Author: سعد فاروق

پاکستان، سعودی عرب، او آئی سی اور عرب لیگ سمیت 17 ممالک نے اسرائیلی پارلیمنٹ کی جانب سے مغربی کنارے پر قبضے سے متعلق بل کی منظوری کی شدید مذمت کی ہے۔

ان ممالک کی جانب سے جاری مشترکہ بیان میں کہا گیا ہے کہ یہ اقدام بین الاقوامی قوانین اور اقوامِ متحدہ کی قراردادوں کی صریح خلاف ورزی ہے۔بیان میں 1967ء سے مقبوضہ فلسطینی علاقوں کی آبادی، کردار اور قانونی حیثیت تبدیل کرنے کے اسرائیلی اقدامات کو غیرقانونی قرار دیتے ہوئے ان کی مذمت کی گئی۔مشترکہ اعلامیے میں کہا گیا کہ عالمی عدالتِ انصاف نے فلسطینی سرزمین پر اسرائیلی قبضے، آبادکاری اور انضمام کو غیر قانونی قرار دیا ہے، جبکہ عدالت کی جانب سے غزہ میں انسانی امداد سے متعلق اسرائیلی ذمے داریوں پر دی گئی رائے کا خیر مقدم کیا گیا ہے۔

بیان میں مزید کہا گیا کہ مشرقی بیت المقدس کا اسرائیل میں انضمام سلامتی کونسل کی قراردادوں کے مطابق غیر قانونی ہے، لہٰذا اسرائیل کو یک طرفہ اور غیر قانونی اقدامات فوری طور پر بند کرنے چاہییں۔

17 ممالک کے مشترکہ بیان میں عالمی برادری پر زور دیا گیا کہ وہ اپنی اخلاقی اور قانونی ذمہ داری ادا کرتے ہوئے اسرائیل پر دباؤ ڈالے تاکہ فلسطینی عوام کے جائز حقوق تسلیم کیے جائیں، اور 1967ء کی سرحدوں کے مطابق ایک آزاد و خودمختار فلسطینی ریاست قائم کی جائے جس کا دارالحکومت بیت المقدس ہو.

جنگ بندی کے باوجود فلسطینی بھوک، پیاس اور پناہ کے لیے ترسنے لگے

کے ڈی اے میں 11 ارب 33 کروڑ کے ٹھیکے بغیر ٹینڈر دیے جانے کا انکشاف

گھوٹکی: معمولی جھگڑے میں داؤدپوٹو برادری کا نوجوان شدید زخمی، ملزمان فرار

اسرائیل اور حماس کے درمیان جنگ بندی کے باوجود غزہ میں انسانی بحران مزید سنگین ہوتا جا رہا ہے۔

اسرائیلی پابندیوں کے باعث امدادی سامان کی محدود فراہمی نے فلسطینیوں کی مشکلات میں اضافہ کر دیا ہے، ہزاروں خاندان مناسب پناہ، خوراک اور پانی کے حصول کے لیے جدوجہد کر رہے ہیں، جبکہ بیمار فلسطینی فوری طبی امداد کے منتظر ہیں۔قطری نشریاتی ادارے الجزیرہ کے مطابق جنگ بندی کے باوجود غزہ کے شہریوں کے حالات میں کوئی بہتری نہیں آئی۔ امداد کی کمی کے باعث بیشتر فلسطینی خاندان فاقہ کشی اور بے گھری کا شکار ہیں۔الجزیرہ کی رپورٹنگ ٹیم کے مطابق غزہ کے شمال، وسطی اور جنوبی علاقوں میں تمام فلسطینی یکساں طور پر مشکلات سے دوچار ہیں۔

ابو عمّارہ نامی 12 رکنی خاندان اس وقت ایک چھوٹے خیمے میں مقیم ہے۔ شام کے 4 بجے ان کا دن کا پہلا کھانا تیار ہوتا ہے، جبکہ بچوں نے صبح سے کچھ نہیں کھایا۔ والدین صبح سے خوراک کی تلاش میں ہیں مگر حالات انتہائی خراب ہیں۔یہ خاندان غزہ کے علاقے شجاعیہ کا رہائشی ہے اور امید کر رہا تھا کہ جنگ بندی کے بعد اپنے گھر واپس جا سکے گا، مگر ان کا کہنا ہے کہ ان کا علاقہ "غیرمحفوظ زون” میں ہونے کے باعث وہ واپس نہیں جا سکتے۔پناہ گاہوں کی کمی اور واپسی کی گنجائش نہ ہونے پر کئی بے گھر خاندان قبرستانوں میں خیمے لگا کر رہنے پر مجبور ہیں، کیونکہ وہی واحد جگہ ہے جو اب بھی خالی ہے۔

ادھر عالمی ادارۂ صحت (ڈبلیو ایچ او) کے مطابق 15 ہزار فلسطینی ایسے ہیں جنہیں فوری طبی علاج کی ضرورت ہے اور وہ غزہ سے انخلا کے منتظر ہیں۔ گزشتہ روز 41 نازک حالت کے مریضوں کو نکالا گیا، تاہم جنگ بندی کے باوجود رفح بارڈر تاحال بند ہے.

گھوٹکی: معمولی جھگڑے میں داؤدپوٹو برادری کا نوجوان شدید زخمی، ملزمان فرار

اسلام آباد پولیس کےایس ایس پی نے مبینہ طور پر خودکشی کر لی

بھارت کی مودی سرکار نے امریکی دباؤ کے سامنے جھکنے کی تیاری کر لی ہے اور روس سے تیل کی خریداری میں کمی پر غور شروع کر دیا ہے۔

بھارتی میڈیا کے مطابق بھارت کی بڑی آئل ریفائنریز نے روس سے خام تیل کی خریداری کم یا مکمل طور پر بند کرنے کی منصوبہ بندی شروع کر دی ہے۔اس پیش رفت پر بھارتی اپوزیشن جماعت کانگریس نے وزیرِ اعظم نریندر مودی کو سخت تنقید کا نشانہ بنایا۔ کانگریس نے کہا کہ ’’ٹرمپ نے کہا جنگ روکو تو مودی نے لڑائی بند کر دی، اب ٹرمپ نے روسی تیل نہ خریدنے کا کہا تو مودی نے فوراً سرنڈر کر دیا۔‘‘

کانگریس نے امریکی صدر کے پاک بھارت جنگ سے متعلق اب تک کے چھپن بیانات پر بھارتی حکومت کے نام طنزیہ پوسٹر بھی جاری کیا ہے.

اسلام آباد پولیس کےایس ایس پی نے مبینہ طور پر خودکشی کر لی

اوکاڑہ: سموگ مہم کے دوران دھواں چھوڑتی گاڑیاں بند، ڈی آر ٹی اے کی کارروائیاں تیز