Author: سعد فاروق

سابق کپتان اور وکٹ کیپر بیٹر محمد رضوان نے پاکستان کرکٹ بورڈ (پی سی بی) کے سینٹرل کنٹریکٹ پر دستخط کرنے سے انکار کر دیا ہے۔

ڈان نیوز کے مطابق ذرائع کا کہنا ہے کہ محمد رضوان نے کنٹریکٹ پر دستخط کے لیے اپنی چند شرائط پی سی بی کے سامنے پیش کی ہیں۔ذرائع کے مطابق پاکستان ٹیم کے تمام سینٹرل کنٹریکٹڈ کھلاڑی پہلے ہی اپنے معاہدوں پر دستخط کر چکے ہیں۔واضح رہے کہ محمد رضوان کو مالی سال 26-2025 کے لیے ’بی‘ کیٹگری میں شامل کیا گیا تھا، جبکہ پی سی بی نے مجموعی طور پر 30 کھلاڑیوں کو سینٹرل کنٹریکٹ دیا ہے۔

یاد رہے کہ 27 اکتوبر 2024 کو محمد رضوان کو پاکستان کی وائٹ بال ٹیم کا کپتان مقرر کیا گیا تھا، تاہم 15 مارچ 2025 کو نیوزی لینڈ کے دورے سے قبل انہیں ٹی20 ٹیم کی قیادت سے ہٹا کر سلمان علی آغا کو کپتان بنایا گیا۔بعد ازاں 20 اکتوبر 2025 کو محمد رضوان کو ون ڈے ٹیم کی قیادت سے بھی ہٹا دیا گیا، اور ان کی جگہ فاسٹ باؤلر شاہین شاہ آفریدی کو نیا کپتان مقرر کیا گیا

دہلی،سی ایس ایس امیدوار قتل،ہارڈ ڈرائیو سے 15 خواتین کے ساتھ جنسی تعلق کی ویڈیو برآمد

پاکستان کی جنوبی افریقہ کے خلاف پہلے ٹی20 میں ٹاس جیت کر فیلڈنگ

جنوبی افریقہ نے تین میچوں کی سیریز کے پہلے ٹی 20 میچ میں پاکستان کو 55 رنز سے شکست دے دی۔

راولپنڈی میں کھیلے گئے میچ میں 195رنز کے تعاقب میں پاکستانی ٹیم 139رنز پر آؤٹ ہوگئی، پاکستان کی جانب سے صائم ایوب نے 37 اور صاحبزادہ فرحان نے 24 رنز بنائے۔بابر اعظم صفر پر آؤٹ ہوئے، جبکہ کپتان سلمان علی آغا 2 اور حسن نواز 3 رنز ہی بناسکے۔

اس سے قبل پاکستان نے ٹاس جیت کر پروٹیز کو کھیلنے کی دعوت دی۔مہمان ٹیم نے مقررہ 20 اوورز میں 9 وکٹوں کے نقصان پر 194 رنز بنائے، ریزا ہنڈریکس نے شاندار 40 گیندوں پر 60 رنز کی اننگز کھیلی، جارج لنڈے 36 اور ٹونی ڈی زورزی 16 گیندوں پر برق رفتار 33 بنا کر نمایاں رہے۔

پاکستان کی جانب سے محمد نواز نے 3 کھلاڑیوں کو آؤٹ کیا جبکہ صائم ایوب نے 2 شکار کیے۔

ٹاس کے بعد گفتگو میں سلمان علی آغا نے کہا کہ ٹیم سے اچھی کارکردگی کی امید ہے، بابر اعظم اور نسیم شاہ کی واپسی سے اسکواڈ مزید مضبوط ہوا ہے۔ ان کا کہنا تھا کہ دونوں کھلاڑیوں نے ماضی میں شاندار پرفارمنسز دے کر پاکستان کو کئی فتوحات دلائی ہیں۔سلمان علی آغا نے بتایا کہ ٹیم میں چند تبدیلیاں کی گئی ہیں اور کچھ کھلاڑی کم بیک کر رہے ہیں۔جنوبی افریقی کپتان ڈیونون فریرا نے کہا کہ اگر وہ ٹاس جیت جاتے تو وہ بھی پہلے فیلڈنگ کرنے کو ترجیح دیتے۔

پاکستان کی پلیئنگ الیون:
سلمان علی آغا (کپتان)، صائم ایوب، صاحب زادہ فرحان، بابر اعظم، عثمان خان، حسن نواز، محمد نواز، فہیم اشرف، شاہین شاہ آفریدی، نسیم شاہ، اور ابرار احمد

الیکشن کمیشن میں وزیراعلیٰ خیبرپختونخوا کےخلاف نااہلی کی درخواست دائر