Author: سعد فاروق

کراچی میں پولیس نے وفاقی حساس ادارے کے ساتھ مشترکہ کارروائی کرتے ہوئے میٹرو ون نیوز کے اینکر امتیاز علی میر کے قاتلوں کو گرفتار کر لیا ہے۔

پولیس کے مطابق یہ کارروائیاں شہر میں حالیہ ٹارگٹ کلنگ کے واقعات کے بعد مشتبہ عناصر کے خلاف کی گئیں۔ پولیس اعلامیے میں بتایا گیا کہ 21 ستمبر 2025ء کو کراچی کے علاقے کالا بورڈ میں فائرنگ کے نتیجے میں سینئر صحافی امتیاز علی میر جاں بحق جبکہ ان کے بھائی میر محمد صلاح شدید زخمی ہوئے تھے۔تحقیقات کے دوران پولیس نے متعدد مقامات پر چھاپے مارے، جن کے نتیجے میں 4 ملزمان کو گرفتار کیا گیا۔ گرفتار ملزمان کی شناخت سید اجلال زیدی، شباب، احسن عباس اور فراز احمد کے ناموں سے ہوئی ہے۔

پولیس کے مطابق ملزمان کے قبضے سے چار عدد 9 ایم ایم پستول بمعہ زندہ راؤنڈز اور 2 موٹر سائیکلیں بھی برآمد کی گئیں۔ابتدائی تفتیش میں انکشاف ہوا کہ گرفتار ملزمان کالعدم تنظیم لشکرِثاراللہ سے تعلق رکھتے ہیں اور شہر میں مزید دہشت گردانہ کارروائیوں کی منصوبہ بندی کر رہے تھے۔

پولیس کا کہنا ہے کہ ملزمان نے اپنے غیر ملکی روابط اور تنظیم کے ایک سرکردہ رہنما کے بیرونِ ملک موجود ہونے کا بھی اعتراف کیا، جہاں سے انہیں مالی معاونت اور ٹارگٹ فراہم کیے جاتے تھے۔ایڈیشنل آئی جی کراچی نے کورنگی پولیس کی بروقت اور کامیاب کارروائی پر تعریفی اسناد اور نقد انعام دینے کا اعلان کیا

سیالکوٹ: باغی ٹی وی میں نئے نمائندوں کی شمولیت، مثبت اور عوامی خدمت پر مبنی صحافت کے نئے عزم کا آغاز

پاکستان ایئرپورٹس اتھارٹی نے اسٹیٹ بینک کے اشتراک سے ملک بھر کے ہوائی اڈوں پر کیش لیس ماڈل متعارف کرا دیا ہے، جس کے تحت تمام ایئرپورٹس پر ڈیجیٹل ادائیگی کا نظام نافذ کیا جا رہا ہے۔

ذرائع کے مطابق، اسٹیٹ بینک سے منظور شدہ ڈیجیٹل سروس فراہم کنندگان ہی خدمات فراہم کر سکیں گے۔ ترجمان پی اے اے کا کہنا ہے کہ ایئرپورٹس پر موجود کاروباری اداروں کو اسٹیٹ بینک سے لائسنس یافتہ ڈیجیٹل نظام اپنانا ہوگا، بصورت دیگر ایسے کاروبار یا کنسیشنرز کو جرمانے کا سامنا کرنا پڑے گا۔ترجمان نے وضاحت کی کہ مسافروں کو نقد ادائیگی کا آپشن بدستور دستیاب رہے گا، تاہم ڈیجیٹل ادائیگی کی حوصلہ افزائی کی جائے گی۔

پہلے مرحلے میں یہ جدید نظام لاہور، کراچی اور اسلام آباد ایئرپورٹس پر نافذ کیا جا رہا ہے، جبکہ دوسرے مرحلے میں فیصل آباد، ملتان اور سیالکوٹ ایئرپورٹس تک اس کا دائرہ بڑھایا جائے گا۔یہ اقدام حکومتِ پاکستان کے اس وسیع ہدف کا حصہ ہے جس کے تحت ملک کو کیش لیس معیشت کی جانب منتقل کرنے اور سرکاری خدمات میں شفافیت بڑھانے کی کوشش کی جا رہی ہے۔

ائیرپورٹ حکام کے مطابق، ڈیجیٹل ادائیگیوں سے مسافروں کے وقت کی بچت، شفافیت میں بہتری اور سہولت میں اضافہ ممکن ہوگا۔ اس نظام کے تحت ایئرپورٹس پر موجود ریٹیل شاپس اور فوڈ آؤٹ لیٹس بھی ڈیجیٹل ادائیگیوں کو قبول کریں گے، جس سے خریداری اور کھانے پینے کا عمل مزید آسان ہو جائے گا۔مزید بتایا گیا کہ نئے نظام میں تمام ٹرانزیکشنز کا ریکارڈ خودکار طور پر تیار ہوگا، جس سے ادائیگیوں کے عمل میں شفافیت بڑھے گی اور غلطیوں کے امکانات کم ہوں گے

آزاد کشمیر،ن لیگ کا عدم اعتماد کیلئے پیپلز پارٹی کا ساتھ دینے کا اعلان

جے پی مورگن کا بڑا فیصلہ، بٹ کوائن قرضوں کے لیے ضمانت کے طور پر قابل قبول