Baaghi TV

Author: سعد فاروق

  • جاپان سندھ میں ترقیاتی منصوبوں کے لیے گرانٹ فراہم کرے گا

    جاپان سندھ میں ترقیاتی منصوبوں کے لیے گرانٹ فراہم کرے گا

    جاپان کی حکومت نے سندھ میں ترقیاتی منصوبوں کے لیے دو مقامی این جی اوز کو مجموعی طور پر 95,311 امریکی ڈالر (تقریباً 2 کروڑ 65 لاکھ روپی) کی گرانٹ فراہم کرنے کا فیصلہ کیا ہے۔

    باغی ٹی وی کے مطابق گرانٹ کے معاہدے جاپان کے قونصل جنرل، ہاتوری مسارو، اور دونوں این جی اوز کے نمائندگان کے درمیان 28 نومبر 2024 کو کراچی میں جاپان کے قونصل خانے میں طے پائے۔یہ منصوبے ڈسیبلڈ ویلفیئر ایسوسی ایشن (DWA)اور سندھ کمیونٹی فاؤنڈیشن (SCF) کی جانب سے سرانجام دیئے جائیں گے۔ ڈسیبلڈ ویلفیئر ایسوسی ایشن کو 31,329 امریکی ڈالر (تقریباً 87 لاکھ روپی) کی گرانٹ فراہم کی جائے گی، جس سے وہ کراچی میں کم آمدنی والی معذور خواتین کے لیے نئی ٹرانسپورٹ گاڑیاں اور فنی تربیتی سامان حاصل کرے گی۔اس گرانٹ کے ذریعے DWA روزانہ تقریباً 40 معذور خواتین کو فنی تربیت فراہم کرنے کے قابل ہو جائے گی۔اس کے نتیجے میں، DWA ان خواتین کو سماجی اور معاشی خود مختاری حاصل کرنے میں مدد دے گی۔ اسی طرح سندھ کمیونٹی فاؤنڈیشن کو 63,982 امریکی ڈالر (تقریباً 1 کروڑ 78 لاکھ روپی) کی گرانٹ دی جائے گی، جس سے وہ موسمیاتی لحاظ سے مستحکم پانی کی فلٹریشن پلانٹس اور صفائی کا نظام تعمیر کرے گی۔ اس منصوبے سے روزانہ تقریباً 6,000 دیہاتیوں کو صاف پانی اور 850 افراد کو ٹوائلٹ کی سہولت میسر آئے گی۔اس طرح SCF پانی سے پیدا ہونے والی بیماریوں، ماحولیاتی آلودگی میں کمی اور لوگوں کی بہتر صحت کے لیے اپنا کردار ادا کرے گی۔ تقریب کے دوران جاپان کے قونصل جنرل ہاتوری نے اس امید کا اظہار کیا کہ DWA اور SCF اپنی کمیونٹیز پر نمایاں اثر ڈالیں گے، لوگوں کی زندگیوں کو بہتر بنائیں گے اور انہیں خوشیاں فراہم کریں گے۔ جاپان کی حکومت پاکستان کے عوام خاص طور پر متوسط طبقہ کی فلاح و بہبود کے لیے مقامی این جی اوز کو گرانٹ کے ذریعے مدد فراہم کرتی رہے گی۔

    فردوس شمیم نقوی سمیت دیگر رہنماؤں کی ضمانتیں منسوخ

    موہن جودڑو ایکسپریس کو پرانے روٹ پر بحال کردیا گیا

  • فردوس شمیم نقوی سمیت دیگر رہنماؤں کی ضمانتیں منسوخ

    فردوس شمیم نقوی سمیت دیگر رہنماؤں کی ضمانتیں منسوخ

    انسداد دہشت گردی کی خصوصی عدالت نے سانحہ 9 مئی کے 5 مقدمات میں نامزد پاکستان تحریک انصاف (پی ٹی آئی) کے رکن فردوس شمیم نقوی سمیت 11 رہنماؤں کی ضمانتیں منسوخ کرتے ہوئے وارنٹ گرفتاری جاری کردیے۔

    باغی ٹی وی کے مطابق کراچی میں انسداد دہشت گردی کی خصوصی عدالت میں پی ٹی آئی رہنماؤں کے خلاف 9 مئی کے واقعات کے حوالے سے درج 5 مقدمات کی سماعت ہوئی جہاں عدالت نے پی ٹی آئی کے 11 رہنماؤں کی ضمانتیں منسوخ کردیں اور ان کے وارنٹ گرفتاری بھی جاری کردیے۔پی ٹی آئی رہنماؤں میں فردوس شمیم نقوی، خرم شیرزمان، راجا اظہر، عدیل احمد سمیت 11 رہنما شامل ہیں۔پراسیکیوٹرغلام عباس نے بتایا کہ تمام ملزمان آج عدالت میں پیش نہیں ہوئے اور ملزمان کے وکلا کی جانب سے حاضری سے استثنیٰ کی درخواست جمع کروائی گئی تھی۔عدالت نے 11 ملزمان کی حاضری سے استثنیٰ کی درخواست مسترد کردی ہے اور ملزمان کو گرفتار کرکے پیش کرنے کا حکم دیا ہے۔پولیس کے مطابق ملزمان کے خلاف فیروزآباد اور ٹیپو سلطان تھانوں میں مقدمات درج ہیں۔ملزمان پر 9 مئی 2023 کو جلاؤ گھیراؤ اورسرکاری املاک کو نقصان پہنچانے سمیت متعدد الزامات ہیں۔

    سپریم کورٹ میں موسم سرما کی تعطیلات کا شیڈول جاری

  • موہن جودڑو ایکسپریس کو پرانے روٹ پر بحال کردیا گیا

    موہن جودڑو ایکسپریس کو پرانے روٹ پر بحال کردیا گیا

    ریلوے انتظامیہ نے اندرون سندھ کے مسافروں کیلیے خوشخبری سنادی، موہن جودڑو ایکسپریس کو پرانے روٹ پر بحال کردیا گیا۔

    باغی ٹی وی کے مطابق ریلوے انتظامیہ نے اعلان کیا ہے کہ موہن جودڑو پسنجر ٹرین اپنے سابقہ روٹ پر بحال کردی گئی ہے۔ریلوے انتظامیہ کے مطابق موہن جو دڑو پسنجر ٹرین کا کچھ عرصہ پہلے کراچی تک روٹ بڑھا دیا گیا تھا۔مذکورہ ٹرین29نومبر سے براستہ دادو اور لاڑکانہ کوٹری سے روہڑی کے درمیان چلائی جائے گی۔ریلوے انتظامیہ کے مطابق عوام موہن جودڑو ایکسپریس کے نئے شیڈول اور دیگر تفصیلات کیلئے ریلوے کی ویب سائٹ یا قریبی اسٹیشن سے رجوع کریں۔

    تیسرا ون ڈے:زمبابوے کو شکست،پاکستان نےسیریز 1-2 سےجیت لی

    کراچی کی تاجر برادری نے نئی ائرلائن بنانے کا اعلان کردیا

    کراچی کے ترقیاتی منصوبوں میں تاخیر برداشت نہیں کرونگا، وزیراعلی سندھ

  • کراچی میں پہلی اے آئی روبوٹ ٹیچر نے پڑھانا شروع کردیا

    کراچی میں پہلی اے آئی روبوٹ ٹیچر نے پڑھانا شروع کردیا

    کراچی کے نجی اسکول نے پہلی بار مصنوعی ذہانت سے لیس ٹیچر متعارف کرادی جو نہ صرف بچوں کے سوالوں کے بروقت جواب دیتی ہے بلکہ انہیں جدید ٹیکنالوجی سے بھی روشناس کروا رہی ہے۔

    باغی ٹی وی کے مطابق کراچی کے علاقے گلشن اقبال میں قائم ہیپی پیلس اسکول اصفہانی کیمپس نے پہلی اے آئی روبوٹک ٹیچر متعارف کروادی ہے، جن کی پہلی نومبر کو باقاعدہ تقرری کی گئی۔مصنوعی ذہانت سے لیس اس روبوٹک ٹیچر کا نام مس عینی رکھا گیا ہے۔اسکول میں اے آئی ٹیچر سے پڑھنے والے طلبا نے ایکسپریس نمائندہ سے اپنی خوشی کا اظہار کرتے ہوئے بتایا کہ جب بھی مس عینی سے سوال کرتے ہیں تو وہ بروقت ہمارے سوالوں کے جواب دیتی ہیں اور روبوٹک کلاسز میں پڑھنے کا مزہ ہی الگ ہے۔طلبا کا کہنا تھا کہ وہ اردو اور انگریزی کے علاوہ سندھی، فرنچ اور دیگر زبانوں میں بھی سوال کرتے ہیں۔اے آئی ٹیچر کو تخلیق کرنے والے انجینئر حسان صدیقی نے بتایا کہ انھیں اس روبوٹک ٹیچر کو بنانے میں ساتھ مہینے لگے ہیں۔ اس روبوٹ کو مکمل طور پر خود تیار کیا گیا ہے، اور اس کی چھوٹی وائرنگ سے لے کر فائبر گلاس، پلاسٹک سمیت مصنوعی بال تک کراچی کے عام بازار سے خرید کر بنایا گیا ہے۔ہیپی پیلیس اسکول کے سربراہ محمد آصف خان نے کہا کہ روبوٹ ٹیکنالوجی دنیا میں عام ہے، ہم نے طلبا کو ٹیکنالوجی سے آراستہ کرنے کیلیے اے آئی ٹیچر متعارف کروائی ہے تاکہ مختلف مضامین میں ملنے والے ٹاسک میں مس عینی مدد کرسکیں۔ان کا کہنا تھا کہ اس روبوٹ کے مزید فیچرز کو بعد میں اپ گریڈ کیا جائے گا تاکہ طلبا زیادہ سے زیادہ مستفید ہوسکیں۔اس موقع پر اسکول پرنسپل مسز صدیقی نے دعوی کیا کہ اے آئی ٹیچر پاکستان میں پہلی بار متعارف کروائی گئی ہے اور ایک لاکھ کی تنخواہ پر ان کو باقاعدہ تقرری نامہ فراہم کیا گیا ہے۔ یہ اے آئی ٹیچر بیس سے زائد زبانوں میں جواب دینے کی اہلیت رکھتی ہے۔
    مس عینی کی خوراک صرف وائی فائی ہے اور وہ اس پر ہی انحصار کرتی ہیں۔اسکول کی وائس پرنسپل صدف بھٹی نے کہا کہ روبوٹک مس عینی کل وقتی ٹیچر ہیں جنھیں کسی بھی موسم یا تہوار پر چھٹی نہیں ملے گی۔ مس عینی اس وقت سات مضامین پڑھا رہی ہیں اور یہ روبوٹ بنانے میں تقریبا تین لاکھ سے زائد خرچہ آیا ہے۔ وائس پرنسپل کا یہ بھی کہنا تھا کہ اے آئی ٹیچر کسی بھی استاد کا متبادل نہیں ہوسکتی تاہم یہ معاون کے طور پر ایسے تمام سوالات کے جواب دیتی ہے جو طالب علموں کی جانب سے پوچھے جاتے ہیں۔روبوٹ میں وقت کے ساتھ مزید جدت لائی جائے گی اور موشن ڈیٹیکٹر اور سینسرز لگائے جائیں گے، جس کے بعد اے آئی ٹیچر آنکھیں جھپکانے اور اشارے کرنے کے ساتھ اپنی حرکت سے ہر طالب علم کو موثر رسپانس دے سکے گی۔واضح رہے کہ اے آئی ٹیچر کے پہلے پائلٹ پروجیکٹ پر مارچ میں کام شروع کیا گیا تھا اور اسے اگست میں فائنل شکل دی گئی تھی۔ نومبر کے مہینے میں اے آئی کلاسز کا باقاعدہ آغاز کردیا گیا۔

    ہم مستقبل کیلیے تیار سندھ تشکیل دے رہے ہیں، مراد علی شاہ

  • پاک بحریہ کی کورین نیوی کے ساتھ دوطرفہ مشق

    پاک بحریہ کی کورین نیوی کے ساتھ دوطرفہ مشق

    پاک بحریہ کے جہاز ذوالفقار نے بحیرہ عرب میں کورین نیوی کے جہاز وینگ جیون(WANG GEON) کے ساتھ مشترکہ مشق کی۔

    باغی ٹی وی کے مطابق دونوں جہاز کمبائنڈ میری ٹائم فورسز (CMF) کے تحت بالترتیب کمبائنڈ ٹاسک فورس 150 اور 151 کے تحت آپریٹ کر رہے تھے۔مشق میں آپریشنل حکمت عملی اور مواصلاتی مشقیں شامل تھیں جن کا مقصد مشترکہ آپریشنز کی صلاحیت کو بڑھانا اور دونوں بحری افواج کے درمیان پیشہ ورانہ روابط کو فروغ دینا تھا۔کمبائند ٹاسک فورس 150 اور 151 غیر قانونی سمندری سرگرمیوں، منشیات کی اسمگلنگ اور بحری قزاقی کو روکنے کیلئے میری ٹائم سیکیورٹی آپریشنز کرتی ہیں۔ یہ غیر قانونی سرگرمیاں بین الاقوامی پانیوں میں بحری سلامتی کے لیے خطرہ ہیں۔پاک بحریہ کے جہاز ذوالفقار اور کورین نیوی کے جہاز وانگ جیون کے درمیان اس مشترکہ مشق کا کامیاب انعقاد بحری افواج کے ساتھ ساتھ ان کی متعلقہ ٹاسک فورسز کے میری ٹائم سیکیورٹی کو برقرار رکھنے اور سمندر میں قانونی سرگرمیوں کو محفوظ ماحول فراہم کرنے کے عزم کو واضح کرتا ہے جس سے اس اہم خطے میں استحکام اور تعاون کو فروغ ملے گا۔پاکستان اور جمہوریہ کوریا کمبائنڈ میری ٹائم فورسز کے بینر تلے میری ٹائم سیکیورٹی کے لیے مسلسل جنگی بحری جہازوں اور ہوائی جہازوں کی تعیناتی کے ذریعے اپنا اہم کردار ادا کر رہے ہیں۔ یہ تعاون باہمی افہام و تفہیم اور آپریشنل ہم آہنگی پیدا کرنے کے لیے خاص طور پر قابل قدر ہے۔

    ہم مستقبل کیلیے تیار سندھ تشکیل دے رہے ہیں، مراد علی شاہ

    کرم:سیز فائر میں توسیع، قانون نافذ کرنے والے اداروں کی تعیناتی کا فیصلہ

    بانی کی ہدایت نہ ماننے پر پی ٹی آئی کمیٹی کا اظہار تشویش

    پر تشدد احتجاج،عمران،بشریٰ،گنڈاپور و دیگر پر اسلام آباد میں 8 مقدمے درج

  • وزیر داخلہ کی زخمی اے ایس پی کو لاہور منتقل کرنے کی ہدایت

    وزیر داخلہ کی زخمی اے ایس پی کو لاہور منتقل کرنے کی ہدایت

    وزیرداخلہ محسن نقوی نے زخمی اے ایس پی محمد علیم کو فوری طور پر لاہورمنتقل کرنے کی ہدایت کی ہے۔

    میڈیا رپورٹ کے مطابق گزشتہ روز تحریک انصاف کے احتجاج کے دوران شرپسندوں کے پتھراؤ کے نتیجے میں اے ایس پی کی آنکھ متاثر ہوئی تھی۔محسن نقوی نے کہا کہ اے ایس پی کی آنکھ بچانے کے لیے ہرممکن کوشش کی جائے گی اور بہترین ہسپتال میں علاج کرایا جائے گا، انہوں نے واضح کیا کہ زخمی اے ایس پی کو آج ہی لاہور شفٹ کیا جائے گا۔وزیرداخلہ نے پمز اسلام آباد میں زخمی اے ایس پی کی بھی عیادت کی اوران کی خیریت دریافت کی، انہوں نے ڈاکٹروں سے محمد علیم کے علاج کے بارے میں بھی دریافت کیا۔واضح رہے کہ گزشتہ روز مشتعل پی ٹی آئی کارکنوں نے پولیس پر شدید پتھراو اور شیلنگ کی تھی جس کے باعث درجنوں پولیس اہلکار زخمی ہوئے تھے جن کو اسلام آباد کے مختلف ہسپتالوں میں داخل کروایا گیا تھا.

    ہم مستقبل کیلیے تیار سندھ تشکیل دے رہے ہیں، مراد علی شاہ

    کرم:سیز فائر میں توسیع، قانون نافذ کرنے والے اداروں کی تعیناتی کا فیصلہ

    بانی کی ہدایت نہ ماننے پر پی ٹی آئی کمیٹی کا اظہار تشویش

    بیلاروس کے صدر کا قربانیوں پرپاک فوج کو خراج تحسین

  • کسٹمز کی کارروائیاں، کروڑوں روپے مالیت کی نان کسٹم پیڈ اشیا برآمد

    کسٹمز کی کارروائیاں، کروڑوں روپے مالیت کی نان کسٹم پیڈ اشیا برآمد

    سندھ رینجرزاورکسٹمز حکام نے 2 مختلف کارروائیوں کے دوران کروڑوں روپے مالیت کی نان کسٹم پیڈ اشیا برآمد کرکے 9 ملزمان کوگرفتارکرلیا۔

    باغی ٹی وی کے مطابق ملک میں اسمگلنگ کی روک تھام کے لیے سندھ رینجرزاورکسٹمز حکام کی جانب سے آپریشنز کا سلسلہ جاری ہے۔اسی حوالے سے خفیہ معلومات کی بنیاد پرمنگھو پیرروڈمیانوالی کالونی میں ایک مشکوک کنٹینرسے تلاشی کے دوران 16800کلو گرام نان کسٹم پیڈ چھالیہ کی141کارٹن، 3135کلو گرام راجنی کے 420کارٹن اور 38کارٹن پیپسی چھالیہ برآمد کر لی گئی جس کی مالیت لاکھوں روپے ہے۔کارروائی کے دوران 2ملزمان عجب لحان اورگل بدین کو بھی گرفتار کیا گیا۔دوسری مشترکہ کارروائی پیر آباد تھانے کے علاقے پختون مارکیٹ بنارس آریانا بس اڈے پر کی گئی ، جہاں بھاری مقدار میں نان کسٹم پیڈاشیا جن میں خشک دودھ، سگریٹ،چائنا نمک، گاڑیوں کے بال بیئرنگ اور بال بیئرنگ برش شامل ہیں برآمد کر لی گئی۔برآمد اشیا کی مالیت کروڑوں روپے بتائی جاتی ہے۔کارروائی کے دوران 7 ملزمان کو بھی گرفتار کیا گیا، جنہیں بمعہ برآمد شدہ نان کسٹم اشیا مزید قانونی کارروائی کے لیے کسٹمز حکام کے حوالے کر دیا گیا ہے۔

    کرم:سیز فائر میں توسیع، قانون نافذ کرنے والے اداروں کی تعیناتی کا فیصلہ

    بانی کی ہدایت نہ ماننے پر پی ٹی آئی کمیٹی کا اظہار تشویش

    بیلاروس کے صدر کا قربانیوں پرپاک فوج کو خراج تحسین

    اٹک میں پی ٹی آئی رہنماوں وکارکنان کےخلاف 7 مقدمات درج

  • ادھر ادھر کی نہ بات کر یہ بتا بھاگے کیوں ؟کارکن کے سوال پر علی امین پھر بھاگ نکلے

    ادھر ادھر کی نہ بات کر یہ بتا بھاگے کیوں ؟کارکن کے سوال پر علی امین پھر بھاگ نکلے

    کے پی کے کے ضلع مانسہرہ میں پی ٹی آئی کارکنان نے وزیراعلیٰ علی امین گنڈا پور کے سامنے آنے پر سوالات کی بوچھاڑ کردی۔

    واضح رہے کہ گزشتہ شب سکیورٹی فورسز نے اسلام آباد مظاہرین سے خالی کرالیا، آپریشن شروع ہوتے ہی وزیراعلیٰ کے پی علی امین گنڈا پور اور بشریٰ بی بی موقع سے فرار ہوگئیں اور کارکن بھی بھاگ نکلے تھے۔علی امین گنڈا پور اور بشریٰ بی بی اسلام آباد سے فرار کے بعد مانسہرہ پہنچے تھے۔مانسہرہ میں پریس کانفرنس کے بعد پاکستان تحریک انصاف کے کارکنان نے وزیراعلیٰ علی امین گنڈا پور سے سوالات کی بوچھاڑ کردی۔ایک کارکن کی جانب سے سوال کیا گیا کہ بانی پی ٹی آئی کی رہائی کے لیے نئی حکمت عملی کیا ہے؟ اس پر علی امین کا کہنا تھاکہ نئی حکمت عملی بانی پی ٹی آئی خود دیں گے۔ایک اور کارکن نے پوچھاکہ آپ کیسے یہاں پہنچے ؟ جبکہ ایک کارکن نے شعر پڑھ کر وزیراعلیٰ خیبرپختونخوا سے سوال کیا۔ کارکن نے شہاب جعفری کا ’تو ادھر ادھر کی نہ بات کر یہ بتا کہ قافلہ کیوں لٹا‘ شعرپڑھا تاہم وزیراعلیٰ علی امین گنڈا پور کارکنوں کے جواب دیے بغیر وہاں سے روانہ ہوگئے۔

    ہم مستقبل کیلیے تیار سندھ تشکیل دے رہے ہیں، مراد علی شاہ

    کرم:سیز فائر میں توسیع، قانون نافذ کرنے والے اداروں کی تعیناتی کا فیصلہ

    بانی کی ہدایت نہ ماننے پر پی ٹی آئی کمیٹی کا اظہار تشویش

    بیلاروس کے صدر کا قربانیوں پرپاک فوج کو خراج تحسین

  • ہم مستقبل کیلیے تیار سندھ تشکیل دے رہے ہیں، مراد علی شاہ

    ہم مستقبل کیلیے تیار سندھ تشکیل دے رہے ہیں، مراد علی شاہ

    وزیراعلیٰ سندھ مراد علی شاہ نے کہا ہے کہ ان کی حکومت موسمیاتی اثرات اور آفات سے بچاؤ کیلیے اقدامات کے ذریعے زرعی معیشت کے فروغ کیلیے پرعزم ہے۔

    باغی ٹی وی کے مطابق وزیراعلیٰ ہاؤس میں محکمہ زراعت اور پیپلزہاؤسنگ پروجیکٹ کے مشترکہ اجلاس میں وزیر آبپاشی جام خان شورو، وزیر داخلہ ضیا لنجار، معاون خصوصی وزیراعلیٰ جبار خان، چیف سیکریٹری آصف حیدر شاہ، وزیراعلیٰ سندھ کے پرنسپل سیکریٹری آغا واصف، ایڈووکیٹ جنرل حسن اکبر، سیکریٹری مالیات فیاض جتوئی، سی ای او پیپلزہاوسنگ خالد شیخ، سیکریٹری قانون علی احمد بلوچ اور دیگر متعلقہ افسران نے شرکت کی۔وزیراعلیٰ سندھ نے کہا کہ 24 ارب روپے سے سکھر بیراج کے دروازوں اور اسٹرکچر کی بحالی آبی وسائل اور انفرا اسٹرکچر کی حفاظت کا اہم منصوبہ ہے۔منصوبہ 20 جون 2024 کو سکھر بیراج کے ایک دروازے کے گرنے پر شروع کیا گیا۔ اب کینالوں سمیت تاریخی بیراج کے تمام دروازے تبدیل کیے جائیں گے۔ وزیر آبپاشی جام خان شورو نے وزیراعلیٰ سندھ کو بریف کیا کہ منصوبہ 3 سال میں مکمل ہوگا۔ اس وقت بھی بڑے پیمانے پر کام جاری ہے۔ بحالی کے جامع منصوبے میں ایک بڑے کوفرڈیم کی تعمیر بھی شامل ہے۔ بیراج کی تعمیر کے بعد پہلی بار، فرش، گھاٹ اور بنیادی پرزوں کا معائنہ اور مرمت کی جائے گی.پہلے مرحلے میں بائیں کنارے کی دیوار سے شروع ہونے والے 16 دروازوں کو تبدیل کرنے کا فیصلہ کیا گیا ہے۔پہلے مرحلے کی پیش رفت کے بارے میں بتایا گیا کہ کوفرڈیم کی تعمیر 16 ستمبر 2024 کو شروع ہوئی۔ سیکریٹری آبپاشی ظریف کھیڑو نے 20 اکتوبر 2024 کو 16 دروازوں کی تبدیلی کے کام کی ذاتی طور پر نگرانی کی۔وزیر آبپاشی جام خان شوروکے مطابق، اپ اسٹریمکوفرڈیم کے لیے کل 510 شیٹ پائلز کامیابی کے ساتھ نصب کیے جاچکے ہیں، جبکہ 26 نومبر 2024 کو ڈائون اسٹریم شیٹ پائلز پر کام شروع کیا گیا، 594 میں سے 16 پائلز پہلے ہی نصب کیے جا چکے ہیں سامان پہنچانے کیلیے عارضی راستہ تیار کرلیا گیا ہے۔ اسٹیل شیٹ کے پائلز اور جیوممبرین کیلیے ریت کے بورے بھی سائٹ پر پہنچاد یے گئے ہیں۔ 24 ارب روپے کی لاگت سے شروع ہونے والے سکھر بیراج پراجیکٹ میں مرمت کے اضافی کاموں کو بھی ایڈجسٹ کیا جائے گا۔ منصوبہ 23 فروری 2027 تک مکمل ہوگا تاہم ایک سال کی اضافی ڈیفیکٹ لائبلیٹی مدت بھی دی گئی ہے۔ سی ای او سندھ پیپلز ہاؤسنگ خالد شیخ نے اجلاس کے دوران سیلاب سے متاثرہ خاندانوں کے لیے مکانات کی تعمیر کے بارے میں پیش رفت سے آگاہ کیا۔وزیراعلیٰ کو بتایا گیا کہ مکانات کی تعمیر نو کے لیے براہ راست فنڈز کی منتقلی کے لیے 10 لاکھ سے زائد بینک اکاؤنٹس کھولے گئے ہیں۔ اب تک 8 لاکھ 10 ہزار مستحقین کو فنڈز تقسیم کیے جا چکے ہیں، جس کے نتیجے میں 4 لاکھ 75 ہزار مکانات مکمل ہو چکے ہیں، 3 لاکھ خاندان پہلے ہی اپنے نئے گھروں میں منتقل ہو چکے ہیں۔وزیراعلیٰ سندھ مراد علی شاہ نے کہا کہ سیلاب متاثرین کیلیے گھروں کی تعمیر کا منصوبہ آفات سے محفوظ انفراسٹرکچر کی تعمیر اور سیلاب متاثرین کے معیار زندگی کو بہتر بنانے کے لیے سندھ حکومت کے وسیع وژن کی عکاسی کرتا ہے۔وزیراعلیٰ نے منصوبے میں پیش رفت کی تعریف کی اور بروقت تکمیل کو یقینی بنانے کے لیے ہاؤسنگ اور آبپاشی دونوں منصوبوں میں کام کی موجودہ رفتار برقرار رکھنے کی اہمیت پر زور دیا۔وزیراعلیٰ سندھ مراد علی شاہ نے کہا کہ حکومت سندھ پائیدار ترقی کیلیے پرعزم ہے۔ سکھر بیراج کی بحالی اور پیپلز ہاؤسنگ جیسے منصوبوں کے ذریعے، ہم مستقبل کے لیے تیار سندھ تشکیل دے رہے ہیں، جو اپنے لوگوں کی بہتری کے ساتھ ساتھ موسمیاتی چیلنجز سے نمٹنے کے قابل ہوگا۔وزیراعلیٰ نے کہا کہ سندھ حکومت وسیع پیمانے پر بیراجوں کی بحالی اور رہائش کے اقدامات میں مصروف عمل ہے جو کہ جامع ترقی کے ماڈل کی مثال ہے۔ ان کوششوں کا مقصد صوبے کے ضروری انفرا اسٹرکچر کی حفاظت اور کمزور طبقات کو بااختیار بنانا ہے۔

  • کرم:سیز فائر میں توسیع، قانون نافذ کرنے والے اداروں کی تعیناتی کا فیصلہ

    کرم:سیز فائر میں توسیع، قانون نافذ کرنے والے اداروں کی تعیناتی کا فیصلہ

    ضلع کرم میں متحارب فریقین کے درمیان سیز فائر میں تین روز کی توسیع کردی گئی ہے اور سیز فائر اب دس دنوں کے لئے ہوگا جبکہ قانون نافذ کرنے والے اداروں کی تعیناتی کا فیصلہ کر لیا گیا.

    باغی ٹی وی کے مطابق وزیر اعلی علی امین گنڈا پور کی زیر صدارت مانسہرہ میں سپیکر بابر سلیم سواتی کی رہائش گا پر ہونے والے اجلاس میں ضلع کرم کی تازہ ترین صورت حال کا جائزہ لیا گیا۔اجلاس میں چیف سیکرٹری، آئی جی پی، ایڈیشنل چیف سیکرٹری داخلہ اور دیگر نے شرکت کی۔حکام کی طرف سے وزیر اعلیٰ کو کرم کی تازہ صورتحال پر بریفنگ دی گئی اور بتایا گیا کہ کرم میں متحارب فریقین کے درمیان دس دنوں کے لئے سیز فائر ہوا ہے جو پہلے سات دنوں کے لئے ہوا تھا جبکہ مسلئے کے پر امن حل کے لئے مزاکرات کا عمل جاری ہے۔امن برقرار رکھنے کے لئے تمام اہم مقامات پر قانون نافذ کرنے والے اداروں کے دستے تعینات کئے جائیں گے۔اسی طرح علاقے میں ہونے والے نقصانات کے ازالے کے لئے تخمینہ لگایا جائے گا۔ بند شاہراہوں کو کھولنے کے لئے علاقے میں محفوظ نقل و حمل کے لئے سکیورٹی پلان اور ایس او پیز جاری کئے جارہے ہیں۔وزیر اعلی علی امین نے کہا کہ فریقین کے درمیان جنگ بندی خوش آئند اقدام ہے۔علاقے میں ہونے والے مالی نقصانات کا سروے ترجیحی بنیادوں پر مکمل کیا جائے تاکہ متاثرین کے نقصانات کا جلد ازالہ کیا جاسکے ۔وزیر اعلی نے ھدایت کی کہ جاں بحق افراد کے لواحقین کو مالی امداد کی ادائیگیاں جلد یقینی بنائی جائیں۔علی امین نے کہا کہ علاقے میں پائیدار امن کا قیام صوبائی حکومت کی اولین ترجیح ہے۔صوبائی حکومت اس مقصد کے لئے تمام دستیاب وسائل بروئے کار لائے گی۔

    بانی کی ہدایت نہ ماننے پر پی ٹی آئی کمیٹی کا اظہار تشویش

    پر تشدد احتجاج،عمران،بشریٰ،گنڈاپور و دیگر پر اسلام آباد میں 8 مقدمے درج

    بشری بی بی کا پریس کانفرنس،گنڈاپور کے ساتھ جانے سے گریز

    فسادیوں اور ملک دشمنوں کو مزید موقع نہیں دینا، وزیراعظم