Blog

مجلس علماء پاکستان کے چیئرمین وبادشاہی مسجدلاہورکے امام و خطیب مولاناعبدالخبیرآزادنے کہاہے کہ پیغام پاکستان پرمکمل طورپرعمل درآمدکرکے ملک کوامن گہوارہ بنایاجاسکتاہے روڈ ٹومکہ پاک سعودی تعلقات کاعظیم تحفہ ہے ،حرمین شریفین سے محبت ہمارے ایمان کاحصہ ہے۔ تمام مسالک ومذاہب متحد ہوکرپاکستان کی سالمیت اورتحفظ کے لیے کرداراداکریں ملک کے حالات اس بات کے متقاضی ہیں کہ قوم تمام تراختلافات کوبالائے طاق رکھتے ہوئے متحد ہوجائے ان خیالات کااظہارانہوں نے اسلام آباد میں‌ پریس کانفرنس سے خطاب کرتے ہوئے کیا،

باغی ٹی وی کی رپورٹ‌ کے مطابق مولاناعبدالخبیرآزادنے کہاکہ مسالک اورمذاہب کے درمیان ہم آہنگی ہمارامشن ہے بادشاہی مسجدنے ہمیشہ تمام مسالک اورمذاہب کومتحدکرنے میں اہم کرداراداکیاہے ملک کے حالات اس بات کے متقاضی ہیں کہ پاکستان کی سالمیت اورتحفظ کے لیے قوم متحد ہوجائے پیغام پاکستان پرعمل درآمدکیاجائے توملک گرے لسٹ سے نکل سکتاہے ،انہوں نے کہاکہ ‘ روڈ ٹو مکہ ” پروجیکٹ کی سہولت خوش آئند ہے’اس سے قبل سعودی عرب کی طرف سے انڈونیشیاء اور ملائیشیاء کو ایسی سہولتیں دی گئیں ہیں ‘کہ اپنے ہی ملک میں امیگریشن کے مراحل کو نپٹا دیا جا تا ہے یقینا اس اقدام سے سعودی عرب میں گھنٹوں تھکا دینے والے امیگریشن چیکنگ مرحلے سے نجات حاصل ہوگی’اس سے نہ صرف حجاج کرام کو طویل صبر آزما انتظارا ور مشکلات سے چھٹکارا ملے گا وہ جلد ان مراحل سے نکل کر بیت اللہ شریف کی حاضری اور منزل مقصود پر پہنچ سکیں گے یہ ایک بڑا اقدام ہے جس پر ہم سعودی فرماں روا ملک سلمان بن عبد العزیز اور سعودی ولی عہد محمد بن سلمان اور سعودی گورنمنٹ اور وزیر اعظم عمران خان وحکومت پاکستان کے شکر گذار ہیں اور ہم یہ سمجھتے ہیں کہ ایسے اقدامات سے پاک سعودی عرب تعلقات اور زیادہ مضبوط ہونگے ‘پاک سعودیہ دوستی ہمیشہ کی طرح لازوال ہے’ اس اقدام سے پاکستا نی عوام کے دلوں میں اور زیادہ محبت اور اخوت کا رشتہ مضبوط ہوگا.

مولانا آزاد نے حکومت پاکستان کی کاوشوں کو سراہتے ہوئے کہا کہ آج وزیر اعظم پاکستان عمران خان نے اسلام آباد میں ”روڈ ٹو مکہ ” کا عظیم الشان افتتاح کرکے پاکستانی عازمیں حج کو جو آسانی دی ہے اس سے عازمین حج کے دلوں سے دعائیں نکل رہی ہیں’ہم اس موقع پر وفاقی وزارت مذہبی امور کی طرف سے مدینہ منورہ اور مکہ مکرمہ میں حجاج کرام کے حوالے سے بہترین سہولتیں دینے پر خراج تحسین پیش کرتے ہیں’ سعودی سفیر نواف سعید المالکی نے بھی رود ٹو مکہ میں اہم کردار ادا کیا مولانا سید عبد الخبیر آزاد نے مزید کہا کہ حرمین شریفین سے محبت ہمارے ایمان کا حصہ ہے اوراس کا تحفظ ہماری ذمہ داری ہے ‘جس طرح سعودی عرب نے ہمیشہ مشکل گھڑی میں پاکستان کا ساتھ دیا ہے ‘اس طرح ہمارا بھی فرض منصبی اور جذبہ ایمانی کا تقاضا ہے کہ ہم بھی سعودی عرب پر کوئی آنچ نہ آنے دیں اور خدا نخواستہ اگر کوئی مشکل گھڑی آئی تو ان شاء اللہ پاکستانی عوام سب سے پہلے سعودی عرب کے شانہ بشانہ کھڑی ہوگی ‘ اور حرمین شریفین کا تحفظ اپنے جان و مال سے بڑھ کر ہے جس سے ان شاء للہ العزیز کوئی بھی پیچھے نہیں رہے گا’اللہ تعالیٰ سے دعا ہے کہ ہمارے ایمان کی سلامتی کے ساتھ ساتھ پاک سعودی دوستی کو ہمیشہ قائم ودائم رکھے ۔
محمد اویس

جعلی ٹرسٹ ڈیڈ کیس میں‌ مسلم لیگ ن کی نائب صدر مریم نواز کی طلبی کانوٹس جاتی امراء پہنچا دیا گیا ہے.

باغی ٹی وی کی رپورٹ‌ کے مطابق مریم نوازکی طلبی کانوٹس نیب لاہورکی ٹیم نےجاتی امرامیں وصول کرایا ہے. احتساب عدالت اسلام آبادنےمریم نوازکو19جولائی کوطلب کررکھا ہے، طلبی کےحوالےسےتحریری نوٹس آج نیب ٹیم نےوصول کرایا ہے.

مریم نوازکی طلبی کاتحریری نوٹس جاتی امراکےعملےنےوصول کیا ہے. واضح رہے کہ احتساب عدالت نے مسلم لیگ ن کی رہنما مریم نواز کے جعلی ٹرسٹ ڈیڈ کیس میں طلبی کے سمن جاری کئے ہیں. احتساب عدالت نے جعلی ٹرسٹ ڈیڈ کیس میں مریم نواز کو19 جولائی کو طلب کررکھا ہے ،سمن میں کہا گیا ہے کہ آپ کو نوٹس سے عدالتی احکامات سے متعلق آگاہ کیا جاتا ہے،19 جولائی کو ذاتی حیثیت میں پیش ہوں۔
مریم نواز کو یہ نوٹس احتساب عدالت کے جج محمد بشیر نے جاری کیا ہے۔ نیب نے مریم نواز کیخلاف جعلی دستاویزات پر ٹرائل کیلئے درخواست دے دی ہے۔ نیب کے مطابق ایون فیلڈ ریفرنس میں مریم نواز کی پیش کردہ ٹرسٹ ڈیڈ جعلی ثابت ہوئی ہے۔

صاحبزادہ عامرجہانگیر کو وزیراعظم عمران خان کےترجمان برائے تجارت اورسرمایہ کاری مقرر کر دیا گیا ہے.

باغی ٹی وی کی رپورٹ کے مطابق معاون خصوصی نعیم الحق کی طرف سے صاحبزادہ عامرجہانگیرکو تقرری پر مبارکباد پیش کی گئی ہے. یہ تعیناتی اعزازی بنیاد پر کی گئی ہے.

وزیر اعظم آفس کی جانب سے صآحبزادہ عامر جہانگیر کی باقاعدہ تعیناتی کا نوٹیفکیشن بھی جاری کر دیا گیا ہے. واضح رہے کہ صاحبزادہ عامر جہانگیر پی ٹی آئی کے رہنما ہیں‌ اور عمران خان کے قریبی سمجھے جاتے ہیں.

عالمی عدالت انصاف ہندوستانی جاسوس اور دہشت گرد کلبھوشن یادیو کیس کا فیصلہ 17جولائی کو سنائے گی.

باغی ٹی وی کی رپورٹ کے مطابق بھارتی جاسوس کلبھوشن یادیو کو ملٹری کورٹس نے سزائے موت سنا ئی تھی، دفتر خارجہ کے ذرائع کا کہنا ہے کہ کلبھوشن کے دوبارہ ٹرائل کا فیصلہ آیا تو مقدمہ ملٹری کورٹ میں ہی چلے گا،

بھارتی جاسوس کلبھوشن یادیو کو ملٹری کورٹس نے سزائے موت سنا ئی تھی. کلبھوشن یادیو بلوچستان میں دہشت گردی کی کاروائیوں‌ میں‌ ملوث رہا اور اس نے دہشت گردی کے لئے باقاعدہ نیٹ ورک بنا رکھا تھا. پاکستان کی ملٹری کورٹ میں کلبھوشن یادیو کے خلاف مقدمہ چلایا گیا اور ملٹری کورٹ‌نے اسے سزائے موت سنائی تھی جس کے خلاف بھارت نے عالمی عدالت سے رجوع کر رکھا ہے.

سینیٹ میں اپوزیشن کی چیرمین سینیٹ کے خلاف عدم اعتماد کی تحریک جمع کروانے کے ایک دن بعد اپوزیشن کے ارکان پارلیمنٹ نے چیرمین سینیٹ کی زیرصدرارت ہونے والے پپس بورڈ کے اجلاس میں شرکت کی۔

ان پیج کے ذریعہ جاسوسی ،سرکاری دفاتر میں ان پیج پر پابندی

باغی ٹی وی کی رپورٹ کے مطابق اجلاس میں پیپلزپارٹی کی پارلیمانی رہنما شیری رحمان اورجمعیت علماء اسلام (ف)سے شاہدہ اخترعلی نے شرکت کی .اجلاس انتہائی خوشگوار ماحول میں ہوا،

لاجزمیں غیرمتعلقہ افراد کا رش،خواتین سینیٹرزکا سرکاری گھروں میں عدم تحفظ کا اظہار

بورڈ نے ایگزیکٹوڈائریکٹر پیپس اور دیگر آسامیاں جلدپر کرنے کی سفارش کردی ۔

کس کس کی گرفتاری قریب ہے؟، شیخ رشید نے سب بتا دیا

چیئرمین سینیٹ محمد صادق سنجرانی کا کہنا تھا کہ پارلیمنٹر ینز کو بہترین پارلیمانی خدمات کی فراہمی اور متعلقہ افسران کی تربیت کیلئے پاکستان انسٹی ٹیوٹ آف پارلیمانی سروسز کو مذید فعال بنایا جائیگا۔ ان خیالات کا اظہار انہوں نے پاکستان انسٹی ٹیوٹ آف پارلیمانی سروسز کے بورڈ آف گورنرز کے اجلاس کی صدارت کرتے ہوئے کیا۔ اجلاس میں سینیٹ کیں قائد ایوان سینیٹر شبلی فراز ، وفاقی وزیر پارلیمانی امور ، سینیٹر اعظم سواتی، سینیٹر شیری رحمان ، ایم این اے امجد علی خان، نفیسہ عنایت اللہ خٹک،شاہدہ اختر علی اور سینئر افسران نے شرکت کی ۔

سینئر صحافی اور معروف اینکر پرسن مبشر لقمان کی وزیر اعظم سے ملاقات
اجلاس کے دوران پارلیمانی انسٹی ٹیوٹ کے ایگزیٹوڈائریکٹر کی تقرری کے عمل کا جائزہ لیا گیا۔ اجلاس کو بتایا گیا کہ ایگزیکٹوڈائریکٹر کی تقرری کیلئے قومی اخبارات میں دوبارہ تشہیر کی گئی جس کے نتیجے میں امیدوارں کی ایک حوصلہ افزا تعداد نے درخواستیں دی ہیں۔ بورڈ آف گورنرز کے ارکان نے تقرری کا عمل جلد مکمل کرنے کی ہدایت کی۔

کشمیر میں پاکستانی پرچم لہرانے والی آسیہ اندرابی کی رہائشگاہ کو سربمہر کر دیا گیا

چیئرمین سینیٹ اور انسٹی ٹیوٹ کے بورڈ آف گورنرز کے صدر محمد صادق سنجرانی نے کہا کہ پارلیمانی تربیت کا دائرہ کار وفاقی اور صوبائی حکومتوں کے مختلف گروپوں سے تعلق رکھنے والے ملازمین تک بھی بڑھایا جائے تا کہ قانون سازی سے متعلق بنیادی امور سے آگاہی حاصل ہو سکے۔ انہوں نے کہا کہ پارلیمنٹرینز کو بہترین خدمات کی فراہمی اور قانون سازی میں معاونت کیلئے انسٹی ٹیوٹ کو زیادہ سہولیات فراہم کی جائیں گی ۔ اس سلسلے میں خالی آسامیوں کو پُر کرنے کیلئے بھی اقدامات کئے جائیں گے۔

واضح رہے کہ منگل متحدہ اپوزیشن نے سینیٹ سیکرٹریٹ میں چیرمین سینیٹ صادق سنجرانی کے خلاف عدم اعتماد کی تحریک جمع کروائی تھی ابھی ایک دن بھی نہیں ہواتھا کہ متحدہ اپوزیشن نے چیرمین سینیٹ کی زیرصدرارت ہونے پیپس بورڈ کے اجلاس میں شرکت کی اجلاس میں پیپلزپارٹی کی پارلیمانی رہنما شیری رحمان اورجمعیت علماء اسلام (ف)سے شاہدہ اخترعلی نے شرکت کی

محمد اویس

ان پیج کے ذریعے جاسوسی کا خدشہ، پاکستان نے سرکاری اداروں میں ان پیج کے استعمال پر پابندی لگا دی

باغی ٹی وی کی رپورٹ کے مطابق حکومت نے سرکاری دفاتر میں ان پیج کے استعمال پر پابندی لگا دی ہے، جس ان پیج پر پابندی لگائی گئی ہے وہ بھارتی کمپنی کا تیار کردہ ہے، حکومت کی جانب سے اداروں کو کہا گیا کہ بھارتی کمپنی کے ان پیج سے جاسوسی کا خدشہ ہے، سرکاری دفاتر کے کمپیوٹرز سے ان پیج کے ذریعے جاسوسی کی سکتی ہے، اس لئے بھارتی کمپنی کے ان پیج کو سرکاری کمپیوٹرز سے فوری ختم کیا جائے اور اردو ان پیچ کی جگہ مائیکروسافٹ کی اردو زبان یا اردو ورڈ پروسیسر کو استعمال کیا جائے .

واضح رہے کہ اردو سافٹ ویئر ان پیج کے ذریعے بھارتی ایجنسیاں پاکستانی صارفین کا ڈیٹا چرا رہی ہیں جبکہ اسے جاسوسی کیلئے بھی استعمال کیا جا رہا ہے، پاکستان کی وزارت اطلاعات و نشریات کے سائبر ونگ نے وزارت کے تمام شعبوں کو بذریعہ خط مطلع کیا تھا ،دو سال قبل یہ خط وزارت کے سائبر ونگ میں تعینات نیٹ ورک ایڈمنسٹریٹر محمد بلال ظفر کی جانب سے تحریر کیا گیا تھا. خط میں کہا گیا تھا کہ ان پیج تیار کرنے والی کمپنی Concept Software کا تعلق بھارت کی ریاست ہریانہ سے ہے اور وزارت اطلاعات و نشریات کے خط میں دعویٰ کیا گیا ہے کہ اس کمپنی کا مبینہ تعلق بھارتی خفیہ ایجنسیوں سے ہے اور یہ ایجنسیاں ان پیج کی مدد سے پاکستانی صارفین کا ڈیٹا چرا رہی ہیں۔

چند ماہ قبل وفاقی حکومت کے ادارے نیشنل ٹیلی کام اینڈ انفارمیشن ٹیکنالوجی سیکورٹی بورڈ کی جانب سے ایک سرکلر جاری ہوا تھا جس میں بتایا گیا تھا کہ بھارتی بیسڈ کمپنی ’’ کانسپٹ سوفٹ ویئر پرائیویٹ لمیٹڈ ‘‘ کے ان پیج سوفٹ وئیر کے ذریعے پاکستان کے اہم دفاعی اور دیگر اداروں کے کمپیوٹرز پر ای میل کے ذریعے سپیم ای میل کے ذریعے رسائی حاصل کرنے کی کوشش کی جارہی ہے۔ جس سے کمپیوٹر کی تمام فائلوں تک پہنچ ہوجاتی ہے۔ ای میل میں آنے والے وائرس کا عنوان’’ آفیکم ٹریننگ پلان ‘‘ بتا یاگیا ہے۔

سرکلر میں کہا گیا تھا کہ بھارت کی کمپنی کے اردو ان پیج سوفٹ ویئر کو پاکستان میں وسیع پیمانے پر استعمال کیا جاتا ہے۔ جس سے وائرس بھیجے جانے کے بھی خدشات رہتے ہیں۔