Blog

سلامتی کونسل نے امریکہ ایران کے درمیان کشیدگی کو کم کرنے کے لیے ہنگامی اجلاس طلب کر لیا ہے. اس ہنگامی اجلا س کے لیےامریکہ نے اقوام متحدہ کی سلامتی کونسل سے ایران کے معاملے پراپیل کی ہے۔کے اقوام متحدہ میں مندوب نے سلامتی کونسل سے ایران کے معاملے پر بروز پیر ایک بند نشست منعقد کرنے کی اپیل کی ہے۔دوسری طرف امریکہ نے کہا ہےوہ ایران کے ساتھ پیدا ہونے والی کشیدگی کا سفارتی حل تلاش کرنے کی کوششوں میں ہے

سفارتی حلقوں کا کہنا ہے کہ امریکہ کی اس سرکاری اپیل میں گزشتہ ہفتےخلیج عمان میں تیل کے دو ٹینکروں پر حملے کے معاملے میں تازہ پیش رفت سے آگاہی کرانے کے لیے ہنگامی اجلاس کا مطالبہ کیا گیا ہے۔یاد رہے کہ خلیج عمان میں گزشتہ ہفتے تیل کے دو بڑے ٹینکروں پر دھماکہ ہوا تھا۔ ٹینکروں کے عملے کے 44 افراد کو ایرانی ریسکیو ٹیم نے بچاتے ہوئے ایرانی صوبے ہرمز کی بندر گاہ کاسک تک پہنچایا تھا۔بعد ازاں ایران نے ایک امریکی ڈراؤن کو اس کی فضائی حدود کی خلاف ورزی کرنے کے جواز میں مار گرایا تھا۔

ایران اور امریکہ کے درمیان کشیدگی کی وجہ سے ہرمز کیلئے ’عالمی ایئرلائنز‘ کی پروازیں معطل ہوگئیں ہیں.
یہ کشیدگی اس وقت پید اہوئی جب ایران اپنی حدود میں ایرانی ڈرون کو مار گرایا. خبررساں ادارے ’اے ایف پی‘ کے مطابق امریکا کی فیڈرل ایویشن ایڈمنسٹریشن نے نوٹس ٹو ایئر مین میں تمام امریکی رجسٹرڈ ایئرلائن کو خلیج عمان اور خلیج فارس کے فضائی راستوں سے پروازیں معطل کرنے کی ہدایت جاری کردی۔

ایف اے اے کے اعلامیہ میں کہا گیا کہ متاثرہ خطے میں عسکری سرگرمیوں اور سیاسی تناؤ کے باعث کمرشل فلائٹس کو خطرہ لاحق ہے۔اعلامیے کے مطابق ڈرون پر میزائل حملے کے بعد تہران اور واشنگٹن کے مابین لفظی جنگ عروج پر ہے ۔ایف اے اے کے نوٹس واضح کیا گیا کہ امریکا سے رجسٹرڈ ایئرلائن اور امریکی ایئرلائنز پر آبنائے ہرمز کا فضائی راستہ اختیار کرنے پر پابندی ہوگی۔

ایف اے اے کے ترجمان نے کہا کہ ’ہماری سیفٹی اور سیکیورٹی ٹیمیں دنیا بھر میں فضائی اداروں کے حکام بشمول ایف اے اے سے مسلسل رابطے میں ہیں تاکہ فضائی راستوں کے رسک کا جائزہ لے سکیں‘۔واضح رہے کہ جرمنی اور ڈش ایئرلائنز آبنائے ہرمز کے بجائے دوسرا فضائی راستہ اختیار نہیں کررہی ہیں۔

پیرس:فرانس کے دارالحکومت پیرس کے مشہور زمانہ ایفل ٹاور کی فضائیں "پاکستان زندہ باد” اور "پاک فوج زندہ باد کے نعروں سے گونج اٹھی. پاکستان کے سرکاری ٹیلی ویژن کی رپورٹ کے مطابق ایفل ٹاور میں اس ریلی کا اہتمام فرانس میں مقیم پاکستانیوں نے کیا تھا. ذرائع کے مطابق اس ریلی میں پاکستانی پختونوں نے خصوصی شرکت کی .

اس ریلی میں شرکا نے بینرز اور فلیکس بھی اٹھا رکھے تھے.ریلی بچے بھی شریک ہوئے اور پاکستان زندہ باد اور پاک فوج زندہ باد کے نعروں کو بلند کرتے رہے. یاد رہے کہ اس ریلی کا اہتما م اس وقت کیا گیا جب پاکستان میں افغانستان کی سرحد سے پختون علاقوں میں سازشوں کا سلسلہ جاری ہے. شرکا کا یہ کہنا تھا کہ وہ دیار غیر میں پاکستان اور پاک فوج کا دفاع کرتے رہیں گے. اس ریلی میں پیرس کے علاوہ فرانس کے دیگر علاقوں سے بھی پاکستانی شرکت کے لیے پہنچے تھے .

نیویارک:بھارت میں مسلمان 2018 میں بھی ہندو انتہاپسندوں کے حملوں سے محفوظ نہ رہ سکے .بھارت میں مسلمانوں پر مظالم کے حوالے سے امریکہ میں گزشتہ روز جمعہ کو ایک رپورٹ جاری کی گئی ہے جس میں کہا گیا ہے کہ بھارت میں سال 2018 کے دوران ہندو انتہا پسند تنظیموں کی جانب سے اقلیتوں بالخصوص مسلمانوں کے خلاف تشدد کیا جاتا رہا۔اس رپورٹ میں کہا گیا ہے کہ ہجومی تشدد کی وجہ وہ افواہیں رہیں جس میں ایسی خبریں پھیلائی گئی کہ مذکورہ شخص یا تو گائے کی تجارت کر رہا تھا یا پھر گﺅ کشی کر رہا تھا۔مذہبی آزادی سے متعلق سال 2018 کی امریکی وزارت خارجہ کی سالانہ رپورٹ میں یہ انکشاف ہوا ہے کہ بی جے پی کے کچھ سینئر عہدیداروں نے اقلیتوں کے خلاف اشتعال انگیز تقاریریں کی اور”ہندو انتہا پسند گروپوں کے ذریعہ پورے سال اقلیتوں بالخصوص مسلمانوں کو گائے کی تجارت یا گائے کو گوشت کے لئے کاٹنے کی افواہوں کے چلتے ہجومی تشدد کا شکار بنایا“۔

اس رپورٹ میں کہا گیا ہے کہ صرف نومبر میں 18 ایسے حملہ ہوئے جن میں آٹھ افراد کی موت ہوئی۔ رپورٹ میں یہ بھی حقائق پیش کیے گئے ہیں کہ اتر پردیش میں 22 جون کو دو پولس اہلکار کے خلاف اس لئے کارروائی ہوئی، کیونکہ مویشی کے ایک تاجر مسلمان کی پولس حراست میں موت ہو گئی تھی۔ اس رپورٹ میں دنیا کے تمام ممالک اور خطوں میں مذہبی آزادی کے حوالے سے پوری تفصیلات درج ہیں۔

بھارت سےمتعلق اس رپورٹ کے سیکشن میں کہا گیا ہے کہ کچھ غیر سرکاری تنظیموں کی رپورٹ ہیں جس میں تحریر ہے ”حکومت کئی مواقع پر مذہبی اقلیتیں، کمزور طبقات اور حکومت پر تنقید کرنے والوں پر ہونے والے ہجومی تشدد پر قابو پانے میں ناکام رہی ہے“۔ واضح رہے سال 2011 کی مردم شماری کے مطابق ہندوستان میں ہندووں کی آبادی 79.8 فیصد ہے جبکہ مسلمانوں کی آبادی 14.2 فیصد درج ہے۔

واشنگٹن:امریکی صدر ڈونلڈ ٹرمپ کی طرف سےجنسی زیادتیوں کے انکشافات کا سلسلہ ابھی تھما نہیں تھا کہ ایک اور امریکی خاتون جین کیرل نے ڈونلڈ ٹرمپ کے جنسی حملے کا پردہ چاک کردیا اس خاتون کے مطابق شاپنگ کے دوران ٹرمپ نے کیرل سے کہا کہ وہ کسی خاتون کے لیے زیر جامہ لباس خریدنا چاہتے ہیں اور وہ اس سلسلے میں ان کی مدد کریں، ”اس موقع ٹرمپ نے ایک ایسے انتہائی باریک کپڑے کا لباس منتخب کیا، جس کے آر پار دیکھا جا سکتا تھا اور مجھ سے اسے پہننے کو کہا۔ دروازہ بند ہوتے ہی ٹرمپ نے مجھ پر حملہ کیا، مجھے دیوار کے ساتھ لگا دیا اور اپنے چہرے سے زبردستی میرے ہونٹ دبانے لگا۔ پھر ٹرمپ نے میری لیگنگز پھاڑ دی۔ اس دوران میں خود کو آزاد کرانے میں کامیاب ہوئی اور اس کمرے سے بھاگ گئی۔ یہ پوری کارروائی تین منٹ تک جاری رہی۔“

جین کیرل نے مزید کہا کہ جب وہ وہاں سے بھاگیں تو اس وقت شاپنگ مال کا کوئی بھی ملازم وہاں موجود نہیں تھا۔ ان کے مطابق خوف کی وجہ سے انہوں نے اس واقعے کی رپورٹ جان سے مارنے کی دھمکیوں اور ملازمت سے فارغ کیے جانے بدنامی کے ڈرسے درج نہیں کرائی۔ انہیں تاہم انہوں نے اس بارے میں دو صحافی دوستوں کو بتایا تھا۔ نیو یارک میگزین نے جب ان دونوں صحافیوں سے اس بارے میں پوچھا تو انہوں نے اس کی تصدیق کی۔

یاد رہے کہ اس قبل 2016 میں صدر بننے سے قبل انتخابی مہم کے دوران بھی کئی خواتین نے ٹرمپ پر جنسی ہراسی کے الزامات عائد کیے تھے۔ جنہیں ٹرمپ نے ہمیشہ مسترد کیا ہے۔ ان زیادہ تر الزامات کا تعلق زبردستی بوسہ لینے اور جسم کے مخصوص حصوں پر ہاتھ لگانے سے متعلق تھا۔ تاہم جین کیرل نے جنسی زیادتی کا الزام عائد کیا ہے۔