Author: سعد فاروق

وزیر اعلیٰ پنجاب مریم نواز شریف نے دورہ چین کامیابی سے مکمل کر کے واپسی کے لیے رخت سفر باندھ لیا ہے۔

باغی ٹی وی کے مطابق وزیر اعلیٰ مریم نواز شریف چین کی حکمران جماعت کمیونسٹ پارٹی کے انٹرنیشنل ڈیپارٹمنٹ کی دعوت پر آٹھ روزہ سرکاری دورے پر تھی۔وزیر اعلیٰ مریم نواز شریف دس رکنی وفد کے ہمراہ 8 دسمبر کو چین کے لیے روانہ ہوئیں تھی، ان کے ہمراہ وفد میں سینیٹر پرویز رشید، سینئر صوبائی وزیر مریم اورنگزیب، صوبائی وزیر اطلاعات و ثقافت عظمی بخاری، وزیر ٹرانسپورٹ بلال اکبر خان اور وزیر زراعت عاشق کرمانی شامل تھے، اس کے علاوہ چیف سیکرٹری پنجاب زاہد اختر زمان اور دیگر بھی وزیر اعلیٰ پنجاب کے ہمراہ تھے۔اطلاعات کے مطابق وزیر اعلیٰ مریم نواز شریف رات آٹھ بجے خصوصی طیارے سے بیجنگ سے لاہور پہنچیں گی۔ مریم نواز شریف نے دورے کے دوران چائنا کی حکمران جماعت کے اعلی سطحی وفود سے ملاقاتیں کیں، بیجنگ، شنگھائی اور گوانگ زو ڈسٹرکٹ کا دورہ کیا، اس کے علاوہ انہوں نے سرمایہ کاری کانفرنس میں شرکت کی۔دورے کے دوران لاہور کو اسمارٹ سٹی بنانے کے حوالے سے مختلف آئی ٹی کمپنیوں سے دوطرفہ بات چیت کو آگے بڑھانے کے حوالے وفود سے ملاقاتیں کیں، جبکہ وزیر اعلیٰ کے دورے کے دوران ماحول دوست ٹرانسپورٹ، زراعت، شعبہ صحت کی ترویج کے لیے چائنیز کمپنیوں سے معاہدوں پر دستخط ہوئے۔

کراچی میں موسم سرد اور خشک رہنے کا امکان

شام میں تعلیمی ادارے کھل گئے، طلبا کا جشن

پی ٹی آئی دور میں غیر قانونی طور پر 2 ارب سے زائد کی گاڑیاں خریدے جانے کا انکشاف

شام میں دمشق یونیورسٹی سمیت تمام تعلیمی ادارے کھل گئے، جامعہ دمشق کے طلبہ نے جشن مناتے ہوئے بشار الاسد کا بڑا مجسمہ سڑک پر گھسیٹا۔

الجزیرہ کے مطابق شام کی عبوری حکومت کی جانب سے دیگر سرکاری اداروں کے ساتھ ساتھ اسکول اور یونیورسٹیاں بھی دوبارہ کھل گئی ہیں، جس کے بعد دمشق یونیورسٹی کے اندر تہوار کا ماحول دیکھا گیا، اور ہزاروں طلبہ نے جشن منایا۔سوشل میڈیا پر دمشق یونیورسٹی کی ایک ویڈیو وائرل ہوئی ہے جس میں طلبہ کا ہجوم بشار الاسد کا ایک بہت بڑا مجسمہ گرا کر رسیوں سے باندھ کر سڑک پر گھسیٹ رہے ہیں، طلبہ نے مجسمے پر کھڑے ہو کر تالیاں بجائیں اور اللہ اکبر کے نعروں کے ساتھ دیگر نعرے لگاتے رہے۔طالب علم عمر نورالدین نے میڈیا کو بتایا ہم دیکھ سکتے ہیں کہ کیمپس ہر شعبے کے طلبہ سے بھرا ہوا ہے، یہ روشنی ہم 50 سال کی آمریت کے بعد محسوس کر رہے ہیں، ہم پورے کیمپس میں جشن منا رہے ہیں۔طالب علم نے کہا ’’ہم سب حکومت کے جانے کا خواب دیکھ رہے تھے، لیکن ہم نے کبھی سوچا بھی نہیں تھا کہ یہ اس طرح چند ہی دنوں میں گر جائے گی۔ میں ہمیشہ ملک چھوڑنے کا خواب دیکھتا تھا، لیکن اب میں سوچتا ہوں کہ مجھے اپنے ملک میں رہنا چاہیے اور اس کی تعمیر نو میں مدد کرنی چاہیے۔طلبہ کا یہ بھی کہنا تھا کہ شام سے باہر بہت سے شامی باشندے فوری طور پر وطن واپس آنے کی کوشش کر رہے ہیں، اب شام اپنے پیروں پر کھڑا ہے۔ایک اور طالبہ فاطمہ سلیمان نے کہا ’’میں تعلیمی ادارے میں واپسی پر خوش ہوں، مثبت تبدیلی آئی ہے، اور میں بغیر کسی جانبداری اور اقربا پروری کے اپنے کام میں مشغول ہو سکتی ہوں، اور اپنی آواز بھی اٹھا سکتی ہوں۔‘‘

فرانس کے شمالی شہر ڈنکرک کے قریب 22 سالہ شخص کی فائرنگ سے 5 افراد ہلاک ہوگئے .

غیر ملکی خبررساں ادارے ’اے ایف پی‘ کے مطابق شمالی فرانس کی پولیس کا کہنا ہے کہ حملہ آور کی جانب سے فائرنگ کے نتیجے میں 2 سکیورٹی گارڈز اور 2 تارکین وطن ہلاک ہوئے جب کہ پانچواں شخص کی شناخت نہیں ہوسکی۔ پولیس کا کہنا ہے کہ ڈنکرک کے علاقے میں ہفتے کے روز ایک شخص نے 5 افراد کو ہلاک کرنے کا دعویٰ کرتے ہوئے خود کو پولیس کے حوالے کیا۔ ذرائع نے واقعے کے بارے میں مزید تفصیلات فراہم کیے بغیر بتایا کہ مشتبہ شخص نے ڈنکرک کے مشرقی علاقے میں ایک پولیس اسٹیشن کا رخ کیا اور دعویٰ کیا کہ اس نے تمام ہلاکتوں کی ذمہ داری قبول کی جس کے بعد پولیس نے تفتیش کا آغاز کردیا ہے۔رپورٹس کے مطابق پولیس نے حملہ آور کی گاڑی سے مزید تین ہتھیار برآمد کرلیے ہیں، 22 سالہ ملزم نے تارکین وطن کے کیمپ کے قریب شہریوں پر فائرنگ کی۔

پی ٹی آئی دور میں غیر قانونی طور پر 2 ارب سے زائد کی گاڑیاں خریدے جانے کا انکشاف

بشارالاسد کے اقتدار کے خاتمہ،شامی کرنسی کی قدر میں اضافہ

بھارتی ریاست اتر پردیش کے شہر سنبھل میں مسجد کے لاؤڈ اسپیکر کی آواز تیز ہونے کا الزام لگا کر امام کو گرفتار کر لیا گیا۔

انڈین میڈیا کی رپورٹس کے مطابق چند روز قبل اے ایس پی شریش چندر اور سی او انوج چودھری نے تمام مذاہب کے رہنماؤں سے مذہبی مقامات سے لاؤڈ اسپیکر ہٹانے کی ہدایت کی تھی۔انہوں نے سپریم کورٹ کے احکامات کا حوالہ دیتے ہوئے کہا تھا کہ لاؤڈ اسپیکر کا استعمال جرم تصویر کیا جائے گا اور اس کے خلاف کارروائی بھی عمل میں لائی جائے گی۔اے ایس پی شریش چندر اور سی او انوج چودھری آج جمعے کے روز علاقے کے گشت پر تھے جہاں انہوں نے مسجد کے لاؤڈ اسپیکر کی تیز آواز ہونے کا الزام لگا کر امام کو حراست میں لیا۔ پولیس نے لاؤڈ اسپیکر کی آواز تیز ہونے کو امن میں خلل قرار دیتے ہوئے امام کو گرفتار کیا اور 2 لاکھ روپے جرمانہ بھی عائد کیا۔بعدازاں امام نے عدالت سے رجوع کیا جہاں ان کی ضمانت منظور کی گئی۔اے ایس پی شریش چندر اور سی او انوج چودھری آج جمعے کے روز علاقے کے گشت پر تھے جہاں انہوں نے مسجد کے لاؤڈ اسپیکر کی تیز آواز ہونے کا الزام لگا کر امام کو حراست میں لیا۔

بنگلہ دیشی سیاستدان نے بھارتی علاقے پر اپنا دعوی کر دیا

سندھ میں 25 دسمبر کو عام تعطیل کا اعلان

صدر کے مدارس ایکٹ پر اعتراضات غیر آئینی قرار

بشار کا تحتہ الٹنےکے بعد روس نے شام کی گندم فراہمی روک دی

بنگلہ دیشی سیاستدان روح کبیر نے بھارتی ریاست مغربی بنگلہ، بہار اور اڈیشہ کے بنگلہ دیش کا حصہ ہونے کا دعویٰ کر دیا ہے۔

باغی ٹی وی کی رپورٹ کے مطابق گزشتہ دنوں انڈیا کے ری پبلک ٹی وی نے دعویٰ کیا کہ چٹاگانگ بھارت کا حصہ تھا۔بنگلہ دیش نیشنل پارٹی کے سینئر جوائنٹ سیکریٹری روح کبیر رضوی نے بھارتی ٹی وی کے اس دعویٰ پر فوری ردعمل دیتے ہوئے کہا کہ بھارتی ریاست مغربی بنگال، بہار اور اڈیشہ بنگلہ دیش کا حصہ ہیں۔روح کبیر رضوی نے انڈین چینل کے دعوے پر خبردار کیا کہ بنگلہ دیش بھارتی بنگال، بہار اور اڈیشہ جیسے علاقوں پر بھی ملکیت کا دعویٰ کرے گا، جہاں کبھی مسلم نوابوں کی حکومت تھی۔انہوں نے بھارت کو آئینہ دکھاتے ہوئے کہا کہ نیپال، بھوٹان، سری لنکا، مالدیپ اور پاکستان انڈیا کے نفرت انگیز اور بدنیتی پر مبنی رویے کی وجہ سے اس کے ساتھ نہیں ہیں اور اب بنگلہ دیش بھی آپ کے ساتھ نہیں ہے۔ یہ صرف اور صرف آپ کے تکبر اور استحصالی رویہ کی وجہ سے ہے جس کا آپ مظاہرہ کرتے رہتے ہیں۔دوسری جانب بنگلہ دیشی سیاستدان کے اس دعوے پر بھارتی مغربی بنگال کی وزیراعلٰی ممتا بینر جی بھی کھل کر میدان میں آ گئیں اور اسمبلی میں خطاب کرتے ہوئے دھمکی دے ڈالی کہ جب بیرونی طاقتیں انڈیا سرزمینوں پر قبضہ کرنے کی کوشش کریں گی، تو انڈین لالی پاپ نہیں چوس رہیں ہوں گے۔واضح رہے کہ حسینہ واجد کے اقتدار کے خاتمے اور بھارت میں روپوشی کے بعد دونوں ممالک کے تعلقات ہر گزرتے دن کے ساتھ کشیدہ ہوتے جا رہے ہیں اور اس کا اظہار بیانات اور اقدامات سے ہو رہا ہے۔

سندھ میں 25 دسمبر کو عام تعطیل کا اعلان

پٹرول مزید مہنگا ہونے کا امکان

بجلی صارفین پر نیا بوجھ ڈالنے کا منصوبہ سامنے آ گیا