صوبہ پنجاب کی وزیراعلیٰ مریم نواز نے کہا ہے کہ ایک خاتون جن کا سیاست سے دور دور تک کوئی واسطہ نہیں، انہوں نے پاکستان پر جو حملہ کیا ہے، مجھے یقین نہیں آیا۔
میڈیا رپورٹ کے مطابق تونسہ شریف میں بلوچستان کے لیے آبپاشی منصوبے کچھی کینال کی بحالی کی افتتاحی تقریب سے خطاب کرتے ہوئے ان کا کہنا تھا کہ انہوں نے پاکستان کے ایسے دوست ملک پر حملہ کیا، جو ہر مشکل میں پاکستان کے ساتھ کھڑا رہا۔ہ وہ دوست ملک پاکستان کی مدد کو آیا، اور پاکستان کا ایک قابل بھروسہ دوست ہے، پاکستان کا محسن ہے، اس کے اوپر انہوں نے حملہ کیا تو میں حیران رہ گئی۔واضح رہے کہ گزشتہ روز جاری کردہ اپنے ایک ویڈیو پیغام میں بشریٰ بی بی نے دعویٰ کیا تھا کہ کچھ بیرونی طاقتیں مدینہ میں ننگے پاؤں چلنے کے عمران خان کے مذہبی انداز سے ناخوش تھیں۔مریم نواز کا کہنا تھا کہ میں نہیں مان سکتی کہ ان کو اس کے نتائج کا نہیں پتا، پاکستان کے اوپر اس کے نتائج کا نہیں پتا، اور اس سے جو بگاڑ پیدا ہونے کا اندیشہ ہے، اس کو ان کی خبر نہیں ہے، یہ بات میں نہیں مان سکتی۔ میں کہنا چاہتی ہوں کہ جہاں اندرونی حملے بھی ہو رہے ہیں، اس دن بھی وزیراعظم آپ سے درخواست کی تھی، آپ نے کہا تھا کہ ملک کی ترقی میں ایک ہی چیز خلل ڈال سکتی ہے، اور وہ دہشتگردی ہے، آپ کی بات بالکل درست ہے، لیکن یہ صرف دہشت گردی نہیں ہو رہی ہے۔مریم نواز کا مزید کہنا تھا کہ جو حملے خیبرپختونخوا سے پنجاب کے اوپر ہو رہے ہیں، یہ مناظر میں نے 76 سال کی تاریخ میں کبھی نہیں دیکھے، یہ حملے خارجی یا دہشت گرد نہیں کررہے یہ حملے خیبرپختونخوا کی حکومت پنجاب اور وفاق پر کر رہی ہے اور ایک اور حملے کے لیے تیار بیٹھی ہے۔ ایسے وقت میں جب پاکستان ترقی کررہا ہے، ایسے وقت میں جب پاکستان پر چھائی ہوئی گرد ہٹنے جا رہی ہے، پاکستان ترقی کے راستے پر آرہا ہے، ایسے وقت میں یہ لوگ کیوں دھرنے لے کر آ جاتے ہیں۔وزیراعلیٰ پنجاب نے کہا کہ ہم دشمنوں سےخود کا دفاع کریں یا اپنے لوگوں سے ڈیفینڈ کریں، اُس دن بھی وزیراعظم کا کہنا تھا کہ میرے پنجاب پولیس کے جوان ہیں، ان کے سر دہشت گرد نہیں پھاڑ رہے، ان کی ہڈیاں دہشت گرد نہیں توڑ رہے، ان کے سر ہماری اپنی خیبرپختونخوا کی حکومت پھاڑ رہی ہے، ان پر حملے خیبرپختونخوا کی حکومت کر رہی ہے۔ان کا کہنا تھا کہ مجھے اس بات کی سمجھ نہیں آتی، ان کا ایجنڈا بہت خطرناک ہے، جو میرا خیال ہے کہ ہماری بھی سمجھ سے باہر ہے، ورنہ ہوش و حواس میں کوئی ایسا پاکستانی جس کے دل میں تھوڑی سی بھی اپنے وطن کی، اپنی مٹی کی محبت ہو، وہ یہ کام کر ہی نہیں سکتا۔مریم نواز کا کہنا تھا کہ بات ہوتی ہے کہ صوبوں کا ایک دوسرے سے جوڑنا چاہیے، یہ کچھی کینال پنجاب سے بلوچستان کو ہمیشہ کے لیے جوڑ رہی ہے، مگر یہ جو ہو رہا ہے، میری سمجھ سے باہر ہے، خیبرپختونخوا کی حکومت کے لوگوں نے وہاں سے سیدھی گولیاں پنجاب پولیس پر چلائیں۔میں نے انہیں سختی سے منع کیا تھا کہ خیبرپختونخوا کے عوام بھی ہمارے بھائی ہیں، گولیاں نہیں چلانیں، اگر کوئی طیش میں آکر گولی چلا دیتا تو خدانخواستہ وہاں شہادتیں ہو جاتیں تو اس کا ذمہ دار کون ہے؟
سعودی عرب کے خلاف زہر آلودہ بات کی معافی نہیں، وزیر اعظم
اسلام آباد احتجاج، کراچی سے پولیس نفری روانہ
چیمپئینز ٹرافی بلدیہ عظمی کراچی کے صدر دفتر پہنچ گئی
