Baaghi TV

Blog

  • مغربی بنگال کی وزیر اعلیٰ‌ ممتا بنرجی کا نریندر مودی کی حلف برداری کی تقریب میں‌ شمولیت سے انکار

    مغربی بنگال کی وزیر اعلیٰ‌ ممتا بنرجی کا نریندر مودی کی حلف برداری کی تقریب میں‌ شمولیت سے انکار

    بھارت میں مغربی بنگالی کی وزیر اعلیٰ‌ ممتا بنرجی نے ہندوستانی وزیر اعظم نریندر مودی کی حلف برداری کی تقریب میں‌شرکت سے معذرت کر لی ہے.

    باغی ٹی وی کی رپورٹ کے مطابق ہندوستانی وزیر اعظم نریندر مودی کے حلف برداری کی تقریب میں شرکت کرنے کے اعلان کے ایک دن بعد ہی ممتا بنرجی نے کہا کہ نئے حالات میں وہ مودی کی حلف برداری کی تقریب میں شرکت نہیں کریں گی۔ یا د رہے کہ کل 30مئی کو نریندر مودی دوسری مدت کیلئے وزیر اعظم کے عہدہ کا حلف لیں گے۔ ممتا بنرجی نے کہا کہ انہوں نے حلف برداری کی تقریب میں شرکت کرنے کا فیصلہ کیا تھا مگر آخری چند گھنٹوں میں دیکھا کہ میڈیا میں بی جے پی کی جانب سے دعویٰ کیا جارہا ہے کہ مغربی بنگال میں سیاسی تشدد کے واقعات میں 54افراد کی موت ہوگئی ہے جبکہ یہ بالکل جھوٹ ہے. بنگال میں سیاسی بنیادوں‌پر قطعی طور پر قتل نہیں‌ ہوا لہٰذا موجودہ حالات کو دیکھتے ہوئے میں نے فیصلہ کیا ہے کہ مودی کی حلف برداری کی تقریب میں‌ شرکت نہ کروں.

    یاد رہے کہ مودی دوسری مرتبہ وزیر اعظم کا حلف اٹھا رہے ہیں.

  • کنٹرول لائن پر بھارتی فوج کی فائرنگ سے خاتون زخمی، ہسپتال منتقل کر دیا گیا

    کنٹرول لائن پر بھارتی فوج کی فائرنگ سے خاتون زخمی، ہسپتال منتقل کر دیا گیا

    پاکستان بھارت سرحد پر ہندوستانی فورسز کی بلا اشتعال فائرنگ سے ایک خاتون زخمی ہوگئی جس پر اسے ہسپتال منتقل کردیا گیا ہے ۔

    باغی ٹی وی کی رپورٹ‌ کے مطابق آئی ایس پی آرکی طرف سے جاری کردہ بیان کے مطابق لائن آف کنٹرول پر راولا کوٹ سیکٹر میں بھارتی فوج کی جانب سے بلااشتعال فائرنگ کی گئی اور عام لوگوں‌ کونشانہ بنایا گیا ہے. بھارتی فورسز کی فائرنگ سے گاﺅں میندھر کی رہائشی سکینہ بی بی زخمی ہوگئیں جنہیں‌فوری طور پر ہسپتال منتقل کردیا گیا ہے ۔

    یاد رہے کہ چند دن قبل ہندوستانی فورسز کی طرف سے پاک فوج سے درخواست کی گئی تھی کہ لائن آف کنٹرول پر آرٹلری کا فائر روک دیا جائے لیکن چند روز بعد ہی بھارتی فورسز نے خود ہی پرانی مذموم حرکتیں دوبارہ شروع کر دی ہیں‌اور ایک مرتبہ پھر بلا اشتعال فائرنگ کرتے ہوئے سول آبادیوں کونشانہ بنانا شروع کردیا ہے ۔ بھارتی فوج کی فائرنگ سے پہلے بھی آئے دن شہریوں‌کے زخمی ہونے کے واقعات منظر عام پر آتے رہتے ہیں.

  • بھارت، نریندر مودی کی حلف برداری کی تقریب کی تیاریاں‌ عروج پر پہنچ گئیں

    بھارت، نریندر مودی کی حلف برداری کی تقریب کی تیاریاں‌ عروج پر پہنچ گئیں

    بھارت میں‌ ہندوستانی وزیرا عظم نریندر مودی کے انتخابات جیتنے کے بعد ان کی حلف برداری کی تقریب کی تیاریاں بڑے پیمانے پر جاری ہیں۔

    باغی ٹی وی کی رپورٹ‌کے مطابق حلف برداری کی تقریب میں کئی بین الاقوامی رہنماؤں، مختلف ملکوں‌کے سربراہان اور علاقائی لیڈر شریک ہوں‌گے. مغربی بنگال کی وزیراعلیٰ ممتا بنرجی پہلے اس تقریب میں شامل ہونے والی تھیں تاہم آج انہوں نے آنے سے انکار کر دیا ہے. 2014 میں جب مودی کی حلف برداری کی تقریب ہوئی تھی تو اس وقت بھی وہ سیاسی مخالفت کی وجہ سے حلف برداری کی تقریب میں شامل نہیں‌ ہوئی تھیں.

    ہندوستانی وزیر اعظم نریندر مودی نے خلیج بنگال کے سرحدی یا ساحلی ممالک کے عالمی تکنیکی اور معاشی تعاون کی تنظیم(BIMSTEC ) بمس ٹیک کے رکن ممالک ہندوستان، بنگلہ دیش ، میانمار، شری لنکا، تھائی لینڈ بھوٹان اور نیپال کے رہنماؤں کو تقریب میں شرکت کی دعوت دی ہے. یاد رہے کہ پاکستانی وزیر اعظم عمران خان کو اس تقریب میں شرکت کی دعوت نہیں‌ دی گئی ہے.

  • جسٹس قاضی فائز عیسیٰ بھی میدان میں‌ آگئے، ریفرنس کی خبروں‌ پر صدرمملکت کوخط لکھ کر اہم مطالبہ کر دیا

    جسٹس قاضی فائز عیسیٰ بھی میدان میں‌ آگئے، ریفرنس کی خبروں‌ پر صدرمملکت کوخط لکھ کر اہم مطالبہ کر دیا

    سپریم کورٹ آف پاکستان کے جسٹس قاضی فائز عیسیٰ نے پی ٹی آئی حکومت کی طرف سے اپنے خلاف دائر کئے جانے والے ریفرنس کی خبریں‌ منظر عام پر آنے کے خلاف صدر پاکستان ڈاکر عارف علوی کو خط لکھا ہے جس میں انہوں نے ریفرنس کی کاپی فراہم کرنے کا مطالبہ کیا ہے.

    باغی ٹی وی کی رپورٹ کے مطابق صدر مملکت کو لکھے گئے خط میں انہوں نے کہا ہے کہ مجھے سرکاری ذرائع سے معلوم ہوا ہے کہ ان کے خلاف آئین کے آرٹیکل 209 کے تحت کوئی ریفرنس دائرکیا گیا ہے۔ اگر یہ بات سچ ہے تو مجھے اس کے متعلق بتایا جائے اور میرے خلاف دائر کئے گئے ریفرنس کی کاپی فراہم کی جائے. مجھے امید ہے کہ آپ بھی اس بات سے اتفاق کریں گے کہ اگر ایک ریفرنس فائل کیا جاتا ہے اور ایک جج کو کہا جاتا ہے کہ اس کا جواب دیا جائے، تو پھر سپریم جوڈیشل کونسل کی اجازت کے بعد اس ریفرنس کے مندرجات کو منظر عام پر لایا جاسکتا ہے.

    رپورٹ کے مطابق سپریم کورٹ کے جسٹس قاضی فائز عیسیٰ نے ڈآکٹر عارف علوی کو بھیجے گئے خط میں‌لکھا ہے کہ ان کے خلاف دائر ہونے والے ریفرنس سے مخصوص قسم کی لیکس کی جارہی ہیں جو میری کردار کشی کے مترادف ہیں، میں مجھتا ہوں کہ میرے فیئر ٹرائل کے حق کی خلاف ورزی کی جارہی ہے اس سے عدلیہ کے ادارے کی بھی عزت اور وقار کو مجروح‌ کیا جارہا ہے.

    یاد رہے کہ گزشتہ روز یہ خبریں‌ آئی تھیں‌ کہ پی ٹی آئی حکومت نے مستقبل کے سپریم کورٹ کے جسٹس قاضی فائز عیسیٰ کے خلاف سپریم جودیشل کونسل میں ریفرنس دائر کیا ہے جس کے بعد یہ خط سامنے آیا ہے.

  • عطائی ڈاکٹروں کے گرد تنگ کرنے کی پالیسی تیار

    شیخوپورہ (نمائندہ باغی ٹی وی) ڈپٹی کمشنر شیخوپورہ,سید طارق محمود بخاری کی زیر صدارت ڈپٹی کمشنر شیخوپورہ کے کمیٹی روم میں عطائی ڈاکٹرز کے خلاف کاروائیوں کے سلسلہ میں اجلاس کا انعقاد کیا گیا.سی ای ہیلتھ ڈاکٹر منیر احمد نے عطائی ڈاکٹرز کے خلاف کاروائیوں سے متعقلق بریفنگ دی. اجلاس کی صدارت کرتے ہوئے ڈپٹی کمشنر نے کہا کہ عطائی ڈاکٹرز بنیادی طور پر قومی مسئلہ ہے اور اس سلسلے میں زیرو ٹالرنس پالیسی اختیار کی جائے اور ضلع بھر میں عطائی ڈاکٹروں کے خلاف کریک ڈاؤن کیا جائے.انہوں نے مزید کہا کہ عطائی معاشرے کا ناسور ہیں اور چند روپوں کی خاطر یہ لوگوں کی زندگیوں سے کھلواڑ کرتے ہیں.اس لیے یہ کسی بھی رعایت کے مستحق نہیں.

  • گجرات میں کسان کارڈ کے لئے 70 ہزار رجسٹریشن ہو چکی ہے۔ ڈپٹی کمشنر

    گجرات میں کسان کارڈ کے لئے 70 ہزار رجسٹریشن ہو چکی ہے۔ ڈپٹی کمشنر

    گجرات (نمائندہ باغی ٹی وی)ڈپٹی کمشنر ڈاکٹر خرم شہزاد نے کہا ہے کہ ضلع گجرات میں کسان کارڈ کیلئے ابتک70ہزار905کسانوں کی رجسٹریشن کی جاچکی ہے، بیماریوں سے بچانے کیلئے 16لاکھ سے زائد چھوٹے بڑے جانوروں کی ویکسینیشن کر دی گئی، کھاد کی زائد قیمت وصول کرنیوالے 99ڈیلرز پر جرمانہ عائد کر دیا گیا ہے، ان خیالات کا اظہار انہوں نے زرعی ایڈوائزری کمیٹی کے اجلاس سے خطاب کرتے ہوئے کیا، ڈپٹی ڈائریکٹر زراعت توسیع ڈاکٹر عرفان اللہ وڑائچ نے بریفنگ دی، لائیو سٹاک، واٹر مینجمنٹ سمیت مختلف محکموں کے افسران اور کسانوں کے نمائندے بھی موجود تھے۔ ڈپٹی کمشنر ڈاکٹر خرم شہزاد بتایا کہ تحصیل گجرات میں 62، تحصیل کھاریاں میں 30اور تحصیل سرائے عالمگیر میں 7کھاد ڈیلرز پر مقررہ نرخوں سے زائد قیمت وصو ل کرنے پر جرمانے عائد کئے گئے ہیں اسی طرح جعلی کھاد فروخت کرنیوالے 2افراد کے خلاف مقدمات بھی درج کرائے گئے ہیں۔ انہوں نے بتایا کہ رواں مالی سال کے دوران مختلف موضعات میں زرعی زمین کے11586نمونہ جات تجزیہ کیلئے لیبارٹری بھجوائے گئے ہیں، 141 فارمرز ٹریننگ پروگرامز کا انعقاد کیا گیا جہاں زرعی ماہرین نے کسانوں کو بہتر پیداوار کے حصول کیلئے جدید طریقہ ہائے کاشت اور ٹیکنالوجی سے آگاہ کیا۔ انہوں نے بتایا کہ ضلع میں کچن گارڈننگ کے فروغ کیلئے عملی اقدامات اٹھاتے ہوئے ابتک 1000 افراد کو سبزیوں کے بیچ فراہم کئے گئے ہیں۔ ڈپٹی کمشنر ڈاکٹر خرم شہزاد نے کہا کہ مون سون کے دوران ممکنہ سیلاب کی زد میں آنیوالے علاقہ جات میں لائیو سٹاک کو حفاظتی ٹیکہ جات لگائے جاچکے ہیں۔

  • افغآن قومی سلامتی کے مشیر کی جنرل قمر جاوید باجوہ سے ملاقات، اہم امور پر گفتگو

    افغآن قومی سلامتی کے مشیر کی جنرل قمر جاوید باجوہ سے ملاقات، اہم امور پر گفتگو

    افغانستان کے قومی سلامتی کے مشیر حمد اللہ محب نے پاکستان کے چیف آف آرمی سٹاف جنرل قمر جاوید باجوہ سے ملاقات کی ہے.

    باغی ٹی وی کی رپورٹ کے مطابق ملاقات کے دوران افغانستان میں باہمی دلچسپی، امن اور استحکام سے متعلق معاملات سمیت دیگر امور پر گفتگو کی گئی. اسی طرح‌ پاک افغان بارڈر مینجمنٹ اور افغانستان میں امن و استحکام سے متعلق تبادلہ خیال کیا گیا.

    افغانستان کے قومی سلامتی کے مشیر حمداللہ محب کی جنرل قمر جاوید باجوہ کی ملاقات کو بہت اہمیت کی نگاہ سے دیکھا جارہا ہے.

  • عمران خان کی زیر صدارت قومی اقتصادی کونسل نے وفاق اور صوبوں‌ کے ترقیاتی بجٹ کی منظوری دے دی

    عمران خان کی زیر صدارت قومی اقتصادی کونسل نے وفاق اور صوبوں‌ کے ترقیاتی بجٹ کی منظوری دے دی

    پاکستانی وزیراعظم عمران خان کی زیر صدارت قومی اقتصادی کونسل کا اجلاس ہوا ہے جس میں‌ جی ڈی پی گروتھ ریٹ 4 فیصد مقرر کرنے، زراعت کے شعبے میں ترقی کی ساڑھے 3 فیصد، صنعت میں 2.2 فیصد جبکہ خدمات کے شعبے میں ترقی کی شرح 4.8 فیصد مقرر کرنے کی منظوری دے دی گئی ہے.

    باغی ٹی وی کی رپورٹ کے مطابق وزیر اعظم عمران خان نے اجلاس کے دوران گفتگو کرتے ہوئے کہا کہ ہم وہ تمام کام کر رہے ہیں‌ جو پہلے کئے جانے چاہئیں‌ تھے. نئے بلدیاتی نظام کا مقصد لوگوں کوطاقتور بنانا ہے۔ ہمیں‌ معاشی بحران سے نکلنے کیلیے مشترکہ کوششیں کرنا ہوں گے۔ وزیر اعظم عمران خان کا کہنا تھا کہ ہمیں‌ جس وقت حکومت ملی تو ملک تاریخی معاشی بحران کا شکار تھا ، ہماری تمام کوششوں کا مقصد ملک کودیوالیہ ہو نے سے بچانا ہے ۔ معاشی بحران سے نکلنے کیلئے وفاق اور صوبوں کومشترکہ کوششیں کرنے کی ضرورت ہے ۔

    وزیراعظم عمران خان کی زیر صدارت قومی اقتصادی کونسل کے اجلاس میں مشیر خزانہ عبدالحفیظ شیخ، وزیر منصوبہ بندی خسرو بختیار، وزیر تجارت عبدالرزاق داؤد، چاروں صوبوں اور گلگت بلتستان کے وزرائے اعلیٰ سمیت وزیراعظم آزاد کشمیر نے شرکت کی۔

    قومی اقتصادی کونسل نے آئندہ مالی سال کے لیے وفاق اور صوبوں کے 1.837 کھرب روپے کے ترقیاتی بجٹ اور بارہویں 5 سالہ منصوبے کی منظوری بھی دے دی ہے.

  • بھارت میں‌ 32 سال تک فوج میں‌ ملازمت کرنے والے مسلم شخص اور خاندان کو غیر ملکی قرار دے دیا گیا

    بھارت میں‌ 32 سال تک فوج میں‌ ملازمت کرنے والے مسلم شخص اور خاندان کو غیر ملکی قرار دے دیا گیا

    بھارت میں‌ 32 سال سے زائد عرصہ تک ہندوستانی فوج میں ملازمت کرنے والے مسلم شخص اور اس کے خاندان کو غیر ملکی قرار دے کر حراست میں‌ لے لیا گیا ہے۔

    باغی ٹی وی کی رپورٹ کے مطابق ثناء اللہ نامی شہری جسے غیر ملکی قرار دیا گیا ہے، وہ بھارتی فوج میں کیپٹین کے عہدہ سے سبکدوش ہوئے تھے۔ مذکورہ شہری فوج میں ملازمت کے دوران مقبوضہ کشمیراو رشمال مشرقی ریاستوں میں مختلف کاروائیوں اور آپریشن میں حصہ لیتے رہے ہیں۔ اس کے بعد انہوں نے رضاکارانہ سبکدوشی کے بعد ایس آئی بارڈر پولیس کے طور پر بھی کام کیا ہے۔

    رپورٹ کے مطابق ثناءاللہ نے بتیس سال تک فوج میں ملازمت کی لیکن اب انہیں، ان کی اہلیہ اور تین بچوں کو گرفتار کر کے حراستی مرکز بھیج دیا گیا ہے۔ یا د رہے کہ ثناءاللہ اور ان کے خاندان سے متعلق کہا گیا ہے کہ ان کا نام این آئی آر سی میں موجود نہیں تھا۔ بھارت میں آسام واحد ریاست ہے جہاں سٹیزن شپ رجسٹر کا انتظام ہے جس کا نام اس میں نہیں ہوتا اسے بھارتی شہری تسلیم نہیں کیا جاتا۔ یہ قانون بھارت میں نافذ شہریت قانون سے الگ ہے۔

  • مظفرگڑھ میں بین الاضلاعی ڈکیت گینگ کے سرغنہ سمیت 3ڈاکو گرفتار

    مظفرگڑھ میں پولیس نے کاروائی کرتے ہوئے درجنوں شہریوں سے موٹر سائیکل چھیننے والے ڈکیت گینگ کے سرغنہ سمیت 3 ڈاکوؤں کو گرفتار کر لیا،گرفتار ڈاکوؤں سے لاکھوں روپے مالیت کی موٹر سائیکلیں اور اسلحہ برآمد کرلیا گیا.مظفرگڑھ کی تحصیل کوٹ ادو کے علاقے دائرہ دین پناہ میں کاروائی کے دوران پولیس نے موٹر سائیکل چھیننے کی درجنوں وارداتوں میں ملوث بڈھا گینگ کے سرغنہ سمیت 3 ڈاکوؤں کو گرفتار کرلیا.ڈی ایس پی کوٹ ادو منور بزدار کیمطابق گینگ سے لاکھوں روپے مالیت کی 8 موٹر سائیکلیں،پیٹر اور بھاری مقدار میں اسلحہ بھی برآمد کیاگیا ہے.ڈکیت گینگ کیخلاف ضلع مظفرگڑھ اور ضلع لیہ کے مختلف تھانوں میں ڈکیتی اور چوری کے 20 سے زائد مقدمات درج ہیں.ڈی ایس پی کوٹ ادو کیمطابق گینگ میں شامل ڈاکو اسلحہ کے زور پر ابتک درجنوں شہریوں سے موٹر سائیکلیں چھین چکے ہیں جبکہ گینگ میں شامل دیگر ڈاکوؤں کی گرفتاری کیلئے چھاپے مارے جارہے ہیں.