وزیراعظم پاکستان عمران خان کی زیر صدارت قومی سلامتی کمیٹی کا اجلاس ہوا ہے جس میں وزیر داخلہ، وزیر دفاع، وزیر خزانہ، تینوں مسلح افواج کے سربراہان اور ملکی انٹیلی جنس اداروں کے سربراہ شریک ہوئے.
باغی ٹی وی کی رپورٹکے مطابق اس اہم اجلاس میں اہم ترین سکیورٹی معاملات پر تبادلہ خیال کیا گیا.
عمران خان کی زیر صدارت ہونے والے اجلاس میں پاکستان اور افغان سرحد پرموجودہ سکیورٹی کی صورتحال بھی تبادلہ خیال کیا گیا.
ملک کی موجودہ صورتحال میں اس اجلاس کو انتہائی اہمیت کی نگاہ سے دیکھا جارہا ہے.
باغی ٹی وی کی نشاندہی پر مظفرگڑھ میں سرکاری خواتین اساتذہ کو ہراساں کرنے میں ملوث سی ای او ایجوکیشن مظفرگڑھ فیاض بزدار کو فوری طور پر انکے عہدے سے ہٹادیاگیا،فیاض بزدار پر خواتین اساتذہ نے جنسی ہراسگی کے الزامات عائد کیے تھے.مظفرگڑھ میں سرکاری خواتین اساتذہ کو ہراساں کرنے والے سی ای او ایجوکیشن فیاض بزدار کو فوری طور پر ان کے عہدے سے ہٹادیا گیا،وائس چیئرپرسن وزیراعلی پنجاب شکایات سیل مہناز سعید کیمطابق فیاض بزدار کو فوری طور پر سکول ایجوکیشن ڈیپارٹمنٹ سے ہٹانے کا نوٹیفیکیشن بھی جاری کردیاگیا.فیاض بزدار کی جگہ ڈسٹرکٹ ایجوکیشن آفیسر بھکر ملک مسعود ندیم کو سی ای او ایجوکیشن مظفرگڑھ تعینات کردیاگیا.سی ای او ایجوکیشن فیاض بزدار کی جانب سے خواتین اساتذہ کو مبینہ طور پر جنسی طور پر ہراساں کیے جانے اور فحش میسجز بھیجے کا انکشاف باغی ٹی نے اپنی خصوصی رپورٹ میں کیا تھا بعدازاں متاثرہ خواتین اساتذہ نے وزیراعلی پنجاب شکایات سیل کی وائس چیئرپرسن مہناز سعید کو درخواستیں دی تھیں۔متاثرہ خواتین نے یہ الزام بھی عائد کیا تھا کہ فیاض بزدار خود کو وزیر اعلی پنجاب عثمان بزدار کا رشتہ دار بتاکر خواتین اساتذہ کو خوف دلا کر زبردستی جنسی طور پر ہراساں کرتے ہیں.مہناز سعید کے مطابق فیاض بزدار انکوائری مکمل ہونے تک معطل رہیں گے.خواتین اساتذہ کو ہراساں کرنے کے الزام میں فیاض بزدار کیخلاف وزیراعلی پنجاب شکایات سیل اور مظفرگڑھ کی ضلعی انتظامیہ کی جانب سے بھی تحقیقات جاری ہیں.
واضح رہے کہ باغی ٹی وی نے4روز قبل 18 مئی کو اپنی خصوصی رپورٹ میں سی ای او ایجوکیشن مظفرگڑھ فیاض بزدار کی جانب سے خواتین اساتذہ کو ہراساں کیئے جانے کا انکشاف کیا تھا۔
پاکستان کی قومی ٹیم کے سابق اسپنر ثقلین مشتاق نے ورلڈکپ میں انگلش بولرز کی رہنمائی کا فیصلہ کیا ہے۔
باغی ٹی وی کی رپورٹ کے مطابق سابق سپنر کا کہنا ہے کہ وہ چند دن بعد لندن جائیں گے جہاںوہ پانچ میچوں کے دوران میزبان ٹیم کے ہمراہ ہی رہیں گے.
انہوں نے کہاکہ میری اولین ترجیح پاکستان ہے. مجھے جب کبھی پی سی بی بلائے گا میں دستیاب ہوں گا. ان کا کہنا تھا کہ میرا دو سالہ معاہدہ ختم ہو چکا ہے اور اب مجھے مزید چند دن کے لئے بلایا گیا ہے.
یاد رہے کہ ثقلین مشتاق پاکستان کے کامیاب سپنر رہے ہیں.
بہاولپور اندرون شہر شاہی بازار، چوک بازار، چوک شہزادی، اندرون احمدپوری گیٹ تجاوزات کے خلاف آپریشن کلین اپ کیا گیا۔زد میں آنے والا والا سامان کو سرکاری تحویل میں لے لیا گیا۔ تجاوزات کرنے والوں سے موقع پر جرمانہ بھی وصول کیا گیا ـ
لودھراں (نمائندہ باغی ٹی وی) دنیاپور میں رمضان بازار کے سامنے دو موٹرسائیکل آپس میں بری طرح ٹکرا گئے جس کی وجہ سے موٹر سائیکلوں پر سوار تین افراد کو گہری چوٹیں آئی ہیں ریسکیو سنٹر دنیاپور کی ریسکیو 1122 کی امدادی ٹیم موقع پر پہنچ گئی اور زخمیوں کو فوری طور پر دنیاپور تحصیل ہیڈکوارٹر ہسپتال میں منتقل کر دیا گیا ہے
پاکستان میں ڈالر کی قیمت دن بدن بڑھنے اور مہنگائی میں زبردست اضافہ پر برادر ملک سعودی عرب ایک بار پھر وطن عزیز پاکستان کی مدد کیلئے تیار ہو گیا ہے.
باغی ٹی وی کی رپورٹ کے مطابق سعودی عرب کے پاکستان کی امداد کیلئے تیار ہونے پر اس خبر کو ڈآلر کی ذخیرہ اندوزی کرنے والوںکے لئے بری خبر قرار دیا جارہا ہے. برادر اسلامی ملک نے ہر مشکل وقت میں پاکستان کا ساتھ دیا ہے. ایک مرتبہ پھر وہ پاکستان می مشکلات کم کرنے کیلئے تیار ہے.
ڈالر کی بڑھتی قیمتیں کنٹرول نہ ہونے پر پاکستان اور سعودی عرب کے حکام کے درمیان اعلیٰسطحی رابطے جاری ہیں اور یہ بھی کہا جارہا ہے کہ سعودی عرب پاکستان کو ادھار تیل کی فراہمی بھی شروع کر دے گا. یا درہے کہ سعودی عرب پاکستان کو تین ارب روپے کا تیل دے گا اور اس سلسلہ میں دونوں ملکوںکے مابین پہلے ہی معاہدہ ہو چکا ہے.
سعودی عرب کی امداد سے ڈالر کی قیمت کم ہو گی اور پاکستانی روپیہ مضبوط ہو گا.
مسلم لیگ ن کی نائب صدر اور سابق وزیر اعظم نواز شریف کی صاحبزادی مریم نواز نے کہا ہے کہ پچھلے دس ماہ سے عوام کوئی اچھی خبر نہیں سن سکے. ملک میں نالائقوں کی حکومت کسی سانحہ سے کم نہیںہے.
باغی ٹی وی کی رپورٹ کے مطابق انہوں نے کہا کہ نواز شریف نے کبھی یہ بات نہیںکی کہ ان کیلئے آواز اٹھائیں؟ بلکہ ہمیشہ کہا کہ جاکر عوام کے دکھ درد بانٹیں.
انہوں نے کہاکہ 22 کروڑ عوام مہنگائی کی چکی میںپس رہے ہیں. گیس کی قیمتیں 140فیصد بڑھ گئیں، چینی اور بجلی بھی مہنگی ہو گئی. تنخواہیںکم اور خرچ دوگنا ہو چکے ہیں.
مریم نواز نے بلیغ الرحمن کے اہل خانہ کیلئے صبر جمیل کی دعا کی جبکہ اسی طرح قمر الزمان کائرہ کے بیٹے کی وفات پر بھی گہرے رنج و غم کا اظہار کیا
بھارتی ریاست مدھیہ پردیش میں ٹماٹر چوری کرنے کی وجہ سے ایک کسان نے دوسرے کسان کو قتل کر دیا
باغی ٹی وی کی رپورٹ کے مطابق ٹماٹر چوری کرنے کے الزام میں مدھیہ پردیشن کے جبل پور ضلع کے علاقت پناگر میں ایک کسان نے کلہاڑیوں کے وار کر کے دوسرے کسان کو قتل کر دیا ہے. اور ملزم کی لاش کو قتل کرنے کے بعد پڑوس میں پھینک دیا جسے پولیس نے برآمد کر لیا.پناگر تھانہ کے ایس ایچ او کا کہنا ہے کہ ملزم کو گرفتار کر لیا جائے گا.
واضح رہے کہ بھارت نے اس سال پاکستان کے ٹماٹر بند کرنے کی دھمکی دی تھی جس پر پاکستانیوں نے سوشل میڈیا پر بھارت کا خوب مذاق اڑایا تھا ،بھارتی کسانوں نے کہا تھا کہ پاکستان کو ٹماٹر سپلائی نہیں کریں گے حالانکہ پاکستان نے پہلے ہی بھارت سے ٹماٹر لینے پر پابندی لگا رکھی تھی. پچھلے تین سال کے دوران ایک کلو ٹماٹر بھی بھارت سے درآمد نہیں کیے گئے .اب بھارت کی اپنی صورتحال یہ ہے کہ ٹماٹر چوری کے الزام میں قتل ہو رہے ہیں.
ساہیوال/سرگودہا(نمائندہ باغی ٹی وی) پولیس تھانہ ترکھان والا پر ہائیکورٹ بیلف کا چھاپہ دو روز سے بغیر کسی مقدمہ کے حوالات میں بند محمد الیاس برآمد کروالیا تفصیلات کے مطابق محمد الیاس گزشتہ سال قتل ہونے والے نوجوان مزمل شاہ کے مقدمہ کا مستغیث اور عینی شاہد ہے ،مقتول مزمل کی بیوہ مقدس بتول نے قاضی رفیع اللہ جام ایڈووکیٹ کی وساطت سے ہائیکورٹ کو محبوس محمد الیاس کی برآمدگی کی درخواست دی تھی جس پر کاروائی کرتے ہوئے ہائیکورٹ نے بیلف ارسال کیا،پولیس تھانہ ترکھان والا نے اپنے تحفظ کے لئے الیاس کی ایک مقدمہ کے نامعلوم ملزم کی بندی ڈال دی،ہائیکورٹ نے پولیس تھانہ ترکھان والا کو ریکارڈ سمیت طلب کر لیا
بہاولپور (نمائندہ باغی ٹی وی)خانیوال مسلم لیگ ن کی نائب صدر مریم نواز اور دیگر رہنماؤں کے ساتھ خانیوال نیازی چوک پہنچی وہ کارکنوں سے خطاب کئے بغیر روانہ ھو گئیں
مریم نواز گاڑی سے باہر آئیں نہ ہی شیشہ کھولا کارکنان مایوس لوٹ آئے مسلم لیگ ن کی نائب صدر مریم نواز کا خانیوال نیازی چوک پہنچنے پر شاندار استقبال کیا گیا مسلم لیگ ن کے رہنما اور کارکنان کی بڑی تعداد موقع پر موجود تھی کارکنان کی جانب سے مریم نواز وزیراعظم کے نعرے لگائے گئے مسلم لیگ ن کی نائب صدر مریم نواز اور دیگر رہنماؤں پر پھولوں کی پتیاں نچھاور کی گئی
کچھ روز قبل سابق وفاقی وزیر میاں بلیغ الرحمن کی اہلیہ اور بیٹے کی ٹریفک حادثے میں وفات ہوگئی تھی مسلم لیگ ن کی نائب صدر مریم نواز خانیوال رہنماؤں اور کارکنان سے خطاب کیے بغیر بہاولپور میاں بلیغ الرحمن کی رہائش گاہ پر تعزیت کیلئے پہنچی اور ان سے اظہار تعزیت کیا