Author: سعد فاروق

برطانیہ نے ایک نئے قانون کے تحت منتخب نمائندوں، ججوں اور مقامی کونسلروں کے گھروں کے باہر احتجاج کو جرم قرار دینے کا اعلان کیا ہے۔ یہ اقدام سیاست میں بڑھتی ہوئی ہراسانی اور دھمکیوں کو روکنے کی کوششوں کا حصہ ہے۔

غیر ملکی خبر رساں ادارے ’رائٹرز‘ کے مطابق برطانوی حکومت نے کہا ہے کہ نئے ’کرائم اینڈ پولیسنگ بل‘ کے تحت پولیس کو ایسے مظاہروں کو روکنے کا اختیار حاصل ہوگا جو کسی عوامی عہدیدار کو اس کے سرکاری فرائض یا ذاتی زندگی میں متاثر کرنے کے مقصد سے کیے جائیں۔قانون کی خلاف ورزی پر 6 ماہ تک قید کی سزا دی جا سکے گی۔سیکیورٹی وزیر ڈین جاروس نے اپنے بیان میں کہا کہ ’’برطانوی سیاست میں حصہ لینے والوں کو جس سطح کی بدسلوکی کا سامنا ہے، وہ چونکا دینے والی ہے، یہ ہماری جمہوریت کے لیے خطرہ ہے۔

ان کا مزید کہنا تھا کہ ’’لوگوں کو سیاست میں حصہ لیتے وقت اپنے یا اپنے خاندان کے تحفظ کے حوالے سے خوفزدہ نہیں ہونا چاہیے۔ایک پارلیمانی سروے کے مطابق 96 فیصد ارکانِ پارلیمان نے ہراسانی یا دھمکیوں کا سامنا کیا، جبکہ انتخابی نگران ادارے کے مطابق گزشتہ عام انتخابات میں نصف سے زائد امیدواروں کو بھی اسی نوعیت کے خطرات لاحق رہے۔

گزشتہ برس وزیراعظم کیر اسٹارمر کے گھر کے باہر فلسطین نواز مظاہرین نے بچوں کے جوتے اور ایک بینر چھوڑا تھا، جس میں اسرائیل پر اسلحہ پابندی کی حمایت کا مطالبہ کیا گیا تھا۔اسی طرح 2023 میں سابق وزیراعظم رِشی سونک کے گھروں کے باہر بھی ماحولیاتی کارکنوں نے احتجاج کیا تھا۔حکومت کے مطابق نئے قانون میں احتجاج سے متعلق مزید سخت اقدامات شامل ہوں گے، جن میں جنگی یادگاروں پر چڑھنے، آتش بازی یا فلیئرز کے استعمال اور چہرہ چھپانے کے لیے ماسک پہننے پر پابندی شامل ہے۔

حکومتی وزرا کا کہنا ہے کہ ان اقدامات کا مقصد جمہوری اداروں کے تحفظ اور عوامی سلامتی کو یقینی بنانا ہے، تاہم ناقدین کے مطابق اس قانون سے اظہارِ رائے اور احتجاج کے حق پر مزید قدغنیں لگ سکتی ہیں۔نیا ’کرائم اینڈ پولیسنگ بل‘ اس وقت برطانوی پارلیمان سے منظوری کے مراحل میں ہے، اور توقع ہے کہ اسے آئندہ سال شاہی توثیق حاصل ہو جائے گی

قومی اسمبلی اجلاس کا 19 نکاتی ایجنڈا جاری، وزرا سوالات کے جوابات دیں گے

پاکستان کی سنسنی خیز مقابلے میں جنوبی افریقہ کو 2 وکٹوں سے شکست

بھارت: مسافر ٹرین اور مال گاڑی میں تصادم، 8 افراد ہلاک

بھارت کی وسطی ریاست چھتیس گڑھ میں مسافر ٹرین اور مال گاڑی کے درمیان تصادم کے نتیجے میں کم از کم 8 افراد ہلاک اور متعدد زخمی ہوگئے۔

غیر ملکی خبر رساں ادارے ’رائٹرز‘ کے مطابق نائب وزیر اعلیٰ ارون ساؤ نے بتایا کہ حادثے کے وقت مال گاڑی رکی ہوئی تھی، جس سے پیچھے سے آنے والی مسافر ٹرین ٹکرا گئی۔ تصادم کے باعث مسافر ٹرین کی کئی بوگیاں بری طرح تباہ ہو گئیں۔ٹیلی ویژن فوٹیج میں دیکھا گیا کہ مسافر ٹرین کی پہلی بوگی مڑی تڑی حالت میں مال گاڑی کی آخری بوگی کے اوپر چڑھی ہوئی تھی، جبکہ پولیس اور ریسکیو ٹیمیں مسافروں کو نکالنے میں مصروف تھیں اور ٹریک کے کنارے لوگ تماشائی بنے کھڑے تھے۔

ریلوے حکام نے بتایا کہ حادثے کی وجوہات جاننے کے لیے تحقیقات کا آغاز کر دیا گیا ہے۔واضح رہے کہ بھارت کا ریلوے نیٹ ورک دنیا کا چوتھا بڑا نظام ہے، جو اس وقت 30 ارب ڈالر کی لاگت سے جدید ٹرینوں اور اسٹیشنوں کے منصوبوں کے ذریعے بڑے پیمانے پر تبدیلی کے عمل سے گزر رہا ہے.

سندھ ہائی کورٹ کا کے الیکٹرک ملٹی ایئر ٹیرف پر کارروائی روکنے کا حکم

ایف بی آر کی انکم ٹیکس رولز 2002ء میں ترمیم کی تجویز، الیکٹرانک فائلنگ لازمی قرار

اسحاق ڈار کا 27ویں آئینی ترمیم پر اتحادیوں سے مشاورت کا اعلان

نیو یارک میں میئر کے انتخاب کے لیے پولنگ کا عمل جاری ہے، جبکہ ووٹرز میں غیر معمولی جوش و خروش دیکھا جا رہا ہے۔

مسلمان امیدوار ظہران ممدانی کا مقابلہ سابق گورنر اینڈریو کومو اور ری پبلکن امیدوار کرٹس سلوا سے ہے۔ تازہ ترین سروے کے مطابق ظہران ممدانی کی پوزیشن مضبوط قرار دی جا رہی ہے۔امریکی صدر ڈونلڈ ٹرمپ اور ٹیکنالوجی کاروباری شخصیت ایلون مسک نے آزاد امیدوار اینڈریو کومو کی حمایت کا اعلان کیا ہے۔واضح رہے کہ ڈونلڈ ٹرمپ نے 2016 کے بعد تینوں صدارتی انتخابات میں نیویارک میں شکست کھائی تھی، تاہم 2024 میں ان کے ووٹوں میں نمایاں اضافہ دیکھا گیا اور وہ 30 فیصد سے زائد ووٹ حاصل کرنے میں کامیاب ہوئے، جو 1988 کے بعد کسی بھی ری پبلکن کے لیے ایک منفرد نتیجہ تھا۔

عمومی طور پر نیویارک شہر ڈیموکریٹس کا گڑھ سمجھا جاتا ہے، اسی لیے ظہران ممدانی کی مہم کا محور اینڈریو کومو کو “ٹرمپ کا نمائندہ” ثابت کرنا رہا ہے۔مہم کے دوران ظہران ممدانی کو سیاسی کشیدگی کے ماحول میں موت کی دھمکیاں بھی موصول ہوئیں، جب کہ ستمبر میں ایک ٹیکساس کے شخص کو ان کے خلاف دہشت گردانہ دھمکی دینے کے الزام میں گرفتار کیا گیا۔دوسری جانب صدر ٹرمپ نے خبردار کیا ہے کہ اگر ظہران ممدانی 4 نومبر کے انتخابات میں کامیاب ہوئے تو وہ نیویارک کی وفاقی فنڈنگ میں کمی کر دیں گے۔ ان کا کہنا تھا کہ “اگر ظہران ممدانی جیت گئے تو وفاقی رقوم صرف وہی دی جائیں گی جو قانوناً لازم ہیں۔”

میڈیا رپورٹس کے مطابق، ظہران ممدانی کو اپنے حریف اینڈریو کومو پر واضح برتری حاصل ہے، جو ڈیموکریٹک پرائمری میں شکست کے بعد آزاد حیثیت میں حصہ لے رہے ہیں، جبکہ کرٹس سلیوا تیسرے نمبر پر ہیں۔ماہرین کے مطابق، اس بار انتخابی نتیجے کے اعلان میں وقت لگ سکتا ہے کیونکہ دو مرکزی امیدواروں کے ووٹرز زیادہ تر ڈیموکریٹک طبقے سے تعلق رکھتے ہیں۔ 2021 کے برعکس، جب ایڈمز کو پولز بند ہوتے ہی فاتح قرار دیا گیا تھا، اس بار نتائج دیر سے متوقع ہیں

بھارتی گجرات کے ہسپتال کی گائنی وارڈ کی ویڈیوز پورن سائٹس پردستیاب