Baaghi TV

Blog

  • فلسطینیوں کو جو فارمولہ قبول ہوگا سعودیہ بھی اسی کی حمایت کرے گا.عادل الجبیر

    فلسطینیوں کو جو فارمولہ قبول ہوگا سعودیہ بھی اسی کی حمایت کرے گا.عادل الجبیر

    سعودی عرب کے وزیر مملکت برائے خارجہ امور نے کہا ہے کہ فلسطینیوں کو جو فارمولہ قبول ہوگا سعودیہ بھی اسی کی حمایت کرے گا.

    تفصیلات کے مطابق سعودی عرب کے وزیر مملکت برائے خارجہ امور عادل الجبیر نےکہا ہے کہ جس امن فارمولے کو فلسطینی قوم قبول کرے گی اس پرعرب ممالک بھی اتفاق کریں‌گے۔ ان کا کہنا ہے کہ فلسطینیوں کے معاشی مسائل کےحل کی کوششوں کےساتھ ساتھ فلسطینیوں کےدیرینہ سیاسی حقوق کے حل کے لیے بھی موثر انداز میں‌کوشش کی جانی چاہیے تاکہ فلسطینیوں اور اسرائیل کےدرمیان جاری تنازع کو حقیقی معنوں‌میں ختم کیا جا سکے۔

    انہوں‌نے کہا کہ ہر وہ تجویز جس سے فلسطینیوں کے حالات کی بہتری کی راہ ہموار ہو اس کا خیر مقدم کیا جانا چاہیے۔ یہاں میں یہ کہوں‌گا کہ فلسطینیوں کےسیاسی حقوق کا حل حد درجہ اہم اور ناگزیر ہے۔

    عادل الجبیر نے مزید کہا کہ سعودی عرب سنہ 1967ء کے عرب علاقوں پر مشتمل فلسطینی ریاست کے قیام اور مشرقی بیت المقدس کو فلسطینی مملکت کا دارالحکومت بنائے جانے کے مطالبے کی حمایت جاری رکھے گا۔

  • اسلام آباد میں ہندو ٹیمپل اور شمشان گھاٹ کی تعمیر کیلئے درخواست دائر

    اسلام آباد میں ہندو ٹیمپل اور شمشان گھاٹ کی تعمیر کیلئے درخواست دائر

    ہندو ٹیمپل اور شمشان گھاٹ کی تعمیر کے لئے اسلام آباد میں مقیم ہندو برادری نے عدالت سے رجوع کر لیا

    باغی ٹی وی کی رپورٹ کے مطابق ہندو ٹیمپل اور شمشان گھاٹ کی تعمیر کے لئے وفاقی دارالحکومت اسلام آباد میں مقیم ہندو برادری نے اسلام آباد ہائیکورٹ میں درخواست دائر کر دی. درخواست گزار ہندو اشوک چند کی جانب سے یاسر چودھری ایڈوکیٹ عدالت میں پیش ہوئے، اسلام آباد ہائی کورٹ کےجسٹس میاں گل حسن اورنگزیب نےکیس کی سماعت کی .

    دوران سماعت وکیل نے عدالت میں کہا کہ 2سال کےعرصہ میں3افرادفوت ہوئے،مجبوری میں انہیں دفناناپڑا،وکیل کا مزید کہنا تھا کہ اسلام آباد میں158ہندوخاندان رہ رہے ہیں، جب کوئی فوت ہو جائے تو مجبورا میتوں کو اٹک یا عمر کوٹ لے کر جانا پڑتا ہے گرم موسم کی وجہ سے ڈیڈ باڈی خراب ہو جاتی ہے، درخواست گزار کا کہنا تھا کہ پاکستان میں بسنے والے ہندو بھی پاکستانی ہیں اور دیگر عوام کی طرح ہمیں بھی اپنے حقوق دئیے جائیں. عدالت نے درخواست پر سیکرٹری مذہبی امور اور چیئرمین سی ڈی اے سے جواب طلب کر لیا .

    واضح رہے کہ پشاور ہائیکورٹ میں اس طرز کی ایک درخواست دائر کی گئی تھی جس میں شمشان گھاٹ کے لئے مطالبہ کیا گیا تھا، بابا جی گروپال سنگھ کے مطابق خیبر پختونخوا میں 60,000 کے لگ بھگ بھگ سکھ اور ہندو آباد ہیں لیکن ان کے لیے شمشان گھاٹ اور مذہبی طریقے سے آخری رسومات ادا کرنے کے لیے کوئی مناسب جگہ نہیں ہے۔ سکھ کمیونٹی کی جانب سے بابا جی گروپال سنگھ نے عدالت کو بتایا تھا کہ ان کی برادری میں میت کی آخری رسومات کے لیے انھیں صوبہ پنجاب کے شہر اٹک جانا پڑا کیونکہ پشاور اور صوبے کے دیگر اضلاع میں ان کے لیے کوئی شمشان گھاٹ نہیں ہے۔

  • جانیے ایسے شخص کو جس کا دل دائیں جانب اور جگر بائیں جانب

    جانیے ایسے شخص کو جس کا دل دائیں جانب اور جگر بائیں جانب

    دنیا کا ایسا انسان کہ جس کا دل دائیں جانب اور جگر بائیں جانب قدرت کا کرشمہ دنیائے طب کو ورطہ حیرت میں ڈال گیا

    باغی ٹی وی رپورٹ :قدرت کے کارخانہ کا نظام ایسا ہے کہ انسانی جسم کے اندرونی اعضاء ایک خاص ترتیب سے نصب ہیں، دل بائیں جانب تو جگر دائیں طرف موجود ہے، معدہ قریب قریب مرکز میں ہے تو لبلبہ بھی اپنی جگہ بنائے ہوئے ہے۔

    انسانی جسم میں اندرونی اعضا کی انہی ترتیب کے باعث علاج ومعالجے کے تمام تقاضے پورے کیے جاتے ہیں تاہم دنیا ایک عجائب خانہ ہے جہاں کچھ بھی ناممکن نہیں۔ قدرت کا کبھی ایسا بھی کرنا ہوتا ہےجب یہ ترتیب الٹ ہوتی ہےتو مخلوق حیران رہ جاتی ہے.
    اسے ہی واقعے کے سلسلے میں امریکی اسپتال میں ایک پناہ گزین مریض کو کھانسی اور سینے میں انفیکشن کی شکایت پر لایا گیا، مریض کے معائنے کے دوران زندہ مریض کی دل کی دھڑکن سنائی نہیں دی اور جگرلاپتہ تھا

    ڈاکٹرز نے مریض کے سینے کے ایکسرے لیے، پیٹ کا الٹرا ساؤنڈ کیا تو یہ راز کھلا کہ مریض کا دل بائیں جانب ہونے کے بجائے دائیں جانب تھا جب کہ جگر دائیں طرف ہوجانے کے بجائے بائیں اور تھا۔

    66 سالہ پناہ گزین مریض صحت مند زندگی گزار رہا تھا اور اب سے پہلے اسے اپنے اندرونی جسمانی اعضاء کے غلط سائیڈ پر موجودگی کا علم نہیں تھا اور نا ہی اسے کسی قسم کی جسمانی تکلیف تھی۔

    طبی سائنس میں جسمانی اعضا کے پیدائشی طور پر اپنی جگہ کے بجائے مخالف سمت میں ہونے کو Situs Inversus Totalis کے نام سے جانا جاتا ہے تاہم مریض کو کسی قسم کی تکلیف نہیں ہوتی اس لیے اکثر مریض اپنے اندرونی اعضا کی اس تبدیلی کو جانے بغیر ہی دنیا سے چلے جاتے ہیں۔

    طبی سائنس کی تاریخ میں Situs Inversus Totalis کے سب سے عمر رسیدہ مریض نے 99 سال کی عمر میں وفات پائی تھی اور اسے اپنی زندگی کے آخری سال اس جسمانی اعضا کی جگہ کی تبدیلی کا پتہ چلا تھا۔

  • لازمی نہیں جس کی سم استعمال ہو یا جس سے بر آمد ہو وہی قاتل ہو، سپریم کورٹ

    لازمی نہیں جس کی سم استعمال ہو یا جس سے بر آمد ہو وہی قاتل ہو، سپریم کورٹ

    سپریم کورٹ نے قتل کیس میں ریمارکس دیتے ہوئے کہا کہ لازمی نہیں جس کی سم استعمال ہو یا جس سے بر آمد ہو وہی قاتل ہو

    باغی ٹی وی کی رپورٹ کے مطابق سپریم کورٹ میں قتل کے ملزم کی ضمانت منسوخی کی درخواست پر سماعت ہوئی، چیف جسٹس آصف سعید کھوسہ کی سربراہی میں بینچ نے کیس کی سماعت کی. ملزم کے وکیل نے عدالت میں کہا کہ موبائل فون گم ہونے کا مقدمہ پہلے ہی درج کرا رکھا تھا ،میرے موکل کا موبائل گم تھا اور پولیس نے اسے قاتل قرار دے دیا. چیف جسٹس آصف سعید کھوسہ نے ریمارکس دیتے ہوئے کہا کہ پولیس تفتیش میں آج کل نیاطریقہ سامنے آرہا ہے،پولیس ورثاسے مقتول کا موبائل فون اورسم منگواتی ہے،سم ملزم کے موبائل فون میں ڈال کرریکوری ظاہرکردی جاتی ہے،کئی مقدمات میں یہ حقائق سامنے آچکے ہیں۔ چیف جسٹس کا مزید کہا تھا کہ پہلے مقتول کاشناختی کارڈاورپرس منگوایاجاتاتھا،لوگ لاوارث لاش کی گھڑی اورموبائل فون لے جاتے ہیں، لازمی نہیں جس کی سم استعمال ہویاجس سے ریکورہووہی قاتل ہو،

    عدالت نے ملزم کی ضمانت منسوخی کی درخواست واپس لینے کی بنیاد پر درخواست خارج کر دی. واضح رہے کہ ملزم گل فراز پر گزشتہ برس مانسہرہ میں قتل کا الزام تھا ،پولیس نے موبائل سم کی وجہ سے مبینہ قاتل کو پکڑا تھا.

  • بھارت میں دماغی بیماری سے ہلاکتیں خطرناک حد تک بڑھ گئیں

    بھارت میں دماغی بیماری سے ہلاکتیں خطرناک حد تک بڑھ گئیں

    بھارت میں‌ دماغی بیماری سے ہلاکتیں سینکڑے سے بھی تجاوز کر گئی.علاقے میں خوف و ہراس کے پہرے، بچے خاص نشانہ

    باغی ٹی وی رپورٹ کے مطابق بھارت میں "اینسفالٹ "کے نام سے پہچانی جانے والی دماغی انفیکشن کی بیماری سے ہلاکتوں کی تعداد 145 تک جا پہنچی ہے۔

    بھارت کے روزنامہ انڈیا ٹو ڈے کے مطابق ملک کے مشرقی صوبے بہار میں آکیوٹ اینسفالٹ سینڈروم کی وجہ سے 145 بچے موت کے منہ میں جا چکے ہیں۔

    خبر کے مطابق بیماری کی وجہ سے ہونے والی ہلاکتوں میں سے 129 مظفر پور میں ہوئی ہیں۔

    رواں مہینے کے آغاز سے صوبے کے 16 مختلف مقامات پر 600 سے زائد بچوں میں مذکورہ متعدی بیماری کی تشخیص ہوچکی ہے۔

    ڈاکٹروں نے تاحال اس بیماری کی وجوہات کا تعین نہیں کیا تاہم ماہرین کے مطابق بھارت کے غریب ترین صوبے بہار میں یہ متعدی بیماری کچی لیچی کے استعمال سے پھیلی ہے۔

    بیماری خاص طور پر بچوں کو متاثر کر رہی ہے اور اس میں مبتلا مریضوں کے دماغ میں سوجن ، قے اور شدید بخار کی علامتیں دیکھی جا رہی ہیں۔

  • برطانیہ : سکھوں کا پاکستان اور وزیراعظم عمران خان سے والہانہ اظہار محبت

    برطانیہ : سکھوں کا پاکستان اور وزیراعظم عمران خان سے والہانہ اظہار محبت

    لارڈز کرکٹ گراؤنڈ میں سکھوں نے پاکستان کرکٹ ٹیم کو وزیراعظم عمران خان کے فیصلوں سے خوش ہو کر سپورٹ کرنا شروع کر دیا.اور پاکستان اور عمران خان سے اپنے والہانہ محبت کا اظہار بھی کیا.

    باغی ٹی وی رپورٹ کے مطابق برطانیہ میں سکھ کمیونٹی نے قومی کرکٹ ٹیم کو سپورٹ کرنا شروع کر دیا..پاکستان اور بھارت کے درمیان کشیدہ تعلقات کے باوجود حکومت پاکستان کے اقدامات نے بھارت میں عمران خان کی مقبولیت میں اضافہ کردیا ہے۔

    لارڈز گراؤنڈ کے باہر ایک سکھ کا کہنا تھا کہ 72 سال بعد ایک ایسا لیڈر آیا ہے جس نے سکھوں کیلئے بارڈر کھولا ہے، میں پاکستان کی اس لیے حمایت کررہا ہوں کیونکہ بابا گرونانک پاکستان کے پنجاب میں دفن ہیں۔

    سکھ برادری کے مطابق وزیراعظم پاکستان عمران خان کی جانب سے کرتارپور بارڈر کھولنے کے اعلان کے بعد برادری ورلڈکپ میں پاکستانی کرکٹ ٹیم کی حمایت کررہی ہے کیونکہ آدھا پنجاب پاکستان میں ہے اور ہمیں بھارت میں لاہور والا کہا جاتا ہے، اس لیے ہم نے کھلم کھلا پاکستان ٹیم کو سپورٹ کرنے کا فیصلہ کیا ہے۔

    ان کا کہنا تھا کہ پاکستان ہمارا پڑوسی ہے، میں بھارت کی طرح پاکستان کو بھی سپورٹ کررہا ہوں۔

    لارڈز کے باہر شائقین کرکٹ پاکستانی ٹیم کیلئے بھرپور سپورٹ اور عمران خان سے والہانہ محبت کا اظہار کرتے دکھائی دیئے اور ایسا لگ رہا تھا کہ جنوبی افریقا کے تماشائی گراؤنڈ میں نہیں ہیں کیونکہ ہر جانب پاکستان کی گرین شرٹس اور پرچم تھے۔

  • گھر کی دیوار گرنے سے 4 سالہ بچہ جاں بحق

    گھر کی دیوار گرنے سے 4 سالہ بچہ جاں بحق

    گجرات (نمائندہ باغی ٹی وی)نواحی گاﺅں چک مرتضیٰ میں زیرتعمیرمکان کی دیوارگرنے سے چارسالہ بچہ جاں بحق،بتایاجاتا ہے کہ نواحی گاﺅں چک مرتضیٰ کے رہائشی محمد شہزاد کا چار سالہ بیٹا نجم شہزادگھر کے صحن میں کھیل رہاتھا کہ مبینہ طور پر زیر تعمیر دیوار کے ساتھ ریت پھینکنے سے دیوارزمین بوس ہوگئی اور کم سن نجم شہزاددیوارتلے آکربری طرح زخمی ہوگیااور زخمو ں کی تاب نہ لاتے ہوئے دم توڑگیا،متوفی کو سینکڑوں سوگواروں کی موجودگی میں سپردخاک کردیاگیا۔

  • اوبر اور کریم پر خواتین کے لئے سفر ہوا غیر محفوظ

    اوبر اور کریم پر خواتین کے لئے سفر ہوا غیر محفوظ

    آن لائن ٹیکسی ،اوبر و کریم پر خواتین کے لئے سفر کرنا غیر محفوظ ہو گیا. کیپٹن نے خواتین کے ساتھ لوٹ مار کے علاوہ ہراساں کرنا شروع کر دیا، شہر قائد کراچی میں ایسے متعدد واقعات ہو چکے جن میں پولیس نے ملزمان کو خواتین کی شکایات پر گرفتار کر لیا

    باغی ٹی وی کی رپورٹ کے مطابق شہر قائد کراچی میں آن لائن ٹیکسی اوبر اور کریم کے ڈرائیورز کی جانب سے خواتین کو ہراساں کرنے کے متعدد واقعات سامنے آئے ہیں. ایس ایس پی ساؤتھ کے مطابق آن لائن ٹیکسی ڈرائیورز کی جانب سے خواتین کو ہراساں کیے جانے کے واقعہ پر خاتون نے پولیس کو اطلاع دی تو پولیس نے کارروائی کرتے ہوئے ایک ملزم کو گرفتار کر لیا ہے، ملزم باقر علی جعلی آئی ڈی سے آن لائن ٹیکسی چلا رہا تھا جس نے گاڑی میں سفر کرنے والی خاتون سے موبائل فون چھینا تھا، پولیس نے موبائل کی لوکیشن ٹریس کر کے ملزم کو گرفتار کر لیا ہے.

    کراچی کے علاقے عزیز بھٹی پولیسں اور اینٹی اسٹریٹ کرائم اسکواڈ نے بھی کارروائی کرتے ہوئے شہریوں سے لوٹ مار میں ملوث آن لائن ٹیکسی سروس کے 4 ڈرائیورز کو گرفتارکیا ہے، جو خواتین سے دوران سفر لوٹ مار کرتا تھا. پولیس نے ڈرائیور اعجاز، عمر،فواد اور ساجد کو گرفتار کیا ، ملزمان کی گاڑی میں جو خواتین سفر کرتیں ان کو ہراساں کیا جاتا اور ان سے موبائل و نقدی ویرانے مین جا کر چھین لی جاتی، لاہور کی رہائشی خاتون نے کراچی میں آن لائن ٹیکسی پر سفر کیا تو ڈرائیور کی جانب سے موبائل چھینے جانے پر اس نے پولیس کو اطلاع دی ،پولیس نے ملزمان کو گرفتار کر لیا.

    لاہور سے کراچی میں اوبر ٹیکسی پر سفر کرنے والی خاتون اقرا حمید کا کہنا تھا کہ میں اپنی چھُٹیاں گزارنے کراچی آئی ہوئی تھی، میں نے تین جون کو آن لائن ٹیکسی سروس اوبر سے ایک رائیڈ بُک کروائی ، ڈرائیور مجھے گارڈن ٹاؤن سے لینے کے لیے آیا۔ راستے میں ڈرائیور نے گاڑی دوسرے راستے کی طرف موڑی تو میں نے کہا کہ آپ اُس طرف کیوں جا رہے ہیں؟ جس پر ڈرائیور نے جواب دیا کہ یہ چھوٹا راستہ ہے اور یہاں ٹریفک بھی زیادہ نہیں ہوتی ۔ خاتون کا کہنا تھا کہ میں نے ڈرائیور کو کہا کہ آپ دوسرے راستے سے جائیں ،لیکن وہ نہیں مانا، راستے میں میزان بینک کے پاس میں نے ڈرائیور کو کہا کہ گاڑی روکو لیکن وہاں رش ہونے کی وجہ سے اس نے گاڑی نہیں روکی اور ایسے میزان بینک کے پاس روکی جہاں رش نہیں تھا، ڈرائیور نے مجھے اسوقت کہا کہ اپنا موبائل فون گاڑی میں چھوڑ کا جاو،اس موقع پر اس نے بدتمیزی کی اور ہراساں کیا،خاتون کا کہنا تھا کہ میں اے ٹی ایم میں گئی اور درواز اندر سے لاک کر دیا ،جس کے بعد ڈرائیور موقع سے فرار ہو گیا.واقعہ کے بعد پولیس کو اطلاع دی اور پولیس نے ملزمان کو گرفتار کر لیا.پولیس کا کہنا ہے کہ ملزمان سے مزید تفتیش کی جا رہی ہے۔ خواتین کے ساتھ لوٹ مار میں آن لائن ٹیکسی کمپنی کے فرنچائز کے مالک کے خلاف بھی مقدمہ درج کر لیا گیا ہے.

    کراچی سے تعلق رکھنے والے مقامی صحافی منیر عقیل انصاری نے باغی ٹی وی سے گفتگو کرتے ہوئے کہا کہ آن لائن ٹیکسی سروس میں وارداتوں اور خواتین کو ہراساں کرنے کے واقعات کے بعد شہری دیگر ٹرانسپورٹ ذرا ئع کو ترجیح دینے لگے ہیں،آرام دہ سفر کے لئے سہولت سمجھے جانے والی آن لائن ٹیکسی سروس مختلف طریقوں سے عوام کو لوٹ رہی ہے تو ڈرائیو بھی ڈکیتی کی وارداتیں کرتے ہیں .جبکہ کریم کے بیشتر ڈرائیور کراچی راستوں سے نا واقف ہیں ،منیر عقیل انصاری کا مزید کہنا تھا کہ آن لائن ٹیکسی سکیم کراچی کے شہریوں کا اعتماد کھو چکی ہے.

  • صادق آباد میں‌خطرناک حادثہ

    صادق آباد میں‌خطرناک حادثہ

    تفصیلات کے مطابق صادق آباد احمد پورلمہ کے نزدیک کار اور کشمور جانے والی ہائی ایکس ویگن میں ٹکر. کار میں بیٹھی خاتون اور ڈرائیور زخمی.

  • سعودی عرب کے ایئر پورٹ پرحملے کی مزمت جاری

    سعودی عرب کے ایئر پورٹ پرحملے کی مزمت جاری

    حوثی باغیوں نے سعودی عرب کے ابھا ایئر پورٹ پر ایک اور ڈرون طیارےسے حملے کی شدید مزمت جاری

    باغی ٹی وی رپورٹ کے مطابق حوثی باغیوں کے ابہا ایئر پورٹ پر حملے کی مزمت جاری
    حوثی شدت پسندوں کی طرف سے سعودی عرب کے ابھا ہوائی اڈے پر کیے گئے ڈرون حملے کی شدید الفاظ میں مذمت جاری ہے۔ یمن کی وزارت خارجہ نے ایرانی حمایت یافتہ حوثی ملیشیا کے حملےکو کھلم کھلا دہشت گردی قراردیا ہے۔

    یمنی وزارت خارجہ کا کہنا ہےکہ حوثی ملیشیا اپنے مجرمانہ عزائم کی تکمیل کے لیے معصوم شہریوں اور شہری املاک پرحملے کررہی ہے۔ ابھا ہوائی اڈے پرحملہ حوثیوں کے ہاتھوں بین الاقوامی قوانین، انسانی حقوق اور بین الاقوامی اصولوں‌کی کھلی خلاف ورزی اور خطے میں ایران کے بڑھتے غیرقانونی اثرو رسوخ کا واضح ثبوت ہے۔

    خیال رہے کہ گذشتہ منگل کو سعودی عرب کے فضائی دفاع نے حوثیوں کےدو بم برادر ڈرون طیارے فضائی حدود میں مار گرائے تھے۔ قبل ازیں حوثی ملیشیا نے ابھا ہوائی اڈے پر گولہ باری کی تھی جس کے نتیجے میں 26 مسافر زخمی ہوگئے تھے۔ سلامتی کونسل نے سعودی عرب میں ہوائی اڈے پر حوثی ملیشیا کی گولہ باری کی شدید مذمت کرتے ہوئے اس میں ملوث عناصر کے خلاف سخت کارروائی کا مطالبہ کیا تھا۔