بھارتی ریاست چندی گڑھ میں موبائل پر سیلفی لیتے ہوئے تین نوجوان ٹرین کے نیچے آ کر کٹ گئے
باغی ٹی وی کی رپورٹ کے مطابق بھارتی ریاست چندی گڑھ میں ریلوے ٹریک پر سیلفی لینے کے دوران تین نوجوان ٹرین کے نیچے آکر کٹ کر ہلاک ہو گئے ،جن کی لاشوں کے ٹکڑے ٹکڑے ہو گئے اور ٹکڑے بھی 30 فٹ دور جا کر گرے .ہلاک شدگانی کی شناخت چمن، سنی اور کشن کے نام سے ہوئی ہے تینوں رشتے دار تھے اور شادی کی تقریب میں شرکت کے لئے علی گڑھ سے چندی گڑھ آئے تھے .
بھارتی فوج پر ایک اور بڑا حملہ ہو گیا، 15 بھارتی فوجی ہلاک ہو گئے
باغی ٹی وی کی رپورٹ کے مطابق بھارتی ریاست مہاراشٹرا میں بھارتی فوج کی گاڑی پر حملہ کیا گیا جس سے گاڑی مکمل طور پر تباہ ہو گئی اور گاڑی میں سوار 15 فوجی ہلاک ہو گئے. واقعہ کی اطلاع ملنے پر سیکورٹی ادارے جائے وقوعہ پر پہنچ گئے
بھارت کی حکمران جماعت بی جے پی نے کہا کہ مودی وزیر اعظم بن گیا تو پاکستان کو گولی کا جواب گولوں سے دیا جائے گا
باغی ٹی وی کی رپورٹ کے مطابق بھارتی جنتا پارٹی کے صدر امت شاہ نے ایک انتخابی ریلی سے خطاب کرتے ہوئے کہا کہ مودی کو ایک بار پھر وزیر اعظم بناو اور پھر دیکھو پاکستان کی گولی کا جواب گولوں سے دیا جائے گا. امت شاہ نے مزید کہا کہ یہ پاکستان کو منہ توڑ جواب دینے کا الیکشن ہے۔
بھارت کے وزیر داخلہ راجناتھ سنگھ نے پاکستان کے خلاف ہرزہ سرائی کرتے ہوئے کہا ہے کہ پاکستان بھارت کے ساتھ اچھے تعلقات رکھنا چاہتا ہے تو بھارت کو مطلوب افراد ہمارے حوالہ کئے جائیں
باغی ٹی وی کی رپورٹ کے مطابق راجناتھ سنگھ نے بھارتی جریدے کو دئیے گئے ایک انٹرویو میں کہا کہ پاکستان اگر بھارت کے ساتھ تعلقات میں سنجیدہ ہے تو بھارت مخالف سرگرمیوں پر پابندی لگائے اور بھارت کو مطلوب افراد جو پاکستان میں ہیں وہ بھارت کے حوالہ کیے جائیں .راجناتھ سنگھ نے مزید کہا کہ عمران خان نئے نئے وزیر اعظم بنے ہیں ہم اسے وقت دینا چاہتے ہیں کہ وہ بھارت میں ہونے والے دہشت گردی کے واقعات میں ملوث تنظیموں کے ڈھانچوں کو بالکل ختم کریں اور کشمیر میں عسکریت پسندوں کی حمایت کرنا بند کریں. اس کے بعد ہی پاکستان سے بات چیت کی جا سکے گی .
واضح رہے کہ پاکستان پر الزام لگانا بھارت کی ریاستی پالیسی ہے، پاکستان میں ہونیوالی دہشت گری کی وادراتوں میں بھارت ملوث ہے. بھارتی نیوی کا حاضر سروس افسر کلبھوشن یادیو بھی پاکستان میں گرفتار ہے جو پاکستان میں دہشت گردی کا نیٹ ورک چلا رہا تھا
مقبوضہ کشمیر کے علاقے کولگام میں باردوی مواد پھٹنے سے دو بچے زخمی ہو گئے
باغی ٹی وی کی رپورٹ کے مطابق کولگام کے علاقے ہانچی پورہ میں باردوی شیل پھٹنے سے 12 سالہ شاہد اور 11 سالہ اخلاق زخمی ہو گئے جن کو طبی امداد کے لئے سرینگر کے ہسپتال میں منتقل کیا گیا، اخلاق کے منہ پر زیادہ زخم آئے ہیں. واقعہ کی اطلاع ملنے پر بھارتی پولیس نے علاقہ میں سرچ آپریشن شروع کر دیا ہے
ٹھٹھہ صادق آباد(نمائندہ باغی ٹی وی )وزیر خارجہ پاکستان شاہ محمود قریشی پانچ مئی کو جہانیاں کے نواحی گاوں چکنمر 138/10 آر میں جلسہ عام سے خطاب کریں گے۔یہ جلسہ پاکستان تحریک انصاف کی صوبائی اسمبلی کے ٹکٹ ہولڈر چوہدری خالد جاوید کی طرف سے منعقد کیا گیا ہے جس میں صوبائی وزیر ڈاکٹر اختر ملک،وفاقی وزیر سید حسین جہانیہ گردیزی اور دیگر حکومتی شخصیات شرکت کریں گی۔یاد رہے کہ چوہدری خالد جاوید شاہ محمود قریشی کے قریبی اور بااعتماد ساتھی ہیں
سابق وزیر داخلہ پیپلز پارٹی کے رہنما رحمان ملک سے سری لنکن ہائی کمشنر نورالدین محمد نے ملاقات کی ہے
باغی ٹی وی کی رپورٹ کے مطابق سری لنکن ہائی کمشنر نورالدین محمد نے سینیٹر رحمان ملک سے ان کی رہائشگاہ میں ملاقات کی ہے. رحمان ملک نے ایسٹر کے موقع پر ہونے والے بم دھماکوں کی مذمت کی. اس موقع پر رحمان ملک نے کہا کہ سری لنکا کےچرچ وہوٹلوں میں دھماکوں سےقیمتی جانوں کےنقصان پردلی افسوس ہوا، مشکل گھڑی میں ہم سب پاکستانی سری لنکا کےعوام کےساتھ کھڑے ہیں، رحمان ملک کا مزید کہنا تھا کہ داعش کی بڑھتی ہوئی دہشت گردی پرتشویش ہے،سب کو مل کردہشتگردوں کوکچلنا ہوگا، اس موقع پر سی لنکن ہائی کمشنر نے کہا کہ پاکستان نے ہرمشکل گھڑی میں سری لنکا کا ساتھ دیا اورآج بھی ساتھ ہے،پاکستان کاشکرگزارہوں کہ مشکل وقت میں پوری قوم نےیکجہتی کااظہارکیا.
واضح رہے کہ ایسٹر کے موقع پر سری لنکا میں ہونے والے دہشت گردی کے واقعات میں 350 کے قریب افراد ہلاک ہو گئے تھے جبکہ 500 سے زائد زخمی ہوئے تھے. پاکستان سمیت دنیا بھر نے ان بم دھماکوں کی مذمت کی تھی، داعش نےا س وقعہ کی ذمہ داری قبول کی تھی.
وفاقی وزیر داخلہ اعجاز شاہ نے کہا ہے کہ جب تک زندگی ہے کسی کو حرام نہیں کھانے دوں گا
باغی ٹی وی کی رپورٹ کے مطابق ننکانہ صاحب میں تقریب سے خطاب کرتے ہوئے وفاقی وزیر داخلہ نے کہا کہ مزدوروں کی پارٹی نےمزدوروں کےساتھ کیا کیا ،مزدوروں کی پارٹی پیسا کہاں لےگئی لوگوں کوجلدپتا چلےگا،ننکانہ صاحب میں مزدور ڈے کے موقع پر ہونے والی تقریب میں وزیر اعلیٰ پنجاب عثمان بزدار مہمان خصوصی تھے، تقریب میں صوبائی وزراء عنصر مجید خان اور ڈاکٹر یاسمین راشد بھی موجود تھیں. وفاقی وزیر داخلہ اعجاز شاہ نے کہا کہ ننکانہ صاحب میں یونیورسٹی بنانے کی تجویز تھی،اس یونیورسٹی کےلیے کبھی کسی علاقے کا نام لیا جاتا ہے تو کبھی کسی علاقے کا،خوشی ہےکہ اب یونیورسٹی کےلیےرقم رکھی گئی ہے .
واضح رہے کہ وزیر اعلیٰ پنجاب عثمان بزدار نے یوم مزدور کے موقع پر پنجاب کے مزدوروں کو رہائشی سہولیات دینے کے لئے لیبر کالونی کا افتتاح کر دیا، وزیر اعلیٰ پنجاب وارڈ برٹن ننکانہ صاحب پہنچے جہاں کالونی کا افتتاح کیا گیا،پہلے مرحلے میں مزدوروں کے لئے 208 فلیٹس تعمیر کئے گیے ہیں،. وزیر اعلیٰ پنجاب نے دورہ کے دوران فلیٹس میں سہولیات کا جائزہ بھی لیا.
پاکستان مسلم لیگ(ق) کی سنٹرل ایگزیکٹو کمیٹی کے رکن چودھری سلیم بریار نے کہا ہے کہ حکومت کا مقصد عوامی مسائل کا خاتمہ ہے ۔ نچلی سطح پر عوام کو سہولیات فراہم کر کے ترقیاتی سہولیات فراہم کر کے عوام الناس میں پائی جانے والی محرومیوں کا خاتمہ کرنا ہے ۔
مسلم لیگ(ق) کی قیادت نے ہمیشہ مخلص قیادت کا ساتھ دیا ہے اور جب عوام کی خدمت کی بات ہوتی ہے تو مسلم لیگ(ق) کے قائد چودھری شجاعت حسین اور چودھری پرویز الٰہی ہمیشہ عوام کے ساتھ ہوتے ہیں ۔
عوام کی خدمت مسلم لیگ(ق) کا مشن ہے ۔ انہوں نے مزید کہا کہ مسلم لیگ(ق) کی سیاست کا مقصد عوام کی خدمت کرنا ہے ۔ مسلم لیگ(ق) نے ہمیشہ عوام کے حقوق کے لئے اپنا مثبت کردار ادا کیا ہے ۔ چودھری شجاعت حسین اور چودھری پرویز الٰہی عوام کے حقیقی بے لوث لیڈر ہیں جنہوں نے اپنے سابق دور اقتدار میں تعلیم اور صحت پر ہنگامی بنیادوں پر کام کیا اور عوام کی ترجمانی کر کے ثابت کیا کہ مسلم لیگ(ق) ہی عوام کی حقیقی نمائندہ جماعت ہے ۔مسلم لیگ(ق) جمہوری پسند اور عوام کی خدمت کرنے والی جماعت ہے
بھارت میں ہندو انتہا پسند تنظیم شیوسینا نے برقع پر پابندی کا مطالبہ کر دیا
باغی ٹی وی کی رپورٹ کے مطابق بھارت کی ہندو انتہا پسند تنظیم شیو سینا کے صدر وشنو گپتا نے وزارت داخلہ کو خط لکھا ہے جس میں مطالبہ کیا ہے کہ عوامی مقامات اور سرکاری و پرائیویٹ اداروں میں حجاب، برقع، نقاب پر مکمل پابندی عائد کی جائے، بھارتی انتہا پسند تنظیم کے صدر نے خط میں لکھا کہ دہشت گرد برقع یا نقاب کی وجہ سے بچ جاتے ہیں جب پابندی ہو گی تو سی سی ٹی وی فوٹیج میں دہشت گرد واضح نظرآئیں گے. بھارتی ہندو انتہا پسند شیو سینا نے بھارتی وزیر اعظم مودی سے سوال پوچھتے ہوئے کہا کہ اگر راون کی لنکا میں برقع پرپابندی لگ سکتی ہے تورام کے ایودھیا میں برقع پرپابندی کیوں نہیں لگ سکتی .