مرتضیٰ وہاب ابراہیم حیدری ٹاؤن کی یو سی 8 سے بلا مقابلہ چیئرمین منتخب ہوگئے ہیں اور ان کی کامیابی کا نوٹیفکیشن بھی جاری کیا گیا ہے۔ ریٹرننگ افسر نے مرتضیٰ وہاب کی کامیابی کا نوٹیفکیشن جاری کیا۔ سندھ لوکل گورنمنٹ ایکٹ کے تحت براہ راست میئربننے پر امیدوار کو 6 ماہ میں یونین کونسل کا الیکشن لڑنا پڑے گا۔ چیئرمین ضلع کونسل بننے کی صورت میں بھی امیدوار کو چھ ماہ میں یونین کونسل کا الیکشن لڑنا پڑے گا۔ میئر کراچی مرتضیٰ وہاب براہ راست میئر منتخب ہوئے تھے۔
Author: صدف ابرار
-
مسلم لیگ ق کے سربراہ شجاعت حسین کا نواز شریف کو خوش آمدید
مسلم لیگ ق کے سربراہ چوہدری شجاعت حسین نے مسلم لیگ ن کے قائد نواز شریف کی وطن واپسی کی مبارکباد دے کر خوش آمدید کہا ہے چوہدری شجاعت حسین کا کہنا ہےکہ اس وقت ملک کو یکجہتی اور مفاہمت کی ضرورت ہے، نواز شریف کو معیشت کی بحالی اور مہنگائی کے خاتمےکے لئے شدید محنت کرنی ہوگی، چوہدری شجاعت حسین کا کہنا ہےکہ عوام کو نواز شریف سے بہت امیدیں ہیں، ملک کو انتقامی سیاست نہیں بلکہ مضبوط معیشت کی ضرورت ہے۔
انہوں نے مزیدکہا کہ لوگوں کو ریلیف فراہم کرنا اور قومی مفادات کا تحفظ سب کی مشترکہ ذمہ داری ہے۔ -
نواز شریف کی واپسی موسم کی تبدیلی کا اشارہ ہے،فردوس عاشق اعوان
استحکام پاکستان پارٹی کی مرکزی سیکرٹری اطلاعات ڈاکٹر فردوس عاشق اعوان نے نواز شریف کی آمد کو سیاسی موسم کے تبدیلی کا اشارہ ہے، فردوس عاشق اعوان کا کہنا تھا کہ نواز شریف کی آمد سے انتخابات کے ہونے کے امکانات مزید روشن ہو گئے ہیں استحکام پاکستان پارٹی اپنا پہلا انتخابی مقابلہ بھرپور طریقے سے لڑے گی۔
مسلم لیگ ن کے قائد او رسابق وزیراعظم نواز شریف کی آمد پر ردعمل دیتے ہوئے فردوس عاشق کا کہنا تھا کہ سب ٹھیک کر دے گا والوں نے سات مرتبہ صوبے میں اور تین مرتبہ وفاق میں کچھ نہ کیا ہے،اگر 16 ماہ کی حکومت میں کچھ کیا ہوتا تو عوام کو یہ دن نہ دیکھنا پڑتے۔
فردوس عاشق اعوان کاکہنا تھا کہ سولہ ماہ کی حکومت نے عوام کو جو زخم دئیے کاش نواز شریف اس کیلئے کوئی مرہم ساتھ لے آتے،ساڑھے تین سالہ اور سولہ ماہ کی حکومت والوں نے بیڑہ غرق کر دیا ہے،آج عام آدمی ان لوگوں کی کرتوتوں اور نا اہلیوں کی وجہ سے رو رہا ہے۔
ترجمان استحکام پاکستان پارٹی نے کہاکہ ساڑھے تین سال حکومت کو نا اہل کہنے والوں نے سولہ ماہ بھی نا اہلی کے سوا کچھ نہ دیا ہے،ان میں نہ ویژن نے نہ کام کرنے کی کمٹمنٹ اور نا ہی ایمانداری،کوئی پنکی پیرنی کا مرید ہے تو کوئی لکشمی دیوی کا پجاری۔
فردوس عاشق اعوان نے کہاکہ عوام کو پیشہ ور دیہاڑی بازوں نے مل کر اور جی بھر کر لوٹا ہے،آئی پی پی عوام کو ان کے چنگل سے نکالنے کےلئے بھرپور اقدامات کرے گی ،ملکی معیشت کو مستحکم بنا کر ملک کو تعمیر و ترقی کی راہ پر چلیں گے۔ ان کاکہناتھا کہ ساڑھے تین سال کی حکومت نے ملک کا ستیا ناس کیا،جبکہ سولہ ماہ کی حکومت نے ملک کا سوا ستیاناس کیا۔ -
پاکستانی صحافیوں اور شائقین کر کٹ کو ویزے جاری کرنا بھارت کے ہاتھ میں ہے
بھارت میں جاری آئی سی سی ون ڈے ورلڈکپ میں پاکستانی مداحوں اور صحافیوں کو ویزے تا حال جاری نہ کیے جانے کے معاملے پر آئی سی سی نے پاکستان کرکٹ بورڈ کو جواب دے دیا۔ پی سی بی کی جانب سے بتایا گیا کہ آئی سی سی نے یقین دلایا ہے کہ وہ معاملے کو دیکھ رہے ہیں۔ آئی سی سی نے جواب دیا کہ ویزوں کے حوالے سے حتمی فیصلہ بھارتی حکومت کے ہاتھ میں ہے ، صحافیوں اور فینز کے لیے ویزوں کے حصول کے لیے کوشش جاری رکھیں گے۔
واضح رہے کہ پاکستان کرکٹ بورڈ نے صحافیوں اور فینز کے ویزے بروقت جاری نہ کرنے پر آئی سی سی سی میں احتجاج کیا تھا۔ -
لاہور مینار پاکستان جلسے میں شریک خواتین اور بچے بھوک پیاس سے نڈھال
مینار پاکستان پر ن لیگ کے جلسے میں موجود خواتین کا بھوک سے برا حال،جلسے میں بلائے جانے والی خواتین کا گلہ، کہ ن لیگ والوں نے جلسے میں یہی کہہ کر بلایا تھا کہ وہاں کھانے پینے کا مکمل انتظام ہو گا لیکن پارٹی کی جانب سے کوئی انتظام نہ ہونے کی وجہ سے خواتین اور بچے شدید بھوک اور پیاس کی وجہ سے رو پڑی .جلسے میں شرکت کرنے والی خواتین نے الزام لگایا کہ ان کو دھوکے سے جلسے میں جمع کیا گیا ہے اور انکے لئے کوئی انتظام نہیں کیا گیا خواتین ایک ویڈیو میں یہ کہتے ہوئے دیکھی جاسکتی ہے کہ وہ بہت غریب ہے اور اپنے لئے کھانے پانی کا انتظام نہیں کر سکتی،
واضح رہے کہ عموما ن لیگ کے جلسوں میں بریانی کا انتظام کیا جاتا ہے لیکن آج نواز شر یف کے وطن واپسی کے موقع پر عوام کی بڑی تعداد جلسے میں شرکت تو کر رہی ہے لیکن ان کے لئے پانی تک کا نتظام موجود نہیں. -
آل راونڈر عماد وسیم نے بابر اعظم پر شدید تنقید کا اظہار کیا ہے
آل راؤنڈر عماد وسیم نے ایم چناسوامی اسٹیڈیم، بنگلورو میں جمعہ کو آئی سی سی ورلڈ کپ 2023 میں آسٹریلیا کے ہاتھوں پاکستان کی شکست کے بعد بابر اعظم کو تنقید کا نشانہ بنایا۔بابر کی قیادت والی ٹیم آسٹریلیا کی طرف سے دیے گئے 368 رنز کے ہدف کے تعاقب کی کوشش میں 62 رنز سے پیچھے رہ گئی، پاکستانی کپتان کی انفرادی کارکردگی 14 گیندوں میں صرف 18 رنز بنا کر آؤٹ ہونے کے بعد جانچ پڑتال کے تحت تھی۔ ایک مقامی ٹی وی چینل پر بات کرتے ہوئے، وسیم نے نشاندہی کی کہ اعظم نے 2019 سے کسی بڑی ٹیم کے خلاف پاکستان کے لیے فتح حاصل نہیں کی۔ عماد وسیم نے کہا کہ عالمی سطح پر دباؤ ہوتا ہے لیکن یہ وہ جگہ بھی ہے جہاں آپ اپنی قابلیت کا ثبوت دیتے ہیں۔ میرے خیال میں بابر نے آخری بار کسی بڑے میچ میں 2019 ورلڈ کپ میں نیوزی لینڈ کے خلاف پرفارم کیا تھا، جب اس نے سنچری بنائی تھی۔ لیکن اس کے بعد وہ ابھی تک پاکستان کے لیے کوئی بڑا میچ نہیں جیت پائے ہیں۔ یہ تنقید نہیں بلکہ حقیقت ہے،وسیم نے مزید روشنی ڈالی کہ، ون ڈے میں نمبر ون بلے باز کے طور پر اعظم کی پوزیشن کو دیکھتے ہوئے، ٹیم کو فتوحات تک پہنچانا ان پر موروثی ذمہ داری ہے۔ ون ڈے میں نمبر ون بلے باز ہونے کے ناطے، میچ جیتنا بابر کی ذمہ داری ہے لیکن اگر وہ ایسا نہیں کرتے تو سوالات اٹھیں گے۔ اسے ٹیم کی ضرورت کے مطابق بیٹنگ کرنی ہوگی۔ اس کے پاس باؤلرز پر غلبہ حاصل کرنے کی صلاحیت ہے اور یہ ورلڈ کپ ایسا کرنے کی جگہ ہے۔
-
سری لنکا نے نیدر لینڈز کو شکست دے دی
آئی سی سی کرکٹ ورلڈکپ کے 19 ویں میچ میں سری لنکا نے نیدرلینڈز کو 5 وکٹ سے شکست دے کر ورلڈکپ میں پہلی کامیابی حاصل کرلی۔ لنکن ٹائیگرز نے سماراوکرما کے ناقابل شکست 91 رن کی بدولت 263 رن کا ہدف گیارہ گیندوں قبل حاصل کرلیا۔ یہ میچ لکھنؤ کے اکانا اسپورٹس سٹی میں کھیلا گیا جہاں ہالینڈ نے ٹاس جیت کر پہلے بیٹنگ کا فیصلہ کیا۔ نیدرلینڈز کی پوری ٹیم 262 رن پر آؤٹ ہوگئی جب کہ اننگ کی دو گیندیں باقی تھیں۔ نیدرلینڈز کی جانب سے سائبرینڈ اینجل بریکٹ 70 رنز بناکر ٹاپ اسکورر رہے، اس کے علاوہ لوگن وین بیک نے 59 رنز بنائے۔سری لنکا کی جانب سے دلشان مدھوشانکا اور کاسون راجیتھا نے چار چار وکٹیں حاصل کیں۔اس کے علاوہ مہیش ٹھیکشانہ نے 1 وکٹ لی۔263رن کاہدف سری لنکا نے 48.2 اوور میں حاصل کرلیا، سماراوکرما نے 91 رن کی ناقابل شکست اننگ کھیلی۔ پتھم نسانکا 54 اور چریتھ اسالنکا نے 44 رن بنائے، دھننجایا ڈی سلوا 30 اور کوشل مینڈس نے 11رن بنائے۔
نیدرلینڈز کے آریان دت نے 3 ،کولن ایکرمین اور میکیرن نے ایک وکٹ حاصل کی۔
واضح رہے کہ دونوں ٹیموں نے ورلڈ کپ میں 3، 3 میچز کھیل لیے ہیں، سری لنکا کو تینوں میچز میں شکست ہوئی ہے جبکہ نیدر لینڈز نے ایک میچ جیتا ہے -
ورلڈ کپ 2023: جنوبی افریقہ نے انگلینڈ کو 229 رنز سے شکست دے دی
ورلڈ کپ 2023 : جنوبی افریقا نے انگلینڈ کو 229 رنز سے شکست دے دی، انگلیند کی ٹیم 400 رنز کے تعاقب میں تمام ٹیم 170 رنز بنا کر آؤٹ ہو گئے،
انگلینڈ کی ٹیم 22 اوور میں 170 رن بناسکی، کوئٹزے نے تین نگیدی اور جینسن نے دو، دو وکٹیں حاصل کیں۔
آئی سی سی ون ڈے ورلڈکپ کے 20 ویں میچ میں جنوبی افریقا نے انگلینڈ کو جیت کے لیے 400 رن کا ہدف دے دیا۔ممبئی کے وانکھیڈے اسٹیڈیم میں کھیلے جارہے میچ میں انگلینڈ نے جنوبی افریقا کے خلاف ٹاس جیت کر فیلڈنگ کا فیصلہ کیا۔ جنوبی افریقا نے پہلے بیٹنگ کرتے ہوئے رن کا انبار لگادیا اور 50 اوور میں7 وکٹوں کے نقصان پر 399 رن بنا ڈالے۔افریقا کے کوئنٹن ڈی کوک 4، ریزا ہینڈرکس85 اور ریزی وین ڈوسین 60 رن پر آؤٹ ہوئے۔
ایڈن مرکرم نے 48 اور ہینرچ کلاسین نے 67 گیندوں پر 109 رن کی شاندار اننگ کھیلی، ان کی اننگ میں 4 چھکے اور 12 چوکے شامل تھے، مارکو جینسن نے بھی 42 گیندوں پر 75 رن کی شاندار اننگ کھیلی۔انگلینڈ کی جانب سے عادل رشید نے 2 اور ریکی ٹاپلی نے 3 وکٹیں حاصل کیں۔ایونٹ میں انگلینڈ کی ٹیم کی یہ دوسری ناکامی تھی جو اب تک چار میچ کھیل چکی ہے جب کہ جنوبی افریقا نے 4 میں سے تین میچ جیت کر اور 6 پوائنٹس کے ذریعے ٹیبل پر تیسرے نمبر پر قبضہ جمالیا ہے۔واضح رہے کہ اب تک ورلڈکپ میں انگلینڈ نے ایک جب کہ جنوبی افریقا نے 2 میچز جیتے ہیں۔دونوں ٹیمیں اب تک تین تین میچز کھیل چکی ہیں۔
-
ہر بھجن سنگھ نے بابر اعظم کو ویرات کوہلی سے سیکھنے کا مشورہ دے ڈالا
بنگلورو میں جمعہ کو آسٹریلیا کے ہاتھوں پاکستان کی شکست کے بعد سابق ہندوستانی کرکٹر ہربھجن سنگھ نے پاکستان کے کپتان بابر اعظم کو مشورہ دیا۔ ہربھجن نے سوشل میڈیا پلیٹ فارم X پر ایک پیغام پوسٹ کیا، جس میں انہوں نے پاکستانی کپتان کو بھارتی بیٹنگ کے عظیم ویرات کوہلی سے سیکھنے کا مشورہ دیا۔
ہربھجن نے لکھا۔کوہلی ماڈرن دنوں کا لیجنڈ ہے بغیر کسی سوال کے۔ ہر حال اور حالات میں رنز بنائے اور ہندوستان کے لیے کھیل جیتا۔ پاکستان کے سابق کپتان، شاہد آفریدی کو بھی توقع ہے کہ بابر اپنے کھیل کو تیز کریں گے اور مین ان گرین کے لیے میچز مکمل کریں گے۔
آج لائن اور لینتھ کو بہتر بنایا گیا اور @iShaheenAfridi کی طرف سے @imabd28 اور @ImamUlHaq12 کے ذریعے زبردست اوپننگ کی گئی لیکن ٹیم ہار گئی۔ میں توقع کرتا ہوں کہ @babarazam258 اس ڈبلیو سی کے دوران نمائش کرے گا، جو کہ وہ عالمی معیار کا فنشر ہے۔ #CWC23،” آفریدی نے X پر ایک پوسٹ میں لکھا۔آسٹریلیا نے اپنی پہلی اننگز میں 367 رنز کا شاندار مجموعہ ترتیب دیا، بنیادی طور پر ڈیوڈ وارنر (163 رنز) اور مچل مارش (121 رنز) کی 259 رنز کی شاندار اوپننگ شراکت کی بدولت۔ ہدف کے تعاقب میں پاکستان صرف 305 رنز ہی بنا سکا اور اس کے کپتان بابر اعظم ایک بار پھر مشکلات کا شکار ہوئے، ایڈم زیمپا کے آؤٹ ہونے سے قبل وہ صرف 18 رنز بنا سکے۔ بابر کو میگا ایونٹ میں رنز کی قحط کا سامنا ہے، انہوں نے پہلے دو میچوں میں ہالینڈ کے خلاف صرف 5 اور سری لنکا کے خلاف 10 رنز بنائے تھے۔ تاہم انہوں نے بھارت کے خلاف تیسرے میچ میں ففٹی اسکور کرتے ہوئے بہتری دکھائی۔ -
کر کٹر عمر اکمل نے سابق وزیر اعظم کو خوش امدید کہا ہے
قومی کرکٹر عمر اکمل نے سابق وزیراعظم نواز شریف کی 4 سال بعد وطن واپسی پر خوشی کا اظہار کیا ہے۔ سوشل میڈیا پلیٹ فارم ایکس پر جاری بیان میں عمر اکمل نے وطن واپسی پر نواز شریف کو خوش آمدید کہا اور انہیں اپنا حقیقی لیڈر قرار دیا۔ عمر اکمل نے اپنے بیان میں کہا کہ آپ کی آمد خوشیاں لے کر آئے گی۔
کرکٹر نے مزید لکھا کہ ایماندار اور حقیقی لیڈر ملک میں واپس آگیا ہے اور ہم اچھے کیلئے پرامید ہیں۔