گجرات (طارق محمود سے) پارلیمانی سیکرٹری سوشل ویلفیئر چوہدری سلیم سرور جوڑا نے گزشتہ روز گجرات شہر کی مختلف وارڈوں کے زکوٰة کمیٹیوں کے چیئرمینوں کو پی ٹی آئی سیکریٹریٹ میں نوٹفکیشن دئیے۔ زکوٰة کمیٹی کے چیئرمن کی تقرری کا نوٹیفیکیشن حاصل کرنے والوں میں بشیر احمد ،حاجی محمد رفیق، مرزا طارق بیگ، مبشر حسین، خاور علی، سید علی عباس، سید غلام عباس ،فیضان بابر، نورالامین، قاسم رضا ،نصیر احمد ،عبدالستار، آصف حسین، محمد شہباز، غلام حیدر لون، امجد رفیق، عبدالرحمن، عبدالرزاق کبیر حسین، زلفقار احمد، علی ارشد، محمد منیر، عبدالرحمن، ڈاکٹر غلام عباس، چوہدری اظہرحیات ،ڈاکٹر منور، راجہ آزاد، محمد زمان ،شبیر حسین، مرزا وقاص بیگ، ملک ضیاءاللہ ،محمد شعیب، زین العابدین ،قاسم شبیر، محمد جعفر شاہ، شہباز اختر، تنویر افضل ،حافظ عارف محمود،مہر سہیل اکرم، علی رضا، بلال سرور کھٹانہ، کشف الحسن، فراز احمد، عمر طارق بٹ، شہروز پرویز، نعیم قادر اور سید گلفام عباس شامل ہیں۔
Blog
-
عوام کو ریلیف کب ملے گا، فیصل جاوید نے ایسا دعویٰ کیا کہ عوام پریشان ہو جائے
تحریک انصاف کے رہنما و سینیٹر فیصل جاوید نے کہا ہے کہ موجودہ حکومت سابقہ حکومت کی جانب سے لیا گیا قرضہ سود سمیت واپس کر رہی ہے جس میں ایک، دو سال لگ جائیں گے جس کے بعد کے اثرات عوام کو ملیں گے۔
باغی ٹی وی کی رپورٹ کے مطابق سینیٹر فیصل جاوید نے اسلام آباد میں میڈیا سے گفتگو کرتے ہوئے کہا کہ پاکستان پر پیپلز پارٹی اور مسلم لیگ نامی آسیب طاری رہا ،دونوں جماعتوں کی لوٹ مار کی وجہ سے آج پاکستان کی عوام مشکلات کا شکار ہے. ماضی کی حکومتوں نے قرضے نہ لئے ہوتے تو آج حالات اتنے خراب نہ ہوتے. حکومت سود سمیت قرضہ واپس کر رہی ے، و سال بعد عوام کو ریلیف ملے گا.
-
کڈنی سنٹر کے بورڈ آف گورنرز کا اجلاس، ڈاکو مینٹری فلم جلد چلانے کا فیصلہ
گجرات (نمائندہ باغی ٹی وی) کڈنی سنٹر گجرات کے بورڈ آف گورنرز کا اجلاس صدر میاں محمد اعجاز کی صدارت میں ہوا جس میں جنرل سیکرٹری جاوید بٹ نے سابقہ ماہ کی کارروائی رپورٹ پڑھ کر سنائی۔ اجلاس میں صدر میاں محمد اعجاز نے بتایا کہ کڈنی سنٹر کی ڈاکومنٹری فلم تیار ہو چکی ہے اور بورڈ آف گورنرز کی منظوری کے بعد ڈاکو منٹری فلم کو سوشل میڈیا اور مختلف فورم پر چلایا جائے گا تاکہ لوگوں کو پتہ چلے کہ گجرات کے کڈنی سنٹر میں دکھی انسانیت کی خدمت کیسے کی جا رہی ہے۔ اجلاس میں یہ بھی فیصلہ کیا گیا کہ لیتھو تھراپی مشین کی جلد سے جلد فراہمی کے لئے چوہدری عمر سعید سے دوبارہ ملاقا ت کی جائے گی۔ میاں محمد اعجاز نے بورڈ آف گورنر ز کو بتایا کہ فضل دین اینڈ سنز کمپنی کو چوہدری عمر سعید نے ذمہ داری سونپی ہے کہ وہ لیتھو تھراپی مشین فراہمی کے لئے اقدامات کریں۔ انہوں نے بتایا کہ اب ہر ماہ 60 لاکھ روپے مخیر حضرات سے اکٹھے ہوں گے جس سے کڈنی سنٹر میں مستحق مریضوں کے مفت ڈائلسز ہوںگے۔ جاوید بٹ نے بتایا کہ 2016 ءسے لے کر اب تک 28 ہزار 905ڈائلسز ہو چکے ہیں اور روزانہ 67 ڈائلسز ہو رہے ہیں۔ میاں محمد اعجاز نے بتایا کہ ماہ اپریل میں 45 لاکھ ، 1653 روپے کے اخراجات ہوئے جبکہ 19 کروڑ ،57 لاکھ ، 75 ہزار روپے کے اخراجات بلڈنگ اور مشینری پر خرچ ہوئے ہیں اور 21کروڑ، 36 لاکھ ، 76ہزار856 روپے کے عطیات اور انکم ہوئی جبکہ اس وقت ایک کروڑ 79 لاکھ روپے موجود ہیں اور کڈنی کے مریضوں کی تعداد میں بھی اضافہ ہو رہا ہے۔ اجلاس میں چوہدری اظہر حسین، چوہدری اعجاز وڑائچ شاہدولہ ٹاو¿ن، الحاج امجد فاروق، جاوید بٹ، ڈاکٹر طاہر عباس گوندل، احمد حسن مٹو، طارق بلال ملک، ڈاکٹر عابد غوری، عاصم مشتاق بٹ، چوہدری نواز ریحانیہ بھی شریک ہوئے۔ چوہدری نواز ریحانیہ کی طرف سے 6لاکھ روپے، طارق بلال ملک کی طرف سے 2لاکھ روپے جبکہ طارق محمود(نواب سٹیل )کی طرف سے ایک لاکھ روپے کا عطیہ دیا گیا۔ اجلاس میں فیصلہ کیا گیا کہ فنڈ ریزنگ کے لئے رمضان کے آخری ہفتے میں افطار ڈنر کا اہتمام کیا جائے گا۔ جس میں فنڈ ریزنگ کی جائے گی۔ تمام ممبران کوکڈنی سنٹر کی ڈاکو منٹری بھی دکھائی گئی اور اس کے لئے مزید تجاویز بھی دی گئیں۔
-
ریلوے کی آمدن میں کتنا اضافہ ہوا ؟ شیخ رشید کا یومیہ الاونس کتنا، بڑی خبر
وفاقی وزیر ریلوے شیخ رشید احمد کے اندرون وبیرون ملک دوروں کی تفصیلات قومی اسمبلی میں پیش کر دی گئی،
باغی ٹی وی کی رپورٹ کے مطابق قومی اسمبلی میں جمع شدہ رپورٹ کے مطابق وفاقی وزیر ریلوے شیخ رشید احمد نے 13 شہروں کے دورے کئے ،وفاقی وزیرریلوے کا یومیہ الاونس 3 ہزار روپے ہے. شیخ رشید احمد نے 13 شہروں کے دورے ٹرین پر کئے. شیخ رشد احمد نےمیٹنگز، ٹریک، اسٹیشنز ودیگر تنصیبات کےجائزے کے حوالے سے دورے کئے .کراچی تا نوشہرہ13 شہروں کے دوروں کے دوران 24پسنج راور4 فریٹ ٹرینزکا آغازہوا ،قومی اسمبلی میں پیش کی جانے والی رپورٹ میں بتایا گیا کہ ریلوےکی آمدن میں بھی35.300بلین روپےکےمقابلےمیں39.010 بلین روپے اضافہ ہوا ،صرف9ماہ کی قلیل مدت میں3.706 بلین روپے ریلوےکی آمدن میں اضافہ ہوا، وفاقی وزیر ریلوے شیخ رشید احمد نے ایران،چین اور یو اے ای کے دورے تینوں ممالک کی دعوت پر بھی کئے ،دورہ ایران میں کوئٹہ تفتان سیکشن کی بحالی پربات چیت ہوئی ،دورہ چین میں ایم ایل ون کےابتدائی ڈکلیئریشن پردستخط کئے
-
سعودی عرب سے پاکستانی قیدیوں کی رہائی،حکومت کیا کررہی ہے، اہم خبر آ گئی
پاکستان کےوزیر خارجہ شاہ محمود قریشی سے وزیر داخلہ بریگیڈیئر (ر) اعجاز شاہ نے ملاقات کی ہے.
باغی ٹی وی کی رپورٹ کے مطابق فارن منسٹر چیمبر پارلیمنٹ ہاوس میں وزیر داخلہ بریگیڈیئر (ر) اعجاز شاہ نے شاہ محمود قریشی سے ملاقات کی .وزیر داخلہ نے بتایا کہ سعودی عرب کی جیلوں میں قید 2107 پاکستانی قیدیوں کی جلد واپسی کیلئے سعودی وزارت داخلہ کے ساتھ رابطے میں ہیں۔ دونوں وزراء نے تارکین وطن کیلئے امیگریشن کے عمل کو آسان، سادہ اور مؤثر بنانے پر اتفاق کیا۔
واضح رہے کہ سعودی ولیعہد محمد بن سلمان نے دورہ پاکستان کے دوران پاکستانی قیدیوں کی رہائی کا اعلان وزیر اعظم عمران کان کی درخواست پر کیا تھا،
-
شادی کرنا جرم نہیں لیکن چینی باشندوں سے شادیاں،ایف آئی اے حکام بول پڑے
ڈائریکٹر ایف آئی اے وقار عباسی نے کہا کہ چین میں پاکستانی لڑکیوں سے غیر اخلاقی کام کے حوالہ سے معلومات ملی ہیں، تحقیقات کر رہے ہیں.
باغی ٹی وی کی رپورٹ کے مطابق ڈائریکٹر ایف آئی اے وقار عباسی نے لاہور سے میڈیا میں گفتگو کرتے ہوئے کہا کہ پاکستانی لڑکیوں کو چینی باشندے شادی کر کے لے جاتے ہیں بات نہ ماننے پر پاسپورٹ لے لیتےہیں، ظلم کرتے ہیں ،کچھ لڑکیاں واپس آئی ہیں اس کو تلاش کر رہے ہیں،ہم سماجی برائی کا قلع قمع کرنا چاہتے ہیں، انہوں نے کہا کہ پاکستانی لوگ بھی گرفتار کئے ہیں ان کا کردار ٹرانسلیٹر کا تھا، وہ پاکستانی لڑکیوں اوران کے خاندان سے لین دین کا کام کرتے تھے، ایک لڑکی کی پہلے شادی ہوئی پھر دوسری،پھر تیسری، اس طرح کی چین بنتی ہے. انہوں نے کہا کہ شادی کرنا جرم نہیں لیکن یہ شادیاں غلط ہیں، کافی ساری شکایات آئی ہیں کہ یہ ٹھیک نہیں ،کرسچیئن کا سرٹفکیٹ ہونا چاہئے جو ان کے پاس نہیں ہوتا،انہوں نے کہا کہ جوہر ٹاون میں گیارہ چینی اور دو پاکستانی گرفتار کئے گئے. ایک پاکستانی لڑکی نے انکشاف کیا ہے کہ اعضاء نکال کر فروخت کرنے کی دھمکی دی جاتی تھی.
-
صرف مستحق افراد کو سبسڈی دی جائے، اسمبلی میں قرارداد جمع
حکومت صرف مستحق افراد کو سبسڈی دے، حکومتی رکن اسمبلی نے قرارداد اسمبلی میں جمع کروا دی
باغی ٹی وی کی رپورٹ کے مطابق تحریک انصاف کی رکن پنجاب اسمبلی مسرت جمشید چیمہ نے پنجاب اسمبلی میں قرار داد جمع کروائی ہے جس میں کہا گیا ہے کہ حکومت مستحق افراد کو ریلیف دینے کے لئے رمضان المبارک کی آمد پر اربوں روپے کی سبسڈی دیتی ہے۔حکومت کی جانب سے اربوں روپے کی سبسڈی دیئے جانے سے وہ افراد جنہیں سبسڈی کی قطعی ضرورت نہیں ہوتی وہ بھی مستفید ہو رہے ہیں۔ مسرت جمشید چیمہ نے قرارداد کے ذریعے مطالبہ کیا ہے کہ حکومت سبسڈی کو بہتر طریقے سے استعمال کرنے کے لئے مستحق افراد کا ڈیٹامرتب کرے تاکہ انہیں اربوں روپے کی سبسڈی کا حقیقی فائدہ ہو سکے۔ حکومت رمضان المبارک و دیگر موقعوں پر دی جانے والی اربوں روپے کی سبسڈی کو صرف مستحق افراد تک بااحسن طریقے سے پہنچانے کے لئے مربوط و جامع پالیسی مرتب کرے تاکہ صرف مستحق افراد ہی حکومتی سبسڈی سے مستفید ہوں۔
واضح رہے کہ مسرت جمشید چیمہ تحریک انصاف یعنی حکومتی پارٹی کی رکن اسمبلی ہیں.
-
نیب نے ایک اور ن لیگی کو بلا لیا، جان کر نواز شریف ہو جائے پریشان
نواز شریف کے ضمانت کے بعد جیل منتقلی کے بعد نیب نے مسلم لیگ ن ایک اور رہنما کو طلب کر لیا
باغی ٹی وی کی رپورٹ کے مطابق نیب لاہور نے فیصل آباد سے مسلم لیگ ن کے رہنما رانا افضل کو طلب کیا ہے. نیب نے رانا افضل کو 16 مئی کو طلب کرتے ہوئے کہا کہ تین بجے نیب میں حاضر ہوں، رانا افضل کو ساحل پرائیویٹ لمیٹڈ کی جاری انکوائری میں طلب کیا گیا ہے، رانا افضل سابق وزیرمملکت برائےخزانہ رہ چکے ہیں. انہیں نواز شریف کا قریبی دوست سمجھا جاتا ہے،
-
مودی کے حلقہ انتخاب میں ایک دن میں کتنی خودکشیاں ؟ بڑی خبر آگئی
بھارتی وزیر اعظم مودی کے حلقہ انتخاب میں لوگ خود کشیاں کرنے پر مجبور ہیں
باغی ٹی وی کی رپورٹ کے مطابق مودی کے حلقہ انتخاب وارانسی کے علاقے لکسہ میں ایک شخص نے تین بیٹیوں کو زیر کھلانے کے بعد خود بھی زہر کھا کر خود کشی کر لی، پولیس کا کہنا ہے کہ گیتا مندر علاقے میں دیپک گپتانے گھر میں تین بیٹیوں نو سال کی نويا، سات سال کی آدیتی اور پانچ سال کی ریما کو زہر کھلانے کے بعد خود بھی زہر کھا لی. جس سے چاروں کی موت واقع ہو گئی. پولیس کے مطابق دیپک نے قرض سے نجات حاصل کرنے کے لئے خودکشی کی ہے.
-
تیج بہادرکی درخواست پر بھارتی سپریم کورٹ کا فیصلہ، بڑی خبر آ گئی
بھارتی وزیر اعظم مودی کے خلاف الیکشن لڑنے والے بھارتی فوج کے جوان تیج بہادر کی درخواست سپریم کورٹ نے مسترد کر دی ہے
باغی ٹی وی کی رپورٹ کے مطابق بھارتی الیکشن کمیشن نے تیج بہادر کے کاغذات نامزدگی مسترد کئے تھے جس پر تیج بہادر نے سپریم کورٹ سے رجوع کیا تھام آج سماعت کے دوران بھارتی سپریم کورٹ کے ۔چیف جسٹس رنجن گوگوئی، جسٹس دیپک گپتا اور جسٹس سنجیو کھنہ نے تیج بہادر کی درخواست کو مسترد کرتے ہوئے الیکشن کمیشن کےفیصلے جو درست قرار دے دیا.
واضح رہے کہ بھارتی وزیر اعظم نریندر مودی کے مقابلے میں بھارتی فوج کے معطل فوجی تیج بہادر نے کاغذات نامزدگی مسترد ہونے پر بھارتی سپریم کورٹ سے رجوع کیا تھا تیج بہادر نے مودی کے مقابلے میں بھارتی ریاست اترپردیش کے علاقے وارانسی سے کاغذات نامزدگی جمع کروائے تھے جو الیکشن کمیشن نے مسترد کر دئیے . تیج بہادر نے بھارت کے معروف وکیل پرشانت بھوشن کے ذریعے سپریم کورٹ سے رجوع کیا تھا.