امریکی ڈرون گرنے کے بعد سعودی فضائی کمپنی نے آبنائے ہرمزاور خلیج عُمان کے فضائی روٹ تبدیل کردیے
تفصیلات کے مطابق ایرن کی جانب سے امریکی ڈرون گرانے کے بعد سعودی عرب کی سرکاری فضائی کمپنی نے اپنی پروازوں کو خلیج عُمان اور آبنائے ہرمز کے فضائی راستے استعمال کرنےسے روکتے ہوئے متبادل روٹس کے استعمال کا فیصلہ کیا ہے.سعودی فضائی کمپنی کی طرف سے یہ اقدام مسافروں کے تحفظ اور سلامتی کے لیےاٹھایا ہے۔
کمپنی کا کہنا ہے کہ ایشیائی ملکوں کے لیے چلائی جانے وال پروازوں کو خلیج عرب کی فضاءمیں متبادل راستوں کے استعمال کی ہدایت کی گئی ہے۔ مسافروں کے تحفظ کے لیے سعودی ایئرلائن کی کوئی پرواز آبنائے ہرمز اور بحر عُمان کی فضائی حدود کو استعمال نہیںکرےگی۔ کمپنی کا کہنا ہے کہ روٹ تبدیل ہونے سے پروازوں کی آمد ورفت کے اوقات بھی متاثر ہوسکتےہیں۔
خیال رہے کہ جمعہ کے روز متعدد عالمی فضائی کمپنیوںنے بھی احتیاطی تدابیر کے تحت آبنائے ہرمز کی فضائی حدود کو استعمال نہ کرنے کافیصلہ کیا تھا۔ یہ پیش رفت بین الاقوامی فضائی حدود میں امریکی فوجی ڈرون مار گرائے جانے کے ایرانی اقدام کے بعد سامنے آئی ہے۔
امریکی ڈرون طیارے کو ایران کی طرف سے نشانہ بنائے جانے کے واقعہ کے بعد متعدد بین الاقوامی فضائی کمپنیوں نے اپنے جہازوں کو ایران کی فضائی حدود سے گزرنے سے منع کر دیا ہے
خلیج کی بڑی فضائی کمپنی اتحاد ایئر لائنز نے بھی اپنے طیاروں کو آبنائے ہرمز اور خلیج عُمان کے اوپر سے گزرنے سے روک دیا ہے۔
امریکی ڈرون طیارے کے مار گرائے جانے کے بعد سے امریکا کے صدر ڈونلڈ ٹرمپ کی جانب سے ایران کو دھمکیاں دینے کا سلسلہ جاری ہے۔ دوسرے طرف ایران بھی ان دھمکیوں کا ترکی بہ ترکی جواب دے رہا ہے۔
اسی دوران امریکی صدر ڈونلڈ ٹرمپ نے ایران کے اندر تین اہداف کو نشانہ بنانے کا حکم بھی دے دیا تھا لیکن اس کو آخر لمحے میں خود ہی واپس لے لیا۔
بھارت کی ریاستی دہشت گردی جاری ضلع شوپیاں میں قابض فوج نے دو کشمیری نوجوان شہید کر دیئے
باغی ٹی وی رپورٹ کے مطابق مقبوضہ کشمیر میں بھارت کی ریاستی دہشت گردی جاری ہے۔ ضلع شوپیاں میں قابض فوج نے دو کشمیری نوجوان شہید کر دیئے۔
شوپیاں کے علاقے کلگام میں میں بھارتی فوج نے دو نوجوانوں کو شہید کر دیا۔ بھارت کی ظالمانہ کارروائی کے خلاف کشمیریوں نے بھرپور احتجاج کیا۔
بھارتی فوج نے مظاہرے پھیلنے کے خدشے کے پیش نظر علاقے میں انٹرنیٹ اور موبائل سروس بھی بند کر دی اور سڑکوں اور گلیوں میں گشت شروع کر دیا تاہم کشمیری بھارتی ہتھکنڈوں سے ذرا بھی خوفزدہ نہ ہوئے اور بھارتی فوج اور مودی حکومت کے خلاف نعرے بازی کرتے رہے۔
گیس بھرنے سے فیصل آباد می دھماکہ خاتون سمیت دو افراد جاں بحق
تفصیلات کے مطابق دھماکا گھر میں گیس لیکج کے باعث آگ جلانے کے بعد ہوا، آگ کی لپیٹ میں آکر 70 سالہ خاتون اور 24 سالہ لڑکا زخمی ہوگیاجنہیں طبی امداد کے لیے الائیڈ اسپتال منتقل کر دیا گیا۔
امدادی ٹیموں نے موقع پر پہنچ کر آگ پر قابو پایا، ریسکیو ذرائع کے مطابق مزید 4 افراد بھی ملبے تلے دب کر معمولی زخمی ہوئے ہیں۔
فیصل آباد میں لیکج کے باعث گیس بھرنے سے مکان میں دھماکا ہوگیا، دھماکے کی وجہ سے خاتون سمیت 2 افراد زخمی ہوگئے۔
ریسکیو کے مطابق گلستان کالونی میں واقع مکان میں دھماکے سے عمارت منہدم ہوکر ملبے کا ڈھیر بن گئی جبکہ ملحقہ مکان کا کچھ حصہ بھی گھر گیا۔
نیب نےکرپشن کیس کی تحقیقات کے سلسلے میں سندھ کے صوبائی مشیر جیل خانہ جات اعجاز جاکھرانی کانام ای سی ایل میں ڈالنے کی سفارش کردی۔جاکھرانی کی طرف سے جعلی اکاؤنٹ سے فریال تالپور کے لیے خریدی گئی بلٹ پروف لینڈ کروزر کی تفصیلات بھی منظر عام پر آگئیں.
باغی ٹی وی رپورٹ کے نیب نے اعجاز جاکھرانی اور4 ساتھیوں کا نام ای سی ایل میں ڈالنے کی سفارش کی ہے۔نیب نے کرپشن کے خلاف تحقیقات میں فرنٹ مین تاجروں کے اکاؤنٹس کی تفصیلات بھی طلب کرلی ہیں
واضح رہے کہ سندھ ہائیکورٹ میں آمدن سے زائد اثاثے بنانے اورکرپشن کیس کی سماعت اعجازحسین جاکھرانی کا نام جعلی بینک اکاؤنٹس کیس میں شامل ہے. سابق صدر آصف علی زرداری کی بہن فریال تالپور کے زیر استعمال بلٹ پروف لینڈ کروز گاڑی اعجاز احمد جاکھرانی کےاکاؤنٹس سے خریدی گئی ہے. اور ادئیگی جعلی اکاؤنٹ سے کی گئی تھی.اس کیس میں جاکھرانی ضمانت پر رہا ہو کر جیل سے باہر تھے اب نیب نے ان کا نام ای سی ایل میں ڈالنے کی استدعا کی ہے.
پاکستانی ٹیم اور جنوبی افریقی ٹیم آج اپنی اپنی بقا کی جنگ لڑیں گی ، ہرایک کو شکست کی صورت گھر جاناہوگا
باغی ٹی وی رپوٹ کے مطابق پاکستانی ٹیم اور جنوبی افریقی ٹیم آج اپنی اپنی بقا کی جنگ لڑیں گی ، ہرایک کو شکست کی صورت گھر جاناہوگا ورلڈکپ کے اہم ترین میچ میں پاکستانی ٹیم آج جنوبی افریقی ٹیم کے مد مقابل ہو گی جہاں شکست کی صورت میں ایک ٹیم کے لیے ورلڈکپ ممکنہ طور ختم ہوجائے گا۔
لارڈز کرکٹ گراؤنڈ میں کھیلا جانے والا یہ میچ دونوں ٹیموں کی ورلڈکپ میں بقا کے لیے اہم ترین میچ بن گیا ہے۔
پاکستان نے رواں برس کے آغاز میں جنوبی افریقہ کا دورہ کیا تھا جہاں اسے جنوبی افریقہ کے ہاتھوں 3-2 سے شکست کا سامنا کرنا پڑا تھا۔
ذکورہ سیریز کے دوران بھی دونوں ٹیموں کے مابین سخت مقابلے دیکھے گئے تھے۔
رلڈکپ کے اس اہم میچ کے لیے امکان ظاہر کیا جارہا ہے کہ پاکستان کی ٹیم میں شعیب ملک کی جگہ حارث سہیل جبکہ حسن علی کی جگہ محمد حسنین کو ٹیم میں شامل کیا جاسکتا ہے۔
واضح رہے کہ پاکستان ٹیم کی ورلڈکپ کے لیے روانگی سے قبل قومی ٹیم کے چیف سلیکٹر انضمام الحق نے محمد حسنین کے بارے میں کہا تھا کہ یہ ٹیم کے لیے ایک سرپرائز پیکیج ثابت ہوگا۔
شعیب ملک اور حسن علی نے اب تک ورلڈکپ کے دوران تمام میچوں قومی ٹیم کی نمائندگی کی لیکن خاطر خواہ کارکردگی دکھانے میں کامیاب نہیں ہوسکے۔
اللہ کی عظیم نعمتوں اور معدنیات سے مالا مال مگر حکمرانوں کی عدم توجہی کا شکار ہمارا بلوچستان پاکستان کا ہی صوبہ ہے. دوران سفر میں نے کراچی سے کوئٹہ اور کوئٹہ سے فورٹ منرو تک بلوچستان کے بیسیوں شہر دیکھے، سنگلاخ چٹانیں، خشک پہاڑ، میلوں تلک پھیلی سطح مرتفع، کہیں کہیں فروٹس کے باغات اور درختوں کے جھنڈ، بکریوں کے ریوڑ اور خوبصورت بچے دیکھنے والوں کو اپنے سحر میں مبتلا کردیتے ہیں.
لیکن یہ سحر بہت جلد ٹوٹ جاتا ہے کہ جب بیسیوں میل تک آپ کو پانی میسر نہ آئے، جب وہاں سے نکلنے والی بیش قیمت گیس تو لاہور، پشاور تک مل جائے ،اس کی رائلٹی سرداروں کی جیب میں چلی جائے اور سوئی کا باسی پنجاب ، سندھ اور کے پی کے میں جاتی گیس کے پائپ کے اطراف سے لکڑیاں اور گھاس پھونس اکٹھی کرکے اپنی پیٹھ پر لادے گھر جائے اور اس سے چولہا جلائے، جب سفر کرتے ہوئے سینکڑوں کلومیٹرز تک آپ کو موبائل سگنلز نہ ملیں.
ہم گرائمرز، ایچی سن، کیڈٹس کالجز اور اسکول کے رسیا لوگوں کا بلوچستان کی خوبصورتی کا سحر اس وقت دھڑام سے گرتا ہے جب بلوچستان کے بیشتر علاقوں میں خیمہ اور ٹاٹ اسکول بھی میسر نہ ہوں. جہاں معمولی بیماریوں سے لے کر سنگین بیماریوں تک کے علاج پر اس لیے نہ توجہ دی جائے کہ بوڑھی ماں اور باپ کی دو چار سال مزید عمر کے لیے کون سینکڑوں کلومیٹر کا سفر کرکے کوئٹہ اور کراچی جائے. مجھے کوئٹہ سمیت پورے بلوچستان میں ایک بھی شہر پنجاب کے شہروں کے ہم پلہ نظر نہ آئے نہ سہولیات کے اعتبار سے اور نہ بلند و بالا بلڈنگز کے اعتبار سے. ہاں سرداروں کے وسیع و عریض محل، نت نئی گاڑیوں، جدید اسلحہ سے لیس محافظوں کی فوج ظفر موج آپ کو بتائے گی کہ بلوچستان کے مسائل کے پیچھے کیا عوامل کارفرماء ہیں.
میں نے بلوچستان کا بڑا مہذب نقشہ آپ کے سامنے رکھا ہے کہ مجھے الفاظ نہیں میسر کہ بلوچستان کی محرومیوں کی جو صورتحال جو آنکھوں نے دیکھی اس کو بیان کروں.
تعلیم و صحت وغیرہ بنیادی انسانی حقوق ہیں مگر بلوچستان کے زیادہ تر لوگوں کو یہ انسانی حقوق میسر نہیں ہیں. ہاں میسر ہے تو وہ دھماکے ہیں، سازشیں ہیں، کلبھوشنز ہیں، براہمداغ و ماما قدیر ہیں، سرمچار ہیں، فراری ہیں اور ان سب کی وجہ سے فوجی آپریشنز میسر ہیں.
جب صادق سنجرانی، قاسم سوری، جام کمال، طلال و سرفراز بگٹی اور اختر مینگل جیسے لوگ جو پاکستان کے اعلیٰ ترین عہدوں اور پارلیمنٹ کی کرسیوں پر براجمان ہیں وہ بلوچستان کے جائز حقوق کی آئینی اور قانونی جنگ نہیں لڑیں گے اور بلوچستان کی دگردوں صورتحال پر توجہ نہیں دیں گے تو پھر براہمداغ بگٹی وغیرہ جیسے راتب اغیار پر دم ہلانے والے محرومیوں کے ستائے بلوچوں کو استعمال کریں گے، پھر کلبھوشن دہشت گردی کے نیٹ ورک قائم کریں گے. پھر محمود اچکزئی جیسے لوگ این ڈی ایس کے آلہ کار بنیں گے.
پاکستان کے دیگر صوبوں اور ہر طرح کی سہولیات سے لیس شہروں میں بیٹھ کر یہ بات کرنا تو بہت آسان ہے کہ بلوچستان کی بات نہ کرنا، وہاں کے حقوق پر آواز نہ اٹھانا کہیں دشمن تمہارے ان مطالبات کو غلط استعمال نہ کرلے تو جناب والا پھر پنجاب اور کے پی کے اور سندھ کے مسائل اور جرائم پر بات کرنے اور سوشل میڈیا پر آواز اٹھانے کو بھی تو دشمن غلط مقصد اور بدنامی کے لیے استعمال کر سکتا ہے لیکن ہم وہ متواتر کیے چلے جاتے ہیں.
ہمیں اور نہ ہی بلوچستان کے لوگوں کو اپنی افواج اور دیگر سکیورٹی کے اداروں سے کوئی گلہ یا شکوہ ہے کیونکہ یہ ادارے تو ان کو سازشوں سے بچاتے ہیں، حفاظت کرتے ہیں اور آفات اور مسائل میں حتیٰ المقدور بلوچستان کے غریب باسیوں کی مدد بھی کرتے ہیں.
ہمیں شکوہ ہے تو سب سے پہلے بلوچستان کے سرداروں سے ہے، پاکستان کے ستر سال کے حکمرانوں سے ہے، موجودہ پارلیمنٹ میں بیٹھے لوگوں پر ہے جو بلوچستان کے مسائل و معاملات کو پاکستان کا مسئلہ نہیں سمجھتے.
اگر آپ واقعی بلوچستان میں امن لانا چاہتے ہیں اور دشمن کی سازشوں کو پنپنے کا موقع نہیں دینا چاہتے، کلبھوشنوں اور براہمداغ جیسوں کے نیٹورکس قائم نہیں ہونے دینا چاہتے تو بلوچستان میں تعلیم و صحت اور روزگار پر ترجیحی بنیادوں پر کام کیجیئے کہ بلوچستان بھی پاکستان ہے.
سعودی عرب کی پہلی خاتون پائلٹ کے حائل کے ہوائی اڈے پر پہنچنے پران کا شاندار استقبال کیا گیا
تفصیلات کے مطابق سعودی عرب کی پہلی خاتون پائلٹ کے حائل کے ہوائی اڈے پر پہنچنے پران کا شاندار استقبال کیا گیا۔ دوسری جانب سوشل میڈیا پر بھی ان کی غیرمعمولی تعریف وتوصیف کی جا رہی ہے۔
کیپٹن پائلٹ یاسمین المیمنی گذشتہ روز معاون ہواباز کی حیثیت سے طیارہ اڑاتےہوئے حائل ہوائی اڈے پراتریں جہاں ہوائی اڈے کے حکام نے ان کا پرتپاک استقبال کیا اور انہیں پھول پیش کیے۔ اس کےساتھ ساتھ سوشل میڈیا پربھی پائلٹ یاسمین المیمنی کی غیرمعمولی حوصلہ افزائی جاری ہے۔
یاسمین المیمنی ‘نسما ایئر’ فضائی کمپنی میں معاون ہواباز کے طورپرتعینات کی گئی ہیں۔ ان کا تعلق حائل سے ہے جہاں وہ گذشتہ روز پرواز کے ذریعے پہنچیں تو ان کا شاندار استقبال کیا گیا۔
خیال رہے کہ 29 سالہ یاسمین المیمنی نے امریکا میں ہوابازی کا لائسنس حاصل کیا تھا جسے سنہ 2013ء میں سعودی لائسنس میں تبدیل کردیا گیا تاہم اس عرصے میں انہیں طیارہ اڑانے کاموقع نہیں ملا۔ یہ پہلا موقع ہے جب وہ طیارہ اڑا کر حائل پہنچی ہیں۔
قومی ٹیم کے سیمی فائنل تک پہنچنے کی امید کی چنگاری اب بھی سلگ رہی ہے.لیکن چند شرائط کے ساتھ
باغی ٹی وی رپورٹ کے مطابق قومی ٹیم کے سیمی فائنل تک پہنچنے کی امید کی چنگاری اب بھی سلگ رہی ہے.
قومی ٹیم اس وقت پوائنٹس ٹیبل پر نویں پوزیشن پر موجود ہے لیکن اس کے باوجود اگر سرفراز الیون ایونٹ میں بقایا اپنے تمام 4 میچز جیتنے کی شرط پر پوری اترنے میں کامیاب رہی اور انگلینڈ تین میں سے 2 میچز اور سری لنکن ٹیم تین میں سے ایک میچ بھی ہار گئی تو قومی ٹیم آسانی سے سیمی فائنل میں پہنچ سکتی ہے۔
پاکستان کی راہ میں سب سے بڑی رکاوٹ انگلینڈ اور سری لنکا کی ٹیمیں ہیں اور دونوں ٹیموں کے آئندہ مقابلے بڑی ٹیموں کے خلاف ہیں۔
سیمی فائنل کھیلنے کا خواب پورا کرنے کے لیے قومی ٹیم کو چاروں میچز لازمی جیتنا ہوں گے جو کہ جنوبی افریقا، نیوزی لینڈ، افغانستان اور بنگلادیش کے خلاف ہیں۔
سیمی فائنل کھیلنے والی چار ٹیموں میں جگہ بنانے کے لیے کسی بھی ٹیم کو کم از کم 11 پوائنٹس حاصل کرنا ضروری ہیں، اس اعتبار سے اگر پاکستان ٹیم اپنے آئندہ کے چاروں میچز جیت لیتی ہے تو مطلوبہ نمبر حاصل ہوجاتے ہیں۔
اس وقت پوائنٹس ٹیبل پر نظر دوڑائی جائے تو قومی ٹیم 3 پوائنٹس کے ساتھ نویں نمبر پر ہے اور انگلینڈ 8 پوائنٹس کے ساتھ چوتھے نمبر پر ہے۔
وزیر اعظم عمران خان اور امیر قطر نے ایک دوسرے کو تحائف دیے.امیر قطر نے وزیراعظم کو ایک ٹی شرٹ پیش کی جس پر عمران خان لکھا ہوا تھا ور وزیراعظم نے امیر قطر کو اپنے دستخط کیے ہوئے بلے کا تحفہ دیا ..
باغی ٹی وی رپورٹ کے مطابق وزیر اعظم عمران خان نے امیر قطر شیخ تمیم بن حمد الثانی سے ملاقات کے دوران اپنا دستخط کیا ہوا بلا تحفے میں دیا۔
امیر قطر نے بھی عمران خان کو قطر کی قومی فٹبال ٹیم کی شرٹ تحفے میں پیش کی.جس پر ان کا نام لکھا ہوا تھا.
واضح رہے کہ امیر قطر کے دورے میں پاکستان اور قطر کے درمیان تعاون کے مختلف معاہدوں پر دستخط ہوئے ہیں۔پاکستان اور قطر کے مابین تاریخی دورے کو خطے کے تناظر میں کافی اہمیت کی نظر سے دیکھا جا رہا ہے.
تلہ گنگ میں شارٹ سرکٹ سے گھر کا سازوسامان جل کر راکھ ہو گیا۔تفصیلات کے مطابق گزشتہ روزانسپکٹر (ر) چونگی ٹی ایم اے تلہ گنگ سید مجاہد حسین شاہ کے گھر میں شارٹ سرکٹ کی وجہ سے آگ نےلپیٹ میں لے لیا، اطلاح ملتے ہی فائر برگیڈ کی گاڑی موقع پر پہنچ گئی لیکن گلی تنگ پونے کی وجہ سے فائر برگیڈ کی گاڑی گھر تک نہ پہنچ سکی اہل محلہ اور فائر برگیڈ کے عملہ نے آگ بجھانے کی بھر پور کوشش کی دو گھنٹوں کی مسلسل کوشش کے بعد آگ پر قابو پا گیا لیکن تب تک گھر کا سب سامان جل گیا۔ سید امجد حسین شاہ نے وزیر اعظم پاکستان ، وزیر اعلیٰ پنجاب اور دیگر ارکان اسمبلی سے اپیل کی ہے کہ شارٹ سرکٹ سے میری جمع پونجی اور بچی کا جہیز کا سامان جل گیا ہے اور جس مکان میں رہائش پذیر ہوں یہ بھی کرایہ کا ہے۔ لہذا میرے ہونے والے نقصان کو پورا کرنے میں ہر ممکن مدد کی جائے تاکہ میں اپنی اولا د کا پیٹ پا ل سکوں۔
