قومی اسمبلی اجلاس میں شرکت کے لئےو زیر اعظم پارلیمنٹ ہاوس پہنچ گئے
باغی ٹی وی کی رپورٹ کے مطابق وزیر اعظم عمران خان قومی اسمبلی کے اجلاس میں شرکت کے لئے پارلیمنٹ ہاوس پہنچ گئے، اپوزیشن کی جانب سے وزیر اعظم کے ایوان میں نہ آنے پر بھر پور احتجاج کیا گیا تھا جس کے بعد عمران خان گزشتہ ہفتے بھی ایک روز اسمبلی میں گئے تھے ،آج بھی وہ اسمبلی اجلاس میں شرکت کریں گے. اسمبلی اجلاس میں چھبیسویں آئینی ترمیم منظور کرائے جانے کا امکان ہے۔
پیپلز پارٹی کے چیئرمین بلاول زرداری نے کہا ہے کہ وزیر اعظم پر کون نظر رکھے گا؟
باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر پیپلز پارٹی کے چیئرمین بلاول زرداری نے کہا کہ وزیر اعظم پر کون نظر رکھے گا کہیں وہ خود کشی نہ کر لیں، بلاول زرداری نے پاکستان تحریک انصاف کو پی ٹی آئی آئی ایم ایف لکھا. بلاول زرداری نے وزیر اعظم عمران خان پر طنز کیا ہے کیونکہ عمران خان نے اقتدار میں آنے سے قبل کہا تھا کہ خود کشی کر لوں گا مگر آئی ایم ایف کے پاس نہیں جاون گا جس کی وجہ سے وزیر اعظم پر بہت زیادہ تنقید کی جار ہی ہے، دو روز قبل مسلم لیگ ن کے رہنما خواجہ آصف نے کہا تھا کہ اگر خود کشی سے آگے کچھ ہے تو وزیر اعظم کو وہ کر لینا چاہئے.
So who’s got our PM on suicide watch then? #PTIMF
— Bilawal Bhutto Zardari (@BBhuttoZardari) May 13, 2019
واضح رہے کہ پاکستان اور آئی ایم ایف کے مابین قرض کے لئے معاملات طے ہو چکے ہیں،. آئی ایم ایف 39 مہینوں میں پاکستان کو 6 ارب ڈالر کا قرضہ دے گا،
جیو نیوز میں تنخواہوں کی عدم ادائیگی کی وجہ سے ملازمین نے ہڑتال کرتے ہوئے تالہ بندی کر دی ہے
باغی ٹی وی کی رپورٹ کے مطابق جیو ملازمین نے تنخواہیں نہ ملنے کی وجہ سے ہڑتال کا اعلان کیا تھا آج سوموار کی صبح سے جیو ٹی وی پر صرف بلیٹن چل رہے ہیں رپورٹرز و عملے کی ہڑتال کی وجہ سے کوئی بریکنگ نہیں چلے گی ،دوسری جانب جیو کے سوشل میڈیا اکاونٹس پر بھی کام رک گیا ہے، صبح دس بجے کے بعد سے اب تک کوئی ٹویٹ نہیں کی گئی. جیو کے ٹویٹر اکاونٹ پر ہر وقت خبریں آ رہی ہوتی تھیں لیکن آج وہ بھی معطل ہو کر رہ گیا ہے ،اگر جیو انتظامیہ نے ملازمین کو تنخواہیں نہ دیں تو شام چھ بجے کے بعد جیو بلیک آوٹ ہو جائے گا یعنی سکرین بلیک ہو جائے گی.
جیو ٹی وی میں تنخواہیں نہ ملنے پر آج سے رپورٹرز سمیت تمام عملے نے ہڑتال کر دی، آج جیو پر کوئی بریکنگ نہیں آئے گی.
باغی ٹی وی کی رپورٹ کے مطابق ملک کا سب سے بڑا میڈیا کا ادارہ ہونے کے دعویدار جیو نیوز نے کارکنان کو تنخواہیں نہ دیں جس کی وجہ سے رپورٹرز سمیت تمام عملے نے آج سوموار کو ہڑتال کا اعلان کیا ہے. جیو ٹی وی میں صبح دس بجے سے کوئی بریکنگ نہیں چل رہی صرف بلیٹن چل رہے ہیں. جیو کے ورکرز کا کہنا ہے کہ اگر جیو انتظامیہ نے ہماری بات نہ سنی اور تنخواہیں ادا نہ کیں تو شام چھ بجے سے جیو کو بالکل بند کردیں گے اوربلیک آوٹ پو جا ئے گا. جیو کے مالکان اسلام آباد میں موجود ہیں، لاہور اور کراچی کے بیوروچیف بھی اسلام آباد پہنچ چکے ہیں شام تک ان کے درمیان مذاکرات متوقع ہیں اگر تنخواہیں نہ میں تو جیو آج ہو گا بند
گجرات(نمائندہ باغی ٹی وی) انجمن بہبودی مریضاں کی فنڈ ریزنگ کا سلسلہ جاری ہے۔ جاوید بٹ جنرل سیکرٹری انجمن بہبودی مریضاں کی قیادت میں شیخ ظہیر احمد، شیخ سہیل منیر، مرزا خالد محمود اور خادم علی خادم نے فنڈ ریزنگ میں حصہ لیا۔ پندرہ لاکھ سے زیادہ کے فنڈ اکٹھے ہو گئے۔ آج فنڈ ریزنگ ر یلوے روڈ پر کی گئی۔ ریلوے روڈ کی تاجر برادری نے انجمن بہبودی مریضاں کے لیے زیادہ سے زیادہ فنڈز دیئے۔ انجمن بہبوید مریضاں سالانہ ایک کروڑ دس لاکھ سے زیادہ کی میڈیسن کمرہ نمبر 28 اور کمبرہ نمبر 15 میں مستحق مریضوں کو مفت ادویات فراہم کی جاتی ہیں جو گورنمنٹ ادویات فراہم نہیں کرتی وہ ادویات انجمن بہبودیمریضاں مستحق مریضوں کو فراہم کرتی ہے۔ جتنے زیادہ فنڈ اکٹھے ہوں گے اتنے ہی زیادہ مریضوں کو ادویات فراہم کریں گے۔
رمضان المبار ک کے مہینے میں شریف خاندان کے لئے اچھی خبر آ گئی
باغی ٹی وی کی رپورٹ کے مطابق سابق وزیر اعظم نواز شریف کے بڑے بیٹےحسین نواز کے بیٹے زید حیسن نے قرآن مجید حفظ کر لیا ہے. سماجی رابطے کی ویب سائٹ ٹویٹر پر ٹویٹ کرتے ہوئے انہوں نے کہا کہ میں اللہ تعالیٰ کا شکر ادا کرتا ہوں کہ اللہ تعالیٰ نے مجھے قرآن مجید حفظ کرنے کی توفیق عطا فرمائی، انہوں نے مزید کہا کہ میری دادی جان (نواز شریف کی اہلیہ) نے میرے لئے بہت دعائیں کی تھیں ان کی دعاوں کی وجہ سے میں اس منزل تک پہنچا کہ قرآن مجید حفظ کر لیا
الحمدلله حمداً كثيرا.
اللہ تعالی کے فضل اور کرم سے اور ماں باپ کی دعاوں سے میں نے قرآن پاک مکمل حفظ کر لیا ہے میری دادی جان جنہوں نے میرے لئے بہت دعائیں کی انکی دعاوں سے میں آج اپنی منزل پر پہنچا ہوں اللہ تعالی میری دادی جان کو جنت الفردوس میں اعلی مقام عطا فرمائے آمین۔ pic.twitter.com/qpDB0ZkpUX— Zayd Hussain Nawaz Sharif (@zayd280) May 12, 2019
لاہور کی احتساب عدالت نے تحریک انصاف کے رہنما سابق صوبائی وزیر عبدالعلیم خان کے جوڈیشل ریمانڈ میں 27 مئی تک توسیع کر دی۔
باغٰی ٹی وی کی رپورٹ کے مطابق علیم خان کیس کی سماعت مقامی عدالت میں ہوئی .عدالت نے نیب سے پوچھا کہ علیم خان کے خلاف ریفرنس کی کیا رپورٹ ہے جس پر نیب کے وکیل نے کہا کہ علیم خان کی بیرون ملک جائیداد سے متعلق ریکارڈ کا انتظار ہے. اس کے بعد ریفرنس دائر کریں گے. عدالت نے سماعت ملتوی کر دی. واضح رہے کہ آمدن سے زائد اثاثوں اور آفشور کمپنیوں کے کیس کی سماعت جسٹس جواد الحسن نے کی .
فیصل آباد میں قبضہ مافیا نے پنجے جما لئے۔ غلام محمد آباد مین بازار میں کروڑوں روپے مالیت کے مکان پر قبضہ کرتے ہوئے بااثر افراد نے اہلخانہ کو گھر سے زبردستی نکال دیا۔
فیصل آباد میں ضلعی انتظامیہ اور پولیس خاموش تماشائی جبکہ قبضہ مافیا نے پنجے جما لئے۔ غلام محمد آباد صدر بازار میں واقع طارق نامی شہری کے مکان پر بااثر قبضہ مافیا نے زبردستی قبضہ کرتے ہوئے اہلخانہ کو گھر سے بے دخل کر دیا۔ بااثر افراد کی جانب سے رجسٹری برانچ کے ملازمین کی مبینہ ملی بھگت سے مکان کی جعلی رجسٹری بھی تیار کروائی گئی جسے فرانزک لیبارٹری نے بھی جعلی ثابت کر دیا۔
مکان پر قبضے کی وجہ سے طارق اور اسکے اہلخانہ کرائے کے گھروں میں دربدر کی ٹھوکریں کھانے پر مجبور ہیں۔ اہلخانہ کہتے ہیں انصاف کے حصول کیلئے ضلعی انتظامیہ، اینٹی کرپشن اور پولیس سمیت دیگر دفاتر کے چکر لگا لگا کر تھک گئے مگر کہیں سے بھی داد رسی نہ ہوئی۔
فیصل آباد میں منافع خوروں نے پھلوں اور سبزیوں کی قیمتوں میں پچاس فیصد تک بڑھا دی ہیں، رمضان المبارک میں ضلعی انتظامیہ اور مارکیٹ کمیٹیاں قیمتیں کنٹرول کرنے میں مکمل ناکام دکھائی دیتی ہیں۔
رمضان المبارک کی آمد کے ساتھ ہی مہنگائی کے نام پر، منافع خوروں نے عوام کی جیبوں پر ڈاکہ ڈالنے کے لئے کمر کس لی۔ پھلوں، سبزیوں سمیت اشیاء خورونوش کی قیمتوں میں پچاس فیصد تک اضافہ کر دیا۔ سیب 200 روپے سے بڑھ کر 350 روپے کلو ہو گئے، کیلا 150 روپے درجن تک جا پہنچا اور فالسہ 400 روپے کلو تک فروخت ہونے لگا۔
کجھور 70 روپے کے اضافے سے 250 روپے کلو تک پہنچ گئی، سبزیوں میں گرمی کی سوغات کریلے 70 روپے فی کلو سے بڑھ کر 150 روپے ہو گئے۔ کھانوں کا لازمی جز لہسن اور ادرک کی قیمت میں 50 سے 60 فیصد اضافہ کر دیا گیا ہے۔ لہسن 100 روپے اضافے کے ساتھ 225 روپے کلو
جبکہ ادرک 60 روپے اضافے کے ساتھ 190 روپے کلو ہو گیا۔
گرمی کا توڑ لیموں 320 روپے کلو تک جا پہنچے، گاہک کہتے ہیں دکاندار مارکیٹ کمیٹی کی طرف سے جاری کردہ نرخ نامے آویزاں کرنے کی بجائے خود ساختہ قیمتیں مقرر کر کے پھل اور سبزیاں بیچتے ہیں۔
دوسری جانب دکاندار حضرات کہتے ہیں اگر پھلوں سبزیوں کی قیمتوں کو کنٹرول کرنا ہے تو انتظامیہ آڑھتیوں کو قابو میں کریں۔
لودھراں (نمائندہ باغی ٹی وی) دنیاپور کے نواحی گاؤں چک نمبر 305 ڈبلیو بی میں انوکھا واقعہ ہوا جب ایک شخص کے گھر والے اس کی پسند کا رشتہ پوچھنے لڑکی والوں کے گھر نہ گئے تو اس کے دوست نے عجیب و غریب فیصلہ کیا وہ عورتوں کے لباس میں ملبوس برقعہ پہن کر لڑکے کی ماں بن کر لڑکی والوں کے گھر پہنچ گیا مگر اس کا پردہ جلد ہی فاش ہو گیا اس کی دھلائی کرنے کے بعد اس کو حوالہ پولیس کر دیا گیا ہے