پاکستان کرکٹ بورڈ کے چیف الیکشن کمیشنر کو عہدے سے ہٹا دیا گیا اور ذکاءاشرف کو پی سی بی مینجمنٹ کمیٹی کا چیئرمین مقرر کر دیا گیا ہے۔ وفاقی حکومت نے پاکستان کرکٹ بورڈ کی نئی مینجمنٹ کمیٹی تشکیل دیدی، ذکاء اشرف پی سی بی مینجمنٹ کمیٹی کے چیئرمین مقرر ہو گئے، وفاقی کابینہ نے سمری سرکولیشن کے ذریعے مینجمنٹ کمیٹی بنانے کی منظوری دی ہے۔حکومت نے پی سی بی کے چیف الیکشن کمشنر احمد شہزاد فاروق رانا کو عہدے سے ہٹا دیا اور محمود اقبال خاکوانی کو پی سی بی کے نئے چیف الیکشن کمشنر کے طور پر مقرر کر دیا ہے۔ حکومت کی جانب سے مینجمنٹ کمیٹی 4 ماہ کےلئے بنائی گئی، مینجمنٹ کمیٹی کرکٹ بورڈ کے آئی سی سی سمیت دیگر امور کو دیکھے گی، پی سی بی کی مینجمنٹ کمیٹی 10 رکنی بنائی گئی ہے۔حکومت کی جانب سے بنائی گئی مینجمنٹ کمیٹی میں کلیم اللہ خان، اشفاق اختر، مصدق اسلام، عظمت پرویز، ظہیر عباس،خرم سومرو، خواجہ ندیم، مصطفی رمدے، اور ذولفقار ملک شامل ہیں، نئی مینجمنٹ کمیٹی کا پہلا اجلاس بھی بلا لیا گیا ہے جو کل لاہور میں ہوگا۔
Author: صدف ابرار
آئی سی سی ٹیسٹ رینکنگ جاری
آئی سی سی نے تازہ ٹیسٹ پلیئر رینکنگ جاری کر دی، انجری کا شکار کیوی کپتان کین ولیمسن بغیر کھیلے نمبر ون گئے ، بابر اعظم کی ایک درجہ تنزلی ہو گئی ، شاہین آفریدی ترقی کر کے چھٹے نمبر پر آ گئے ۔دبئی سے جاری رینکنگ میں تبدیلیاں سامنے آئیں ، انجری کے باعث کرکٹ سے آؤٹ کین ولیمسن ایک درجے بہتری کے بعد نمبر ون پوزیشن پر آگئے ہیں، آسٹریلیا کے اسٹیو اسمتھ کو ٹیسٹ چیمپئن شپ اور ایشز میں سنچریز کی بدولت چار درجے ترقی سے دوسرا نمبر مل گیا، مارنس لبوشین تیسرے اور ٹریوس ہیڈ چوتھے نمبر پر براجمان ہو گئے، جو روٹ 4 درجے تنزلی کے بعد پہلی سے پانچویں پوزیشن پر آگئے ہیں جب کہ پاکستان ٹیم کے کپتان بابر اعظم کو ایک درجہ تنزلی کے بعد پانچویں سے چھٹے نمبر پر جانا پڑا بولنگ میں بھارت کے روی چندرن ایشو ن بدستور پہلے نمبر پر موجود ہیں ، آسٹریلیا کے کپتان پیٹ کمنز 2 درجے بہتری کے بعد دوسرے نمبر پر آگئے ہیں، شاہین آفریدی کو ایک درجے بہتری کے بعد چھٹا نمبر مل گیا
الیکشن کمیشن آف پاکستان نے خیبر پختونخو ا کے دو اضلاع میں خالی نشستوں پر انتخابات کا شیڈول جاری کر دیا
الیکشن کمیشن آف پاکستان نے خیبر پختونخوا میں چئیرمین تحصیل کونسل حویلیاں، ایبٹ ٓباد اور تحصیل کونسل متھرا، پشاور کی خالی نشستوں پر ضمنی بلدیاتی انتخابات کے لئے شیڈول جاری کردیا،جس پر پولنگ 6اگست، 2023کو ہوگی، شیڈول کے مطابق ریٹرننگ افسران 7جولائی 2023کو پبلک نوٹس جاری کریں گے۔ الیکشن کمیشن کے مطابق امیدوار اپنے کاغذات نامزدگی 10جولائی سے 12جولائی 2023تک جمع کراسکتے ہیں۔ 13جولائی 2023کو کاغذات نامزدگی جمع کرانیوالے امیدواروں کی فہرست جاری کی جائیگی،
الیکشن کمیشن کے مطابق کاغذات نامزدگیوں کی جانچ پڑتال 14جولائی سے 16جولائی 2023 کو ہوگی۔ کاغذات کی منظوری اور مسترد ہونے کے خلاف اپیلیں 17جولائی سے 18جولائی 2023 تک جمع کی جاسکیں گی۔ اپیلوں پر فیصلہ 20جولائی 2023 تک کیا جائیگا,امیدواروں کی نظرثانی شدہ فہرست 21جولائی 2023کو جاری کی جائیگی، امیدوار اپنے کاغذات نامزدگی 22جولائی 2023 تک واپس لے سکیں گے۔ اور 23جولائی 2023 کو امیدواروں کی حتمی فہرست جاری کرکے ان کو انتخابی نشانات الاٹ کئے جائیں گے۔الیکشن کمیشن نے پولنگ کی تاریخ 6اگست 2023 مقرر کر دی۔ 8اگست 2023 کو ریٹرننگ افسران حتمی نتائج کا اعلان کریں گے۔ الیکشن کمیشن آف پاکستان نے شیڈول جاری ہونیکے ساتھ ہی ضابطہ اخلاق بھی جاری کیا ہے۔
الیکشن کمیشن کے مطابق جہاں الیکشن ہونگے ان اضلاع میں سرکاری ملازمین کی ترقی اور تبادلوں پر پابندی عائدکی گئی ہے۔وزیراعظم، سپیکر/ڈپٹی سپیکر قومی و صوبائی اسمبلی، وفاقی اور صوبائی وزراء سمیت عوامی نمائیندوں کا ان کونسلوں میں انتخابات تک جانے اور وہاں ترقیاتی منصوبوں کے اعلانات پر پابندی ہوگی،
کوہاٹ ، فائرنگ سے ایک شخص جاں بحق دو زخمی
کوہاٹ لاری آڈہ کے قریب فائرنگ کا واقع پیش آیا جس جے نتیجے میں ایک شخص جاں بحق جبکہ دو زخمی ہو گئے،فائرنگ کے واقعے میں جاں بحق شخص کی شناخت میر قاسم جان ولد علی قاسم سکنہ اورکزئی کے نام سے ہوئی ہے جبکہ زخمیوں میں سید امداد حسین ولد سید سردار حسین سکنہ اورکزئی اور افغان مہاجر انعام اللہ ولد ثمر گل سکنہ ابلن افغان کیمپ شامل ہیں پولیس کے مطابق واقعے کی اطلاع ملتے ہی فوری طور پر جائے وقوعہ پر پہنچ گئی ہےواقعے میں ملوث مبینہ موٹر سائیکل سوار ملزمان فرار ہونے میں کامیاب ہو گئے،
فائرنگ کا واقعہ سابقہ دشمنی کا شاخسانہ بتایا جارہا ہے،پولیس کا دعویٰ ہے کہ واقعے میں ملوث ملزمان کی گرفتاری کیلئے شہر بھر میں ناکہ بندی کر لی گئی ہے جاں بحق شخص کی لاش اور زخمیوں کو فوری طور پر ہسپتال منتقل کر دیا گیا ہے ،جبکہ واقعے کے متعلق مزید معلومات کی جاری ہیں،
ناران کے سیر پر جانے والے دوست حادثے کا شکار
چارسدہ ایم ون موٹروے نستہ انٹر چینج کے قریب ٹریفک حادثہ میں 2 افراد جانبحق، جبکہ 3 زخمی ہوگئے، پولیس ذرائع کے مطابق کوہاٹ کے رہائشی 5 دوست سیر کیلِے ناران جارہے تھے،چارسدہ نستہ انٹر چینج کے قریب گاڑی کی ٹائر پھٹنے سے حادثہ پیش آیا، ابتدائی معلومات کے مطابق حادثے میں دو دوست جو آپس میں کزنز تھے جو جابحق ہو گئے، جبکہ 3 افراد شدید زخمی ہو گئے، لاشوں اور زخمیوں ڈی ایچ کیو ہسپتال چارسدہ منتقل کیا گیا ، جہاں انکو ابتدائی طبی امداد دی جا رہی ہے،
نوشہرہ میں خاتون غیرت کے نام پر قتل
نوشہرہ میں شوہر نے غیرت کے نام پر 26 سالہ بیوی کو قتل کر دیا۔ پولیس کے مطابق ملزم شوہر فضل واحد کو بیوی کے کردار پر شک تھا۔ مقتولہ آمنہ کے بھائی نے میڈیا سے بات کرتے ہوئے موقف اختیار کیا کہ مقتولہ آمنہ علاج کے غرض سے نجی کلینک جارہی تھی کہ شوہر فضل واحد اور دیور ہمایون نے راستے میں زبردستی پکڑ کر تشدد کا نشانہ بنا کے گھر لے گئے،
پولیس نے مقتولہ آمنہ کی نعیش پوسٹ مارٹم کے لیے ڈسٹرکٹ ہیڈکواٹر ہسپتال نوشہرہ منتقل کردی۔ پوسٹ مارٹم کرنے والی لیڈی ڈاکٹر کے مطابق مقتولہ کے گلے سینے جسم اور پشت پر چھریوں کے درجن سے زائد وار موجود ہیں جس سے مقتولہ کی موت واقع ہوئی،.پولیس کے مطابق مقتولہ کے جسم پر تشدد کے نشانات بھی موجود ہیں۔ پوسٹ مارٹم کے بعد مقتولہ کی نعیش ورثا کے حوالے کردی گئی۔ جبکہ واقع کا مقدمہ تھانہ مصری بانڈہ نوشہرہ میں درج کرلیا گیا۔ پولیس کے مطابق واردات کے بعد فرار ہو گئے جن کو بہت جلد گرفتار کر لیا جائے گا،
مردان اینٹی کرپشن کیس میں ملوث اے ڈی بلدیات نے ضمانت قبل از گرفتاری حاصل کر دی
مردان ٹھیکہ سکینڈل کیس میں انٹی کرپشن پولیس کو مطلوب مردان کے سابق اے ڈی بلدیات فضل اللہ نے انٹی کرپشن کورٹ سے ضمانت قبل از گرفتاری حاصل کرلی مقدمہ میں نامزد ،پراگریس آفسیر وصال خان اور سابق سپروائزر وزیر محمد پیر کے روز بی بی اے کراچکے ہیں سابق وزیر مملکت علی محمد خان پہلے ہی اس کیس میں گرفتار کئے جا چکے ہیں مقدمہ میں علی محمد خان کے علاوہ سابق صوبائی وزیر عاطف خان , سابق ایم این اے مجاہد خان اور سابق ایم پی اے طفیل انجم سمیت دیگر افراد کو بھی ملزمان نامزد کیا گیا ہے پی ٹی آئی رہنماوں پر 2018 اور 2019 میں مختلف یونین کونسلوں میں ترقیاتی کاموں کے ٹھیکے منظور نظر ٹھیکیداروں کو دینے کی سفارش کرنے سے سرکاری خزانہ کو ایک کروڑ 78 لاکھ روپے کا نقصان پہنچانے کا الزام ہے،
پشاورکینٹ ڈویژن میں امن وامان کے حوالے سے خصوصی میٹنگ کا انعقاد
ضلع پشاور ایس پی کینٹ وقاص رفیق کی سربراہی میں ہونے والی میٹنگ میں ایس ڈی پی اوز، ایس ایچ اوز، محرران اور تمام چوکی انچارج نے بھی شرکت کی،کینٹ ڈویژن میں اسٹریٹ کرائمز کی روک تھام، ہاٹ سپاٹس اور ٹربل پوائنٹس کا ازسر نوتعین کرنے اور جرائم پیشہ افراد کے خلاف گھیرا مزید تنگ کرنے کی ہدایت کی گئی،
ایس پی کینٹ وقاص رفیق نے زیر التوا کیسز کو جلد از جلد نمٹانے اور ملوث ملزمان کو منطقی انجام تک پہنچانے کیساتھ ساتھ تمام سنگین مقدمات کی جامع تفتیش کو یقینی بنانے کی بھی ہدایت کی ہےمیٹنگ کے دوران ایس پی کینٹ نے پولیس افسران کو کیس کے حوالے سے جامع تفتیش کو یقینی بنانے کی خاطر مائیکرو لیول انفارمیشن حاصل کرنے اور اہم شواہد اکٹھے کرنے سمیت عینی شاہدین کے ساتھ بھی مربوط رابطہ قائم کرنے کی ہدایت کی ہے تاکہ ملوث عناصر کو عدالتوں سے قرار واقعی سزا دلوائی جاسکے
انہوں نے کہا کہ کینٹ ایریا میں شہریوں کی سہولت اور امن وامان کو برقرار رکھنے کی خاطر پولیس گشت میں اضافے، سپیشل ناکہ بندیوں کیساتھ ساتھ تمام ترتوانائیاں بروئے کار لائی جارہی ہیں،
ایس پی کینٹ نے قیام امن کیلئے ٹارگٹڈ سرچ اینڈ سٹرائیک آپریشنز کرنے کی ضرورت پر زور دیتے ہوئے جرائم کے خلاف جان ومال کے حوالے سے اہم اقدامات جبکہ سنگین جرائم کی تفتیش جلد مکمل کرنے کی بھی سختی سے ہدایت کی،انہوں نے مزید کہا کہ مشکوک افراد پر خصوصی نظر رکھیں اور ان کے خلاف قانون کے مطابق کاروائی عمل میں لائی جائے،
ذکاء اشرف کی آئی سی سی اجلاس میں شرکت کا اعلامیہ واپس لے لیا گیا
پاکستان کرکٹ بورڈ کی جانب سے جاری اعلامیہ میں بتایا گیا تھا کہ بورڈ آف گورنرز کا رکن ہونے کی حیثیت سے ذکاء اشرف آئی سی سی کے سالانہ اجلاس میں پاکستان کی نمائندگی کریں گے تاہم بعد میں پریس ریلیز واپس لے لی گئی واضح رہے کہ انٹرنیشنل کرکٹ کونسل کا سالانہ اجلاس جنوبی افریقہ کے شہر ڈربن میں 9 سے 16 جولائی تک منعقد ہوگا۔پی سی بی کے اعلامیہ میں یہ بھی کہا گیا تھا کہ آئی سی سی کے سالانہ اجلاس میں ذکاء اشرف کے ہمراہ پاکستان کرکٹ بورڈ کے چیف آپریٹنگ آفیسر سلمان نصیر بھی شریک ہوں گے۔آئی سی سی کے سالانہ اجلاس میں ذکا اشرف اور سلمان نصیر کی جانب سے پاکستان کرکٹ بورڈ کی نمائندگی کی منظوری پی سی بی کے قائم مقام چیئرمین احمد شہزاد فاروق رانا نے دی ہے۔ ذرائع کے مطابق اعلامیہ مذکورہ غلط فہمی کی بنیاد پر جاری ہوا جس سے پہلے ذکاء اشرف کو بھی اعتماد میں نہیں لیا گیا۔
نانگا پربت میں پھنسے پاکستانی کوہ پیما آصف بھٹی کو انکے ساتھی کیمپ 3 تک لے آئے
نانگا پربت کیمپ 4 پرموسم کی خرابی کے باعث پھنسے والے کوہ پیما آصف بھٹی بیس کیمپ پہنچ گئےاسلام آباد یونیورسٹی کے پروفیسر اور پاکستانی کوہ پیما آصف بھٹی گزشتہ روز نانگا پربت سر کرنے کی مہم کے دوران برف کوری کا شکار ہوکر کیمپ 4 پر 7500 میٹر کی بلندی پر پھنس گئے تھے۔
کوہ پیما آصف بھٹی کو انکے آذربائیجان کے ساتھی نے بیس کیمپ تک لانے میں مدد کی۔ اطلاعات کے مطابق اٹلی اور آذربائیجان کے دو کوہ پیما کیمپ فور پر آصف بھٹی کی مدد اور ان کا ساتھ دینے رک گئے تھے اور وہ آہستہ آہستہ انہیں کیمپ تھری کی جانب لا کر کیمپ تھری پر ہی پہنچ چکے ہیں ، کل مزید نیچے لانے کا کام ہوگا، آج رات وہ کیمپ تھری پر ہی قیام کریں گے۔واضح رہے کہ 8126 میٹر بلند نانگا پربت دنیا کی نویں بلند ترین چوٹی ہے جسے گزشتہ چند روز قبل پاکستان کی خاتون کوہ پیما نائلہ کیانی سر کرتے ہوئے پہلی پاکستانی کوہ پیما بن گئیں ہیں۔
