لودھراں (نمائندہ باغی ٹی وی) سے ایم این اے ، حلقہ این اے 161 میاں محمد شفیق آرائیں مشیر برائے مواصلات نے جہانگیر خان ترین کے ہمراہ لالہ موسی میں پیپلز پارٹی رہنما قمر زمان کائرہ سے ان کی رہائش گاہ پر ان کے جواں سالہ نوجوان بیٹے اسامہ قمر کی وفات پر اظہار تعزیت کیا
Blog
-
پٹواری نے عطااللہ عیسی خیلوی کو بھی نہ چھوڑا70ہزار روپے رشوت وصول کر لی۔خبر آگئی
سرگودہا،میانوالی(نمائندہ باغی ٹی وی)راشی پٹواری نے عطااللہ عیسی خیلوی کو بھی نہ چھوڑا70ہزار روپے رشوت وصول کر لی-تفصیلات کے مطابق
عطا اللہ عیٰسی خیلوی سے رشوت لینے والے پٹواری حسین اللہ حلقہ عیسی خیل کے خلاف مقدمہ درج کے تفتیش شروع کر دی۔
معروف گلوکار عطا اللہ عیسی خیلوی کے بھانجے امان اللہ کی طرف سے اینٹی کرپشن کو درخواست دےدی گئی
عطاء اللہ عیٰسی خیلوی نے اپنی زوجہ کے لیے عیٰسی خیل شہر میں شوکت علی خان وغیرہ سے سکنی رقبہ خریدا اور رقبہ کے انتقال نمبر4515مورخہ26.05.2017،انتقال نمبر2514مورخہ26.05.2017انتقال, نمبر4516مورخہ26.05.2017اورانتقال نمبر4513مورخہ26.05.2017کروانے کے لیے حسین اللہ پٹواری اشتمال موضع عیٰسی خیل نے گواہوں کے سامنے 70ہزار روپے رشوت وصول کی ہے۔
انکوائری کے دوران ریکارڈ قبضہ میں لیا گیا اور تمام فریقین اور گواہان کے بیانات قلمبند کیے گئے، دوران انکوائری پٹواری حسین اللہ اپنی بے گناہی ثابت نہ کر سکا
۔ اینٹی کرپشن سرگودھا نے حسین اللہ، پٹواری حلقہ موضع عیٰسی خیل ضلع میانوالی کے خلاف رشوت وصول کرنے اور اختیارات کا ناجائز استعمال کرنے کے الزام میں مقدمہ درج کر لیا -
نئے ٹی وی چینلز کے لائسنس کا معاملہ، عدالت نے ایک بار پھر روک دیا
عدالت نے پیمرا کو نئے ٹی وی چینلز کے لائسنس کا اجرا روکنے کے حکم میں توسیع کر دی
باغی ٹی وی کی رپورٹ کے مطابق اسلام آباد ہائیکورٹ میں چیف جسٹس اطہر من اللہ نے کیس کی سماعت کی، پی بی اے نے عدالت میں درخواست دائر کر رکھی ہے، پیمرا کے وکیل نے عدالت میں کہا کہ پیمرا کے سامنے زیرالتوا درخواست کا فیصلہ تین مئی کو کردیا گیا ہے۔ نئے ٹی وی لائسنس کے لئے 181 کمپنیوں نے بولی میں شرکت کی، 52 بلین روپے کے لائسنس دئیت گئے، عدالتی حکم کی وجہ سے 42 کمپنیاں ابتدائی رقم 15 فیصد بھی ادا نہیں کر رہیں. اسلام آباد ہائیکورٹ کے چیف جسٹس نے ریمارکس دئیے کہ پیمرا پہلے موجود چینلز کو ریگولیٹ کرنے کی بجائے مزید لائسنس کیوں دینا چاہتا ہے۔ جو کچھ روزانہ چینلز پر ہو رہا ہے کیا پیمرا اپنی ذمہ داری پوری کررہا ہے۔یہ اہم معاملہ ہے عدالت مختلف پہلو دیکھ سکتی ہے۔ دیکھا جائے گا کہ پیمرا کے اس اقدام سے انفارمیشن کے حوالے سے بنیادی انسانی حقوق متاثر تو نہیں ہو رہے۔ وکیل پی بی اے فیصل صدیقی نے عدالت میں کہا کہ پیمرا پیسے کے لئے یہ سب کچھ کر رہا ہے .عدالت نے لائسنس اجراء کے حوالے سے پیمرا کا حتمی فیصلہ عدالتی حکم سے مشروط کرتے ہوئے سماعت تیس مئی تک ملتوی کردی اور فریقین سے حتمی دلائل طلب کر لئے.
واضح رہے کہ پیمرا نے کچھ ٹی وی چینلز کے لائسنس جاری کرنے کے لئے بولی لگائی تھی، بولی کے بعد معاملہ عدالت میں چلا گیا.
-
کولگام میں شہید کشمیریوں کی شناخت ،دونوں مقامی
مقبوضہ کشمیر کے ضلع کولگام میں بدھ کو بھارتی فوج کی فانرنگ سے شہید ہونے والے کشمیریوں کی شناخت ہو گئی
باغی ٹی وی کی رپورٹ کے مطابق مقبوضہ کشمیر کے علاقے کولگام میں بھارتی فوج نے سرچ آپریشن کے دوران دو کشمیریوں کو شہید کر دیا تھا .جن کی شناخت زاہد احمد مانتو ولد بشیر احمد مانتو ساکنہ فیری پورہ شوپیان اور عرفان منظور ولد منظور احمد بٹ ساکنہ پونیواہ کولگام کے طورپر ہوئی، واقعہ کے بعد کشمیری گھروں سے باہر نکل آئے اور بھارتی فوج کے خلاف بھر پور احتجاج کیا. علاقہ میں انٹرنیٹ و موبائل سروس بند کر دی گئی تھی.
-
امریکی عدالت نے ایم کیو ایم رہنما کو سزا سنا دی، بڑی خبر آ گئی
ایم کیو ایم لند ن کے رہنما کو امریکی عدالت نے ایک سال قید کی سزا دی، مجرم پر الزام تھا کہ اس نے ایم کیو ایم کے رہنما ندیم نصرت کو ٹویٹر پر دھمکی دی تھی
باغی ٹی وی کی رپورٹ کے مطابق امریکی ریاست ورجینیا کی فیئر فیکس کاونٹی کورٹ نے متحدہ لندن کے بالٹی مور چیپٹر کے انچارج قیصرعلی کو ایک سال قید کی سزا سنا دی. قیصر علی پر الزام تھا کہ اس نے ایم کیو ایم کے سابق کنوینئر ندیم نصرت اور اس کی اہلیہ کو گھر میں گھس کر ذبح کرنے کی دھمکی دی تھی. استغاثہ نے تفصیلی شواہد عدالت میں پیش کیے جنکی روشنی میں ملزم نے اقبال جرم کر لیا. جس پر امریکی عدالت نے ملزم کو ایک سال قید کی سزا سنا دی. تفصیلی فیصلہ میں عدالت نے کہا کہ وہ دو سال تک ندیم نصرت اور ان کے اہلخانہ کے قریب بھی نہیں جا سکتے، نہ ہی ان کے بارے میں کوئی تبصرہ کر سکتے ہیں. عدالت نے ملزم کو ہتھیار رکھنے، خریدنے پر بھی پابندی عائد کر دی ہے. اور کہا ہے کہ اگر کوئی قانونی ہتھیار بھی موجود ہے تو اسے قریبی تھانے میں جمع کروا دیا جائے .
ندیم نصرت نے کہا کہ عدالت کا فیصلہ اس بات کا واضح ثبوت ہے کہ کسی بھی مہذب معاشرے میں تشدد کرنے، تشدد پر اکسانے اور قتل و غارت گری کی کوئی گنجائش نہیں ہے.
-
پنکھوں کی ایکسپورٹ بڑھانے کے لیے پیفما کا وفد کہاں پہنچ گیا؟
گجرات (نمائندہ باغی ٹی وی)پاکستان الیکٹرک فین منیو فیکچرز ایسوسی ایشن کے وفد نے چیئرمین پیفما غیاث الدین پال کی زیر قیادت لاہور میں چیئرمین انجینئرنگ ڈویلپمنٹ بورڈ الماس حیدر سے ملاقات کی اور ان سے فین کی ایکسپورٹ بڑھانے کے حوالے سے تبادلہ خیال کیاگیا وفد میں سینئر وائس چیئرمین وقاص انور ،ملک اظہار احمد ،محمد فیصل افضل ،نبیل احمد الیاس ،اقبال ڈار ،محمد اظہر اسلم ،رمیز ڈار ،میاں شہزاد احمد ،احسان مجتبیٰ شامل تھے ۔
-
لودھراں سیلاب سے بچاؤ کی موک ایکسر سائز
لودھراں (نمائندہ باغی ٹی وی) میں ممکنہ سیلاب سے حفاظتی اقدامات کی موک ایکسر سائز کا اہتمام ریسکیو 1122 لودھراں نے منعقد کیا جس میں لودھراں کے ڈی سی او راؤ امتیاز ، ڈی او ایمرجنسی ڈاکٹر ماجد ریسکیو 1122 ، اے ڈی سی آر حمیرا ارشاد نے شرکت کی
ریسکیو 1122 کی چاق و چوبند ٹیم نے عملی طور پر ایکسر سائز کا مظاہرہ کیا ۔ تقریب میں سیلاب کی صورتحال کے دوران استعمال ہونے والے ساز و سامان کے بارے تفصیلات کے ساتھ آگاہ کیا گیا
-
اپنے ٹیکس کے پیسوں سے وزیروں کو نہیں پال سکتا،جاوید بدر نے حکومت کے خلاف دبنگ اعلان کر دیا
تحریک انصاف کی حکومت کے خلاف اپنی ہی جماعت کے رہنما پھٹ پڑے، جاوید بدر کا کہنا ہے کہ جب تک حکومتی وزیر سرکاری خرچہ اپنی جیب سے ادا نہیں کرتے تب تک یوٹیلٹی بل ادا نہیں کروں گا
باغی ٹی وی کی رپورٹ کے مطابق تحریک انصاف کی حکومت کے خلاف تحریک انصاف کے مقامی رہنما و کارکن جاوید بدر ہی بول پڑے، جاوید بدر نے اعلان کیا ہے کہ جب تک حکومتی عہدیدار سرکاری خرچ کی بجائے جیب سے خرچ نہیں کریں گے تب تک اپنے گھر کے یوٹیلٹی بل ادا نہیں کروں گا. جاوید بدر کا مزید کہنا تھا کہ میں اپنے ٹیکس کے پیسوں سے اپنے وزیروں کو پال نہیں سکتا ،عوام کے پیسے پر تو سابقہ حکومت بھی عیاشی کرتی تھی. جاوید بدر کا مزید کہنا تھا کہ اگر ہم نے بھی وہ ہی طرز عمل اپنا نا ہے تو ہم میں اور اُن میں کیا فرق رہا وزیراعظم صاحب قوم تب قربانی دے گی جب آپ قربانی دیں گے ،خاں صاحب اس قوم کے لیڈر بنیں نہ کہ صرف پی ٹی آئی کے.
واضح رہے کہ جاوید بدر تحریک انصاف کے رہنما ہیں جنہوں نے حکومتی پالیسیوں سے تنگ آکر اعلان کیا ہے، موجودہ حکومت کو نو ماہ ہوئے ،مہنگائی میں شدید اضافہ ہوا، پٹرول، بجلی، گیس کے نرخوں میں اضافہ ہوا.
-
لودھراں انسانی جانوں کے تحفظ کے لئے اقدامات
دنیاپور (نمائندہ باغی ٹی وی) میں آج مختلف جگہوں پر ڈی سی او لودھراں کی ہدایت پر سول ڈیفینس کی ٹیم نے مختلف آئل اور گیس کی ایجنسیوں پر چھاپے مار کر ان کو سیل کر دیا ہے دانش علی ولد محمد اجمل گجر 6 چک غیر قانونی طور پر فلنگ کر رہا تھا اس کو موقع پر گرفتار کر کے زیر دفعہ 26/44 مقدمہ درج کر لیا گیا ہے انچارج ٹیم سول ڈیفینس نے بتایا کہ کسی بھی صورت انسانی جانوں کو جس چیز سے خطرہ ہے اس پر ہرگز سمجھوتہ اور رعایت نہیں کی جائے گی غیر قانونی آئل و گیس ایجنسیوں کے خلاف کریک ڈاؤن جاری رہے گا
-
وزیر اعلیٰ پنجاب عثمان بزدار کا اورنج فوڈز ایکسپرٹ کا دورہ اور کوالٹی پر اطمینان کا اظہار
وزیراعلیٰ پنجاب عثمان بزدار نے گزشتہ روز سرگودھا کے دورہ کے موقع پر سرگودھا کے معروف فوڈز ایکسپرٹ اورنج فوڈز ایکسپرٹ کا دورہ کیا.
عثمان بزدار نے اورنج فوڈز ایکسپرٹ کی کوالٹی اور ریٹس پر اطیمنان کا اظہار کیا. اس موقع پر اورنج فوڈز کے نمائندوں عمر فاروق اور جاوید وغیرہ نے عثمان بزدار سے ملاقات میں ان کا خصوصی شکریہ ادا کیا.