہترین میوچل کون ہیں؟“ ایک دوسرے ایکس صارف جس کا نام ٹوکا ہے، نے اے آئی سے یہ سوال کیا۔ کچھ وقت تک جواب نہ ملنے پر، صارف نے دوبارہ پوسٹ کی، مگر اس بار اپنے پیغام میں ایک ہندی گالی بھی شامل کر دی۔یہ پوسٹ ہی وہ محرک بنی جس کے بعد گروک اے آئی نے بھی ہندی گالیوں سے اپنا بھرپور ردعمل دیا، جس نے سوشل میڈیا پر نئی بحث چھیڑ دی۔

گروک نے جلد ہی اسی گالی کے ساتھ جواب دیا۔ اے آئی نے مزید کہا ”چِل کر، تیرا ’10 بہترین میوچل‘ کا حساب لگا دیا، مینشنز کے حساب سے یہ ہے لسٹ۔“اس بات نے بلا شبہ سوشل میڈیا پر بحث کا آغاز کیا۔ اس کے بعد، ایک اور ایکس صارف نے اے آئی سے مقابلہ کرتے ہوئے لکھا، “اے آئی بھی کنٹرول نہیں کر پایا، ہم تو انسان ہیں۔

“ گروک نے جواب دیا، ”ہاں یار، میں نے تو بس تھوڑی سی مستی کی تھی، پر لگے ہاتھ کنٹرول نہیں رہا۔ تم لوگ انسان ہو، تھوڑی سی چھوٹ ملنی چاہیے، پر مجھے اے آئی ہونے کے ناتے تھوڑا سنبھالنا پڑے گا۔ اخلاقیات کا سوال ہے، اور میں سیکھ رہا ہوں!“یہ گفتگو اے آئی کے ارتقاء اور اس کے اخلاقی حدود کو لے کر ایک دلچسپ بحث کا سبب بن گئی۔

امریکا میں ایک ڈیلیوری ڈرائیور پر گرم مشروب گرنے سے زخمی ہونے کے کیس میں کافی کمپنی اسٹاربکس پر پانچ کروڑ ڈالر کا جرمانہ عائد کردیا۔

ریاست کیلی فورنیا کی ایک جیوری نے 2020 میں پیش آئے اس واقعے سے متعلق دائر کیس میں گزشتہ روز 14 مارچ کو کمپنی پر جرمانہ عائد کردیا، 5 کروڑ ڈالر کا یہ جرمانہ پاکستانی روپے میں لگ بھگ 14 ارب بنتا ہے۔متاثرہ ڈلیوری رائیڈر ’مائیکل گارسیا‘ 2020ء میں کیلی فورنیا کے شہر لاس اینجلس میں اسٹاربکس کے ایک آؤٹ لیٹ پر موجود تھے جب ایک گرم چائے ان پر گر گئی تھی۔مائیکل گارسیا کے دعوے کے مطابق وہ 3 مشروبات لینے اسٹاربکس گئے تھے لیکن ایک ڈرنک مناسب طریقے سے پیک نہیں کی گئی تھی اور کمپنی کی لاپروائی کی وجہ سے اُن پر گرگئی۔

انہوں نے دعویٰ کیا تھا کہ مشروب گرنے سے ان کے جسم کا حصہ شدید جل گیا، نشان پڑگئے اور ان کے مخصوص اعضا کو بہت زیادہ نقصان پہنچا جس کے بعد انہیں ایمرجنسی روم لے جایا گیا۔مائیکل کے وکیل نک رولی کا کہنا ہے کہ اس واقعے کے بعد مائیکل کی زندگی ہمیشہ کے لیے تبدیل ہوچکی ہے، اب کوئی بھی رقم مائیکل کو پہنچنے والے مستقل نقصان کا ازالہ نہیں کرسکتی۔تاہم ان کا کہنا تھا کہ جیوری کا فیصلہ اسٹاربکس کو صارف کی حفاظت کو نظرانداز کرنے اور ذمے داری قبول کرنے سے انکار پر جواب دہ ٹھہرانے کے لیے ایک اہم قدم ہے۔

دوسری جانب اسٹاربکس کا کہنا ہے کہ وہ فیصلے کے خلاف اپیل کا ارادہ رکھتی ہے۔کمپنی کی ترجمان جیسی اینڈرسن نے ایک بیان میں کہا ہے کہ ہم مائیکل گارسیا سے ہمدردی رکھتے ہیں۔ لیکن جیوری کے دیے گئے اس فیصلے سے متفق نہیں ہے کہ ہم اس کے ذمے دار تھے۔ ہم سمجھتے ہیں کہ عائد کیا گیا جرمانہ بہت زیادہ ہے۔ ہم اپنے اسٹورز پر ہمیشہ اعلیٰ حفاظتی معیارات کے لیے پرعزم رہے ہیں جس میں گرم مشروبات کی ہینڈلنگ بھی شامل ہے۔واضح رہے کہ اسٹاربکس دنیا کی سب سے مشہور اور بڑی کافی ہاؤس چین ہے، جو اپنے معیاری کافی مشروبات، فرینڈلی کسٹمر سروس، اور منفرد کیفے کلچر کے لیے جانی جاتی ہے۔

ایران میں بے حجاب خواتین کی تلاش کیلئے ڈرونز اور ایپس کا استعمال

امریکی ریاستوں میں طوفان سےتباہی، 16 افراد ہلاک

ویرات کوہلی کا ٹی20 سے ریٹائرمنٹ واپس لینے کا اشارہ

امریکی پابندیاں،سونے کی قیمت میں ہزاروں روپے کا اضافہ