Blog

ایف بی آر نے بے نامی جائیدادوں کےخلاف بڑے پیمانے پر کارروائیاں شروع کردی ہیں. ایف بی آرنےاسکیم سےفائدہ اٹھانےکاپورٹل بندکردیا. 10بڑے شہروں میں بےنامی اثاثوں کےخلاف کارروائی کی تیاریاں مکمل ہو گئی ہیں.

باغی ٹی وی کی رپورٹ کے مطابق اسکیم سےفائدہ نہ اٹھانےوالوں کو بےنامی اثاثوں کی ضبطگی کےنوٹس جاری کیےجائیں گے، کراچی،لاہور،فیصل آباد،ملتان،راولپنڈی میں ٹیکس نہ دینےوالوں کی فہرست تیار ہے. گوجرانوالہ،اسلام آباد،پشاور،حیدرآباد،سیالکوٹ میں بھی فہرستیں تیار ہیں.

ذرائع کے مطابق پہلےمرحلےمیں ٹیکس ادانہ کرنےوالےکم ازکم5بڑےافرادکوگرفتارکرنےکی تیاریاں مکمل کر لی گئی ہیں. حکومت نےٹیکس ادانہ کرنےوالےافرادکےخلاف سخت کارروائی کی اجازت دےدی ہے.

پاکستان مسلم لیگ ن کی ترجمان مریم اورنگزیب نے کہا ہے کہ عمران صاحب آپ نےجوکرناہےکرلیں، آپ کےکانوں میں سلیکٹڈوزیراعظم کی آوازیں گونجتی رہیں گی، عمران صاحب علیمہ باجی چورہیں اوررہیں گی آپ جومرضی کرلیں،

باغی ٹی وی کی رپورٹ کے مطابق عمران صاحب این آراوکاڈرامہ اورتماشہ بندکریں، دھمکیاں نہ دیں،جوکرناہے کریں، عمران صاحب آپ نالائق اورنااہل ہیں اوررہیں گےجومرضی کرلیں، عمران صاحب ملک کوآئی ایم ایف کےپاس گروی کیوں رکھا؟سوال ہوتارہےگا، عمران صاحب این آراوکاچورن بیچنابندکریں،عوام کوروٹی دیں، 10ماہ میں تیزترین قرضہ لیااورایک اینٹ بھی نہیں لگائی سوال ہوتارہےگا،

انہوں‌ نے کہاکہ عمران صاحب ایک کھرب کے پشاورمیٹرو کے کھڈوں کاسوال ہوتارہے گا، عمران صاحب18جعلی اکاؤنٹس میں پیسہ کہاں سےآیا؟سوال ہوتارہےگا، علیمہ باجی کی غیرقانونی،آپ کی بےنامی جائیدادیں کہاں سےآئیں، کیاتھےوہ ذرائع؟، ان سے متعلق بھی قوم کو آگاہ کریں.

وزیر اعظم کے مشیر برائے موسمیاتی تبدیلی ملک امین اسلم نے کہا ہے کہ خیبر پختونخواہ کا بلین ٹری سونامی عالمی سطح پر پاکستان کی پہچان بن کر سامنے آیا ہے جبکہ اقوام متحدہ اس منصوبے کو پوری دنیا کیلئے بطور مثال پیش کرنا چاہتی ہے۔ یہ منصوبہ 10 بلین ٹری سونامی کیلئے ایک لانچنگ پیڈ کی حیثیت رکھتاہے۔

باغی ٹی وی کی رپورٹ کے مطابق انہوں نے کہاکہ پورے ملک میں 10ارب مزید درخت لگائے جائیں گے جن میں سے 5 ارب اگلے چار سالوں میں لگیں گے۔ اس ضمن میں منصوبہ سازی کر لی گئی ہے۔ پانچ ارب درختوں کے اس منصوبے میں صوبہ خیبر پختونخواہ مزید ڈیڑھ ارب درخت لگائے گا۔ ان خیالات کا اظہار انہوں نے صحافیوں کے وفد سے گفتگو کرتے ہوئے کیا۔ وزارت موسمیاتی تبدیلی نے محکمہ جنگلات خیبر پختونخواہ اور ریڈ پلس کے تعاون سے صحافیوں کیلئے ایک ارب درخت لگانے کے منصوبے کے مقام کے دورہ کا اہتمام کیا۔تین روزہ دورہ میں پرنٹ اور الیکٹرانک میڈیا سے سینئر صحافیوں نے شرکت کی۔ دورہ کے اختتام پر صحافیوں نے وزیر اعظم کے مشیر سے انکے دفتر میں ملاقات کی اور اپنی آراء سے آگاہ کیا۔ صحافیوں نے اس پروگرام کی تعریف کی اور حکومتی کاوشوں کو سراہا۔

ملک امین اسلم نے اس امر کا بھی عہد کیا کہ وہ وسیع تر ملکی مفاد میں تنقید برائے تنقید کی بجائے تنقید برائے تعمیر کریں گے تا کہ حکومت وقت زمینی حقائق سے آگاہ رہے۔ وفاقی وزیر نے صحافیوں کا شکریہ ادا کیا اور کہا کہ ذرائع ابلاغ حکومت اور عوام کے درمیان پل کا کردار ادا کرتے ہیں اس لیے تنقید برائے تعمیر بہت ضروری ہے۔ مزید براں ملکی ترقی میں میڈیا کا کردار نہ صرف اہم بلکہ نا گزیر ہے۔ ذرائع ابلاغ کے نمائندوں کی نشاندہی پر وفاقی وزیر نے کہا کہ جن لوگوں نے جنگلات کی چوری کی روک تھام یا آگ لگنے کے واقعات میں اپنی جانیں دیں ہیں وہ قومی ہیرو ہیں۔ حکومت ایسے جانثاروں کو مالی امداد دے گی۔ وزارت اپنے بجٹ سے آگ بجھانے کے آلات خریدنے کا ارادہ بھی رکھتی ہے تاکہ جنگلات کے خزانے کو آگ سے محفوظ رکھا جا سکے۔

وفاقی وزیر نے مزید کہا کہ جن لوگوں نے جنگلات کاری میں مزدوری کی ہے حکومت ان کو ایک ایک پیسے کی ادائیگی یقینی بنائے گی۔ مشیر برائے موسمیاتی تبدیلی نے مزید کہا کہ اقوام متحدہ پاکستان کے اس منصوبے کو نہ صرف سراہ رہا ہے بلکہ دیگر ملکوں کو بھی پاکستان کی مثال سے ترغیب دے رہا ہے تاکہ کلائمیٹ چینج کا مقابلہ کیا جاسکے۔ انہوں نے کہا کہ یہ پاکستان کی تاریخ کا واحد منصوبہ ہے جس کی غیر جانبدار مانیٹرنگ کرائی گئی اور اس کو عالمی سطح پر تسلیم کیا گیا ہے۔ وفاقی وزیر 10 بلین ٹری سونامی کے منصوبے کے مندرجات سے بروز جمعرات ایک پریس کانفرنس کے ذریعے آگاہ کریں گے۔