ملکہ کوہسار مری میں ہزاروں سیاحوں اور ان کی گاڑیوں کے داخلے کی وجہ سے اس وقت بدترین ٹریفک جام ہے، سیاحوں کی بڑی تعداد سڑکوں پہ دربدر بھٹک رہی ہے جب کہ انتظامیہ و پولیس مکمل طور پر ناکام دکھائی دے رہی ہے۔ٹریفک پولیس حکام کا کہنا ہے کہ مری میں عیدالاضحیٰ کے تین دنوں میں اب تک 50 ہزار سے زائد گاڑیاں داخل ہوئی ہیں اور 38 ہزار آؤٹ ہوچکی ہیں۔ٹریفک پولیس حکام کے مطابق چیف ٹریفک آفیسر تیمور خان بھی صورتحال کا جائزہ لینے اور حالات کو سنبھالنے کے لیے بذات خود مری پہنچ گئے ہیں۔
نگران وزیر اعلیٰ پنجاب محسن نقوی نے بھی نے مری میں سیاحوں کی مشکلات کا نوٹس لے لیا ہے اور فوری طور پر کمشنر راولپنڈی کو پہنچنے کی ہدایت کردی ہے۔
وزیراعلیٰ پنجاب محسن نقوی نے مقامی انتظامیہ اور پولیس کو ہدایت کی ہے کہ سیاحوں کو تمام سہولتیں فراہم کی جائیں۔
ترجمان ٹریفک پولیس کے مطابق 12 ہزار سے زائد گاڑیاں اس وقت بھی مری کی مختلف سڑکوں پر چیونٹی کی رفتار سے رینگتی ہوئی پارکنگ تلاش کر رہی ہیں مری، جھیکا گلی، لوئر ٹوپہ مال روڈ اور ویو فورتھ روڈ سمیت قرب و جوار میں ٹریفک بری طرح سے بلاک ہے، مال روڈ مری میں لوگوں کے جم غفیر کی وجہ سے تل دھرنے کی بھی جگہ نہیں ہے۔
مقامی انتظامیہ اور پولیس کی جانب سے بطور خاص مری کے لیے تیار کیے جانے والے ٹریفک پلان پوری طرح سے ناکام دکھائی دے رہے ہیں۔
Author: صدف ابرار
مری ، بد ترین ٹریفک جام
پاکستانی فاسٹ بولر شاہین شاہ آفریدی میچ کا بہترین کھلاڑی قرار
پاکستان کرکٹ ٹیم کے فاسٹ بولر شاہین شاہ آفریدی نے کرکٹ کی تاریخ میں ٹی 20 میچ کے پہلے اوور میں 4 وکٹیں لے کر کا منفرد ریکارڈ بنا ڈالا۔برطانیہ میں جاری ٹی 20 بلاسٹ میں پاکستانی کھلاڑیوں کی جانب سے نمایاں اور ذمے دارانہ پرفارمنسز دکھانے کا سلسلہ جاری ہے۔
پاکستانی فاسٹ بولر شاہین شاہ آفریدی نے ٹی 20 بلاسٹ میں پہلے ہی اوور میں 4 وکٹیں حاصل کر کے تاریخ رقم کر دی، نوٹنگھم شائر کی نمائندگی کرنے والے شاہین شاہ آفریدی نے یہ کارنامہ برمنگھم بیئرز کے خلاف کھیلے گئے میچ میں انجام دیا ،شاہین شاہ آفریدی نے برمنگھم کے خلاف اوور کی پہلی، دوسری، پانچویں اور چھٹی گیند پر وکٹ حاصل کی۔
انہوں نے 2 کھلاڑیوں کو بولڈ، ایک کو ایل بی ڈبلیو کیا جبکہ ایک کھلاڑی کیچ آؤٹ ہوا، اپنے 4 اوورز میں فاسٹ بولر 29 رنز دے کر 4 وکٹیں حاصل کرنے میں کامیاب رہے۔
میچ میں ناٹنگھم شائر نے پہلے بیٹنگ کرتے ہوئے مقررہ 20 اوورز میں برمنگھم بیئرز کو 169 رنز کا ہدف دیا تھا۔
ملک بھر میں ٹریفک حادثاث میں 10 افراد جاں بحق اور خواتین اور بچوں سمیت 55 افراد زخمی ہوگئے
چنیوٹ میں جھنگ روڈ پر تیز رفتار 2 موٹرسائیکل آپس میں ٹکرا گئے جس کے نتیجے میں ایک شخص جاں بحق اور 2 زخمی ہوگئے۔
شیخوپورہ میں سرگودھا روڈ پر 2 موٹرسائیکیں ٹکرانے سے 4 افراد زخمی ہوگئے۔
وزیر آباد میں دریائے چناب کے قریب ٹرک کی 2 موٹر سائیکل سواروں کو ٹکر سے 2 افراد جاں بحق اور ماں بیٹی زخمی ہوگئے۔
چیچہ وطنی کے تھانہ صدر کی حدود نیشنل ہائی وےپر ٹریفک حادثے میں ایک شخص جان سے گیا جبکہ خواتین سمیت 9 افراد زخمی ہوگئے۔
جہلم کے علاقے دینہ میں جی ٹی روڈ پر مسافر وین کی کار کو ٹکر سے بچے سمیت 8 افراد زخمی ہوگئے۔
خیبرپختونخوا کے شہر کرک میں انڈس ہائی وے پر میٹھاخیل کے قریب کار کی موٹر سائیکل کو ٹکر سے 2 نوجوان جاں بحق ہوگئے۔جبکہ سوات میں 2 موٹر سائیکل سوار حادثے کا شکار ہو کے جاں بحق ہو گئے،
سندھ کے شہر سیہون میں انڈس ہائی وے روڈ پر ٹائر برسٹ ہونے سے کار الٹ گئی، جس کے نتیجے میں ایک بچی موقع پر ہی دم توڑ گئی، 3 خواتین سمیت 7 افراد زخمی ہوگئے۔
قاضی احمد میں قومی شاہراہ علی آباد تیز رفتار کار کی گدھا گاڑی کو ٹکر سے ایک شخص جاں بحق اور 3 زخمی ہوگئے۔
بلوچستان کے شہر قلات میں کوئٹہ سے قلات جانے والی مسافر وین منگچر کے قریب قومی شاہراہ پر ٹائر برسٹ ہونے کی وجہ سے الٹ گئی جس کے نتیجے میں 20 افراد زخمی ہوگئے۔
حادثے میں جاں بحق اور زخمی افراد کو مقامی اسپتالوں میں پہنچادیا گیا۔
تیز رفتاری دو نوجوانوں کی جان لے گئی
ضلع سوات کے علاقہ چار باغ میں موٹر سائیکل حادثہ کے دوران دو نوجوان زندگی کی بازی ہار گئے۔ حادثہ میں جاں بحق ہونے والے نوجوانوں میں اویس ولد محبوب عالم اور آذان ولد حبیب الرحمان جان شامل ہے جنکا تعلق خوازہ خیلہ چشمو سے تھا۔ حادثہ موٹر سائیکل سوار نوجوان تیز رفتاری کے باعث مخالف سمت سے آنے والی کار سے ٹکر کے نتیجے میں پیش آیا، جن کو تشویش ناک حالت میں سیدو شریف ہسپتال منتقل کیا گیا لیکن جانبر نہ ہو سکے۔ عید کے موقع پر دو نوجوان کی موت پر علاقے میں کہرام مچ گیا۔
کے پی کے سابق وزیر اور ایم پی اے کے گھر پر پولیس کا چھاپہ
کے پی کے ضلع مردان پاکستان تحریک انصاف پشاور ریجن کے صدر عاطف خان کے گھر پر پولیس نے چھاپہ مارا،
پولیس اس سے پہلے سابق صوبائی وزیر کے مردان اور اسلام آباد رہائشگاہ پر کئی پار چھاپے مار چکی ہے۔ جبکہ انکے فار ماسیوٹیکل فیکٹری کے ملازمین کو گرفتار کرکے فیکٹری کو سیل کردیا گیا۔ دوسری جانب مردان میں سابق ایم پی اے ظاہر شاہ طورو کے گھر پر بھی پولیس نے چھاپا مارا لیکن ظاہر طورو گھر پر موجود نہیں تھے، پولیس کے مطابق گھر پر چھاپے کے وقت لیڈیز پولیس اہلکا ر بھی موجود تھی،ظاہر شاہ طورو اور سابق وزیر عاظف خان پر 9 اور 10 مئی کے پر تشدد واقعات کے مقدمات درج ہے،
پولیس مردان سے اب تک کسی سابق رکن صوبائی اسمبلی کو گرفتار کرنے میں کامیاب نہ ہوسکی ہے
پشاور میں قربانی کے دوران 424 افراد زخمی ہوئے
پشاورمیں عید الاضحی کے موقع پر چھری لگنے سے 424 افراد زخمی جبکہ بسیار خوری پر 1800 افراد اسپتال لائے گئے،
پشاور کے خیبر ٹیچنگ اسپتال حکام کے مطابق 424 افراد قربانی کے دوران مختلف واقعات میں زخمی ہوئے ، اور قربانی کا گوشت اور دوسرے کھانے زیادہ مقدار میں کھانے کی وجہ سے 1800 افراد کو ہسپتال لایا گیا، خیبر ٹیچنگ اسپتال کے حکام کے مطابق عید کی تعطیلات کے دوران تمام تر سہولیات کو بروئے کار لایا گیا،
اسپتال کے حکام نے بتایاکہ عید پر بسیار خوری پر 1800 افراد کو اسپتال لایا گیا جنہیں طبی امداد دی گئی۔
حکام کا کہنا ہے کہ عید کی تعطیلات کے دوران تمام تر سہولیات کو بروئے کار لایا گیا اور اسپتال کے تمام وارڈز اور ایمرجنسی میں ڈاکٹرز اور نرسز نے اپنی ڈیوٹیاں سرانجام دیں۔
مردان فائرنگ،2 افراد جاں بحق
مردان کاٹلنگ جمال گڑھی میں فائرنگ کے نتیجے میں 2 افراد جاں بحق جبکہ ایک شخص شدید زخمی ہو گیا،ریسکیو 1122 کے مطابق اطلاع موصول ہوتے ہی ریسکیو1122 ایمبولینس اور میڈیکل ٹیم موقع پر پہنچ گئی۔ ریسکیو1122 میڈیکل ٹیم نے 2 افراد کو ہسپتال منتقل کر دیا جبکہ زخمی کو فوری طورپر لوکل ٹرانسپورٹ کے ذریعے منتقل کیا گیا ،جانبحق افراد میں اشتیاق ولد روشن ملک عمر 40 سال اور زوار ولد سردار علی عمر 30 سال ہے دونوں افراد جمال گڑھی کے رہنے والے ہے،۔ابتدائی اطلاعات کے مطابق مقتولین گھر کے باہر دکان پہ بیٹھے تھے کہ اچانک موٹر سائیکل سواروں نے اندھا دھند فائرنگ کر کے 2 افراد کو جاں بحق اور ایک کو زخمی کر کے فرار ہو گئے،تاحال فائرنگ کی وجہ معلوم نہ ہو سکی،
چارسدہ کے عوام کو ناروا لوڈشیڈنگ کا سامنا
چارسدہ عید الضحٰی کے موقع پر بھی ظالمانہ لوڈشیڈنگ جاری، چارسدہ گریڈ سٹیشن سے منسلک مختلف فیڈر پر 8 سے 12 گھنٹے لوڈشیڈنگ اور ساتھ میں مختلف فیڈر پر وولٹیج نہ ہونے کے برابر ہے جس کی وجہ سے عوام کو شدید مشکلات کا سامنا ہے،حکومتی دعؤوں کے باوجود عید پر بلا تعطل بجلی فراہم نہ کی گئی،8 سے 12 گھنٹے کی لوڈ شیڈنگ معمول بن چکی ہے لیکن عید الاضحی کے موقع پر عوام اس ظالمانہ لوڈ شیڈنگ سے تنگ آچکے ہے،چارسدہ مردان صوابی اور دیگر اضلاع کے عوام کا حکومت سے پر زور مطالبہ ہے کہ عید کے دوران انکو بجلی فراہم کی جائے،ورنہ شدید احتجاج کا سامنا کرنا پڑے گا،
دوسری جانب چارسدہ میں تنگی گریڈ سٹیشن سے منسلک فیڈر پر 8 سے 16 گھنٹے لوڈشیڈنگ جاری ہونے کے ساتھ ولٹیج نہ ہونے کے برابر ہے، اسکے علاوہ بار بار ٹرپنگ بھی جاری جن کی وجہ گھروں مارکیٹوں اور مساجد میں بجلی کے آلات کو شدید نقصان پہنچ رہا ہے،عوام کا مطالبہ ہے کہ ہمیں پورے ولتیج کے ساتھ بجلی فراہم کی جائے،پاکستان ویمن فٹبال ٹیم ، سنگاپور کیخلاف فرینڈلی میچز کھیلے گی
آئندہ ماہ کی فیفا ویمن انٹرنیشنل ونڈو میں میچز کیلئے پاکستان فٹبال فیڈریشن کے فٹبال ایسوسی ایشن آف سنگاپور سے معاملات طے پاگئے۔پاکستان ویمن فٹبال ٹیم اگلے ماہ سنگاپور کیخلاف فرینڈلی میچز کھیلے گی،ذرائع کے مطابق پاکستان اور سنگاپور کی ویمن ٹیمیں 13 سے 19 جولائی کے درمیان دو میچز کھیلیں گی پاکستان فٹبال فیڈریشن کی نارملائزیشن کمیٹی عید تعطیلات کے بعد میچز کا باضابطہ اعلان کردے گی۔انٹرنیشنل فرینڈلیز کی تیاری کیلئے پاکستان ویمن فٹبال ٹیم کا کیمپ کراچی میں جاری ہے۔
دوسری جانب برطانیہ میں فٹبال کھیلنے والی اقصیٰ مشتاق کی بھی پاکستان ٹیم میں شمولیت کا امکان ہے۔ ذرائع کا کہنا ہے کہ سنگاپور سے فرینڈلیز کیلئے اقصیٰ مشتاق کو بھی ٹیم میں شامل کیا جاسکتا ہے۔
پشاور شہر میں سکیورٹی کے بہترین انتظامات
کیپٹل سٹی پولیس پشاور کے 4000 سے زائد پولیس افسران و اہلکار سکیورٹی کے فرائض سرانجام دے رہے ہیں۔شہر کے تمام تفریحی مقامات پر بھی سکیورٹی کے سخت انتظامات کئے گئے ہیں۔ابابیل سکواڈ ، سٹی پیڑولنگ فورس، سپیشل موبائل شہر میں گشت کررہے ہیں۔ جبکہ تمام داخلی و خارجی راستوں پر سپیشل ناکہ بندیوں پر چیکنگ مزید سخت کر دی گئی ہےٹریفک کی روانی برقرار رکھنے کے لئے 1000 سے زائد ٹریفک اہلکار بھی تعینات ہیں۔شہریوں سے اپیل ہے کہ دوران ڈیوٹی ناکہ بندیوں پر موجود پولیس کیساتھ تعاون کریں سیر و تفریح کیلئے جانے والے شہری گھروں کو خالی چھوڑنے سے قبل پڑوسیوں اور متعلقہ تھانہ میں اطلاع کریں۔
پشاور پولیس شہر کی سیکورٹی کے لئے ہمہ وقت مصروف عمل ہے، شہری کسی بھی مشکوک سرگرمی سے متعلق فوری 15 پر اطلاع دیں۔
