Author: سعد فاروق

صوبائی وزیر برائے توانائی، منصوبہ بندی و ترقی سید ناصر شاہ نے کہا ہے کہ سندھ حکومت صوبے کے بجلی کے بنیادی اسٹرکچر میں انقلاب لانے کیلئے اہم اقدامات کر رہی ہے.

باغی ٹی وی کے مطابق وزیر توانائی ناصر شاہ نے ایک مقامی ہوٹل میں دی نالج فورم اور این ای ڈی یونیورسٹی آف انرجی اینڈ ٹیکنالوجی کے زیر اہتمام انرجی ڈائیلاگ کے دوران حکومت کے اس اقدام کا اعلان کیا۔ناصر شاہ نے کہا کہ سندھ کے متبادل توانائی پروگرام میں صوبے کے توانائی کے مسلسل چیلنجز سے نمٹنے کے لیے متعدد اختراعی طریقے شامل ہیں۔ انہوں نے مزید کہا کہ اس اقدام کا سنگ بنیاد کم استعمال کرنے والے گھرانوں میں دو لاکھ سولر پیکجز کی تقسیم ہے، جس سے کے الیکٹرک، حیسکو اور سیپکو صارفین کے علاقوں میں 20 لاکھ سے زائد افراد کو فائدہ پہنچنے کی امید ہے۔ ایک جامع قابل تجدید توانائی پروگرام کا اعلان کرنا جس کا مقصد لاکھوں رہائشیوں کو سستی بجلی کے حل فراہم کرنا ہے۔ان پیکجز میں شمسی پینل، بیٹریاں، پنکھے اور بلب شامل ہیں جو صفر سے 100 یونٹ تک بجلی استعمال کرنے والے صارفین کیلئے ہیں۔ ناصر شاہ نے کہا کہ حکومت بیک وقت متعدد متبادل توانائی کے منصوبوں پر کام کر رہی ہے جن میں سولر، ونڈ اور ہائبرڈ پاور کے اقدامات پبلک پرائیویٹ پارٹنرشپ کے ذریعے تیار کیے گئے ہیں۔ انہوں نے کہا کہ تھر میں بہت ترقی ہوئی ہے اور کوئلے سے سستی بجلی پیدا کی جاتی ہے۔
ڈائرکٹر آف الٹرنییٹ انرجی گورنمنٹ آف ونڈ محفوظ قاضی نے 400 میگاواٹ کے سولر پارکس کی ترقی پر روشنی ڈالی جس میں دو سالوں میں گرڈ انٹیگریشن متوقع ہے۔ ان کے مطابق سندھ توانائی کا مرکز ہے جو شمسی، ہوا، ایٹمی اور کوئلے کے ذریعے بجلی پیدا کر رہا ہے۔ انہوں نے مزید کہا کہ سندھ حکومت پبلک سیکٹر میں توانائی کی تبدیلی میں پیش رفت کر رہی ہے کیونکہ سرکاری عمارتوں کو سولرائز کیا جا رہا ہے اور اگلے مرحلے میں سرکاری ہسپتالوں اور سکولوں کو سولرائز کیا جا رہا ہے۔اس اقدام کے مالی پہلو بھی اتنے ہی امید افزا ہیں جس میں حکومت سندھ نے پبلک پرائیویٹ پارٹنرشپ کے ذریعے کاربن کریڈٹس میں 49 ملین امریکی ڈالر کمائے۔ انہوں نے مزید کہا کہ عالمی بینک نے قابل تجدید توانائی کی منتقلی میں مدد کے لیے 30 سالہ قرض بھی فراہم کیا ہے۔ سندھ کی صوبائی اسمبلی رکن ماروی راشدی نے سمندری کٹاؤ کے تباہ کن ساحلی علاقوں کے بارے میں خطرے کی گھنٹی بجائی اور بالخصوص توانائی ذخیرہ کرنے کی صلاحیتوں میں بنیادی ڈھانچے کے اہم خلاء کو اجاگر کیا۔انہوں نے سمارٹ اور مائیکرو گرڈ ٹیکنالوجیز کی فوری ضرورت پر زور دیتے ہوئے کہا کہ سندھ حکومت ان چیلنجوں سے نمٹنے کے لیے فعال طور پر حکمت عملی تیار کر رہی ہے۔ پرائیڈ کے بدر عالم نے تھر کے کوئلے کی کان کنی سے پیدا ہونے والے ماحولیاتی دباؤ بالخصوص آبی وسائل پر کافی دباؤ پر روشنی ڈالی۔ انہوں نے سفارش کی کہ کان کنی اور پاور پلانٹس کے لیے زمین لیز کی بنیاد پر مختص کی جانی چاہیے تاکہ طویل مدتی ماحولیاتی اثرات کو کم کیا جا سکے۔ماہرین نے مسلسل نشاندہی کی کہ قومی گرڈ ناقابل برداشت اور ناقابل بھروسہ ہے جس کیلئے جامع گرڈ فیز آؤٹ حکمت عملی کی ضرورت ہے۔ کوئلے کی کان کنی کے ماحولیاتی نتائج ایک بڑی تشویش کا باعث بنے ہوئے ہیں، محققین مقامی اور درآمد شدہ کوئلہ نکالنے کے طریقوں کے اثرات کے درمیان فرق کرتے ہیں۔ مکالمے میں محققین اور ماہرین نے صوبے کے توانائی کے چیلنجز کی اہم نوعیت پر زور دیا۔محقق سیدہ سدرہ مہدی نے 11 سے 17 گھنٹے تک لوڈ شیڈنگ کے شدید اثرات کی نشاندہی کی جو لوگوں کی زندگیوں کے سماجی اور معاشی پہلوؤں کو نمایاں طور پر متاثر کر رہی ہے۔ چیلنجز کافی ہیں بشمول گردشی قرضہ، اعلیٰ صنعتی ٹیرف، اور وقفے وقفے سے بجلی کی فراہمی۔ این ای ڈی یونیورسٹی کے ڈاکٹر مبشر علی صدیقی جیسے ماہرین نے متبادل توانائی کے ذرائع سے متعلق ایک جامع پالیسی دستاویز کی ضرورت پر زور دیا۔ڈاکٹر نعمان احمد، ڈین، این ای ڈی یونیورسٹی نے شہری مراکز میں توانائی کے بحران پر گفتگو کی۔ ان کے مطابق کچی آبادیوں میں رہنے والے لوگ یوٹیلیٹی سروسز کی عدم دستیابی کی وجہ سے سب سے زیادہ مشکلات کا شکار ہیں۔ اس موقع پر رینیو ایبل فرسٹ کے ریسرچر حماد احمد، کراچی چیمبر آف کامرس اینڈ انڈسٹری کے تنویر باری، ایس ڈی پی آئی کے ڈاکٹر خالد ولید، رینیو ایبل فرسٹ کے محمد باسط غوری نے بھی خطاب کیا۔ قبل ازیں ٹی کے ایف کی ڈائریکٹر زینیہ شوکت نے مہمانوں کو خوش آمدید کہا اور تقریب کی نظامت کی۔

ملک میں حالات خراب ہوں تو گورنر راج لگایا جاسکتا، آغا سراج درانی

جاپان سندھ میں ترقیاتی منصوبوں کے لیے گرانٹ فراہم کرے گا

فردوس شمیم نقوی سمیت دیگر رہنماؤں کی ضمانتیں منسوخ

گورنر سندھ کامران خان ٹیسوری نے تاریخ ساز ریکارڈ قائم کرنے پر وزیراعظم میاں محمد شہباز شریف، آرمی چیف جنرل سید حافظ عاصم منیر، وزیر خزانہ اور ان کی پوری ٹیم کو مبارک دیتے ہوئے کہا ہے کہ پاکستان اسٹاک ایکس چینج کی تاریخ سا ز بلندی نے ثابت کردیا ہے کہ قومی معیشت انتہائی مستحکم ہوچکی ہے۔

باغی ٹی وی کے مطابق ان خیالات کا اظہار انہوں نے پاکستان اسٹاک ایکس چینج کے دورہ کے موقع پر گفتگو کرتے ہوئے کیا۔ اس سے قبل گورنر سندھ جب پاکستان اسٹاک ایکس چینج پہنچے تو چیف ایگزیکٹیو آفیسر فرخ ایچ سبزواری نے ان کا پرتپاک استقبال کیا۔ گورنرسندھ نے چیف ایگزیکٹیو آفیسر فرخ ایچ سبزواری کو گلدستہ پیش کرتے ہوئے انہیں اور ان کی پوری ٹیم کو خراج تحسین پیش کیا۔گورنر سندھ نے ریکارڈ ساز کامیابی پر مٹھائی بھی تقسیم کی۔ گورنر سندھ کو پاکستان اسٹاک ایکسچینج کے متعلقہ حکام نے بریفنگ بھی دی۔ گورنرسندھ نے مزید کہا کہ اسٹاک ایکسچینج کسی بھی ملک کی معاشی ترقی کا پیمانہ ہوتی ہے۔پاکستان اسٹاک ایکسچینج کے موجودہ مثبت اشارے قومی معیشت کے استحکام کا واضح اظہار ہے۔ثابت ہوگیا کہ موجودہ حکومت کی معاشی پالیسی سے قومی معیشت مستحکم ہوچکی ہے۔بعد ازاں میڈیا سے بات چیت کرتے ہوئے گورنرسندھ نے کہا کہ جن پاکستانیوں کا پیسہ باہر ہے انہیں چاہئے کہ وہ پاکستان میں کسی بھی شعبہ میں سرمایہ کاری کریں وہ یہاں بزنس کریں کیونکہ جب تک ہم اپنا پیسہ یہاں نہیں لائیں گے تو ملک ترقی کیسے کرسکتاہے ۔ آج پاکستان اسٹا ک ایکس چینج تاریخ کی بلند ترین سطح پر پہنچ چکی ہے اس کی مزید کامیابی کے لئے یہاں پر ملین اکائونٹس کھلنے چاہئے۔انہوں نے کہا کہ قومی معیشت کے استحکام کے لئے وزیراعظم ، عسکری قیادت ، وزارت خزانہ شب و روز محنت کررہے ہیں ، آرمی چیف سرحدوں کی حفاظت کے ساتھ ساتھ معیشت کی حفاظت بھی کررہے ہیں۔ انہوں نے کہا کہ ہمارے دوست ممالک سے کہوں گا کہ وہ بھی اسٹاک ایکس چینج کا دورہ کریں۔ انہوں نے کہا کہ گورنر ہائوس میں آ ج 50ہزار بچے آئی ٹی کے جدید کورسز کی تعلیم حاصل کررہے ہیں ان بچوں کو بتائیں کہ وہ کس طرح اسٹاک ایکس چینج سے کماسکتے ہیں۔انہوں نے کہا کہ پاکستان میں معیشت کی ترقی کا سفر شروع ہوچکا ہے۔

ملک میں حالات خراب ہوں تو گورنر راج لگایا جاسکتا، آغا سراج درانی

جاپان سندھ میں ترقیاتی منصوبوں کے لیے گرانٹ فراہم کرے گا

فردوس شمیم نقوی سمیت دیگر رہنماؤں کی ضمانتیں منسوخ

موہن جودڑو ایکسپریس کو پرانے روٹ پر بحال کردیا گیا

سیف سٹی پروجیکٹ کے تحت جدید کیمروں سے لیس 2 گاڑیاں( ایمرجنسی ریسپانس وہیکل ) آزمائشی طور پرسڑکوں پرآگئیں، گاڑیوں میں لگے 6 جدید کیمروں سے مشکوک گاڑیوں کی نمبرپلیٹس اورمشکوک افراد کے چہروں کو شناخت کیا جا سکے گا ۔

باغی ٹی وی کے مطابق سیف سٹی پروجیکٹ کے تحت جدید کیمروں سے لیس 2 گاڑیاں( ایمرجنسی ریسپانس وہیکل ) سڑکوں پرآگئیں ، گاڑیوں میں 12 میگا پکسل کی7 جدید کیمرے نصب ہیں گاڑیوں میں لگے 6 جدید کیمروں سے مشکوک گاڑیوں کی نمبرپلیٹس اورمشکوک افراد کے چہروں کو شناخت کیا جا سگے گا، گاڑی کی چھت پرلگا کیمرا 360 ڈگری تک روٹیٹ کرسکتا ہے۔جدید کیمروں سے لیس گاڑیوں کو ابتدائی طورپرشہر کے پوش علاقے ڈیفنس میں کھڑا کیا گیا ہے،ایک گاڑی میں ایک کمانڈراور تین سپاہی موجود ہوں گے ، گاڑی میں موجود کمانڈرکے پاس ایک ٹیبلیٹ ہو گا جو کہ کیمروں اور مرکزی کمانڈ اینڈ کنٹرول روم سے منسک ہوگا۔انچارج آپریشن سیف سٹی شہباز مغل نے بتایا کہ سیف سٹی پروجیکٹ کے مطابق شہر میں مجموعی طور پر جدید کیمروں سے لیس 23 گاڑیاں موجود ہوں گی جو کہ شہر کے مختلف علاقوں اورشاہراہوں میں کھڑی کی جائیں گی۔انہوں نے بتایا کہ گاڑیوں میں لگے کیمرے نائٹ ویڑن ہیں اور اندھیرے میں کام کرنے کی صلاحت رکھتے ہیں، کیمرے کے لیے چہرہ اورگاڑیوں کی نمبر پلیٹس ریڈ ایبل ہیں۔ انھوں نے بتایا کہ سیف سٹی پروجیکٹ نادرا اورایکسائز ڈیپارٹمنٹ سے منسلک ہے جسے ہی کوئی مشکوک شخص یا جعلی نمبرپلیٹ لگی گاڑی کیمروں سے لیس گاڑی کے سامنے گزرے گی اس کی نشاندہی ہو جائے گی اوراس گاڑی یا مشکوک شخص سے متعلقہ تھانے کو اطلاع کردی جائے گی۔گاڑی میں انٹرنیٹ کے ساتھ ساتھ وائرلیس سیٹ بھی موجود اگرکبھی نیٹ کے مسائل سامنے آتے ہیں اورنیٹ نہیں چل رہا ہوا تو متعلقہ تھانے کو وائرسیل سیٹ کے ذریعے اطلاع کر دی جائے گی۔ انھوں نے بتایا کہ جدید آلات سے نصب گاڑیوں کی کوئی جگہ مختص نہیں ہوگی جس جگہ پران گاڑیوں کی ضرورت ہو گی انہیں وہاں کھڑا کردیا جائے گا۔انچارج سیف سٹی نے بتایا کہ سیف سٹی پروجیکٹ کے تحت شہر میں مجموعی طور پر 13 سو جدید کیمرے لگائے جائیں گے جن میں سے 100 جدید کیمرے آپریشن ہو چکے ہیں جبکہ 300 نئے پولز لگنے ہیں جن میں 15 سے زائد پولز شہر کے مختلف علاقوں میں لگاجا چکے ہیں۔

ملک میں حالات خراب ہوں تو گورنر راج لگایا جاسکتا، آغا سراج درانی

جاپان سندھ میں ترقیاتی منصوبوں کے لیے گرانٹ فراہم کرے گا

فردوس شمیم نقوی سمیت دیگر رہنماؤں کی ضمانتیں منسوخ

موہن جودڑو ایکسپریس کو پرانے روٹ پر بحال کردیا گیا

میئر کراچی بیرسٹر مرتضیٰ وہاب نے کہا ہے کہ کراچی کے انفراسٹرکچر، اسٹریٹ لائٹس، پلوں اور فلائی اوورز کو بہتر کرنے کی کوشش کررہے ہیں.

صدر دفتر بلدیہ عظمیٰ کراچی میں پولیس سروس کے 51ویں اسپیشلائزڈ ٹریننگ پروگرام اور 27ویں کمانڈر کورس کے شرکاء پر مشتمل ایک وفد سے گفتگو کرتے ہوئے مرتضیٰ وہاب کہنا تھا کہ اس ملک کو نوجوان اور پر عزم لیڈر شپ کی ضرورت ہے، بروقت اور جرات مندانہ اقدامات سے ہی بہتر فیصلے کیے جا سکتے ہیں،نوجوان اور پٴْرعزم آفیسرز ملک کی قسمت بدل سکتے ہیں،کے ایم سی کے ٹیکس کلیکشن میں اضافے سے صورتحال میں بہتری آئی ہے،کے ای کے ذریعے ٹیکس کلیکشن سے تین ارب روپے سے زائد سالانہ کی آمدنی متوقع ہے، کراچی کے لیے اوّلین ترجیح صاف پانی کی فراہمی اور سیوریج کے نظام کو بہتر کرنا بھی ہے جس کے لئے عملی اقدامات کئے جارہے ہیں۔اس موقع پر میونسپل کمشنر کے ایم سی ایس ایم افضل زیدی اور دیگر افسران بھی موجود تھے۔میئر کراچی بیرسٹر مرتضیٰ وہاب نے وفد کو کے ایم سی آمد پر خوش آمد ید کہا، انہوں نے کہاکہ کے ایم سی کراچی میں بلدیاتی خدمات کی فراہمی پر مامور مرکزی ادارہ ہے، اس وقت واٹر اینڈ سیوریج کارپوریشن اور سالڈ ویسٹ مینجمنٹ بورڈ کا کنٹرول بھی میئر کراچی کے پاس ہے جس سے شہر میں ہونے والے ترقیاتی کاموں میں اجتماعیت اور تیز رفتاری کو یقینی بنانے میں بہت مدد ملی ہے، اس کے علاوہ شہر کے دیگربلدیاتی اداروں کے ساتھ بھی مکمل رابطہ رکھا جاتا ہے اور شہریوں کی مشاورت سے تمام امور انجام دیے جارہے ہیں، اس حکمت عملی کے موثر اور مفید نتائج برآمد ہوئے ہیں۔انہوں نے کہاکہ کسی بھی ادارے کو چلانے کے لئے مالی استحکام لازمی ہے، کے ایم سی کی مارکیٹوں میں دکانوں کا کرایہ دو سو روپے سے ایک ہزار روپے تھا،کے ایم سی کی دکانوں کا کرایہ بڑھایا تو دکاندار احتجاج کے لیے میرے پاس آگئے،کرایہ بڑھانے سے کلیکشن 80ملین سے بڑھ کر 255ملین ہوگئی ہے جبکہ 82ملین روپے ہر ماہ تنخواہوں اور پنشن کی مد میں خرچ ہوتے۔انہوں نے کہاکہ سندھ حکومت کے تعاون سے کراچی میں ترقیاتی کاموں کا جال بچھا دیا گیا ہے اور آنے والے دنوں میں مزید ترقیاتی منصوبے عوام کے سامنے لائے جائیں گے جس سے عام آدمی کو فوائد حاصل ہوں گے۔ اس سے قبل شرکاء کو بریفنگ دیتے ہوئے میونسپل کمشنر افضل زیدی نے کے ایم سی کے متعلق تفصیلات سے آگاہ کیا۔ انہوں نے کے ایم سی کے مختلف محکموں اور ان کے ذمہ فرائض کے حوالے سے بتایا اور کہاکہ کے ایم سی شہریوں کو ہر ممکن بہتر بلدیاتی خدمات کی فراہمی کے لئے کوشاں ہے اور اس کے لئے شہریوں کے مسائل کے فوری اور جلد حل پر توجہ مرکوز کی گئی ہے۔وفد کے شرکاء نے بعدازاں کے ایم سی کی تاریخی عمارت کا دورہ کیا اور اس کی تاریخی اہمیت کے بارے میں معلومات حاصل کیں جس کے دوران انہیں کے ایم سی کونسل ہال اور چھت پر تاریخی کلاک ٹاور کا دورہ بھی کرایا گیا۔ وفد کے اراکین نے اپنے دورے کو انتہائی مفید اور کارآمد قراردیا او رکہا کہ انہیں اس کے ذریعے کے ایم سی او راس کی کارکردگی کے متعلق بہت کچھ سمجھنے اور جاننے کا موقع ملا ہے۔

جاپان سندھ میں ترقیاتی منصوبوں کے لیے گرانٹ فراہم کرے گا

فردوس شمیم نقوی سمیت دیگر رہنماؤں کی ضمانتیں منسوخ

موہن جودڑو ایکسپریس کو پرانے روٹ پر بحال کردیا گیا

کراچی کی احتساب عدالت نے سابق اسپیکر سندھ اسمبلی آغا سراج درانی و دیگر کیخلاف آمدن سے زائد اثاثے بنانے کا ریفرنس کی سماعت نیب پراسکیوٹر کی غیر حاضری کے باعث بغیر کسی کارروائی کے 2دسمبر تک ملتوی کردی۔

باغی ٹی وی کے مطابق کراچی کی احتساب عدالت میں سابق اسپیکر سندھ اسمبلی آغا سراج درانی و دیگر کیخلاف آمدن سے زائد اثاثے بنانے کے ریفرنس کی سماعت ہوئی۔نیب پراسکیوٹر کی غیر حاضری کے باعث سماعت بغیر کسی کارروائی کے 2 دسمبر تک ملتوی کردی گئی۔سماعت کے بعد میڈیا سے گفتگو میں آغا سراج درانی نے کہا کہ کیس میرا وہیں پر ہے جہاں پچھلی دفعہ چھوڑ گئے تھے۔ نیب پراسیکیوٹر کی کسی رشتہ دار کا انتقال ہوگیا ہے اس لیے سماعت ملتوی ہوئی۔فاروق ایچ نائیک دلائل دینا چارہے تھے۔ آغا سراج درانی نے ملک کی موجودہ صورتحال پر کہا کہ قانون کے مطابق ایسے حالات کا نوٹس لینا چاہئے۔ملکی حالات کو دیکھ کر لگتا ہے کہ ٹی وی سیریل چل رہی ہے۔ ایک صوبے کا وزیر اعلی وفاقی دارلحکومت پر حملہ کرے اس پر قانونی ایکشن ہونا چاہئے۔ 1973 میں بھی ایک صوبے کے وزیر اعلی نے وفاق پر حملہ کیا تھا لیکن اس کیخلاف کارروائی نہیں ہوئی تھی۔ آج بھی ایک وزیراعلی نے وفاق پر حملہ کیاہے لیکن کارروائی نہیں ہورہی۔ 1973 کے آئین کے مطابق ایسے وزیر اعلی کیخلاف کارروائی ہونی چاہئے۔ پاکستان پیپلزپارٹی گورنر راج کے حق میں نہیں ہے۔ اگر ملک میں حالات خراب ہوں تو گورنر راج لگایا جاسکتا۔آئین اجازت دیتا ہے۔

میہڑ: غیر قانونی پٹرول پمپوں کے خلاف کارروائی، دو پٹرول پمپ سیل

فردوس شمیم نقوی سمیت دیگر رہنماؤں کی ضمانتیں منسوخ