پاکستان مسلم لیگ ن کے مرکزی رہنما شاہد خاقان عباسی نے اپنے بیس سال کے گوشوارے ویب سائٹ پر جاری کرتے ہوئے وزیراعظم عمران خان اور ان کے وزرا سے مطالبہ کیا ہے کہ وہ بھی اپنے گوشوارے ویب سائٹ پر ڈال دیں۔ انہوں نے کہا ہے کہ اگر وزیر اعظم فائلوںکا تھوڑا مطالعہ کر لیتے یا کسی سے پوچھ ہی لیتے تو انہیں رات بارہ بجے یوں ٹی وی پر نہ آنا پڑتا.
باغی ٹی وی کی رپورٹکےمطابق شاہد خاقان عباسی سے لاہور میں پریس کانفرنس کے دوران اپنے دور میں لئے گئے قرضوںکا حساب پیش کر دیا اور کہاکہ پانچ ہزار ارب سود کی ادائیگی میں دیا گیا اور 3800 ارب روپے دفاع میں خرچ کیا گیا. نوازشریف کے دس ہزار ارب نے کیا کیا وہ سب کے سامنے رکھ دیا ہے. وزیر اعظم عمران خان کے دس ہزار ارب کیا کریں گے وہ بھی سب کے سامنے ہے۔ انہوں نے دعویٰ کرتے ہوئے کہاکہ موجودہ حکومت نے اگر دو سال مکمل کر لئے تو قرضوں میں دس ہزار ارب روپے کا اضافہ ہوگا. اسی طرح اگلے دو سال میں کوئی نیا منصوبہ نہیں بن سکے گا بلکہ مسلم لیگ (ن) کے جاری ترقیاتی منصوبے ہی مکمل ہوں گے۔
شاہد خاقان عباسی نے کہا کہ وزیر اعظم احتساب کی دھمکی دے رہے ہیں اور کہتے ہیں کہ کسی کو نہیںچھوڑیں گے. حقیقت یہ ہے کہ دس مہینے میں قومی اسمبلی اجلاسوں میں دس منٹ بھی عوام کیلئے بات نہیں کی گئی. اگر حکومت کل سب کو گرفتار کرلے گی تو حکومت بھی خود چلا لے گی۔ اس وقت جمہوریت اور معیشت کو خطرات درپیش ہیں.
پریس کانفرنس کے دوران شاہد خاقان عباسی کا کہنا تھا کہ آنے والے دنوں میں ملک میں کاروبار میں کمی آئے گی اور بیروزگاری بڑھے گی. ان کا کہنا تھا کہ نئے ٹیکس لگنے سے بیس تیس ہزار افراد بے روزگار ہوں گے، ترقی کی رفتار بھی کم ہوجائے گی۔ یاد رہے کہ وزیر اعظم نواز شریف نے کل پچھلے دس سال میں لئے گئے قرضوں کی تحقیقات کیلئے انکوائری کمیشن بنانے کا اعلان کیا ہے جس کے بعد شاہد خاقان عباسی کی طرف سے یہ پریس کانفرنس کی گئی ہے.
