گجرات (نمائندہ باغی ٹی وی)اسسٹنٹ کمشنر گجرات محمد جمیل نے گزشتہ روز ظہور الٰہی سٹیڈیم میں لگائے گئے رمضان بازار کا دورہ کیا انھوں نے وہاں پر لوگوں کے مسائل بھی سنے جس پر انھوں نے روزانہ کی بنیاد پر ملازمین کی حاضرہوں کو چیک کیا انھوں نے کہا کہ رمضان بازار کو بہتر سے بہتر بنائیں اور ماحول کو صاف ستھرا رکھیں کیونکہ ہمارا کام ہے رمضان بازاروں میں لوگوں کو ریلیف دینا کیونکہ اگر لوگوں کو ریلیف ملے گا تو رمضان بازار میں بہتری آئے گی اس موقع پر چیف آفیسر ضلع کونسل ،ایم او آر ضلع کونسل و دیگر افسران بھی شریک تھے ۔
Blog
-
ٹرانسپورٹ اے سی ایسوسی ایشن کی باڈی تحلیل، اگلے الیکشن کب ہوں گے؟
گجرات( نمائندہ باغی ٹی وی)ٹرانسپورٹ یونین اے سی ایسوسی ایشن گجرات کے چیئرمین چوہدری حمید اللہ نے تمام باڈی کو تحلیل کر دیا 40دن بعد نئے الیکشن کروانے کا اعلان گزشتہ روز باقاعدہ طور پر ایسوسی ایشن کا اجلاس ہوا جس میں تمام اے سی یونین ٹرانسپورٹ کے ممبران نے شرکت کی اور چیئرمین کے فیصلے کی تائید کی کہ سابقہ تمام عہدیداروں کارکردگی کوئی تسلی بخش نہیں تمام ڈرائیوروں کے لیے کوئی خاص اقدامات نہ اٹھائے جا سکے ہیں لہذا تمام عہدے ختم کر دئیے گے ہیں نئے الیکشن کا شیڈول جاری کیا جائے گا جو چالیس دن بعد ہوں گے۔اجلاس میںاعجاز وڑائچ،امتیاز وڑائچ،چوہدری خاور،فیاض نت،ظفر وڑائچ امداد شاہ ودیگر معززین نے شرکت کیں۔
-
ایڈمنسٹریٹر حفصہ رانی کنول کا میونسپل کارپوریشن گجرات کے افسران اور ملازمین سے خطاب
گجرات (نمائندہ باغی ٹی وی) میونسپل کارپوریشن گجرات میں تعیناتی کے بعد ایڈ منسٹریٹر ڈاکٹر رانی حفصہ کنول نے میونسپل کارپوریشن کے افسران اور سپر وائز ر ملازمین اور سینٹری ورکروں سے خطاب کیا اس موقع پر چیف آفیسر چوہدری اخلاق وڑائچ ،ایم او آئی چوہدری محمد آصف ،قائم مقائم او ایس چوہدری متنصر چیمہ ،ایم او فنانس جنید بشیر ،سینٹری انسپکٹر ،سپر وائز اور تمام افسران سے خطاب کرتے ہوئے ایڈ منسٹریٹر رانی حفصہ کنو ل نے کہا ہے کہ اللہ تعالیٰ نے ہمیں موقع دیا ہے کہ گجرات کی خدمت کرنیں اور لوگوں کے مسائل سنیں اور ان کو حل کریں اور لوگوں کے مسائل کو ترجیح بنیادوں پر حل کر نے میں کوئی کسر نہ چھوڑیں انھوں نے کہا کہ تمام سپر وائزرز،سینٹری انسپکٹر اپنے اپنے علاقے کو بہتر طریقے سے حل کریں تاکہ شہر کے لوگوں کے اعتماد پر پورا اتریں میں انشاءاللہ تعالیٰ ہر یوسی میں خود جا کر وزٹ کیا کروں گی آپ لوگوں کا کام ہے شہر کو صاف ستھرا کر نا اورمیرا کام آپ کی رہنمائی کر نا کیونکہ آپ لوگوں نے ہی شہر کے لوگوں کو سہولیات مہیا کرنی ہیں کسی سیاستدان کے گھر کوئی بھی ورکر کام نہ کرے شہر کی صورتحال بہتر ہونی چاہیے اگر مئیر کی کمزوری آج نہ ہو تی تو شہر کی حالت اس طرح کی نظر نہ آتی میں تمام ورکروں اور ملازمین کے ساتھ جہاں میری ضرورت ہے میں آپ کے لئے حاضرہوں اور میرے دفتر کے دروازے آپ کے لئے کھلے ہیں۔
-
گجرات: عوام نے اپنی مدد آپ کے تحت کون سا منصوبہ شروع کر دیا؟ بڑی خبر آ گئی
گجرات (نمائندہ باغی ٹی وی)یونین کونسل نورا منڈیالہ کی عرصہ 16سال سے ٹوٹ پھوٹ کا شکار مین سڑک اہالیان یونین کونسل نے اپنی مدد آپ کے تحت مرمت کا کام شروع کروادیا، تفصیلات کے مطابق سابق ناظم یوسی نورا منڈیالہ چوہدری سیف اللہ سیال، چوہدری عبد الرحمن گوندل، چوہدری جہان خان، چوہدری بشیر نے ذاتی دلچسپی لیتے ہوئے یونین کونسل نورا منڈیالہ کی مین سڑک جو معین الدین پور سے لے کر لوہاراں پنڈی چوک تک جو تقریباً7کلو میٹر فاصلہ پر محیط ہے اس کی مرمت کا کام اہل یونین کونسل کی مدد سے شروع کر ادیا ہے 7کلو میٹر لمبی سڑک جس پر تقریباً20لاکھ لاگت آئے گی اور اہل یونین کونسل نور ا منڈیالہ نے صرف دو دن میں ہی12لاکھ کے قریب فنڈز جمع کر لئے اور اس کی مرمت کا کام بھی شروع کردیا گیا ہے یاد رہے کہ یونین کونسل نورا منڈیالہ کے عوام کا اپنی ذاتی گرہ سے سڑک کی مرمت کرانا موجودہ حکمرانوں کی ناکامی کی واضح مثال ہے اور ماضی کی حکومتوں کے لئے بھی لمحہ فکریہ ہے معین الدین پور سے لے کر لدھا سدھا ، لوہاراں پنڈی چوک تک شروع ہونے سڑک کی مرمت پچھلے دور اقتدار میں بھی کی گئی تھی مگر اس وقت کے ٹھیکیدار جن کو لدھا سدھا سڑک کی مرمت کا ٹھیکہ دیا گیا تھا انہوں نے اس قد ر ناقص میٹریل استعمال کیا تھا کہ چند ہی دنوں میں سڑک ٹوٹ پھوٹ کا شکار ہوگئی تھی جس کا اس وقت کے موجودہ ڈی سی لیاقت علی چٹھہ نے دیگر سرکاری افسران اور موجودہ عوامی نمائندوں کے ہمراہ سڑک مرمت کا معائنہ کیا اور انہیں اہل یونین کونسل نورا منڈیالہ کے لوگوں نے موقع پر سڑک کی ناقص تعمیر کا وزٹ بھی کرایا جس پر ڈی سی لیاقت علی چٹھہ نے ٹھیکیدار اور اس میں شامل تمام محکموں کے افسران کیخلاف قانونی کارروائی کا حکم بھی دیا مگر اس پر عملدر آمد نہ ہو سکا۔
-
اب سرکاری ہسپتال بھی پرائیویٹ ہوں گے ایک اور تبدیلی آگئی
سرگودہا(عمیر ضیاء) ڈسٹرکٹ ہیڈ کوارٹرٹیچنگ ہسپتال سرگوہا کو پرائویٹائز کرنے کے معاملے پر ینگ ڈاکٹرز ایسو ای ایشن کا پانچ روز سے اجتجاج جاری ہے جس کے باعث شہریوں کو شدید مشکلات کا سامنا ہے ایمرجنسی وارڈ ہو کا عالم پیش کر رہا ہے جس کی وجہ ڈاکٹرز کی ہڑتال ہے جو ہسپتال کو پرائیویٹ کرنے کو حوالے سے شدید غصہ میں ہیں سرگودہا ڈی ایچ کیو ہسپتال وہ واحد ہسپتال ہے جہاں پورے ڈویژن بھکر،خوشاب،میانوالی اور ملحقہ علاقوں سے مریضوں کا علاج کیا جاتا ہے ان کو طبی سہولیات فراہم کی جاتی ہیں لیکن اس کو پرائیویٹ کرنے کے حکومتی فیصلے سے نہ صرف ڈاکٹرز بلکہ سول سوسائٹی اور عام شہری بھی سراپا اجتجاج ہیں شہریوں کو اس وقت علاج معالجے کے حوالے سے شدید مشکلات کا سامنا ہے حکومت سے شہری اس کا فوری نوٹس لینے کا مطالبہ وزیر اعطم پاکستان اور چیف جسٹس پاکستان سے کر رہے ہیں
-
ڈی پی او مظفرگڑھ صادق علی ڈوگر کا ضلع کے مختلف تھانہ جات اور رمضان بازاروں کا دورہ
ڈی پی او صادق علی ڈوگر نے رمضان المبارک کے پہلے روز تھانہ شاہ جمال، میر ہزار، جتوئی، شہرسلطان، پولیس دریائی چوکی لنڈی پتافی، پٹرولنگ پوسٹ ہیڈ بکائنی، حمزیوالی، رمضان بازار جتوئی اور شہرسلطان کا دورہ کیا اور سکیورٹی انتظامات کا جائزہ لیا۔ڈی پی او نے تھانہ شاہجمال میں فرنٹ ڈیسک، حوالات اور ریکارڈ چیک کیا ایس ایچ او شاہ جمال چوہدری جاوید اختر نےڈی پی اور کو بریفنگ بھی دی۔اس کے بعد ڈی پی او نے تھانہ میرہزار کا دورہ کیا جہاں فرنٹ ڈیسک، حوالات اور کرائم کی صورتحال کا جائزہ لیا بعدازاں ڈی پی تھانہ جتوئی گئے جہاں حوالات میں موجود ملزمان کو چیک کیا، فرنٹ ڈیسک کا معائنہ کیا ۔ڈی پی او مظفرگڑ نے جتوئی رمضان بازار کا بھی معائنہ کیا اور شہریوں سے ملاقات کی رمضان پیکج پر ملنے والے ریلیف پر تفصیلی گفتگو کی۔ بعدازاں ڈی پی نے پٹرولنگ پوسٹس ہیڈ بکائنی اور حمزیوالی، تھانہ شہرسلطان کا بھی دورہ کیا۔ڈی پی او نے اسسٹنٹ کمشنر جتوئی زریاب ساجد کے ہمراہ رمضان بازار شہرسلطان کا بھی دورہ کیا جہاں انہوں نے شہریوں اور میڈیا نمائندگان سے ملاقات کی اورافسران کو رمضان المبارک میں سیکیورٹی ڈیوٹی پر عملدرآمد، مجرمان اشتہاریوں کی گرفتاری، عادی مجرمان پر نظر اور گشت کے نظام کو موثر رکھنے کی ہدایات جاری کیں۔ڈی پی او نے مزید کہا کہ وہ تفتیش کے متعلق بھی اپنے نظام کو درست رکھیں ناقص تفتیش، بغیر وجہ چالان مرتب نہ کرنے پر سخت محکمانہ کارروائی کی جائیگی اور کرپشن کی شکایات کو ہرگز برداشت نہیں کیا جائیگا، ایس ایچ او صاحبان رمضان میں دن 3 تا 5 بجے تھانہ میں موجودگی یقینی بنائیں اور سائلین سے خوش اخلاقی سے پیش آتے ہوئے ان کے مسائل حل کریں۔
-
کس شہر کی DC انتظامیہ کمزور ہے خبر آ گئی
سرگودھا(نمائندہ باغی ٹی وی) میرے شہر کی DC انتظامیہ اتنی کمزورہے کہ 3 دن سے مین سڑک پر ٹی ایم اے صفائی عملہ نے مٹی کے ڈھیر رکشا مارکیٹ تا رحمت اللمین پارک تک لگائے ھوئے ہیں گزشتہ 3 ماہ سے کئی موٹرسائیکل اور سائیکل سوار حادثات کا شکار ہیں لیکن ضلعی انتظامیہ کے نوٹس میں لانے کے باوجود کوئی عملہ صفائی ان کا حکم ماننے کو تیار نہیں ۔ سرگودہا با لکل لاوارث ہو چکا ہے منتخب نمائندگان بھی اسمبلیوں میں پہنچ کر غائب ہیں
اپنی کمیٹیوں میں جی حضوری کرنے والوں کی بجائے سرگودھا شہر کی مخلص قیادت اور اچھے ، ایماندار لوگوں کی پہچان کرنا بھی بہت ضروری ھے ورنہ پہلے ہی نہایت پسماندہ علاقہ مزید پسماندگی کا شکار ہو جائے گا -
سرگودہا شہری رمضان المبارک میں آٹا،دال،چینی وغیرہ سے محروم جانیے اس خبر میں
سرگودہا(نمائندہ باغی ٹی وی )سرگودہا میں رمضان االمبارک کے پہلے روز بھی یوٹیلیٹی سٹورز پر اشیائے خوردونوش کی شدید قلت رہی ہے-رعایتی قیمت پراشیاء کا دستیاب ہونا تو دور کی بات چینی،آٹا،دالیں،تیل،گھی،جیسی بنیادی اشیاء سرے سے موجود ہی نہیں ہیں.خریداروں کی بڑی تعداد مایوس ہی گھروں کو لوٹنے پر مجبور ہے جبکہ یوٹیلٹی سٹورز کے ملازمین کا کہنا ہے کہ ان اشیاء کی دستیابی میں مزید تین سے چار روز لگ سکتے ہیں.حکومت کے سبسڈی دینے کے سب دعوے دھرے کے دھرے ہی رہ گئے. رپورٹ کے مطابق سرگودہا میں120 کے قریب یوٹیلٹی سٹورز ہیں جن پر شہریوں کو امید تھی کہ یہاں سے اشیائے خوردونوش مل جائیں گی مگر الٹا ان سٹورز پر کچھ بھی دستیاب نہیں زیادہ تر یوٹیلٹی سٹورز خالی پڑے ہیں شہری دور دراز سے آتے ہیں اور مایوس ہی واپس لوٹ جاتے ہیں پچھلے دور حکومت میں جس طرح سبسڈی دی جاتی رہی ہے اس سے نہ صرف عام آدمی مستفید ہو جاتا تھا بلکہ سیل میں اضافے سے ملازمین کے اور سٹورز اخراجات بھی پورے ہو جاتے تھے مگر اس وقت ملازمین بھی شدید مایوسی کا شکار ہیں اس بار حکومت کے پاس صرف تین ایسے مقامات ہیں اور ضلع بھر میں کل 11 مقامات ہیں جو سستا بازار کے نام سے ہیں اسی کے زریعے لوگوں کو ریلیف فراہم کرنے کا دعویَ بھی کیا جا رہا ہے اب دیکھنا یہ ہے کہ 120 سٹورز کے مقابلے میں یہ 11 مقامات کتنے فیصد لوگوں کو ریلیف فراہم کرنے میں کامیاب ہوتے ہیں
-
مدارس کے ساتھ حکومت کیا کرنے جا رہی ہے، فردوس عاشق اعوان نے بتا دیا
وزیر اعظم کی معاون خصوصی برائے اطلاعات فردوس عاشق اعوان نے کہا ہے کہ وزارت تعلیم مدارس کےکام میں رکاوٹ ڈالنے کیلیے نہیں سہولت کاری کریگی .
باغی ٹی وی کی رپورٹ کے مطابق وفاقی کابینہ کے اجلاس کے بعد میڈیا بریفنگ میں فردوس عاشق اعوان نے کہا کہ مدارس کی رجسٹریشن صرف وزارت تعلیم کے ماتحت ہو گی،کابینہ میں ای سی سی کےفیصلوں کی توثیق کی گئی ہے ،برازیل کے ساتھ سمجھوتے کی توثیق کی گئی ،فردوس عاشق اعوان نے مزید کہا کہ مدارس وزارت تعلیم کے ماتحت نہیں بلکہ منسلک کیے گئے ہیں 30 ہزارمدارس کوریگولرائز کرنےسےمتعلق وفاقی وزیرتعلیم نےبریفنگ دی،وزارت تعلیم مدارس کےکام میں رکاوٹ ڈالنےکیلیےنہیں سہولت کاری کریگی،مدارس کے طلباکو ان کا تعلیم کا جائزحق دینا چاہتے ہیں،چاہتے ہیں کہ مدارس کے طلبا کودور حاضر کے تقاضوں سے ہم آہنگ کیا جائے، فردوس عاشق اعوان نے مزید کہا کہ عوام کولوڈشیڈنگ سے بچانے کے لیے ترجیحات طےکی ہیں،سحروافطارمیں بجلی کی بلاتعطل فراہمی یقینی بنانےکی ہدایت کی گئی،
-
روزہ رکھنے سے نواز شریف کی طبیعت بگڑ سکتی ہے، ذاتی معالج
سابق وزیر اعظم نواز شریف کے ذاتی معالج نے محکمہ داخلہ کو درخواست میں کہا ہے کہ نوازشریف کوجیل میں ہمہ وقت علاج کی سہولت میسررہنی چاہیے .
باغی ٹی وی کی رپورٹ کے مطابق نواز شریف کے ذاتی معالج نے محکمہ داخلہ کو درخواست لکھی ہے جس میں کہا ہے کہ نواز شریف کی صحت سے متعلق لمحہ بہ لمحہ آگاہی دی جائے ،نوازشریف کی صحت ٹھیک نہیں ہے،روزے رکھنےسے طبیعت بگڑسکتی ہے، نوازشریف کوجیل میں ہمہ وقت علاج کی سہولت میسررہنی چاہیے،ہوم ڈیپارٹمنٹ نے تا حال نوازشریف کے ذاتی معالج کی درخواست کا جواب نہیں دیا.
وزیر اعلیٰ پنجاب کے ترجمان شہباز گل نے کہا ہے کہ شریف میڈیکل کمپلیکس ایک معمولی نوعیت کااسپتال ہے جہاں نواز شریف کا معائنہ کروایا گیا،پنجاب حکومت ان کی فیملی سےبہترعلاج کروارہی تھی. شہباز گل نے کہا کہ محکمہ داخلہ پنجاب نے شریف خاندان کو نوازشریف کے علاج بارے خط لکھا تھا ،نوازشریف کواپنی مرضی کے ڈاکٹراوراسپتال سےعلاج کرانے کی آفرکی تھی ،عدالت نے نواز شریف کو چھ ہفتوں کی طبی بنیادوں ہر ضمانت دی تھی لیکن شریف خاندان نے 6ہفتے محض ٹیسٹ کروانے میں ضائع کیے، شہباز گل نے مزید کہا کہ عدالت کےاحکامات ہیں آج7مئی کونوازشریف واپس جیل میں ہوں،جیل مینول کےمطابق آج شام غروب آفتاب سے پہلے نوازشریف کوجیل میں ہوناہے ،دیکھنا یہ ہے وہ عدالت کے حکم کی تعمیل کرتے ہیں یااپنی من مانی،
مسلم لیگ ن کی ترجمان مریم اورنگزیب نے کہا ہے کہ پرامن کارکنان کے جلوسوں میں کوئی گڑبڑ کی گئی تو پنجاب حکومت ذمے دار ہو گی.مریم اورنگزیب نے کہا کہ سابق وزیر اعظم نوازشریف کوجیل تک الوداع کہنے کارکنان طے شدہ پروگرام کے مطابق پہنچیں گے ،پہلے سے طے شدہ پروگرام میں کوئی تبدیلی نہیں کی گئی ،انہوں نے کہا کہ وفاقی اورپنجاب حکومت عقل اورہوش کے ناخن لیں اوربوکھلاہٹ میں حماقت نہ کرے .مریم اورنگزیب نے کہا ہے کہ نواز شریف کی صاحبزادی مریم نواز بھی اپنے والد کو چھوڑنے جیل تک جائیں گی ،نواز شریف کے بھتیجے حمزہ شہباز بھی ان کے ہمراہ ہوں گے، مریم نواز اور حمزہ شہباز نواز شریف کی گاڑی میں سوار ہوں گے. مریم اورنگزیب کا مزید کہنا ہے کہ پارٹی کافیصلہ ہے کہ مریم نواز پارٹی کارکنان میں موجود ہوں گی ،رائیونڈ سے کوٹ لکھپت تک حمزہ شہباز،مریم نواز آخری لمحے تک ساتھ ہوں گے .
رانا مشہور نے میڈیا سے گفتگو کرتے ہوئے کہا کہ کل افطاری کےبعد نواز شریف جیل جانے کے لیے نکلیں گے، افطاری کے بعد لاہور کی سڑکوں پر لیگی کارکنوں کا ایک سمندر ہو گا، جگہ جگہ استقبالیہ کیمپ لگائے جائیں گے جہاں کارکنان اپنے قائدکا استقبال کریں گے. انہوں نے کہا کہ جاتی امراسے کوٹ لکھپت جیل تک جگہ جگہ کیمپ لگائےجائیں گے،کارکن اپنی محبت سےنکل رہا ہےپارٹی ان کی کال پرلبیک کہہ رہی ہے .نواز شریف کا چھبیس مارچ کو سپریم کورٹ نے طبی بنیادوں پر علاج کے لئے ضمانت دی تھی. رہائی کے دوران نواز شریف نے اپنی سیاسی سرگرمیاں جاری رکھیں لیکن علاج پر کوئی توجہ نہیں دی. نواز شریف نے دوران رہائی مولانا فضل الرحمان سے بھی ملاقات کی جبکہ پارٹی رہنمائوں اور اراکین اسمبلی سے بھی ملتے رہے. نواز شریف دوران رہائی نو بار ہسپتال تو گئے لیکن ٹیسٹ کروا کر واپس آتے رہے ان کی ایک ہی ضد تھی کہ پاکستان میں میرا علاج نہیں ہو سکتا.نواز شریف طبی معائنے کیلئے شریف میڈیکل سٹی میں آٹھ بار اور الرازی ہسپتال میں ایک بار گئے،نواز شریف کا نیفرولوجسٹ، کارڈیالوجسٹ اورنیورولوجسٹ نےطبی معائنہ کیا .پنجاب کے ہسپتالوں اور ڈاکٹروں پر عدم اعتماد کے بعد آغا خان ہسپتال کراچی کے ڈاکٹرز کی خصوصی ٹیم نے بھی نواز شریف کا طبی معائنہ کیا اور انکو ذہنی دباؤ نہ لینے کا مشورہ دیا ،ضمانت پر رہائی کی معیاد ختم اور سپریم کورٹ کی جانب سے توسیع نہ ملنے پرسابق وزیر اعظم نواز شریف کو کل دوبارہ کوٹ لکھپت جیل میں قید کردیا جائے گا۔
جیل منتقلی کے موقع پر ن لیگ نے نواز شریف سے اظہار یکجہتی کیلئے 10 کیمپ لگانے کا فیصلہ کیا ہے۔ اس حوالہ سے مسلم لیگ ن کا ایک اجلاس ماڈل ٹاون میں آج ہو گا. جس کیصدارت حمزہ شہباز کریں گے. نواز شريف سے اظہار یکحيہتی کے لئے مختلف مقامات پر 10 کيمپ لگائے جائیں گے، مسلم لیگ ن نے پٹرول کی قيمتوں ميں اضافے کے خلاف صوبائی دارالحکومت لاہور ميں بينرز آويزاں کرنيکا بھی فيصلہ کیا ہے۔ ترجمان مسلم لیگ نون مریم اورنگ زیب نے سماجی رابطے کی ویب سائٹ ٹویٹر پر ٹویٹ کرتے ہوئے کہا ہے کہ وزیر اعظم ایک گھنٹہ تقریر کرنے کے بجائے پارلیمنٹ میں صرف ایک منٹ کے لئے آکر یہ وضاحت دیں کہ رمضان سے قبل عوام پر پٹرول بم کیوں گرایا گیا ؟ مریم اورنگ زیب نے سوال اٹھایا کہ ملک کو کس دام میں آئی ایم ایف میں گروی رکھوایا ؟ آئی ایم ایف کے ملازم کو کیوں راتوں و رات سٹیٹ بنک کا گورنر لگایا ؟