Author: سعد فاروق

صوبہ سندھ کے دارالحکومت کراچی کے علاقہ کارساز میں پیش آئے واقعے کے متاثرین کے اہلِ خانہ نے عدالت میں حلف نامہ جمع کرا دیا۔

باغی ٹی وی کی رپورٹ کے مطابق شہر قائد کی ایڈیشنل ڈسٹرکٹ اینڈ سیشن جج ایسٹ کی عدالت میں کارساز واقعہ کیس کی سماعت کے موقع پر مرکزی ملزمہ نتاشا دانش اپنے شوہر کے ہمراہ پیش ہوئی، دوران سماعت متاثرین کے اہلِ خانہ نے عدالت میں حلف نامہ جمع کرایا جس میں اللہ کی رضا کیلئے نتاشا کو معاف کرنے کا ذکر کیا گیا۔سماعت کے دوران متاثرہ خاندان اور زخمی افراد کے علاوہ ان کے اہلِ خانہ بھی عدالت میں موجود تھے، عدالت نے آئندہ سماعت تک تمام متعلقہ اداروں سے رپورٹ طلب کرلی اور بعد ازاں سماعت 31 اکتوبرتک ملتوی کردی گئی۔بتاتے چلیں کہ کارساز میں تیز رفتار گاڑی چلاتے ہوئے شہریوں کو کچلنے کے واقعے کی مرکزی ملزم نتاشا دانش اور جاں بحق ہونے والے 2 افراد کے لواحقین کے درمیان صلح کی خبر گزشہ ماہ سامنے آئی تھی، جس میں دعویٰ کیا گیا تھا کہ نتاشا کے اہل خانہ نے آمنہ کے اہل خانہ کو ساڑھے 5 کروڑ روپے سے زائد کی رقم بطور دیت ادا کی ہے۔خیال رہے کہ یہ واقعہ 19 اگست کو کراچی میں کارساز روڈ پر پیش آیا تھا جہاں تیز رفتار گاڑی بے قابو ہو کر راہ گیروں پر چڑھ دوڑی تھی، حادثے میں موٹر سائیکل سوار باپ بیٹی عمران عارف اور آمنہ جاں بحق جب کہ 4 افراد زخمی ہوئے تھے، واقعے کے بعد پولیس نے گاڑی چلانے والی خاتون کو گرفتار کرلیا تھا، عینی شاہدین کی جانب سے ملزمہ نتاشا کے بارے میں جیپ چلاتے ہوئے نشہ آور چیز کے زیر اثر ہونے اور حواس میں نہ ہونے کا کہا گیا تھا۔

بھارتی افواج کےظُلم نے ناپاک عزائم کا پردہ چاک کر دیا ہے، خالد مقبول صدیقی

بلاول کا کشمیر کے مظلوم عوام کیلئے حمایت جاری رکھنے کے عزم کا اعادہ

کراچی میں کارروائی کے لیے جانیوالا پولیس انسپکٹر اغوا

کل جماعتی حریت کانفرنس کی آزادجموں وکشمیر شاخ کے کنوینر غلام محمد صفی نے کہاہے کہ بھارت بے پناہ وسائل کے باوجود کشمیریوں کو زیر کرنے میں بری طرح ناکام ہوچکا ہے اوروہ اپنی ناکامیوں کو چھپانے کے لئے پاکستان پر جھوٹے الزامات لگاتا ہے۔

کشمیرمیڈیاسروس کے مطابق کراچی میں آزاد رجموں و کشمیر کی قانون ساز اسمبلی کے رکن عامر غفار لون کی طرف سے کل جماعتی حریت کانفرنس کی آزاد جموں وکشمیر شاخ کی وفد کے اعزاز میں منعقدہ تقریب سے خطاب کرتے ہوئے غلام محمد صفی نے کہاکہ بھارت کشمیریوں کی حق پر مبنی تحریک کو دہشت گردی کے ساتھ جوڑنے کی کوشش کرتا ہے جبکہ بھارت خود ریاستی دہشت گردی کا مرتکب ہورہا ہے جس کے شواہد بین الاقوامی سطح پر آشکارہوچکے ہیں۔انہوں نے کہااسی کے نتیجے میں کینیڈا نے بھارت کے سفارتی عملے کو ملک بدرکردیا ہے۔ انہوں نے کہاجنہوں نے جدوجہد آزادی کی راہ میں اپنی جانوں کا نذرانہ پیش کیا وہ کامیاب ہوچکے ہیں اور ہم پر ذمہ داری ہے کہ ہم اپنے شہدا ء کی قربانیوں کو فراموش نہ کریں ۔ غلام محمد صفی نے کہاکہ ہم کسی کو شہدا ء کی عظیم قربانیوں سے غداری کی اجازت نہیں دیں گے اور اس وقت تک اپنی جدوجہد جاری رکھیں گے جب تک کہ ہم بھارتی تسلط سے آزادی حاصل نہیں کر لیتے ۔حریت رہنما نے تقریب میں موجود خواتین کا خاص طوپر شکریہ ادا کیا اور مقبوضہ جموں وکشمیر سے ان کی محبت کو خراج تحسین پیش کیا۔ آزاد جموں وکشمیر کے سابق صدر اور وزیراعظم سردار محمد یعقوب خان نے تقریب سے خطاب کرتے ہوئے کہا کہ میں نے تحریک آزادی کشمیر کو اپنی زندگی کا حصہ بنایا ہوا ہے اور آج میں اس تقریب میں موجود ہر فرد سے کہوں گا کہ وہ تحریک آزادی کو اپنی زندگیوں کا حصہ بنائیں اور ہر ممکن اقدامات اٹھائیں جس سے مقبوضہ جموں وکشمیر کی مائوں اوربہنوں کو غاصب بھارت سے نجات مل سکے۔کل جماعتی حریت کانفرنس کی آزادجموں وکشمیر شاخ کے جنرل سیکرٹری ایڈوکیٹ پرویز احمد نے اپنے خطاب میں شہر کراچی میں مقیم جموں و کشمیر کے بھائیوں اور بہنوں کا شکریہ ادا کرتے ہوئے کہا کہ جب تک آپ بھائیوں اور بہنوں کا ساتھ ہمارے ساتھ رہے گا ، بھارت تو کیا دنیا کی کوئی طاقت کشمیریوں کو آزادی کی نعمت سے محروم نہیں کرسکتی۔ اس سے قبل عامر غفار لون نے حریت وفدکو خوش آمدید کرتے ہوئے کہاکہ مقبوضہ جموں و کشمیر ہماری جان کا حصہ ہے اوراس کی آزادی ہماری اولین ترجیح ہے۔انہوں نے کہاکہ مقبوضہ خطے کی آزادی تک ہم چین کی نیند نہیں سو سکتے ۔تقریب میں دیگر لوگوں کے علاوہ سابق مشیر وزیراعظم آزاد کشمیرعبد الوحید میر، ڈائریکٹر کراچی آرٹس کونسل بشیر سدوزئی، سیکریٹری جنرل کراچی یونین آف جرنلسٹس سردار لیاقت ، سماجی کارکن سردار نزاکت، بشیر وانی اور اقبال کشمیری نے بھی شرکت کی۔ حریت رہنماسید اعجاز احمد، عبدالحمید لون اور شیخ عبدالماجد بھی وفد میں شامل تھے۔

ایم ڈی کیٹ کا دوبارہ انعقاد ،بد انتظامی و نا اہلی کی انتہا ہے ، منعم ظفر خان

کراچی کی جیل سے فرار قیدی ڈیرہ غازی خان سے گرفتار

وزیراعلیٰ سندھ سے سپریم کورٹ بار کے وفد کی ملاقات

امیرجماعت اسلامی کراچی منعم ظفر خان نے سندھ ہائی کورٹ کی جانب سے MDCATکا ٹیسٹ دوبارہ لینے کے حکم پر تبصرہ کرتے ہوئے کہا ہے کہ سندھ میں بد انتظامی و نا اہلی کی انتہاہو گئی ہے ،پیپلز پارٹی کی حکومت کی نا اہلی و ناقص کارکردگی اور بد انتظامی کی سزا طلبہ کو بھگتنا پڑ رہی ہے ، ہزاروں طلبہ و طالبات کو اب ایک بار پھر تھکا دینے والے عمل سے گزرنا ہوگا ۔

ایم ڈی کیٹ کا پر چی لیک ہونے کے واقعات معمول بنتے جا رہے ہیں ، اس بات کی کیا ضمانت ہے کہ آئندہ یہ سارا عمل صاف اور شفاف ہوگا ،منعم ظفر خان نے مزید کہا کہ 22ستمبر کو ہونے والے MDCATکے ٹیسٹ کے دوران شدید بد انتظامی اور نا اہلی کے باعث ہزاروں طلبہ و طالبات کو سخت گرمی میں شدید ذہنی و جسمانی اذیت کا سامنا کرنا پڑا اور پورے کراچی میں صرف 2امتحانی مراکز قائم کیے گئے جو طلبہ و طالبات کی تعداد کے حساب سے کم تھے جبکہ دوسری طرف پرچہ لیک ہونے سے پورا امتحانی عمل اور اس کے نتائج متنازع بن گئے اور ایک ماہ سے زائد عرصے کے دوران ہزاروں طلبہ و طالبات بے یقینی کا شکار رہے ، ضرورت اس امر کی ہے کہ میڈیکل کالجوں کے داخلے کے پورے عمل اور طریقہ ٴ کار کو مستقل بنیادوں پر صاف اور شفاف بنایا جائے اور پرچہ لیک کرنے والوں کے خلاف سخت کارروائی کی جائے ، کراچی کے طلبہ و طالبات کے لیے امتحانی مراکز کی تعداد میں اضافہ کیا جائے ۔

پشاور:ٹشو پیپرز اورڈائپرز کی فیکٹری میں لگی آگ پر تاحال قابو نا پایا جا سکا

وزیراعلیٰ سندھ سے سپریم کورٹ بار کے وفد کی ملاقات

وزیراعلیٰ سندھ سید مراد علی شاہ سے سپریم کورٹ بار ایسوسی ایشن کے وفد نے ملاقات کی.

باغی ٹی وی کی رپورٹ کے مطابق وفد کی سربراہی سپریم کورٹ بار ایسوسی ایشن کے صدر شہزاد شوکت ، جنرل سیکریٹری سید علی عمران، ایگزیکٹیو ممبر مس سامعہ اور دیگر شریک ہوئے جبکہ وزیراعلیٰ سندھ کے ساتھ وزیر قانون ضیا ء الحسن لنجار ، میئر کراچی مرتضیٰ وہاب اور سیکریٹری وزیراعلیٰ سندھ رحیم شیخ، صدر پیپلزلائرز فورم کےقاضی بشیر شریک تھے.ترجمان وزیراعلیٰ سندھ کے مطابق سپریم کورٹ کونسل کے وفد نے کراچی میں لائر ہوسٹل کے لیے زمین کی درخواست کی،
وزیراعلیٰ سندھ نے لائر ہوسٹل کے لیے زمین کا بندوبست کرنے کی یقین دہانی کروائی .وزیراعلیٰ سندھ نے وزیر قانون ضیاء لنجار کو ہدایت دی کہ زمین کے حصول کے لیے نشاندہی کر کے رپورٹ پیش کریں ۔

ایم ڈی کیٹ ٹیسٹ چار ہفتوں میں دوبارہ لینے کا حکم

کراچی میں انتہائی سرگرم چار رکنی بین الصوبائی موٹرسائیکل لفٹر و ڈکیت گروہ کورنگی پولیس نے گرفتار لیا.

باغی ٹی وی کی رپورٹ کے مطابق ملزمان سے شہر کراچی کے علاقوں سے چوری اور چھینی جانے والی 12 موٹر سائیکلیں برآمد کر لی گئیں۔ملزمان سے موٹرسائیکلوں کو کھولنے والی الیکٹرونک مشینیں، ٹول کٹ اور چھینے ہوئے موبائل فون بھی برآمد کیے گئے۔ملزمان کو تکنیکی بنیاد پر کورنگی اے وی ایل سی پولیس نے چھاپے کے دوران گرفتار کیا۔برآمد کی جانے والی موٹرسائیکلز میں تین ہانڈا 125 اور چھ 70 سی سی موٹرسائیکلز شامل ہیں۔گرفتار عادی جرائم پیشہ ملزمان کا گروہ انتہائی سرگرم اور پولیس کو مطلوب تھا۔ملزمان کا گروہ اپنے دیگر مفرور ساتھیوں کے ہمراہ اسلحے کے زور پر بھی وارداتیں کرتا تھا۔ملزمان کے خلاف موٹرسائیکل چوری، موبائل چھیننے اور غیر قانونی اسلحے کے متعدد مقدمات بھی درج ہیں۔گرفتار ملزمان کی شناخت اسرار، اظہر، احمد نواز اور مزمل کے نام سے ہوئی۔ابتدائی تفتیش کے دوران ملزمان نے موٹرسائیکل کے پارٹس حب کے علاقے میں بیچے جانے کا انکشاف کیا۔ملزمان کے دیگر مفرور ساتھیوں کی گرفتاری کے لیے چھاپے مارے جا رہے ہیں۔گرفتار ملزمان سے مزید انٹیروگیشن کا عمل جاری ہے۔

کوشش ہے اس بار پی ایس ایل کا ایک میچ پشاور میں کرائیں : فیصل کریم کنڈی

ڈاکٹر شاہنواز قتل: آئی جی سندھ کی انکوائری کمیٹی کے اہم انکشافات

عمران خان اسرائیل ایجنٹ نہیں بلکہ اسرائیلی حکومت کا حصہ ہے، شرجیل میمن