Author: سعد فاروق

علامہ اقبال انٹر نیشنل ائیر پورٹ پر قطر جانے والے مسافر کے سامان سے 13عدد 9ایم ایم گولیاں برآمد ہونے پر اسےاف لوڈ کر دیا گیا ۔

باغی ٹی وی کے مطابق اے ایس ایف نے والٹن کے رہائشی مسافر شان صادق کو دوران سکیننگ لیپ ٹاپ بیگ سے گولیاں برآمد ہونے پر تھانہ سرور روڈ کے حوالے کر دیا ۔ تھانہ سرور روڈ میں مسافر شان صادق کے خلاف 13-2a1965کی دفعات کا مقدمہ درج کیا گیا ۔ایف آئی آر میں کہا گیا ہے کہ 9ایم ایم کی 13عدد گولیوں کا لائسنس مانگنے پر مسافر نہیں دکھا سکا ۔ملزم کے مطابق گولیاں والد کے لائسنس پر خریدی گئیں ۔مسافر شان صادق لاہور سے قطر ائر ویز کی پرواز 621سے دوحہ جا رہا تھا ۔ مسافر دوحہ میں قطر ائیر لائن میں بطور ٹریفک اسسٹنٹ کام کرتا ہے ۔مسافر اے ایس ایف کی پہلی چیکنگ سے گزر گیا ،امیگریشن کاونٹر سے بھی گزر گیا ۔آخری کاونٹر سے اے ایس ایف نے دوبارہ چیکنگ پر گولیاں برآمد کیں ۔

اوچ شریف: ہائی ایس حادثے میں ایک جاں بحق، تین زخمی

جی سی یونیورسٹی کی طالبہ سےاجتماعی زیادتی کامرکزی ملزم گرفتار

پنجاب میں 4 ماہ کیلئے اسکول ٹیچر انٹرنز بھرتی کرنے کا شیڈول جاری کردیا گیا ہے۔

ترجمان محکمہ تعلیم کےمطابق درخواستوں کیلئے کل سے آن لائن پورٹل فنکشنل ہو جائے گا،خواہشمند افراد 22 سے 24 جنوری تک بھرتی کیلئے اپلائی کرسکتے ہیں۔میرٹ لسٹ 25 جنوری کو متعلقہ اسکولوں کے نوٹس بورڈ پر آویزاں کی جائے گی ،اسکول ٹیچر انٹرنز کی تعیناتی آرڈر 31 جنوری کو جاری ہوں گے۔وزیر تعلیم پنجاب کا کہنا ہے کہ تمام درخواستیں آن لائن جمع کروائی جاسکتی ہیں۔واضح رہے کہ ہائی اور مڈل اسکولزمیں ریکروٹمنٹ کیلئے ماسٹر ڈگری کے ساتھ پروفیشنل ڈگری ہونا لازمی قرار دی گئی ہے۔پرائمری اسکول کیلئے بھی گریجویٹ ڈگری کے ساتھ پروفیشنل ڈگری ہونا لازمی ہے،ترجمان کا مزید کہنا تھا کہ ایس ٹی آئی کو دوسرے اسکول ٹرانسفر یا نوکری پر مستقل نہیں کیا جا سکے گا۔

سعودی شہزادہ عبدالعزيز بن مشعل انتقال کرگئے

چین سے21 الیکٹرک بسیں 7 سال بعد لاہور پہنچ گئیں

ملک میں ناکافی بارشوں کے باعث خشک سالی کا اندیشہ

ملک میں عالمی برانڈز کی جعلی ادویات کی تیاری اور فروخت کا انکشاف

7 سال کے طویل انتظار کے بعد لاہور کے شہریوں کے لیے الیکٹرک بسیں پہنچنا شروع ہوگئی ہیں۔ 21 الیکٹرک بسیں لاہور پہنچ گئیں،6مزید ا لیکٹرک بسیں کل لاہور پہنچ جائیں گی۔

باغی ٹی وی کے مطابق وزیر ٹرانسپورٹ پنجاب بلال اکبر کا کہنا ہے 15فروری تک لاہور کی سڑکوں پر الیکٹرک بسیں رواں دواں ہوں گی، وزیراعلیٰ پنجاب مریم نوازافتتاح کریں گی۔مجموعی طور پر27 الیکٹرک بسیں پہلے فیز میں پائلٹ پراجیکٹ کے طور پر چلیں گی،لاہور میں مزید 500سےزائدالیکٹرک بسیں بھی چلائی جائیں گی۔2018 سے لاہور ٹرانسپورٹ کمپنی کے متعدد روٹس بند ہونے کے بعد شہری پبلک ٹرانسپورٹ کی سہولت سے محروم تھے۔ تاہم، پنجاب حکومت نے 27 الیکٹرک بسوں کو پہلے فیز میں پائلٹ پروجیکٹ کے طور پر چلانے کا اعلان کیا ہے۔

الیکٹرک بسیں روٹ نمبر 3 پر گرین ٹاؤن سے ریلوے اسٹیشن تک چلائی جائیں گی۔بسوں کی چارجنگ کے لیے گرین ٹاؤن میں چارجنگ اسٹیشن قائم کیا گیا ہے۔ہر بس میں 60 مسافروں کے بیٹھنے کی گنجائش ہوگی، جو ماحول دوست اور آرام دہ سفر فراہم کرے گی۔بسوں کے کرایوں کا تعین کیبنٹ کمیٹی کرے گی، جبکہ ان الیکٹرک بسوں کا باقاعدہ افتتاح وزیراعلیٰ پنجاب مریم نواز 15 فروری کو کریں گی۔پنجاب ٹرانسپورٹ کمپنی نے فیصل آباد اور بہاولپور کے لیے بھی الیکٹرک بسوں کے ٹینڈر جاری کر دیے ہیں، جو صوبے بھر میں جدید اور ماحول دوست ٹرانسپورٹ سسٹم کے قیام کی جانب ایک اہم قدم ہے۔واضح رہے اس وقت اسلام آباد، کراچی میں بھی الیکٹرک بسیں آپریشنل ہیں اور ہزاروں شہری اس سے مستفید ہورہے ہیں۔