Baaghi TV

Author: صدف ابرار

  • چکوال مدرسے کا واقعہ افسوسناک ہے،نگران وزیر اعلی پنجاب

    چکوال مدرسے کا واقعہ افسوسناک ہے،نگران وزیر اعلی پنجاب

    نگران وزیر اعلی پنجاب نے چکوال متاثرہ بچوں سے ملاقات کی ہے اس موقع پر انہوں نے کہا چکوال واقعہ کی وجہ سے شرمند ہ بھی ہیں اور افسوس بھی بہت ہے۔ایک مدرسہ میں ہونے والے واقعہ کی وجہ سے سب کو برا نہیں کہا جاسکتا۔ ایک ہی مدرسہ کے چند افراد کی وجہ سے اسی مدرسہ کے دیگر لوگوں کو بھی برا نہیں کہہ سکتے۔ ملزمان کو کیفرکردار تک پہنچنے کیلئے جو ممکن ہوسکا کریں گے۔ آئی جی کو ٹاسک دے دیا ہے، سیکرٹری پراسیکیوشن بھی اپنا کام کریں گے۔ قانون ہم نہیں بنا سکتے تاہم ایسے اقدامات ضرور کریں گے تاکہ آئندہ ایسے واقعات نہ ہوں۔ بچوں کے ساتھ آئندہ ایسے واقعات کی روک تھام کے لئے ٹھوس اقدامات کی ضرورت ہے۔متاثرہ بچوں کی پرائیویسی کا خیال رکھا جائے، میڈیکل نہ کرانے کے فیصلہ کا احترام کرتے ہیں۔ لوکل میڈیا سے متاثرہ بچوں کے نام اور تصویریں وغیرہ پبلک نہ کرنے کی درخواست کرتا ہوں۔ چکوال مدرسہ کے بچوں کے تعداد ایک دو نہیں زیادہ ہے، انہیں تحفظ دینا چاہتے ہیں برے سلوک کی وجہ سے بچے اور ان کے والدین ٹراما میں ہیں۔ برے سلوک کے بعد نشاندہی کے لئے بہت ہمت چاہیے۔ متاثرہ بچوں کو ٹراما سے نکالنا ہے اور نارمل زندگی بحال کرنی ہے۔ بچوں کی پڑھائی بھی بحال کریں گے اور انہیں ٹراما سے بھی نکالا جائے گا۔

  • پی ٹی آئی کے سابق وزراء استحکام پاکستان میں شامل

    پی ٹی آئی کے سابق وزراء استحکام پاکستان میں شامل

    پاکستان تحریک انصاف کے سابق وزیر علی نواز اعوان اور سردار آصف نکئی نے استحکام پاکستان پارٹی میں شمولیت کر لی ۔ پاکستان تحریک انصاف کے کپتان کا ایک اور بڑا کھلاڑی ساتھ چھوڑ گیا، سابق وفاقی وزیر علی نواز اعوان نے منظر عام پر آ کر پارٹی سے علیحدگی کا اعلان کردیا۔ علی نواز اعوان نے لاہور میں آئی پی پی کے پیٹرن انچیف جہانگیر ترین اور صدر استحکام پاکستان پارٹی علیم خان سے ملاقات کی، ملاقات میں عون چودھری اور آئی پی پی کی دیگر قیادت بھی شریک تھی۔


    جہانگیر ترین سے ملاقات میں علی نواز اعوان نے اپنے آئندہ کے سیاسی فیصلے سے متعلق آگاہ کیا، جہانگیر ترین اور عبدالعلیم خان نے علی نواز اعوان کو آئی پی پی میں شمولیت پر خوش آمدید کہا۔ دوسری جانب سابق صوبائی وزیر سردار آصف نکئی بھی کپتان کا ساتھ چھوڑ گئے اور جہانگیر ترین اور علیم خان سے ملاقات کے بعد انہوں نے بھی استحکام پاکستان پارٹی میں شمولیت کا اعلان کردیا۔ اس ملاقات میں عون چوہدری، صمصام بخاری، نعمان لنگڑیال اور دیگر قیادت بھی شریک تھے۔


    سابق صوبائی وزیر سردار آصف نکئی بھی کپتان کا ساتھ چھوڑ گئے ۔سردار آصف نکئی نے جہانگیر ترین اور علیم خان سے ملاقات کی سردار آصف نکئی نے آئی پی پی میں شمولیت اختیار کر لی۔ ملاقات میں عون چوہدری صمصام بخاری نعمان لنگڑیال اور دیگر قیادت شریک تھی۔ جہانگیر ترین اور علیم خان نے آئی پی پی میں شمولیت پر خوش امدید کہا۔

  • شوگر بورڈ ایڈوائزری کا اجلاس طلب

    شوگر بورڈ ایڈوائزری کا اجلاس طلب

    شوگر ایڈوائزری بورڈ کا اہم اجلاس طلب کر لیا گیا ذرائع کے مطابق اجلاس کی صدارت نگران وفاقی وزیر صنعت و پیداوار گوہر اعجاز 21 نومبر کو کریں گے۔
    اجلاس میں شوگر ملز مالکان کا چینی کی برآمد کا معاملہ پیش کیے جانے کا امکان ہے۔ذرائع کا کہنا ہے کہ شوگر ملز مالکان نے مزید ڈھائی لاکھ ٹن چینی برآمد کرنے کا مطالبہ کر رکھا ہے، شوگر ایڈوائزری بورڈ چینی کے موجودہ اسٹاک کا جائزہ لے گا۔ وزارت نیشنل فوڈ سیکیورٹی گنے کی کم از کم امدادی قیمت سے متعلق تجاویز دے گی جبکہ کرشنگ سال 24-2023 کے لیے گنے اور چینی کی پیداوار کا تخمینہ پیش کیا جائے گا۔
    ذرائع نے بتایا کہ سال 24-2023 کے لیے گنے کی کرشنگ کی تاریخ کا معاملہ بھی ایجنڈے میں شامل ہے۔

  • مرکزی جمعیت اہل حدیث کا مسلم لیگ ن سے اتحاد برقرار

    مرکزی جمعیت اہل حدیث کا مسلم لیگ ن سے اتحاد برقرار

    مرکزی جمعیت اہل حدیث پاکستان کی مجلس شوریٰ نے عام انتخابات میں مسلم لیگ ن کے ساتھ انتخابی اتحاد برقرار رکھنے کی منظوری دے دی۔
    اجلاس سے خطاب کرتے ہوئے سینیٹر ساجد میر نے کہا کہ چیلنجز سے نمٹنے کے لیے سیاسی قیادت کو قومی ایجنڈے پر متفق ہونا ہوگا، قیادت ایک چھت تلے سر جوڑ کر بیٹھے اور ملکی مسائل کا حل نکالے۔پروفیسر ساجد میر نے مزید کہا کہ عام انتخابات میں تاخیر نہیں ہونی چاہیے۔
    مجلس شوریٰ کے اجلاس میں سینیٹر حافظ عبدالکریم سمیت ملک بھر سے 600 ارکان شوریٰ شریک ہوئے۔

  • پشاور نے کراچی وائٹس کو شکست دے کر پاکستان کپ کا ٹائٹل اپنے نام کرلیا

    پشاور نے کراچی وائٹس کو شکست دے کر پاکستان کپ کا ٹائٹل اپنے نام کرلیا

    پاکستان کپ 2023-24 کے فائنل میں پشاور نے پنڈی کرکٹ اسٹیڈیم میں کراچی وائٹس کو پانچ وکٹوں سے شکست دے کر اپنا تیسرا ون ڈے کپ جیت لیا۔ نبی گل نے پشاور کے لیے فاتحانہ رنز بنائے کیونکہ صاحبزادہ فرحان کی قیادت میں ٹیم نے 50 لاکھ روپے کا نقد انعام جیب میں ڈالا۔ پشاور کی آخری قومی ون ڈے ٹائٹل جیت 2016-17 کے سیزن میں ملی جب اس نے اسی حریف کو نیشنل بینک اسٹیڈیم، کراچی میں فائنل میں 124 رنز سے شکست دی۔
    کراچی وائٹس نے اپنی اننگز کا آغاز صبر کے ساتھ پشاور کی جانب سے پہلے بلے بازی کے لیے ایک ایسی سطح پر کیا جو فاسٹ باؤلرز کی مدد کرتی دکھائی دے رہی تھی۔ پہلا دھچکا آٹھویں اوور میں حبیب اللہ کو بائیں ہاتھ کے تیز گیند باز محمد عمران کے ہاتھوں آؤٹ کر کے لگا۔

    کراچی وائٹس کے لیے سیمی فائنل کی فتح میں 95 رنز کے ساتھ اداکاری کرنے والے صائم ایوب اسٹیج سے باہر نکلنے والے دوسرے بلے باز تھے جب عمران نے انہیں اعظم خان کے ہاتھوں کیچ کروانے کے لیے دوبارہ وار کیا۔ وکٹیں گرتی رہیں کیونکہ ٹاپ پانچ بلے بازوں میں سے کوئی بھی 13 سے اوپر کا سکور نہیں بنا سکا۔
    کراچی وائٹس کے کپتان سرفراز احمد 25 گیندوں پر صرف 22 رنز بنا کر افتخار احمد کے ہاتھوں تیز کیچ آؤٹ ہوئے۔ اعظم خان 46 گیندوں پر 30 رنز بنا کر آؤٹ ہونے والے آخری کھلاڑی تھے جب کراچی صرف 31.2 اوورز میں 103 پر آل آؤٹ ہو گیا۔ عمران نے 28 رنز کے عوض چار وکٹیں حاصل کیں جبکہ محمد عباس آفریدی نے تین وکٹیں حاصل کیں۔


    پشاور کو اپنے معمولی ہدف کے تعاقب میں پانچ وکٹوں اور 27.4 اوورز باقی رہ کر گھر پہنچنے میں کوئی بڑی ہچکی کا سامنا نہیں کرنا پڑا۔ محمد حارث نے 33 گیندوں پر سات چوکوں اور ایک چھکے کی مدد سے تیز رفتار 46 رنز بنائے۔
    صاحبزادہ عجیب انداز میں آؤٹ ہوئے کیونکہ انہوں نے نادانستہ طور پر اپنے بلے سے بیلز کو کوڑے مارے جس کے نتیجے میں غلام مدثر کی وکٹ ہٹ گئی۔ گرنے والی باقی چار وکٹیں نعمان علی (دو وکٹیں)، دانش عزیز اور صائم (ایک ایک) نے حاصل کیں۔
    ملتان کے حسیب اللہ نے دو سنچریوں اور 10 آؤٹ سمیت 326 رنز بنا کر ٹورنامنٹ کے بہترین کھلاڑی اور بہترین وکٹ کیپر کا ایوارڈ اپنے نام کیا۔ صائم آٹھ اننگز میں 397 رنز بنا کر بیٹنگ چیٹنگ چارٹس میں سرفہرست رہے اور انہیں ٹورنامنٹ کا بہترین بلے باز قرار دیا گیا۔ ملتان کے لیگ اسپنر زاہد محمود اور پشاور کے فاسٹ باؤلر عباس آفریدی 15،15 وکٹیں لے کر بہترین باؤلر کا مشترکہ فاتح قرار پائے۔ 4-28 کے ان کے مؤثر اعداد و شمار کے لئے، محمد عمران کو فائنل کا بہترین کھلاڑی قرار دیا گیا۔

    مختصر میں اسکور:

    پشاور نے کراچی وائٹس کو پانچ وکٹوں سے ہرادیا۔

    کراچی وائٹس 103 آل آؤٹ، 31.2 اوورز (اعظم خان 30، سرفراز احمد 22؛ محمد عمران 4-28، محمد عباس آفریدی 3-20)

    پشاور 108-5، 17.2 اوورز (محمد حارث 46؛ نعمان علی 2-19)

    پلیئر آف دی ٹورنامنٹ – حسیب اللہ (ملتان ریجن) (326 رنز اور 10 آؤٹ)

    بہترین بلے باز – صائم ایوب (کراچی ریجن وائٹس) (397 رنز)

    بہترین باؤلر – زاہد محمود (ملتان ریجن) اور محمد عباس آفریدی (پشاور ریجن) (15 وکٹیں)

    بہترین وکٹ کیپر – حسیب اللہ (ملتان ریجن) (326 رنز اور 10 آؤٹ)

    پلیئر آف دی فائنل – محمد عمران (پشاور ریجن)

  • ورلڈ کپ فائنل2023: آسٹریلیا نے بھارت کو شکست دے کر چھٹی بار عالمی چیمپئین بن گیا

    ورلڈ کپ فائنل2023: آسٹریلیا نے بھارت کو شکست دے کر چھٹی بار عالمی چیمپئین بن گیا

    آسٹریلیا نے ورلڈکپ کے فائنل میں بھارت کو 6 وکٹوں سے شکست دے دی۔


    آسٹریلیا نے ہدف کے تعاقب کا آغاز کیا تو بھارتی بولرز نے اپنی ٹیم کو کامیابیاں دلوائیں۔ اوپنر ڈیوڈ وارنر 7 رنز بنانے کے بعد محمد شامی کی گیند پر 16 رنز کے مجموعے پر کیچ آؤٹ ہوئے جبکہ 41 کے اسکور پر 15 رنز بنانے والے مچل مارچ کیچ آؤٹ ہوگئے۔ آسٹریلیا کو تیسرا نقصان 47 رنز پر اٹھانا پڑا جب جسپریت بمرا نے اسٹیو اسمتھ کو ایل بی ڈبلیو آؤٹ کیا۔ اسمتھ نے 4 رنز بنائے۔چوتھی وکٹ پر اوپنر ٹریوس ہیڈ اور مارنس لبوشین نے دباؤ میں شاندار بیٹنگ کا مظاہرہ کرتے ہوئے بھارت سے فتح کو دور کردیا۔ دونوں نے 192 رنز کی شراکت بنائی۔ ٹریوس ہیڈ نے 95 گیندوں پر سنچری مکمل کی۔ انہوں نے سنچری تک 14 چوکے اور ایک چھکا لگایا۔
    ہیڈ 137 رنز کی اننگز کھیل کر فتح سے صرف 2 رنز دور کیچ آؤٹ ہوئے، انہوں نے اپنی اننگز میں 15 چوکے اور 4 چھکے لگائے۔

    بھارت نے آسٹریلیا کو جیت کے لیے 241 رنز کا ہدف دے دیا ہے،
    بھارت کی طرف سے ویرات کوہلی اور کے ایل راہول نے نصف سنچریاں سکور کیں جبکہ کپتان روہت شرما نے جارحانہ 47 رنز بنائے اس کے علاوہ کوئی بھارتی بلے باز آسٹریلی باؤلرز کا مقابلہ نہیں کرسکا۔اور مقررہ اوورز میں 9 وکٹوں کے نقصان پر 240 رنز بنائے۔ بھارتی ٹیم نے بیٹنگ کا آغاز کیا تو ابتدائی اوورز میں ہی شبمن گل 7 گیندوں پر 4 رنز بنا کر پویلین لوٹ گئے۔ شبمن گل کے بعد کپتان روہت شرما نے جارحانہ بیٹنگ کرتے ہوئے 3 چھکے اور 4 چوکے جڑے، روہت شرما بھی 31 گیندوں پر 47 رنز بنا کر آؤٹ ہو گئے۔ اس کے بعد شریاس ایر کریز پر آئے اور وہ بھی زیادہ دیر ٹک نہ سکے اور 3 گیندوں پر 4 رنز بنا کر چلتے بنے۔

    واضح رہے کہ اس ورلڈ کپ کے فائنل میں پہنچنے والی بھارتی ٹیم اب تک ناقابلِ شکست ہے، بھارتی ٹیم نے پہلے مرحلے میں تمام 9 ٹیموں کو اور پھر سیمی فائنل میں نیوزی لینڈ کو ہرایا تھا جب کہ آسٹریلیا نے ابتدائی دو میچ ہارنے کے بعد اگلے آٹھ میچ جیتے۔
    احمد آباد کے نریندر مودی اسٹیڈیم میں ایک لاکھ 32 ہزار تماشائیوں کی گنجائش ہے، اسٹیڈیم میں بھارتی مداحوں کی بڑی تعداد موجود ہے جن میں کئی مشہور شخصیات بھی شامل ہیں۔

    واضح رہے کہ اس ورلڈ کپ کے فائنل میں پہنچنے والی بھارتی ٹیم اب تک ناقابلِ شکست ہے، بھارتی ٹیم نے پہلے مرحلے میں تمام 9 ٹیموں کو اور پھر سیمی فائنل میں نیوزی لینڈ کو ہرایا تھا جب کہ آسٹریلیا نے ابتدائی دو میچ ہارنے کے بعد اگلے آٹھ میچ جیتے۔

  • آزاد فلسطین’ کی شرٹ پہنے آدمی کی گراؤنڈ میں انٹری

    آزاد فلسطین’ کی شرٹ پہنے آدمی کی گراؤنڈ میں انٹری

    ہندوستان اور آسٹریلیا کے درمیان ورلڈ کپ کے فائنل کے دوران احمد آباد کے نریندر مودی اسٹیڈیم میں ‘اسٹاپ بمبنگ فلسطین’ کی شرٹ میں ملبوس ایک شخص نے کھیل کے میدان میں داخل ہوا۔ سرخ رنگ کے شارٹس میں ملبوس اس شخص نے سفید قمیض پہن رکھی تھی جس کے سامنے ‘فلسطین پر بمباری بند کرو’ اور پیچھے ‘فلسطین کو آزاد کرو’ کا پیغام تھا۔

    اس شخص نے ویرات کوہلی کو گلے لگانے کی کوشش کی، لیکن اس کی حرکتوں سے کھیل میں عارضی طور پر روک لگ گئی کیونکہ سیکیورٹی اہلکاروں نے اسے تیزی سے پکڑ لیا۔ سیکیورٹی کی خلاف ورزی نے حکام کو گھسنے والے کو تحویل میں لینے پر مجبور کیا۔
    پچ حملہ آور کو ہٹانے کے بعد، ضروری حفاظتی اقدامات کو مزید تقویت دی گئی، جس سے ورلڈ کپ فائنل دوبارہ شروع کیا جا سکے۔

    مذکورہ مظاہرین سے بعد میں میڈیا نے پوچھ گچھ کی، جب کہ حکام اسے لے جا رہے تھے۔ انہوں نے بتایا کہ ان کا تعلق آسٹریلیا سے ہے اور انہوں نے ویرات کوہلی سے ملاقات کے لیے رابطہ کیا اور فلسطین میں جاری تنازعہ پر اپنی مخالفت کا اظہار بھی کیا۔

  • ورلڈ کپ میں شامی کی کارکردگی شاندار رہی،عبدالرزاق

    ورلڈ کپ میں شامی کی کارکردگی شاندار رہی،عبدالرزاق

    پاکستان کرکٹ کے لیجنڈ آل راؤنڈر عبدالرزاق نے کہا ہے کہ جب محمد عامر نے ریٹائرمنٹ کا اعلان کیا تو پورا کرکٹ بورڈ ناراض ہوا تھا۔ عبدالرزاق نے کہا کہ وسیم اکرم نے محمد عامر کے ریٹائرمنٹ کے اعلان پر کہا تھا کہ پاکستان کو اس کی ضرورت ہے۔
    انہوں نے مزید کہا کہ جب محمد عامر نے ریٹائرمنٹ کا اعلان کیا تو پورا بورڈ ناراض ہوا تھا۔ عماد وسیم نے کہا کہ بابراعظم نے ٹی20 میں اچھی اننگز کھیل رکھی ہیں، وہ اسپنرز اور فاسٹ بولرز دونوں ہی کو اچھا کھیلتا ہے۔ عبدالرزاق نے کہا کہ ورلڈ کپ 2023ء میں بھارت کے محمد شامی نے شاندار بولنگ کی ہے۔

  • ایم کیو ایم رہنماؤں کا پی پی پی کو جواب

    ایم کیو ایم رہنماؤں کا پی پی پی کو جواب

    ایم کیو ایم رہنما فاروق ستار نے پی پی پی کو جواب دیتے ہوئے کہا ہے کہ ہمیں مردہ گھوڑا کہنے والے صرف ٹاؤنز کے اجتماعات دیکھ لیں۔ جلسے سے خطاب کرتے ہوئے فاروق ستار نے کہا کہ کراچی کی آبادی تین کروڑ سے کم نہیں ہے، کراچی کے لوگ ایم کیو ایم کے ساتھ ہیں، انہوں نے شعر پڑھتے ہوئے سعید غنی کو جواب دیا کہ جو ہمیں مردہ سمجھ رہا ہے اسے کہو "میں مرا نہیں ہوں”۔ فاروق ستار نے مزید کہا کہ پیپلز پارٹی کا بسترا گول ہو رہا ہے، ابھی تو ہماری ریہرسل ہو رہی ہے، تمام جلسوں کا ریکارڈ توڑیں گے، غلطیاں ہوئی ہیں ان کا ازالہ کرنا ہے، نوجوان قیادت کو بہت جلد سامنے لانا ہے۔
    انیس قائم خانی نے بھی پیپلز پارٹی کے بیان پر شدید رد عمل دیتے ہوئے کہا ہے کہ پیپلز پارٹی 15 سال سے حکمران جماعت، شہر کے شہر تباہ کر دیئے۔ 18 ویں ترمیم میں تین ترامیم کی جائیں، میئر کے محکمے لکھے جائیں، فنڈز ایک ہزار ارب سے زیادہ جو وزیر اعلیٰ کو ملتے ہیں اس میں ترمیم ہو کہ پیسے شہروں میں تقسیم ہو کر وہاں جائیں، تیسری ترمیم یہ کہ جب تک بلدیاتی الیکشن نہ ہوں جنرل الیکشن بھی نہ ہوں۔انہوں نے کہا کہ ووٹ اسی صورت میں دینگے جب تین آئینی ترامیم ہونگی، ان تین ترامیم کا مسودہ جلد آپ کے ہاتھوں میں ہوگا، حکمران جماعت نے کراچی، حیدرآباد کا حال بھی لاڑکانہ جیسا بنا دیا، اب ان کے چئیرمین کو بھی ایم کیو ایم کی یاد آ رہی ہے۔
    انیس قائم خانی نے کہا کہ 2016ء کے بعد انہیں لگا ایم کیو ایم ٹوٹ رہی ہے، 2023ء میں سارے اختلافات بھلا کر ہم ایک ہوگئے، کراچی کے جلسے سب نے دیکھ لیے، حیدرآباد میں جلسہ ہو یا نہ ہو یہ ہمارا شہر ہے۔
    واضح رہے کہ پی پی پی کے رہنماسعید غنی نے کہا کہ پیپلزپارٹی کراچی کی سب سے بڑی جماعت ہے اور ہمیشہ سیاسی مخالفین کے نشانے پرہوتی ہے، اس شہر میں وہ ہمیں اپنا سب سے بڑا حریف سمجھتے ہیں لیکن ہمیں مزید کام کرنے کی ضرورت ہے۔انہوں نے کہا کہ پی پی ٹکٹ پرکراچی کے تمام حلقوں سے مضبوط امیدار اتریں گے، ایم کیو ایم سے کوئی رابطہ نہیں کریں گے، ایم کیو ایم بالکل فارغ ہوچکی، ان کی مثال مردہ گھوڑے کی ہے ، وہ سہارے تلاش کررہے ہیں، ہمیں ہرانے کی تمام کوششیں کی جاتی ہیں۔

    مزید کہا کہ ہم وفاق میں حکومت بنائیں گے، پی پی کے خلاف کوئی بڑا اتحاد نہیں ہے، پہلے بھی یہ اتحاد بنتے رہے ہیں، کچھ حاصل نہیں ہوا سندھ میں ہمارے مخالف بھی کہتے ہیں وزیراعظم بلاول بھٹو ہونگے، سندھ اور کراچی میں پہلے سے زیادہ نشتیں لیں گے۔

  • ہم کسی سیاسی پارٹی کے ساتھ نہیں ،نگران وزیر اعظم

    ہم کسی سیاسی پارٹی کے ساتھ نہیں ،نگران وزیر اعظم

    ہم غیر جانبدار انتخابات کروانے کے لیے پرعزم ہیں، نگران وزیر اعظم انوار الحق کا نجی ٹی وی کو انٹرویو کے دوران گفتگو . الیکشن کے انعقاد میں اپنی ذمہ داریاں پوری کریں گے،ہمیں مایوسی کی کیفیت کی جانب نہیں جانا چاہیے،سیاسی جماعتوں کی جانب سے الیکشن کے دوران ووٹرز کی ہمدریاں حاصل کرنے کے لیے طرح طرح کے بیانات دئیے جاتے ہیں جن پر جواب دینا ضروری نہیں ہوتا۔
    انوار الحق کاکڑ نے مزید کہا کہ وہ فواد حسن فواد کو اس وقت سے جانتے ہیں کہ جب وہ ڈپٹی کمشنر کے طور پر بلوچستان میں اپنی خدمات سرانجام دے رہے تھے،اس وقت کے وزیراعلی بھی انہیں بہت زیادہ پسند کرتے تھے تو اب سیاسی جماعتیں انہیں اس وقت کے وزیراعلی کے ساتھ کیوں نہیں منسوب کرتی ؟میں انہیں اس وقت سے جانتاہوں اور میں ایک بیوروکریٹ کی حیثیت سے ان کی بہت عزت کرتا ہوں اور میں نے کابینہ میں انہیں جو ذمہ داری سونپی ہے وہ اسے خوش اسلوبی سے ادا کرنے کی بھرپور صلاحیت رکھتے ہیں۔ کابینہ میں فواد حسن فواد اور احد چیمہ کی شمولیت پر اٹھائے جانے والے اعتراضات کے حوالے سے نگران وزیراعظم نے کہا کہ فواد حسن فواد نہایت قابل اور بہترین فرد ہیں ،وہ عزت اور حمیت والے انسان ہونے کے ساتھ ساتھ ایک فرض شناس سول سرونٹ کے طور پر بھی اپنی پہچان رکھتے ہیں۔

    نگران وزیر اعظم نے غزہ اسرائیل تنازع پر کہا کہ امت مسلمہ کی جانب سے اس مسئلے پر خاطر خواہ آواز بلند کی گئی تاہم اس حوالے سے اس طرح سے اقدامات نہیں اٹھائے جاسکے جس طرح کیے جانے چاہیے تھے،انہوں نے مزید کہا کہ اس مسئلے کو اجاگر کرنے کے لیے ہر کسی نے انفرادی اور اجتماعی حیثیت میں کوششیں کیں،کبھی یہ ٹوئٹر پر ٹرینڈ بن گیا تو کبھی فلسطینیوں سے اظہار یکجہتی کے لیے ریلیاں نکالی گئیں۔
    اسرائیلی مصنوعات کے بائیکاٹ کے حوالے سے انوار الحق کاکڑ نے واضح کیا کہ پاکستان میں خالص طور پر اسرائیلی مصنوعات کی نہ ہی امپورٹ ہوتی ہے اور نہ ہی پاکستانی مصنوعات اسرائیل ایکسپورٹ کی جاتی ہے ،پاکستان میں جن مصنوعات اور ریسٹورنٹ چینز کو اسرائیل سے جوڑا جارہا ہے وہ مقامی کارپوریٹ سیکٹر کی ہے جس کے ساتھ ہزاروں مزدوروں کا روزگار جڑا ہے ہم اس طرح کے اقدامات سے ان کے گھر کے چوہلے ٹھنڈے نہیں کرسکتے۔

    ڈالر کی قدر میں کمی اور روپے میں بہتری کے حوالے سے نگران وزیراعظم نے کہا کہ دو ڈھائی ماہ میں حکومت کی جانب سے معیشت کی بہتری کے لیے اٹھائے جانے والے اقدامات کے باعث ڈالر کنٹرول کرنے میں کامیاب ہوئے،ہم نے ڈالر کی نہ صرف غیر قانونی اسمگلنگ روکی بلکہ ان تمام تر عوامل کو بھی محدود کردیا جو ڈالر کی بڑھتی ہوئی قدر کا باعث بن رہے تھے۔

    ملک بھر سے غیر قانونی مقیم افغانوں کی بے دخلی کے حوالے سے نگران وزیراعظم نے دو ٹوک جواب دیتے ہوئے کہا کہ اس معاملے میں ہم پر کسی بھی حوالے سےکوئی دبائو نہیں ہے،یہ فیصلہ ہم نے اپنے ملک کی سالمیت کے لیے کیا تاہم اس تاثر کازائل کیے جانا ضروری ہے کہ ہم اپنے ملک سے افغانوں کو جبری طور پر بے خل کررہے ہیں ایسا کچھ نہیں ہے،ہم جن افغانوں کو یہاں سے بھیج رہے ہیں اگر وہ دستاویزات کے ساتھ پاکستان آئیں تو ہم انہیں خوش آمدید کہیں گے۔