Baaghi TV

Blog

  • خواجہ برادران کے ریمانڈ میں توسیع، دیگر ملزمان اشتہاری قرار

    خواجہ برادران کے ریمانڈ میں توسیع، دیگر ملزمان اشتہاری قرار

    خواجہ برادران کے جوڈیشل ریمانڈ میں توسیع کر دی گئی دوسری جانب پیرا گون کیس میں مفرور ملزمان کو اشتہاری قرار دے دیا ہے.

    خواجہ برادران کی درخواست ضمانت مسترد

    خواجہ برادران کے خلاف احتساب عدالت میں ریفرنس دائر

    باغی ٹی وی کی رپورٹ کے مطابق خواجہ برادران کا ریمانڈ ختم ہونے پر انہیں احتساب عدالت پیش کیا گیا ، احتساب عدالت کے باہر پولیس کی بھاری نفری تعینات تھی،عدالت نے مفرور ملزمان عمر ضیا، ندیم اور فرحان کو اشتہاری قرا ردینے کی کارروائی کاحکم دیااور خواجہ برادران کے جوڈیشل ریمانڈ میں 16 جولائی تک توسیع کردی

    قطری خط کے بعد قطری ڈیل، کتنے ارب ڈالر کے عوض رہا ہو گا نواز شریف؟ اہم خبر

    خواجہ سعد رفیق اور خواجہ سلمان رفیق پیشی کے بعد نیب عدالت سے روانہ ہو گئے.

    واضح رہے کہ 11 دسمبر کو لاہور ہائی کورٹ نے مسلم لیگ ن کے رہنماؤں خواجہ سعد رفیق اور ان کے بھائی سلمان رفیق کی عبوری ضمانت خارج کردی تھی، جس کے بعد نیب نے دونوں بھائیوں کو حراست میں لے لیا تھا۔ خواجہ برادران کو پیراگون ہاؤسنگ اسکینڈل میں گرفتار کیا گیا ہے جبکہ دونوں بھائی پیراگون ہاؤسنگ اسکینڈل سمیت 3 مقدمات میں نیب کو مطلوب تھے۔

  • بھارت کی طرف سے کنٹرول لائن کی پھر خلاف ورزی پاکستانی پوسٹوں پر گولہ باری

    بھارت کی طرف سے کنٹرول لائن کی پھر خلاف ورزی پاکستانی پوسٹوں پر گولہ باری

    راوالپنڈی:بھارت پاکستان کے خلاف شرارتوں سے باز آنے کا نام ہی نہیں لے رہا .آج صبح پھر پاکستانی پوسٹوں پر گولہ باری کرکے اپنی اصلیت ظاہر کردی .معتبر ذرائع کے مطابق یہ واقعہ کنٹرول لائن کے ملحقہ ضلع پونچھ کے سرحدی علاقے میں پیش آیا

    ذرائع کے مطابق بھارتی افواج نے دگاور سیکٹر میں پاکستانی پوسٹوں پر فائرنگ کی اور پھر وقفے وقفے سے گولہ باری کا سلسلہ جاری ہے. ذرائع کے مطابق بھارت کی طرف سے ی شرارت رات کی تاریکی میں‌کی گئی .دوسری طرف بھارتی افواج نے اس فائرنگ کا الزام پاکستان پر لگاتے ہوئے کہا ہے کہ پہل پاکستان نے کی .یاد رہے کہ بعض دیگر عالمی ذرائع نے بھی اس واقعہ کا ذمہ دار بھارت کو قرار دیا ہے اور کہا کہ بھارت جان بوجھ کر خطے میں حالات کو خراب رکھنا چاہتا ہے تاکہ کشمیر میں بھارتی مظالم سے توجہ دور رہے.

  • امریکہ پاکستان کی طرف دیکھ رہا ہے اور پاکستان کو کسی کی پرواہ نہیں.مائیکل کگلمین

    امریکہ پاکستان کی طرف دیکھ رہا ہے اور پاکستان کو کسی کی پرواہ نہیں.مائیکل کگلمین

    واشنگٹن:پاکستان نے امریکہ کو بے وقوف بنا رکھا ہے امریکہ پاکستان کی طرف دیکھ رہا ہے اور پاکستان کو کسی کی پرواہ نہیں .اس قسم کے ملے جلے ردعمل کا اظہار امریکی ڈپٹی ڈائریکٹر ایشن پروگرام اور سنیئر نمائندہ برائے پاکستان،افغانستان،بھارت اور بنگلہ دیش مائیکل کگلمین نے اپنی ایک ٹویٹ میں‌کیا ہے.

    مائیکل کگلمین کہتے ہیں‌کہ امریکہ کی پاکستان سے بہت سی توقعات وابستہ تھیں اور امریکہ نے اس مقصد کے لیے بہت مشقت اٹھائی ا ور ایک طویل جدوجہد کی لیکن اس کے بدلے میں‌امریکہ کو پاکستان سے جھوٹ اور دھوکے کے سوا کچھ نہیں‌ملا،پاکستان ہمارے حکمرانوں کوبے وقوف سمجھتا ہے.


    مائیکل کگلمین ٹویٹ پیغام میں کہتے ہیں کہ اس بار بھی عمران خان کے دورہ امریکہ کے دوران دونوں ملکوں کے درمیان بہت سے معاملات پر امریکہ سیر حاصل گفتگو چاہتا ہے .ایجنڈے میں بڑے اہم اہم ایشوز ہیں .امریکہ چاہتا ہے کہ ان بر کھل کر بات ہو لیکن دوسرا فریق پاکستان ہے جسے امریکی مطالبات اورتحفظات کی پرواہ تک نہیں

  • روٹی کی قیمت میں کتنا ہو رہا ہے اضافہ، عوام جان کر سر پکڑ لے

    روٹی کی قیمت میں کتنا ہو رہا ہے اضافہ، عوام جان کر سر پکڑ لے

    گیس،بجلی ،آٹا،چینی، گھی کی قیمتوں میں اضافے کے بعد اب روٹی کی قیمت میں 200 فیصد اضافہ ہونے جا رہا ہے

    چینی کی قیمتوں میں اضافے پر سینیٹ میں بھی تحقیقات کا مطالبہ
    باغی ٹی وی کی رپورٹ کے مطابق صدر نان روٹی ایسوسی ایشن آفتاب گل کا کہنا ہے کہ روٹی کی قیمت 6 سے بڑھا 15 روپے کرنے کا فیصلہ کیا ہے،ضلعی انتظامیہ نے تین روز کا وقت مانگا ہے .

    ریلوے کرایوں، سی این جی کی قیمت میں اضافے کے بعد بجلی بھی مہنگی

    آفتاب گل کا کہنا تھا کہ پیر سے ہر صورت نئی قیمت کا اطلاق کردیا جائے گا، جی ایس ٹی کے نفاذ سے آٹا منہگا ہوا ہے،آفتاب گل کا مزید کہنا تھا کہ میں قیمت بڑھانے سے روکا گیا تو تندور بند کر کے سڑکوں پرآئیں گے.

    سی این جی کی قیمت میں اضافہ، ٹرانسپورٹر کا گاڑیاں کھڑی کرنے کا اعلان

    سیلز ٹیکس کے طریقہ کار میں تبدیلی، سیمنٹ و شوگر ڈیلر نے کام کیا بند

    آفتاب گل کا کہنا ہے کہ نان کی قیمت 12 سے 20روپے کرنے کا فیصلہ کیا ہے .صوبائی دارالحکومت لاہور میں روٹی اور نان کی قیمتوں میں اضافے کا امکان ہے

    واضح رہے کہ دو ماہ قبل بھی نان کی قیمت میں اضافہ کیا گیا تھا ،عوام نے روٹی کی قیمت میں اضافے کو مسترد کرتے ہوئے حکومت سے ریلیف دینے کا مطالبہ کیا ہے

    دوسری جانب خیبر پختونخواہ میں بھی میںنانبائیوں نے انجمن پختونخوا نانبائی ایسوسی ایشن کی کال پر ہڑتال کر دی، آج سے شروع ہونیوالی ہڑتال کے سبب پشاور میں روٹی ناپید ہو گئی جس سے شہریوں کو مشکلات کا سامنا ہے۔

     

    واضح رہے کہ اس سے قبل ریل کے کرایوں میں اضافہ ہو چکا ہے، سی این جی مہنگی ہو چکی ہے جس کے بعد ملک بھر میں مہنگائی کا طوفان آنے کا خدشہ ہے، کراچی میں ٹرانسپورٹر نے کرائے بڑھا دئیے. ملک بھر میں سی این جی کی قیمت میں 22 روپے تک کا اضافہ کر دیا گیا ہے جس کے بعد ٹرانسپورٹرز نے بھی کرایوں میں اضافے کے لئے تیاری شروع کر دی ہے، سندھ اور بلوچستان میں سی این جی 20 روپے اضافے سے 124 روپے کلو، کے پی کے میں سی این جی 22 روپے اضافے سے 139 روپے کلو اور پنجاب میں 4 روپے اضافے سے 90 روپے لیٹر تک پہنچ چکی ہے۔

  • حوثیوں باغیوں نے فلور مل کو نشانہ بنا دیا

    حوثیوں باغیوں نے فلور مل کو نشانہ بنا دیا

    یمن میں حوثی ملیشیا نے الحدیدہ شہر میں بحر احمر فلور ملز پر چار مارٹر گولے داغےدیے

    باغی ٹی وی رپورٹ کے مطابق یمن میں حوثی ملیشیا نے بدھ کی شام الحدیدہ شہر میں بحر احمر فلور ملز پر چار مارٹر گولے داغ جو غلے کے گوداموں سے چند میٹر کی دوری پر گرے۔ فلور ملز کی انتظامیہ نے عالمی خوراک پروگرام کے زیر انتظام گندم کے اس ذخیرے کی صفائی مکمل کرنے کے بعد وہاں محفوظ کی ہوئی ہے۔

    یہ کارروائی کمپنی کے اس اعلان کے ایک ہفتے بعد عمل میں آئی ہے جس میں بتایا گیا تھا کہ مذکورہ فلور ملز کی بحالی اور از سر نو کام کرنے کا عمل 90% مکمل ہو چکا ہے۔ کمپنی حوثی ملیشیا کے زیر قبضہ علاقوں کے ضرورت مندوں میں 55 ٹن گندم تقسیم کرنے کی تیاری کر رہی ہے۔

    گذشتہ چند ماہ کے دوران حوثی ملیشیا بحر احمر فلور ملز کو ایک سے زیادہ مرتبہ بم باری کا نشانہ بنا چکی ہے۔ اس کے نتیجے میں وہاں موجود گوداموں میں سے دو تباہ ہو گئے اور ان کے اندر موجود گندم برباد ہو گئی۔ یہ ذخیرہ 30 لاکھ افراد کی بھوک مٹانے کے لیے کافی تھا۔

    حوثی ملیشیا ستمبر 2018 سے اب تک ایک سے زیادہ مرتبہ اقوام متحدہ کی ٹیم کو بحر احمر فلور ملز تک پہنچنے سے روک چکی ہے ، یہ ملز یمنی حکومت کی فورسز کے زیر کنٹرول علاقے میں واقع ہے۔ حوثی باغیوں نے اقوام متحدہ کی ٹیم کو فائرنگ کا نشانہ بھی بنایا۔ بعد ازاں محدود تعداد میں ٹیم کے اہل کاروں کو رواں سال مئی میں فلور ملز پہنچنے کی اجازت دی گئی۔

  • 48 گھنٹوں کے اندر ڈاکٹرز کی حاضری کو یقینی بنائیں ،وزیر اعلیٰ بلوچستان جام کمال کی ڈی سی اوز کو ہدایت

    48 گھنٹوں کے اندر ڈاکٹرز کی حاضری کو یقینی بنائیں ،وزیر اعلیٰ بلوچستان جام کمال کی ڈی سی اوز کو ہدایت

    کوئٹہ:بلوچستان کی صوبائی حکومت نے صوبے میں پہلی مرتبہ تمام ڈسٹرکٹ ہیڈ کوارٹرز ہسپتالوں میں اسپیشلسٹ ڈاکٹرز کو تعینات کرکے صحت کے میدان میں بہتری لانے کی طرف قدام اٹھا لیا ہے. جس کے لیے وزیر اعلیٰ جام کمال نے ہر ضلع میں اسپیشلسٹ ڈاکٹروں کو تعینات کردیا ہے. دوسری طرف وزیر اعلیٰ جام کمال نے اس امر کو یقینی بناتے ہوئے کہا ہے کہ تام ڈی سی اوز 48 گھنٹے کے اندراندر تمام ڈاکٹرز کی حاضری کو یقینی بنائیں اور اس کی رپورٹ بھی دیں

    محکمہ صحت بلوچستان نے تمام ڈسٹرکٹ ہسپتالوں میں‌اسپیشلسٹ ڈاکٹروں کو تعینات کرنے کا فیصلہ وزیر اعلیٰ جام کمال کی خصوصی ہدایت پر کیا ہے جس میں وزیر اعلیٰ نے اس مقصد کے لیے اسپیشل ڈائریکٹو جاری کیا تھا .وزیر اعلیٰ نے تمام ڈی سی اوز کو یہ بھی ہدایت کی ہے کہ وہ ڈاکٹرز کو ڈیوٹی اور اس کے علاوہ حائل ہونے والی مشکلات کا ترجیحی بنیادوں پر ازالہ کریں

    یاد رہے کہ صوبے میں‌اسپیشلسٹ ڈاکٹروں کی تعیناتی صوبے میں صحت کے میدان میں بہتری لانے کے لیے کی اور ہدایت کی کہ وہ ضلعی اور تحصیلی سطح پر مریضوں کی داد رسی کے لیے بہتر سے بہتر کام کریں .وزیر اعلیٰ جام کمال نے وارننگ جاری کرتے ہوئے کہا ہے کہ حکومت کی طرف سے تمام تر سہولیات کے باوجود اگر کوئی ڈاکٹر یا عملے کا کوئی دوسرا اہلکار سستی کا مظاہرہ کرے گا تو پھر اس کے خلاف قانونی کارروائی کی جائے گی.وزیر اعلیٰ نے غیر حاضر رہنے سے باز رہنے کی بھی ہدایت کی

  • اٹک میں بس حادثہ، 11 مسافر جاں بحق

    اٹک میں بس حادثہ، 11 مسافر جاں بحق

    اٹک کے علاقے حسن ابدال میں افسوسناک واقعہ پیش آیا ہے، براہمہ انٹر چینج کے قریب مسافر بس الٹنے سے 11 افراد جاں بحق جبکہ 34 افراد زخمی ہو گئے

    رحیم یار خان ٹرین حادثہ 10 جاں‌ بحق،وزیراعظم کا افسوس، شیخ رشید کا انکوائری کا حکم

    باغی ٹی وی کی رپورٹ کے مطابق اٹک کے علاقہ حسن ابدال کے قریب براہمہ انٹر چینج کے پاس مسافر بس الٹ گئی ،جس کے نتیجے میں 11 افراد جاں بحق اور 34 افراد زخمی ہو گئے ہیں. حادثہ کی اطلاع ملنے پر ریسکیو ٹیمیں موقع پر پہنچ گئیں ،زخمیوں کو حسن ابدال، ٹیکسلا واہ کینٹ کے ہسپتالوں میں منتقل کر دیا گیا.

    کالام، پہاڑی تودہ گرنے سے ایک ہی گھر کے پانچ افراد جاں بحق

    پولیس کے مطابق حادثہ سڑک پر پھسلن کے باعث پیش آیا، جاں بحق افراد میں سکینہ ،نورین،کنزا،خالد،اعجاز،نیاز،تاج اور سیف الرحمان شامل ہیں، حادثے کی شکار گاڑی میں سوار59مسافر سوات سے لاہور جارہے تھے.اس حادثے میں جاں بحق سکینہ، نورین اور کنزا کا تعلق لاہور سے ہے،س حادثے میں جاں بحق سیف الرحمان،نیاز اورتاج کاتعلق سوات سے ہے

     

    چیئرمین سینیٹ کے امیدوار کے نام پر نواز اور شہباز میں اختلاف، اہم خبر

  • کوئٹہ میں اسمگلرز کے تشدد سے زخمی ہونے والے ڈپٹی کلکٹر کسٹم چل بسے .

    کوئٹہ میں اسمگلرز کے تشدد سے زخمی ہونے والے ڈپٹی کلکٹر کسٹم چل بسے .

    کوئٹہ :چند روز قبل کوئٹہ کے علاقے سیٹلائیٹ ٹاون میں اسمگلرز کے تشدد سے زخمی ہونے والےڈپٹی کلیکٹر کسٹم عبدالقدوس شیخ چل بسے.اطلاعات کے مطابق چند دن قبل ایک اسمگلر اوراس کے دو ساتھیوں نے ڈپٹی کلکٹرعبدالقدوس شیخ کو سریاب روڈ پر مسلح افراد نے تشدد کا نشانہ بنایا تھا

    کوئٹہ کےعلاقے سیٹلائیٹ ٹاون میں پولیس نے کارروائی کرتے ہوئے ڈپٹی کلیکٹر کسٹم عبدالقدوس شیخ پر حملہ کرنے والے مبینہ اسمگلر کو دو ساتھیوں سمیت گرفتار کرلیا تھا ڈپٹی کلکٹرعبدالقدوس شیخ اس وقت تشویشناک حالت میں سی ایم ایچ کوئٹہ میں زیر علاج تھے

    گرفتار افراد میں صادق، طوفان اور احمد شاہ شامل ہیں۔ پولیس کے مطابق ملزم اور اس کے ساتھیوں سے واقعہ کی تحقیقات کی جارہی ہیں۔یاد رہے کہ اس سے قبل بھی کسٹم اور لیوی کے اہلکاروں پر اسمگلروں کی طرف سے حملے ہوچکے ہیں .

  • نواز شریف سے ملاقات کا دن، کون کون کرے گا ملاقات؟ اہم خبر

    نواز شریف سے ملاقات کا دن، کون کون کرے گا ملاقات؟ اہم خبر

    سابق وزیراعظم نواز شریف سے کوٹ لکھپت جیل میں آج ملاقات کا دن ہے، نواز شریف کے ذاتی معالج ڈاکٹر عدنان آج نواز شریف سے ملاقات کریں گے

    نوازشریف کیلئے جاتی امرا سے مضرصحت کھانا آ رہا تھا،شہباز گل

    باغی ٹی وی کی رپورٹ کے مطابق سابق وزیراعظم نوازشریف سے سینٹرل جیل کوٹ لکھپت میں ملاقات کا آج دن ہے، نواز شریف سے ہر جمعرات کو کوٹ لکھپت جیل میں ملاقات کی اجازت ہوتی ہے، آج نواز شریف کے معالج ڈاکٹر عدنان نواز شریف سے ملاقات کریں گے.

    نواز شریف کا پرہیزی کھانا بند، جیل کا کھانا کھا رہے ہیں یا نہیں، حکام نے بتا دیا

    واضح رہےنواز شریف کے مستقبل کا فیصلہ سنا دیا گیا

    تحریک انصاف کا یوٹرن، نواز شریف کے قریبی ساتھی جو نیب ریڈار پر ہے بڑا عہدہ دے دیا

    ڈاکٹرعدنان نواز شریف کا ذاتی معالج نہیں بلکہ…..شہباز گل نے کر دیا انکشاف

    جیل حکام کا کہنا ہے کہ نواز شریف سے آج بھی اہلخانہ کے‌صرف پانچ افراد ملاقات کر سکتے ہیں، ملاقات کا وقت صبح 9 بجے سے دوپہر2بجے تک ہوگا، جیل حکام کے مطابق نوازشریف سے کسی لیگی رہنما کوملاقات کی اجازت نہیں ہوگی.

    واضح رہے کہ نواز شریف کوٹ لکھپت جیل میں العزیزیہ ریفرنس کیس میں سات سال قید کی سزا کاٹ رہے ہیں، سپریم کورٹ کے بعد اسلام آباد ہائیکورٹ نے بھی نواز شریف کی ضمانت کی درخواست مسترد کر دی تھی

     

    چند روز قبل پنجاب حکومت نے سابق وزیراعظم نواز شریف کیلئے کوٹ لکھپت جیل میں گھر سے کھانا منگوانے پر پابندی عائد کر دی ہے،اس سلسلے میں ترجمان وزیراعلیٰ پنجاب ڈاکٹر شہباز گل کا کہنا تھا کہ نوازشریف عدالت سے سزایافتہ قیدی ہیں، جیل مینول کے مطابق ان کے ساتھ سلوک ہوگا. مریم نواز نے بھی کھانے پر پابندی کے خلاف احتجاج کیا ہے اور بھوک ہڑتال کرنے کا اعلان کیا ہے.

  • چیئرمین سینیٹ کے امیدوار کے نام پر نواز اور شہباز میں اختلاف، اہم خبر

    چیئرمین سینیٹ کے امیدوار کے نام پر نواز اور شہباز میں اختلاف، اہم خبر

    چیئرمین سینیٹ کی تبدیلی کو لے کر مسلم لیگ ن میں ایک بار پھر اختلافات سامنے آ گئے، نواز شریف اور شہباز شریف دونوں بھائی ایک بار پھر آمنے سامنے، نواز شریف نے مریم نواز کے نام کی تائید کی ، شہباز شریف دوسرا نام دینے پر بضد، مریم نواز کو پیپلز پارٹی کی حمایت حاصل کرنے کے لئے بلاول زرداری سے رابطہ کرنا پڑا

    عدم اعتماد کی قراردار کے باوجود اپوزیشن کی چیئرمین سینیٹ کی زیر‌صدارت اجلاس میں شرکت

    ان پیج کے ذریعہ جاسوسی ،سرکاری دفاتر میں ان پیج پر پابندی

    کشمیر میں پاکستانی پرچم لہرانے والی آسیہ اندرابی کی رہائشگاہ کو سربمہر کر دیا گیا

    باغی ٹی وی کی رپورٹ کے مطابق مسلم لیگ ن میں ایک بار پھر اختلافات سامنے آ گئے ہیں، چیئرمین سینیٹ کے نام پر نواز شریف اور شہباز شریف ایک نام پر متفق نہ ہو سکے، ذرائع کے مطابق شہباز شریف راجہ ظفر الحق کو چیئرمین سینیٹ کا امیدوار لانا چاہتے ہیں جبکہ مریم نواز کی خواہش ہے کہ پرویز رشید چیئرمین سینیٹ کے امیدوار بنیں، نواز شریف نے بھی مریم نواز کے نام کی تائید کی ہے.

    چیئرمین سینیٹ کے خلاف اپوزیشن کی قرارداد جمع

    چیئرمین سینیٹ کے خلاف تحریک عدم اعتماد کب آئے گی،رہبر کمیٹی نے کر لیا فیصلہ

    آج کے بعد کوئی یہ نہ کہے کہ شہباز شریف کی کمر میں درد ہے، مبشر لقمان نے ایسا کیوں کہا؟

    پرویز رشید کو چیرمین سینیٹ کا امیدوار لانے کے لئے مریم نواز نے پیپلز پارٹی کی حمایت حاصل کرنے کے لئے بلاول سے گزشتہ روز رابطہ کیا تھا بلاول نے مریم کو پرویز رشیدکی حمایت کے لئے وقت مانگ لیا، مریم نواز نے بلاول کو یقین دہانی کروائی کہ اگر وہ پرویز رشید کی حمایت کریں گے تو اپوزیشن لیڈر پیپلز پارٹی سے ہو گا.

    چیئرمین سینیٹ کو ہٹانے کے لئے اپوزیشن تقسیم، سراج الحق نے باغی ٹی وی سے گفتگو میں کیا کہا؟

    دوسری جانب اپوزیشن کی رہبر کمیٹی کا اجلاس آج ہو گا جس میں چیئرمین سینیٹ کے امیدوار کا نام متوقع ہے. رہبر کمیٹی کے اجلاس میں راجہ ظفرالحق، پرویز رشید، مصدق ملک اور میر حاصل بزنجو کے نام پر غور کیا جائے گا.

     

    واضح رہے کہ اپوزیشن جماعتوں کی اے پی سی میں چیئرمین سینیٹ صادق سنجرانی کو ہٹانے کا فیصلہ ہوا تھا اور رہبر کمیٹی نے اس فیصلے کی توثیق کی تھی .اپوزیشن جماعتوں کی اے پی سی میں بھی جماعت اسلامی نے شرکت نہیں کی تھی .

    چیئرمین سینیٹ کو ہٹانے کیلئے اپوزیشن جماعتوں کے پاس مطلوبہ اکثریت سے زائد کی تعداد موجود ہے، 104 رکنی ایوان میں سینیٹرز کی موجودہ تعداد 103 میں سے چیئرمین کی نشست کے لئے 53 ارکان کی حمایت درکارہے۔ مسلم لیگ ن کے سینیٹرز کی تعداد 28، پیپلز پارٹی کے 20، نیشنل پارٹی کے 5، جمعیت علماء اسلام ف کے 4، پختونخوا میپ کے 2 اور اے این پی کا ایک رکن شامل ہے۔ ایوان بالا کے قواعد کے مطابق موجودہ چیئرمین (صادق سنجرانی ) کو ہٹانے کے لئے ایک چوتھائی ارکان کے دستخطوں کے ساتھ قرارداد لانے کے لئے تحریک جمع کرائی جائیگی۔ تحریک پر ووٹنگ کے لئے سات روز بعد اجلاس بلایا جائے گا جس میں قرارداد پر ووٹنگ کرائی جائے گی، تحریک عدم اعتماد کی کامیابی کی صورت میں موجودہ چیئرمین عہدہ چھوڑ دیں گے اور اس کے بعد سینیٹ سیکرٹریٹ نئے چیئرمین کے انتخاب کے لئے شیڈول جاری کرے گا۔