افریقہ کپ آف نیشنز فٹ بال ٹورنامنٹ میں میزبان مصر نے زمبابوے کو سنسنی خیز مقابلے کے بعد 1-0 گول سے ہرا کر ایونٹ کا فاتحانہ آغاز کیا۔
میچ کے پہلے ہاف کے 41 ویں منٹ میں مصری کھلاڑی ٹریز گوئٹ نے گول کر کے ٹیم کو برتری دلائی اور ان کا یہی گول جیت کا سبب بنا، مصر نے زمبابوے کو 1-0 گول سے شکست دے کر پہلی کامیابی حاصل کر لی۔
مصر میں ہونے والے افتتاحی میچ میں مصر نے شاندار کھیل پیش کیا. ٹیم نے یونیٹی کا مضاہرہ کیا اور زمبابوے کو کوئی گول نہ کرنے دیا.
مشیر تجار ت عبد الرزاق داﺅ نے کہا ہے کہ پاکستان میں جلد الیکٹرک گاڑیاں متعارف کروائی جارہی ہیں جس کا مقصد ماحولیاتی آلودگی سے بچاؤ ہے.
باغی ٹی وی کی رپورٹ کے مطابق مشیر تجارت کا کہنا تھا کہ موسمیاتی تبدیلیاں دنیا بھر میں رونما ہو رہی ہیں اور اس سے دنیا بھر کو خطرات لاحق ہیں. پی ٹی آئی حکومت نے فیصلہ کیا ہے کہ ملک کو آلودگی سے بچانے کیلئے اپنا بھرپور کردار ادا کرے گی. الیکٹرک گاڑیاں چلانے کا فیصلہ اسی مقصد کے تحت کیا گیا ہے.
مشیرتجارت عبدالرزاق کا کہنا تھاکہ حکومت نے الیکٹرک گاڑیاں چلانے کیلئے وزارت موسمیاتی تبدیلی سے بھی تجاویز مانگی ہیں تاکہ ان سے رائے لیکر کوئی بہتر فیصلہ کیا جاسکے. ان کا یہ بھی کہنا تھا کہ الیکٹرک گاڑیوں کی پالیسی تمام سٹیک ہولڈرز سے مل کر بنائیں گے ۔ واضح رہے کہ ماحولیاتی آلودگی اس وقت پوری دنیاکا ایک بہت بڑا مسئلہ بن چکا ہے اور تقریبا سبھی ملک اپنے اپنے ملکوںمیںاس سلسلہ میں اقدامات کرتے نظر آتے ہیں. اب
وفاقی بجٹ کے خلاف کراچی میں پیپلز پارٹی کی طرف سے پیپلز سیکریٹریٹ سے پریس کلب تک ریلی نکالی گئی جس میں پی پی کارکنان کی کثیر تعداد نے شرکت کی.
باغی ٹی وی کی رپورٹ کے مطابق اس موقع پر خطاب کرتے ہوئے پیپلز پارٹی کے رہنما اور سندھ کے وزیر بلدیات سعید غنی نے خطاب کرتے ہوئے کہاکہ موجود ہ حکومت کی زیادتیوں کے خلاف کراچی کی سڑکوں پر نکلوں گا. غریبوں پر مہنگائی کے پہاڑ گرائے گئےبلاول بھٹو عوام کی جنگ لڑ رہے ہیں. جی ڈی اے سےسوال ہےکہ آپ آئی ایم ایف کےبجٹ کیلیےووٹ دینگے.
انہوں نے کہاکہ موجود ہ حکومت کی زیادتیوں کے خلاف کراچی کی سڑکوں پر نکلوں گا، بزنس مین اور کاروباری شخصیات بھی ایمنسٹی اسکیم لینے کیلیے تیارنہیں. بلاول کےنام پرطنزہوتاہےلیکن عمران خان کو نیازی کہلانےپرشرم آرہی ہے. واضح رہے کہ پیپلز پارٹی کی طرف سے ان دنوں بجٹ کے خلاف مہم چلائی جارہی ہے اور اسی سلسلہ میں کراچی میں ریلی نکالی گئی ہے.
ورلڈ کپ کے اٹھائیسویں میچ میں کل بھارت اور افغانستان مد مقابل ہوئے. بھارت نے افغانستان کو 11 رنز سے ہرا دیا لیکن افغانستان نے بہت اچھا کھیل پیش کیا.
سنسنی خیز مقابلے کے دوران بھارتی کپتان ویرات کوہلی غیر ضروری اپیلیں کرتے رہے .میچ کے 29 اوور کے دوران ویرات کوہلی نے LBW کے فیصلے پر امپائر علیم دار کے پاس جا کر غصے والا برتاؤ کیا اور کوڈ آف کنڈنٹ کی خلاف ورزی کرنے پر آئی سی سی نے میچ فیس کا 25 فیصد جرمانہ عائد کر دیا. اس کے علاوہ ڈسپلنری ریکارڈ پر بھی ایک ڈی میرٹ پوائنٹ کا اضافہ کردیا ہے۔
ویرات کوہلی کا اس سے پہلے بھی ڈسپلنری ریکارڈ اچھا نہیں ہے لیکن ویرات نے آئی سی سی کوڈ آف کنڈنٹ کی خلاف ورزی کرنے پر معزرت بھی کی ہے.
پوائنٹس ٹیبل کے مطابق ایک بھی میچ نہ ہار کر بھارت تیسرے نمبر پر ہے اور افغانستان ایک بھی میچ نہ جیتنے کے نتیجے میں آخری نمبر پر ہے.
پاکستان تحریک انصاف نے پیپلزپارٹی کی رکن سندھ اسمبلی فریال تالپور کی نااہلی کے لیے سندھ اسمبلی میں درخواست جمع کروادی ہے. ان پر الزام ہے کہ وہ اربوں روپے کے اثاثوں کی مالک ہیں جبکہ انہوں نے اپنے یہ اثاثے ظاہر نہیں کئے بلکہ انہیں چھپا کر رکھا اس لئے انہیں نااہل قرار دینے کا مطالبہ کیا گیا ہے.
باغی ٹی وی کی رپورٹ کے مطابق فریال تالپور کے خلاف نااہلی کا یہ ریفرنس سندھ اسمبلی میں پی ٹی آئی کے رکن ارسلان تاج کی جانب سے دی گئی ہے. پی ٹی آئی کی طرف سے یہ درخواست دیے جانے کے بعد فریال تالپور کی مشکلات میں مزید اضافہ ہو گا. تحریک انصاف کے رکن سندھ اسمبلی ارسلان تاج نے دعویٰ کیا ہے کہ فریال تالپور کی لاڑکانہ اور قمبر شہدادکوٹ میں جائیدادیں ہیں بلکہ اس کے علاوہ ان کی متحدہ عرب امارات میں بھی جائیدادیں ہیں جنہیں چھپایا گیا اور ظاہر نہیں کیا گیا۔
سندھ اسمبلی میں فردوس شمیم نقوی نے بھی گفتگو کرتے ہوئے کہا کہ ہماری ٹیم نے فریال تالپورکی خفیہ جائیداد کا پتہ چلایا ہے وہ اربوں روپے کے اثاثوں کی مالک ہیں اورزرداری گروپ کی کمپنیاں آپریٹ کرتی ہیں. انہوں نے کہاکہ پی ٹی آئی نے فریال تالپور کی نااہلی کیلئے جو درخواست دی ہے اس پر سپیکر قومی اسمبلی کی ذمہ داری ہے کہ وہ ایک ماہ میں اس درخواست پر فیصلہ کریں یا ان کی نااہلی کیلئے درخواست الیکشن کمیشن کو بھیجیں. انہوں نے دعویٰ کیاکہ فریال تالپور کے اتنے اثاثے ہیںکہ آپ سوچ بھی نہیںسکتے.
واضح رہے کہ آصف زرداری کی ہمشیرہ فریال تالپور ان دنوں اپنی رہائش گاہ پر نظربند ہیں اور ان کی رہائش گاہ کو ہی سب جیل قرار دیا گیا ہے. قومی احتساب بیورو ان کے خلاف کاروائی جاری رکھے ہوئے ہے.
نیب نے اپوزیشن لیڈر قومی اسمبلی شہباز شریف کو طلب کر لیا ہے. نیب نےشہباز شریف کو آمدن سے زائد اثاثہ جات کیس میں 5 جولائی کوطلب کیا ہے.
باغی ٹی وی کی رپورٹ کے مطابق نیب نے اس سے قبل منی لانڈرنگ کیس میں شہباز شریف کو طلب کیا تھا اور انہیں کہا گیا تھا کہ وہ دستاویزات سمیت حاضر ہوں. نیب کی جانب سے اپوزیشن لیڈر قومی اسمبلی شہباز شریف سے کہا گیا تھا کہ وہ اپنے اثاثہ جات کی تفصیل اور ذرائع بھی بتائیں.
نیب کی جانب سے شہباز شریف کو اپنے والد میاں محمد شریف سے ملنے والی وراثت سے متعلق بھی تفصیلات فراہم کرنے کیلئے کہا گیا تھا. قومی احتساب بیورو نیب اثاثہ جات کیس میں شہباز شریف خاندان کے خلاف تحقیقات کا دائرہ کار مزید وسیع کرتے ہوئے پورے خاندان کے خلاف تحقیقات کر رہی ہے.
شجاع آباد ( نمائندہ باغی ٹی وی ) سیورج سسٹم بلاک ہونے سے گٹر ابلنے لگے جگہ جگہ گندگی کے ڈھیر جو بلدیہ شجاع آباد کی کارکردگی پر سوالیہ نشان ہے اسسٹنٹ کمشنر شجاع آباد اور ٹی ایم او شجاع آباد سے فوری نوٹس لینے کا مطالبہ
تفصیل کے مطابق شجاع آباد ریلوے روڈ لودھراں روڈ بستی ملوک روڈ ڈاکٹر مومن والا روڈ ڈاکٹر وسیم والی گلی مرزا قصور چوک محلہ خواجگان محلہ پٹھان والا خانگڑھ روڈ خیرپور روڈ لال باغ اور دیگر جگہ پر گندگی کے ڈھیر نمایاں نظر آتے ہیں اور سیوریج کا ناقص نظام ہونے کے باعث شہریوں کی زندگی مفلوج ہوکر رہ گئی ہے جو کہ بلدیہ شجاعباد کی کارکردگی پر سوالیہ نشان ہے ڈاکٹر وسیم کلینک کے قریب سیورج سسٹم بلاک ہونے سے گٹر ابلنے لگے جس سے مکینوں کا گھروں سے نکلنا محال ہو گیا۔ گندے پانی کی بدبو اور تعفن سے سانس لینا بھی دشوار ہو گیا ہے جو میونسپل کمیٹی شجاعباد کی کارکردگی پر سوالیہ نشان ہے اہل علاقہ کا اعلی حکام سے نوٹس لینے کا مطالبہ ہے .
پاکستان نے جنوبی افریقہ کو جیت لے لیے309 رنز کا ہدف دیا ہے. پاکستان کی جانب سے آج اچھا کھیل پیش کیا گیا ہے. حارث سہیل89 رنز بنا کر ٹاپ سکورر رہے. 3 چھکے اور 9 چوکے لگائے.بابر اعظم نے 69 رنز بنائے. فخر زمان اور امام الحق نے 44 44 رنز بنائے.
بیٹنگ تو کامیاب رہی لیکن بالرز کو بھی اچھا پرفارم کرنا پڑے گا. پاکستان یہ میچ جیت سکتا ہے اگر فیلڈنگ اچھی کی جائے اور مس فیلڈنگ نہ کی جائے. جنوبی افریقہ کی جانب سےلنگی نے 3 اور عمران طاہر نے 2 کھلاڑیوں کو آؤٹ کیا.
محمد عامر جنوبی افریقہ کے خلاف بھی وکٹیں لینے کو تیار ہیں. محمد عامر کہتے ہیں کہ اوپنرز کو جلدی آؤٹ کرنے کی کوشش کریں گے اور پھر سے کم بیک کریں گے.
پاکستانی وزیر خارجہ شاہ محمود قریشی نے کہا ہے کہ پاکستان نے دہشت گردی کے خلاف جنگ میں کلیدی کردار ادا کیا ہے. نیٹو سیکرٹری کے ساتھ ہماری ملاقات طے ہے.
باغی ٹی وی کی رپورٹ کے مطابق یہ باتیں انہوں نے برسلز روانگی سے قبل میڈیا سے گفتگو کرتے ہوئے کیں. ان کا کہنا تھا کہ یورپی یونین کے ساتھ سٹریٹیجک معاہدہ اہم پیش رفت ہے. برسلز میں پاکستان اور یورپی یونین کے درمیان سٹریٹیجک معاہدے پر دستخط ہوں گے. ان کا کہنا تھا کہ پاکستان اور یورپی یونین کے تعلقات آج کے نہیں ہیں بلکہ یہ بہت پرانے ہیں. پاکستان اور یورپی یونین ایک دوسرے کی مدد کرتے رہے ہیں اور آئندہ بھی تعاون کا یہ سلسلہ جاری رکھیں گے.
واضح رہے کہ پاکستانی وزیر خارجہ شاہ محمود قریشی برسلز روانہ ہوئے ہیں جہاں وہ یورپی یونین کے عہدیداران سے ملاقاتیں کریں گے جبکہ اس موقع پر پاکستان اور یورپی یونین کے درمیان سٹریٹیجک معاہدے پر دستخط کئے جائیں گے.
ورلڈ کپ کے میچ میں پاکستانی کھلاڑی حارث سہیل نے بھی اپنی ففٹی مکمل کر لی ہے. انہوں نے 38گیندوں پر 50رنز بنائے، ان کی اننگ میں ایک چھکا اور 6چوکے شامل ہیں.
جنوبی افریقہ کےخلاف پاکستان کی چوتھی وکٹ 224رنز پر گر گئی ہے او رپاکستان نے 224 سکور بنا لئے ہیں. پاکستانی ٹیم ٹاس جیت کر پہلے بیٹنگ کر رہی ہے۔ پاکستان کی جانب سے اننگز کا آغاز فخر زمان اور امام الحق نے کیااور 81 رنز کی شراکت قائم کی مگر فخرزمان 44 رنز بناکرآﺅٹ ہو گئے ۔ اسی دوران کچھ ہی دیر بعد امام الحق بھی کیچ آﺅٹ ہو گئے۔ عمران طاہر نے ان کا زبردست کیچ لیا ۔
بابر اعظم 67 سکور پر آؤٹ ہوئے.
باغی ٹی وی کی رپورٹ کے مطابق یہ میچ دونوں ٹیموں کی ورلڈکپ میں بقا کے لیے اہم ترین مقابلہ بن گیا ہے، جہاں شکست کی صورت میں ایک ٹیم کے لیے ورلڈکپ ممکنہ طور ختم ہوجائے گا۔ٹاس کے موقع پر گفتگو کرتے ہوئے قومی ٹیم کے کپتان کا کہنا تھا کہ گزشتہ تمام میچز ماضی کا حصہ بن چکے ہیں، ہماری نظریں ایک میچ کے بعد دوسرے میچ پر ہوتی ہیں۔ان کا یہ بھی کہنا تھا کہ یہ وکٹ بیٹنگ کے لیے ساز گار دکھائی دے رہی ہے اور یہاں بڑا اسکور کرنے کی کوشش کریں گے۔
حالیہ میچ میں قومی ٹیم میں 2 تبدیلیاں کی گئی ہیں، شعیب ملک اور حسن علی کی حارث سہیل اور شاہین آفریدی کو شامل کیا گیا ہے، جبکہ جنوبی افریقہ کی ٹیم میں کوئی تبدیلی نہیں کی گئی۔قومی ٹیم کے کپتان سرفراز احمد کا کہنا تھا کہ خراب پرفارمنس رہی، اس میچ میں اچھا پرفارم کریں گے جبکہ پریشر کے بارے میں نہیں سوچ رہے ابھی صرف کھیل پر توجہ ہے۔ دوسری جانب جنوبی افریقی کپتان کا کہنا ہے کہ ٹاس جیت جاتا تو پہلے بالنگ ہی کرتا، اچھا ہوا جو ہم ٹاس ہار گئے۔واضح رہے کہ قومی ٹیم کو سیمی فائنل کی دوڑ میں شامل ہونے کے لیے ایونٹ کے باقی تمام میچز جیتنے ضروری ہیں، ایک بھی میچ ہارنے کی صورت میں قومی ٹیم سیمی فائنل کی دوڑ سے باہر ہوجائی گی۔