Blog

پی آئی اے کے صدر و چیف ایگزیکٹو آفیسر ایئر مارشل ارشد ملک کی کوشش رنگ لے آئی،پاکستان انٹر نیشنل ائر لائنز کا ایک اور ائر بس اے تھری ٹوئنٹی( A320) طیارہ ایک سال سے زائد عرصہ گرائونڈ رہنے کے بعد اڑان کے قابل ہو گیا ۔

ترجمان پی آئی کے مطابق طیارہ گذشتہ سال مئی سے ناکارہ حالت میں بے توجہی کا شکار تھا۔ سی ای او ائر مارشل ارشد ملک نے گذشتہ سال نومبر میں چارج سنبھالنے کے بعد تمام گرائونڈڈ طیاروں کو قابل اڑان بنانے کے احکامات جاری کئے تھے۔

واضح رہے کہ اس سے قبل ایک بوئنگ 777 طیارہ بھی ڈیڑھ سال سے زائد عرصہ گراونڈ رہنے کے بعد گزشتہ ماہ درست حالت میں کر دیا گیاتھا۔ پی آئی اے نے اس سلسلے میں حکومت سے مالی مدد کی درخواست بھی کی تھی جس پر حکومت کی جانب سے کوئی خاطر خواہ عملدرآمد نہیں کیا گیا اور مشکل حالات کے باوجود پی آئی اے نے اپنے وسائل کا موثر استعمال کیا ۔دو طیاروں کی بروقت بحالی کے بعد پی آئی اے کے حج آپریشن میں مزید آسانی ہو گئی ہے۔حج آپریشن بغیر کسی کرائے کے طیارے کے مکمل طور پر پی آئی اے کے اپنے طیاروں سے کیا جا رہا ہے۔

ترجمان پی آئی اے کا کہنا ہے کہ سی ای او ائر مارشل ارشد ملک نے طیارے کی بحالی ممکن بنانے پر پی آئی اے کے کارکنوں کو مبارکباد دیتے ہوئے اور بالخصوص انجینئرنگ ، فلائٹ آپریشن، فنانس اور سپلائی چین مینیجمنٹ کے شعبوں کی کارکردگی کو سراہتے ہوئے انکے لئے تعریفی اسناد دینے کا اعلان کیا ہے۔

پی آئی اے ترجمان نے کہا ہے کہ ائر بس بی ایل وی کی بحالی کے بعد اب پی آئی اے کا کوئی طیارہ ماسوائے معمول کی چیکنگ کے گراونڈ نہیں ۔تفصیلات کے مطابق ایئر بس 320منگل کو رات 8بجے کراچی ایئرپورٹ سے اپنے ٹیسٹ فلائیٹ کی اور ایک گھنٹے بعد واپس کراچی ایئرپورٹ پر لینڈ کر گیا ،طیارے ایک سال سے زائد عرصے سے خرابی کی وجہ سے گرائونڈ کیا گیا تھا .

واضح رہے کہ گزشتہ برس ماہ اکتوبر میں وفاقی کابینہ نے ایئر وائس مارشل ارشد خان کو چیئرمین پی آئی اے تعینات کرنے کی منظوری دی تھی ،ارشد محمود ملک نے 1978 میں پاکستان ائیرفورس میں شمولیت اختیار کی جبکہ 1983 میں فائٹر پائلٹ میں کمیشنڈ حاصل کیا۔ انہوں نے نیشنل ڈیفنس یونیورسٹی سمیت ائیر کمانڈ اینڈ اسٹاف کالج امریکا سے بھی تعلیم حاصل کی۔ارشد ملک چیئرمین پاکستان ایروناٹیکل کمپلیکس کامرہ سمیت دیگر کلیدی عہدوں پر تعینات رہ چکے ہیں۔ انہیں شاندار کیرئیر اور خدمات کے اعتراف میں اعلیٰ ترین سویلین ایوارڈ ہلال امتیاز (ملٹری)، ستارہ امتیاز (ملٹری) اور تمغہ امتیاز سے بھی نوازا جاچکا ہے۔

محمد اویس

فردوس عاشق اعوان جلدی سے صحتیاب ہورہی ہیں.انہیں دل میں تکلیف کی شکایت ہوئی تھی جس کے بعد انہیں فوری ہسپتال داخل کرایا گیا تھا.

باغی ٹی وی رپورٹ کے مطابق فردوش عاشق اعوان ہسپتال سے ڈسچارج ہونے کے بعد تیزی سے صحتیاب ہو رہی ہیں.اس سے پہلے فردوس عاشق اعوان کو سینے میں درد کی شکایت ہوئی تھی جس کے بعد انہیں اسلام آباد کے پمز اسپتال منتقل کیا گیا تھا، ڈاکٹرز نے ضروری ٹیسٹ کرنے کے بعد اُن کی طبیعت کو خطرے سے باہر قرار دیا تھا۔

اپنے ٹویٹ پیغام میں معاون خصوصی ڈاکٹر فردوس عاشق اعوان نے کہا کہ الحمد اللہ صحت یاب ہوں، (آج) بدھ سے اپنے سرکاری فرائض کی انجام دہی شروع کر دوں گی، انہوں نے کہا کہ آپ سب کی دعائوں اور نیک تمنائوں کے ڈھیروں پیغامات کا شکریہ۔

سینیٹ کی قائمہ کمیٹی میں سابق وزیرداخلہ رحمان ملک نے تجویز دی ہے کہ جو موبائل فون کی دکان کھولے پی ٹی اے سے لائسنس لے ،کسٹم حکام نے کہا کہ بیرون ملک سے اب کوئی ایک بھی فون لائے گا ڈیوٹی دے گا

شناختی کارڈز،موبائل سم اوربینک اکاونٹ کیلیے بائیو میٹرک کی شرط ختم

باغی ٹی وی کی رپورٹ کے مطابق سینیٹ کی قائمہ کمیٹی کا اجلاس ہوا ، اجلاس میں سینیٹر روبینہ خالد نے کہا کہ لوگوں کی زندگی پی ٹی اے نے عذاب بنا دی ہے،کہتے ہیں 7 روز باہر رہنے والا مسافر موبائل فون نہیں لاسکتا، جس پر ڈائریکٹر ایف بی آر نے کہا کہ موبائل فونز پر پابندی ایف بی آر نے عائد کی ہے،

ایک ایک پیسے کا حساب لیا جائے گا،کابینہ اجلاس میں وزیراعظم کا دبنگ اعلان

وزیراعظم کے خلاف حکومتی جماعت کے رہنما جاوید بدر نے سٹیزن پورٹل میں‌شکایت درج کروا دی

روبینہ خالد نے کہا کہ کمیٹی اس معاملہ پر ایف بی آر کو بھی طلب کرے گی .

سائبر کرائم، حکومتی رکن نے درخواست دی تو کیا جواب ملا؟ کمیٹی میں انکشاف

پیپلز پارٹی کے رحمان ملک نے تجویز دی کہ نیا قانون لایا جائے اور اس قانون کو معطل کردیا جائے، کسٹم حکام نے سینیٹ کی کمیٹی کو بتایا کہ حکومت نے ایک موبائل لانے والے پر بھی ڈیوٹی عائد کردی ہے ،بیرون ملک سے اب کوئی ایک بھی فون لائے گا ڈیوٹی دے گا.

تحریک انصاف کے ارکان اپنی ہی حکومت کی کارکردگی پربرس پڑے

رحمان ملک نے ایک اور تجویز دی کہ جو موبائل فون کی دکان کھولے پی ٹی اے سے لائسنس لے، رحمان ملک کا مزید کہنا تھا کہ ہم اوورسیزپاکستانیوں کے ساتھ امتیازی سلوک کیوں کررہے ہیں،میری اپیل ہے کہ اوورسیز پاکستانیوں کے لیےرومنگ ختم کی جائے، جس پر چیئرمین پی ٹی اے نے کہا کہ کمپنی کنکشن کے ساتھ ملنے والے موبائل کسی اور نیٹ ورک پر نہیں چل سکتے.

پاکستان کے دفتر خارجہ کے ترجمان نے کہا ہے کہ وزیراعظم کے دورہ امریکا سے متعلق امریکی حکام سے قریبی رابطے میں ہیں،مروجہ طریقہ کار کے مطابق اس ضمن میں باضابطہ اعلان مناسب وقت پر کیا جائے گا

We wish to caution against speculation about PM’s visit. We are in close contact with the U.S. side. As per practice, formal announcements are made at the appropriate time.

— Ministry of Foreign Affairs – Pakistan (@ForeignOfficePk) July 10, 2019

باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر ٹویٹ کرتے ہوئے ترجمان دفتر خارجہ ڈاکٹر فیصل نے کہا کہ وزیراعظم کے دورہ امریکا کے حوالے سے قیاس آرائیوں کے برخلاف حقیقت واضح کرنا چاہتے ہیں اور اس سلسلے میں امریکی حکام سے قریبی رابطے میں ہیں۔

وزیراعظم عمران خان کا دورہ امریکا، امریکی محکمہ خارجہ کی لاعلمی

واضح رہے کہ وزیراعظم عمران خان کے دورہ امریکا کے حوالہ سے امریکہ محکمہ خارجہ کے ترجمان مارگن آرٹاگس نے کہا ہے کہ معلوم نہیں کہ وزیراعظم عمران خان اس ماہ امریکا کا دورہ کررہے ہیں۔ پاکستانی وزیر اعظم عمران خان کے دورے کی تصدیق وائٹ ہاؤس سے کی جائے۔

امریکی محکمہ خارجہ کے ترجمان کا مزید کہنا تھا کہ ہمیں وائٹ ہاؤس نے عمران خان کے دورے کی کوئی اطلاع نہیں دی سنا ضرور ہے، عمران خان کے دورے کے متعلق سرکاری طور پر نہیں بتایا گیا، وائٹ ہاؤس سے رابطہ کر کے دورے کی تفصیلات حاصل کریں گے۔

وزیر اعظم عمران خان دورہ امریکہ اور ٹرمپ سے اہم ملاقات کب کریں‌ گے؟ بڑی خبر آ گئی

واضح رہے کہ وزیراعظم پاکستان عمران خان 20 جولائی کو امریکہ کا دورہ کریں گے.عمران خان امریکی صدر ڈونلڈ ٹرمپ سے بھی اہم ملاقات کریں‌ گے. اس موقع پر وزیر خارجہ شاہ محمود قریشی بھی ان کے ہمراہ ہوں‌ گے. عمران خان اپنے دورہ امریکہ کے دوران ڈونلڈ ٹرمپ سے اہم امور پر تبادلہ خیال کریں‌ گے.

وزیراعظم عمران خان سعودی عرب، ایران ،ترکی و دیگر ممالک کے دوروں کے بعد اب امریکہ جانے کا فیصلہ کر لیا ہے. چند دن قبل وزیراعظم عمران خان سے پاکستان تحریک انصاف امریکہ کے سینئر رہنما سجاد برکی اور عاطف خان نے وزیراعظم چیمبر پارلیمنٹ ہاوس میں ملاقات کی تھی جس میں‌ وزیراعظم عمران خان کے آئندہ دورہ امریکہ سے متعلق تبادلہ خیال ہوا تھا.

وزیراعظم کا وزارت عظمیٰ کا حلف اٹھانے کے بعد پہلا دورہ امریکا ہو گا . واضح رہے کہ گزشتہ برس جب تحریک انصاف کی حکومت قیام میں آئی تھی اس وقت امریکی صدر ڈونلڈ ٹرمپ نے بیان دیا تھا کہ واشنگٹن نے اسلام آباد کو بہت کچھ دیا لیکن اس نے بدلے میں کچھ نہیں دیا.امریکی صدر کے بیان پر ردعمل دیتے ہوئے سماجی رابطے کی ویب سائٹ ٹوئٹر پرپیغام میں وزیر اعظم عمران خان نے کہا تھا کہ دہشت گردی کے خلاف جنگ میں پاکستان نے 75 ہزار جانیں قربان کیں اور معیشت کو ایک سو 23 ارب ڈالر کا نقصان بھی ہوا جبکہ امریکی امداد صرف 20 ارب ڈالر تھی۔ ستمبر 2001 کے حملے میں کوئی پاکستانی ملوث نہیں تھا لیکن پھر بھی پاکستان نے دہشت گردی کے خلاف عالمی جنگ میں امریکا کا ساتھ دینے کا فیصلہ کیا تھا۔ اس جنگ میں ہمارے قبائلی علاقے تباہ ہوئے جس کے نتیجے میں لاکھوں افراد بے گھر ہوئے، دہشت گردی کے خلاف اس جنگ نے پاکستانی عوام کی زندگیوں پر بدترین اثرات مرتب کیے .