Blog

پاک فضائیہ نے ہر سال 27 فروری کو آپریشن سوفٹ ریٹارٹ منانے کا اعلان کر دیا

باغی ٹی وی کی رپورٹ کے مطابق پاک فضائیہ نے ہر سال 27 فروری کو آپریشن سوفٹ ریٹارٹ کے طور پر منانے کا اعلان کر دیا،ائیر چیف مارشل مجاہد انور خان نے ایئر ہیڈ کوارٹرز اسلام آباد میں ایک تقریب سے خطاب کرتے ہوئے کہا کہ دشمن کیخلاف پاک فضائیہ کی جوابی کارروائی تاریخ میں’’آپریشن سوفٹ ریٹارٹ‘‘کےنام سےیادرکھی جائیگی،ہم اللہ تعالیٰ کےحضورسجدہ شکربجالاتےہیں کہ اللہ نےہمیں قوم کی توقعات پرپورااترنےکا موقع دیا. انہوں نے کہا کہ ہم حالیہ پاک بھارت کشیدگی کےدوران دشمن کی جارحیت کابروقت اوربھرپورجواب دینے میں کامیاب رہے آیندہ بھی دشمن کی جانب سےکسی قسم کی جارحیت کاجواب پہلےسےزیادہ سخت اندازسےدیا جائیگا، انہوں نے مزید کہا کہ پاک فضائیہ کےتمام افرادکوسلام پیش کرتاہوں

واضح رہے کہ 27 فروری کو بھارت کے دو طیارے پاک فضائیہ نے گرائے تھے. پلوامہ حملے کے بعد بھارت کے طیارے بالا کوٹ پے رول گرا کر فرار ہو گئے تھے جس کے بعد اگلے روز پاکستان نے بھارت کے دو طیارے مار گرائےتھے اور بھارتی پائلٹ ابھی نندن کو گرفتار کر لیا تھا

وزیرا عظم کی مشیر برائے اطلاعات فردوس عاشق اعوان نے کہا ہے کہ ہم ریاست مدینہ کےاصولوں کی روشنی میں مزدوروں کو انکا حق دلانے کیلیےپرعزم ہیں.

باغی ٹی وی کی رپورٹ کے مطابق عالمی یوم مزدور پر فردوس عاشق اعوان نے اپنے پیغام میں کہا کہ تحریک انصاف کی حکومت مزدوروں کو ان کے حقوق دینا چاہتی ہے ، وزیر اعظم عمران خان کی خواہش ہے کہ مزدوروں کو ان کے حقوق ملیں. حکومت نے مزدوروں کے لئے احساس پروگرام شروع کیا ہے جس سے مزدوروں کے حقوق کا تحفظ ہو گا، انہوں نے مزید کہا کہ وہ وقت دور نہیں جب پاکستان کے مزدوروں کو خوشحال کریں گے.نئےپاکستان کی تعمیراورملکی ترقی میں مزدوروں کواہم شراکت دارسمجھتے ہیں

پاکستان کے وزیر خارجہ شاہ محمود قریشی نے قطر کے ڈپٹی وزیر اعظم اور وزیر خارجہ سے ٹیلی فونک رابطہ کیا ہے ،شاہ محمود قریشی نے وزیر اعظم عمران خان کی جانب سے امیر قطر کے لئے نیک خواپشات کا پیغام پہنچایا

باغی ٹی وی کی رپورٹ کے مطابق وزیر خارجہ شاہ محمور قریشی نے قطرکےڈپٹی وزیراعظم اوروزیرخارجہ سےٹیلیفونک رابطہ کیا ہے، گفتگو میں دوطرفہ تعلقات،خطے کی صورتحال اورباہمی دلچسپی کے امور پرتبادلہ خیال کیا گیا،شاہ محمود قریشی نے اےسی ڈی منسٹیریل کانفرنس کےکامیاب انعقادپرقطری ہم منصب کومبارکباد دی، قطری وزیر خارجہ نے کہا کہ قطر میں مقیم پاکستانیوں کا قطر کی تعمیر و ترقی میں اہم اور قابل تحسین کردار ہے.پاکستانی وزیر خارجہ نے کہا کہ پاکستان قطر کے ساتھ دو طرفہ تعلقات کو مزید مستحکم کرنا چاہتا ہے

پیپلز پارٹی کے رہنما سید خورشید شاہ نے کہا ہے کہ تبدیلی سکار نے معیشت کو تباہ کر کے مزدور کی زنگی اجیرن کر دی

باغی ٹی وی کی رپورٹ کے مطابق یوم مزدور پر سید خورشید شاہ نے اپنے پیغام میں کہا کہ پیپلز پارٹی کی حکومت نے مزدوروں کی فلاح و بہبور کے لئے بڑے اقدامات اٹھائے تھے لیکن موجودہ حکومت نے غریب کا جینا مشکل کر دیا ہے ،تبدیلی سرکار کی پالیسیوں سے مزدور اور کسان پریشان ہے، مزدور اور محنت کش کی ترقی کے بغیر ملک ترقی نہیں کر سکتا.

واضح رہے کہ وزیر اعظم عمران خان نے یوم مزدور پر اپنے پیٍغام میں مزدوروں کو خوشخبری سناتے ہوئے کہا کہ مزدوروں اور ان کے خاندان کی فلاح و بہبود کے لیے ایک منصوبہ شروع کر رہے ہیں، ہم آج سے مزدور کے لئے احساس پروگرام کا آغاز کرنے جا رہے ہیں. یہ پروگرام غربت کے خاتمے کے لئے اہم کردار ادا کرے گا، اس پروگرام سے مزدور کو سماجی تحفظ ملے گا. وزیر اعظم کا مزید کہنا تھا کہ تحریک انصاف کی حکومت مزدور کی عظمت پر یقین رکھتی ہے، ملک کی ترقی اور خوش حالی میں محنت کش کا کلیدی کردار ہے،

وفاقی وزیر ریلوے شیخ رشید احمد نے کہا ہے کہ ریلوےکےمزدورکی محنت اورلگن سےہی ریل کا پہیہ چل رہا ہے

باغی ٹی وی کی رپورٹ کے مطابق عالمی یوم مزدور پر شیخ رشید احمد نے اپنے پیغام میں کہا کہ پاکستان ریلوے کے تمام مزدوروں، ورکروں کوسلام پیش کرتاہوں، جن کی محنت اورلگن سے ریل چل رہی ہے. انہوں نے کہا کہ میں ریلوے کے مزدوروں کویقین دلاتاہوں مزدوروں کےوسائل میں اضافہ کروں گا،مراعات دوں گا، ہماری حکومت محنت کش کی عزت نفس کا احساس رکھتی ہے،مزدوروں کو آسانیاں فراہم کی جائیں گی.