Author: صدف ابرار

پیرامیڈیکل ایسوسی ایشن کے پی کے نے پورے صوبے میں ہڑتال کا اعلان کر دیا گیا، محکمہ صحت خیبر پختو نخواکے طرف سے الائیڈ ہیلتھ سائنسز/میڈیکل فیکلٹی میں کنٹرولر فیکلٹی ایکٹ کی خلاف ورزی کرتے ہوئے محکمہ صحت نے کنٹرولر کے پوسٹ پر ڈاکٹرکی تعیناتی کی شدید مذمت کرتے ہوئے ذمہ داران سےپر زور مطالبہ کرتے ہیں کہ 24 گھنٹوں کے اندر تعیناتی کے غیر قانونی قرار دے کر میرٹ کی بنیاد پر ا ہل پیرامیڈیکس کی تعیناتی نہ کی گئی تو مورخہ سات جون بروز جمعرات صوبہ کے تمام چھوٹے بڑے ہسپتالوں سمیت میڈیکل کالجز میں مکمل ہڑتال ہو گی،ان خیالات کا اظہار پیرامیڈیکل ایسوسی ایشن خیبر پختو نخوا کے صوبائی صدر شرافت اللہ یوسفزئی،جنرل سیکرٹری لقمان گل اورکزئی،چئیرمین جوہر علی اور سنئیر نائب صدر انور خان نے پیرامیڈیکل ایسوسی ایشن خیبر پختو نخوا کے ہنگامی اجلاس سے خطاب کرتے ہو ئے کیا، انہوں نے کہا کہ اسی روز صوبے کے تمام اضلاع میں پریس کلبز کے سامنے بھر پور احتجاج کرنے کا بھی فیصلہ کیا گیا ہے اور اسی روز مزید احتجاج کا باقاعدہ اعلان کیا جائے گا اس ضمن میں حالات کی خرابی کی تمام ترذمہ داری موجودہ صوبائی حکومت اور افسران بالا پر ہوگی،انہوں نے کہا کہ سات جون کو ہڑتال ہوگی لیکن دکھی انسانیت کی خاطر ایمرجنسی ڈیوٹی سرانجام دیے جائینگے،

پشاور تھانہ متنی پولیس کی اہم کارروائیوں کے نتیجے میں 2کے دوران بھاری تعداد میں غیر قانونی اسلحہ سمگل کرنے کی کوشش ناکام بنا دی گئی ہے اور 3 ملزمان کو گرفتار کر لیا گیا ہے،ملزمان سوزوکی گاڑیوں کے زریعے بھاری تعداد میں اسلحہ پشاور سمیت دیگر اضلاع اور صوبوں کو سمگل کرنے کی کوشش کررہے تھے جس میں 66 عدد پستول، 4 عدد پستول بشکل ایم پی فور، 830 عدد مختلف میگزینز، 3 عدد بندوق، 1 عدد کلاشنکوف، 1 عدد رائفل، سینکڑوں عدد مختلف بور کے کارتوس سمیت اسلحہ سمگلنگ میں استعمال ہونے والی دو سوزوکی گاڑیاں بھی برآمد کی گئی ہے،ملزمان کے خلاف مقدمات درج کرکے مزید تفتیش شروع کردی گئی ہے،جس کے نتیجے میں مزید ملزمان اور اسلحہ کی نشاندہی ہونے کا امکان ہے،

خیبرپختونخواہ آئی جی پی اختر حیات گنڈاپور نے سوات میں پریس کانفرنس کے دوران دہشت گرد رفیع اللہ عرف جواد کی گرفتاری کا دعوی کیا ہے،ائی جی کے مطابق گرفتاری خفیہ اطلاع پر ہوئی،دہشت گرد نے علاقے میں ایک شخص کو شہید کیا تھا،جس کے بعد پولیس نے 23 مئی 2023 کو باجوڑ کے علاقے میں سرچ آپریشن شروع کیا گیا تاہم سہولت کار عصمت اللہ کو بھی گرفتار کیا گیا ہے،اور باقی ساتھیوں کے لئے کاروایئاں جاری ہے،آئی جی پی کے مطابق کے پی پولیس علاقے میں امن و امان کے لئے سر گرم ہے،اور پولیس کو مضبوط بنانے کے لئے اقدامات جاری ہے، پولیس کو دہشت گردی سے نمٹنے کے لئے خصوصی ٹریننگ دی جا رہی ہے جس کے بدولت صوبے میں ممکنہ حالات کے مطابق مقابلہ کیا جا سکے گا، آئی جی پی حیات گنڈا پور کا مزید کہنا تھا کہ عوام بھی پولیس کے ساتھ بھر پور تعاون کر کے صوبے میں امن و امان کو یقیی بنائے،یاد رہے کہ پچھلے کچھ عرصے سے خیبر پختونخوا میں عوام کی جانب سے بھتہ وصولی اور دہشتگردی کے کیسز سامنے آرہے تھے –

خیبرپختونخوا میں 9 مئی کے واقعات کی سہولت کاروں کے خلاف پہلا مقدمہ درج کیا گیا پاکستان تحریک انصاف کے رہنماؤں کو پناہ دینے کے الزام میں کے پی کے میں سہولت کاری کرنے والوں کے خلاف پولیس متحرک، ضلع بونیر کے تھانہ گاگرہ میں سہولت کاروں کے خلاف مقدمہ دفعہ 212 پی پی سی کے تحت درج کیا گیا ہے۔مقدمے میں پی ٹی آئی بونیر کے رہنما ہشتم خان اور بختیارعلی نامزد کیے گئے ہیں، پولیس کا کہنا ہے کہ مذکورہ ملزمان نے پولیس کو مطلوب پی ٹی آئی کے رہنماؤں کو پناہ دے رکھی تھی ،یاد رہے کہ 9 مئی کو خیبر پختونخواہ کے مختلف علاقوں میں مظاہرین کی جانب سے شدید رد عمل سامنے آنے کے نتیجے میں گرفتاریوں کا سلسلہ جاری ہے تاہم اب ان لوگوں کے خلاف کاروائی عمل میں آرہی ہے جنہوں نے 9 اور 10 مئی کو تشدد اور جلاؤ گھیراؤ کرنے والو کو پناہ دی تھی یا ان کو کسی بھی قسم کی مدد فراہم کی تھی،