گجرات (نمائندہ باغی ٹی وی)گجرات:ڈی پی او سید علی محسن کی قیادت میں گجرات پولیس کامجرمان اشتہاریوں کے خلاف آپریشن جاری، عرصہ نو سال سے قتل کے مقدمہ میں مطلوب خطرناک مجرم اشتہاری کو انٹر پول کے ذریعے دبئی سے گرفتارلیا گیا۔ تفصیلات کے مطابق ڈی پی او سید علی محسن کی سربراہی میں گجرات پولیس کا ضلع بھر میں مجرمان اشتہاریو ں کے خلاف آپریشن جاری۔ ایس ایچ او تھانہ دولت نگر انسپکٹر لیاقت حسین نے اپنی ٹیم کے ہمراہپیشہ ورانہ مہارت اور جدید سائنسی ٹیکنالوجی کی مدد سے قتل کے مقدمہ میں مطلوب انتہائی خطرناک مجرم اشتہاری کو گرفتار کرلیا۔ملزم ثاقب علی ولد نفاست علی قوم گجر سکنہ اگووال عرصہ نو سال سے روپوش تھا، جسے بیرون ملک دوبئی سے بذریعہ انٹرپول گرفتار کیا گیا۔
ڈی پی او گجرات نے اس بہترین کارکردگی پر ایس ایچ او تھانہ دولت نگر انسپکٹر لیا قت حسین اور ان کی ٹیم کو تعریفی سرٹیفکیٹ اور نقد انعام سے نوازا۔
Blog
-
ڈی پی او کی ہدایت پر پولیس قاتل کو کس ملک سے گرفتار کر کے لے آئی؟ بڑی خبر باغی ٹی وی پر
-
فیصل آباد الائیڈ ہسپتال کا ڈینٹل وارڈ ہیپاٹائٹس، کینسر اور ایڈز کا موجب بنے لگا
فیصل آباد الائیڈ ہسپتال کا ڈینٹل وارڈ ہیپاٹائٹس، کینسر اور ایڈز کا موجب بننے لگا، مریضوں کو دانتوں کی صفائی چیک اپ کے لئیے خون کے بغیر ٹیسٹ کئیے ہیپاٹائٹس بی اور سی نیگٹو کرکے دینے لگے ہیں۔ مریض کی شکایت پر میڈیکل سپریڈنٹ ڈینٹل نے انکوائری کمیٹی قائم کردی ہے۔مریض جنید کی جانب سے شکایت کی گئی تھی۔ڈینٹل وارڈ میں تعینات ملازم امتیاز احمد ہیپاٹائٹس کی رپورٹ نیگٹو کرکے دے رہا ہے۔ رپورٹ نیگٹو کروانے کی مد میں پیسے بٹور رہا ہے۔ میڈیکل سپریڈنٹ ڈینٹل نے مریض کی شکایت پر انکوائری کمیٹی قائم کردی ہے۔ جو شکایت مریض کی جانب سے ملی تھی وہ درست تھی، ملازم امتیاز احمد کی جانب سے جعلی رپورٹ ہیپاٹائٹس کی تیار کرکے دی جارہی تھی، ملازم کا اس طرح کا اقدام مریضوں کے لئیےخطرناک ہوسکتا ہے۔ ملازم کے خلاف کاروائی کے لئیے انکوائری الائیڈ ہسپتال کے میڈیکل سپریڈنٹ ڈاکٹر خرم الطاف کو بھجوادی ہے۔ڈاکٹر خالد بشیر ایم ایس الائیڈ ہسپتال فیصل آباد
-
وزیر اعظم عمران خان دورہ امریکہ اور ٹرمپ سے اہم ملاقات کب کریں گے؟ بڑی خبر آ گئی
وزیراعظم پاکستان عمران خان 20 جولائی کو امریکہ کا دورہ کریں گے.
باغی ٹی وی کی رپورٹ کے مطابق عمران خان امریکی صدر ڈونلڈ ٹرمپ سے بھی اہم ملاقات کریں گے. اس موقع پر وزیر خارجہ شاہ محمود قریشی بھی ان کے ہمراہ ہوں گے. عمران خان اپنے دورہ امریکہ کے دوران ڈونلڈ ٹرمپ سے اہم امور پر تبادلہ خیال کریں گے.
باغی ٹی وی کی رپورٹ کے مطابق وزیراعظم عمران خان سعودی عرب، ایران ،ترکی و دیگر ممالک کے دوروں کے بعد اب امریکہ جانے کا فیصلہ کر لیا ہے. چند دن قبل وزیراعظم عمران خان سے پاکستان تحریک انصاف امریکہ کے سینئر رہنما سجاد برکی اور عاطف خان نے وزیراعظم چیمبر پارلیمنٹ ہاوس میں ملاقات کی تھی جس میں وزیراعظم عمران خان کے آئندہ دورہ امریکہ سے متعلق تبادلہ خیال ہوا تھا.
وزیراعظم کا وزارت عظمیٰ کا حلف اٹھانے کے بعد پہلا دورہ امریکا ہو گا . واضح رہے کہ گزشتہ برس جب تحریک انصاف کی حکومت قیام میں آئی تھی اس وقت امریکی صدر ڈونلڈ ٹرمپ نے بیان دیا تھا کہ واشنگٹن نے اسلام آباد کو بہت کچھ دیا لیکن اس نے بدلے میں کچھ نہیں دیا.امریکی صدر کے بیان پر ردعمل دیتے ہوئے سماجی رابطے کی ویب سائٹ ٹوئٹر پرپیغام میں وزیر اعظم عمران خان نے کہا تھا کہ دہشت گردی کے خلاف جنگ میں پاکستان نے 75 ہزار جانیں قربان کیں اور معیشت کو ایک سو 23 ارب ڈالر کا نقصان بھی ہوا جبکہ امریکی امداد صرف 20 ارب ڈالر تھی۔ ستمبر 2001 کے حملے میں کوئی پاکستانی ملوث نہیں تھا لیکن پھر بھی پاکستان نے دہشت گردی کے خلاف عالمی جنگ میں امریکا کا ساتھ دینے کا فیصلہ کیا تھا۔ اس جنگ میں ہمارے قبائلی علاقے تباہ ہوئے جس کے نتیجے میں لاکھوں افراد بے گھر ہوئے، دہشت گردی کے خلاف اس جنگ نے پاکستانی عوام کی زندگیوں پر بدترین اثرات مرتب کیے .
-
سپریم کورٹ میں بلوچستان کے واحد جج کوراستے سے ہٹانے کی کوشش ہورہی ہے. امان اللہ کنزانی
صدرسپریم کورٹ بار امان اللہ کنرانی نے کہا ہے کہ سپریم کورٹ میں بلوچستان کے واحد جج کوراستے سے ہٹانے کی کوشش ہورہی ہے.
باغی ٹی وی کی رپورٹ کے مطابق انہوں نے کہاکہ بلوچستان سےتعلق رکھنےوالےچیئرمین سینیٹ کوبھی ہٹانےکی باتیں ہورہی ہیں. سپریم کورٹ میں بلوچستان کایہ واحد جج مستقبل کےچیف جسٹس بھی ہیں. بلوچستان سےالیکشن کمیشن کےممبرکاانتخاب بھی تعطل کاشکارہے. یہ ملک کےسیاسی عمل میں عدم پختگی ،انتقامی رویےپروان چڑھانےکےمترادف ہے.
انہوں نے کہا کہ بلوچستان میں عدم استحکام پیداکرکےملک کی سلامتی کودانستہ خطرےمیں ڈالاجارہاہے. یہ انتخاب حکومت ،اپوزیشن کی ہٹ دھرمی کےباعث تعطل کاشکارہے. بلوچستان سےالیکشن کمیشن کےممبرکاانتخاب بھی تعطل کاشکارہے.
-
بھارتی فضائیہ کی نااہلی یا خوف کے سائے اپنے ہی شہر پر بم گرادیئے
نئی دہلی:ایک طرف بھارتی لوک سبھا میں بھارتی فضائیہ کے جنگی طیاروں کو پہنچنے والےنقصان اور بھارتی فضائیہ کے پائیلٹوں کی اہلیٹ اور قابلیت پر گفتگو ہورہی تھی تو دوسری طرف امبالہ میں ایک اور بھارتی پائیلٹ نے وزارت دفاع کی طرف سے لوک سبھا کو دی جانے والی طفل تسلیوں پر بم گرا کے پانی پھیر دیا
اطلاعت کے مطابق بھارتی فضائیہ کے فائٹر جیٹ طیارے کے انجن سے پرندہ ٹکرا گیا، جس کے بعد ایک انجن فیل ہونے پر پائلٹ نے چھوٹے پریکٹس بم اور فیول ٹینک گرا دیئے۔رپورٹس کے مطابق حادثہ امبالہ کے قریب پیش آیا جہاں بھارتی فضائیہ کے جنگی جیگوار طیارے کے انجن سے پرندہ ٹکرا گیا، پائلٹ نے حواس باختہ ہو کر پریکٹس بم اور فیلو ٹینک گرا دیئے تاہم معاملے کا علم ہونے پر طیارہ محفوظ طریقے سے امبالہ میں لینڈ کر گیا۔پرندہ ٹکرانے کے حادثے میں کوئی جانی نقصان نہیں ہوا تاہم پائلٹ کو ابتدائی طبی امداد کے بعد فارغ کر دیا گیا۔
-
مقبوضہ کشمیر، نہتے نوجوانوں کا بھارتی فوجی قافلے پر دھاوا، گاڑیوں پر لاٹھیاں برساتے رہے
مقبوضہ کشمیر میں بھارتی فوجی قافلہ پر نہتے کشمیری ڈنڈوں اور لاٹھیوں سے ٹوٹ پڑے جس پر بھارتی فوجی بے بس ہو کر رہ گئے.
باغی ٹی وی کی رپورٹ کے مطابق بھارتی فوج کا ایک کانوائے نام نہاد سرچ آپریشن کیلئے علاقہ میں داخل ہوا تو مقامی کشمیری لاٹھیاں، ہاکیاں اورڈنڈے لیکر آ گئے اور بھارتی فوجی قافلے کے آگے دیوار بن کر کھڑے ہو گئے. اس دوران کشمیری نوجوانوں نے اسلام، آزادی اور پاکستان کے حق میں فلک شگاف نعرے لگائے.
نہتے کشمیریوں کی شدید مزاحمت پر بھارتی فوجی مکمل طور پربے بس نظر آئے. اس دوران کشمیری نوجوان موبائل سے ہندوستانی فوجیوںکی بے بسی اور نوجوانوں کے فوجی گاڑیوں پر دھاوا بولنے کی ویڈیو بھی بناتے نظر آئے. سوشل میڈیا پر یہ ویڈیو تیزی سے وائرل ہوئی ہے.
واضح رہے کہ آج ہی بھارتی وزیر داخلہ نے مقبوضہ کشمیر کا دورہ کیا اور کشمیریوںکے خلاف سخت اقدامات کی ہدایات کی ہیں تاہم کشمیری نوجوانوں کا جذبہ حریت دن بدن مزید پروان چڑھ رہا ہے.
-
روس ایس-400 سے آگے ایس-500 میزائل سسٹم بنانے میں کامیاب ہوگیا.امریکہ پر خوف کے سائے
ماسکو:دنیا بھر میں کئی سالوں سے زیر بحث آنے والا روس کا دفاعی میزائل سسٹم ایس -400 جسے امریکہ کسی صورت برداشت کرنے کے لیے تیار نہیں تھا اور ترکی،بھارت اور دیگر کئی ملکوں کو یہ دفاعی نظام نہ خریدنے کے لیے دباو ڈال رہا تھا کہ دوسری طرف روس نے ایس -400 سے زیادہ بہتر خوبیوں کا حامل جدید ایس -500 دفاعی میزائل سسٹم متعارف کروا کے امریکہ کی نیندیں حرام کردی ہیں.
ماسکوسے آمدہ اطلاعات کےمطابق روس نے جدید صلاحیتوں کے حامل زمین سے فضا میں مار کرنے والے ‘ایس 500 سیم’ میزائل کا کامیاب تجربہ کیا ہے۔روسی وزارت دفاع کے مطابق ایس 500 سیم میزائل کے حمتی مرحلے میں کامیابی کے بعد میزائل سسٹم کی سیریز پروڈکشن کیلئے تیار ہے۔یہ لانگ رینج میزائل سسٹم جدید اینٹی میزائل صلاحیتوں سے لیس ہے۔یاد رہے کہ روس کے دفاعی نظام میں بہتری اور جدت کے بعد امریکہ نے روس کو گھیرنے کے لیے خلا میں دفاعی سسٹم قائم کرنے کا فیصلہ کیا تو روس نے بھی خلا میں امریکہ جارحیت کا مقابلہ کرنے کا عزم کیا ہوا ہے .یہی وجہ ہے کہ اب روسی ایس -400 اور ایس -500 کے کامیاب تجربے کے بعد دونوں ملکوں کے درمیان کشیدگی کے بڑھنے کے قوی امکان ہیں.
-
وزیر خارجہ شاہ محمود قریشی کا ایسا اعلان کہ افغان شہریوں میں خوشی کی لہر دوڑ گئی
پاکستانی وزیر خارجہ شاہ محمود قریشی نے کہا ہے کہ افغانستان میں امن و استحکام پاکستان اور خطے کی ترقی وخوشحالی سے جڑا ہوا ہے. ہم نے طور خم بارڈر 24 گھنٹے کھلا رکھنے کا فیصلہ کیا ہے۔
باغی ٹی وی کی رپورٹ کے مطابق شاہ محمود قریشی نے کہاکہ جلد پاکستانی مشیر تجارت عبد الرزاق داﺅد افغانستان کا دورہ کریں گے ۔ آنےو الے دنوں میں تعلقات میں مزید استحکام آئے گا. انہوں نے کہاکہ پاکستان اور افغانستان نے ساتھ ملکر چلنے کا فیصلہ کیاہے جبکہ دونوں ملکوںکے درمیان تعلقات کو فروغ دینے پر اتفاق کیا گیا ہے.
واضح رہے کہ افغان صدر اشرف غنی نے وزیراعظم عمران خان سے ملاقات کی اور بالخصوص تجارت، سیکورٹی اور عوامی سطح پر روابط سمیت مختلف شعبہ جات میں دوطرفہ تعلقات کو مضبوط بنانے پر توجہ مرکوز کی ہے۔ دونوں رہنماﺅں کے درمیان ون ٹو ون ملاقات جمعرات کو وزیراعظم ہاﺅس میں ہوئی جس میں انہوں نے مشترکہ مذہب، ثقافت اور تاریخ سے عبارت برادرانہ تعلقات کی اہمیت کو اجاگر کیا۔ دونوں رہنماوں نے علاقائی امن و استحکام کو یقینی بنانے کیلئے مضبوط تعاون کی ضرورت پر زور دیا۔
بعدازاں دونوں رہنماﺅں نے وفود کی سطح پر مذاکرات کی قیادت کی جس میں تجارتی، سیاسی، معاشی، سلامتی، امن و مفاہمت، تعلیم و عوامی سطح پر تبادلوں سمیت وسیع تر شعبہ جات کا احاطہ کیا گیا۔
-
روس: مسافر طیارےکی ہنگامی لینڈنگ طیارے کو آگ لگ گئی، 2 پائلٹ ہلاک 7 زخمی
ماسکو:طیارے کی ہنگامی لینڈنگ نتیجے میں دو پائیلٹ ہلاک جبکہ 7 مسافر زخمی ہوگئے. اطلاعات کے مطابق روس میں بریاتیہ کے نز ہیننگارسک ہوائی اڈے پر جمعرات کو ایک ہوائی جہاز کے ہنگامی لینڈنگ کے دوران دو پائلٹ ہلاک ہو گئے اور سات دیگر زخمی ہو ئے۔ اس حادثے میں 42 مسافروں کو بچا لیا گیا ہے۔
طیارے کی ہنگامی لینڈنگ اور نقصان کے بارے میں چیف پریس سکریٹری ا لیکسی فشیووکا کہنا ہے کہ آنگرا ایئر لائنز کے اے این -24 طیارے نے نز ہیننگارسک ہوائی اڈے سے علی الصبح اولان-اودے کے لئے پرواز بھری تھی۔ پرواز کے فورا بعد ہی طیارے کا ایک انجن فیل ہو گیا۔عملے کے ارکان نے طیارے کو واپس ہوائی اڈے پراتارنے کا فیصلہ کیا۔
ابتدائی معلومات کے مطابق ہنگامی لینڈنگ کے دوران طیارہ رن وے سے 100 میٹر آگے نکل گیا اور ایک اشتہاری بورڈ سے جاٹکرایا جس کے بعد اس میں آگ لگ گئی۔ اس حادثے میں دو پائلٹ ہلاک اور سات دیگر زخمی ہو گئے۔چھ زخمیوں کو ہسپتال میں داخل کرایا گیا ہے۔ ریسکیو اہلکاروں نے ایک بچہ سمیت 42 مسافروں کو ہوائی جہاز سے محفوظ طریقے سے باہر نکالا۔
-
دنیاپور : ڈکیتی کی وارداتوں میں اضافہ
دنیاپور ( نمائندہ باغی ٹی وی) شہر میں دن دیہاڑے ڈکیتی کی واردات تین مسلح ڈاکو زرعی ادویات کے ڈیلر سے ہزاروں روپے کی نقدی چھین کر فرار تفصیل کے مطابق گزشتہ روز تین مسلح ڈاکو سرشام ماڈل ٹاؤن روڈ پر واقع زرعی ادویات ڈیلر شاپ پر دھاوا بولتے ہوئے تاجر ظفر اقبال سے 25 ہزار روپے کی نقدی چھین کر لے گئے اور مزاحمت اس کو پسٹل کا بٹ مار کر زخمی کردیا ، مزید یاد رہے کہ ایک ماہ قبل بھی ڈکیتی کی واردات میں گورمے کولا کی ڈسٹری بیوٹر شاپ پر 5 لاکھ روپے لوٹ لئے گئے تھے