Blog

سرینگر(باغی مانیٹرنگ ڈیسک) کل جماعتی حریت کانفرنس کے سینئر رہنما اور تحریک حریت جموںوکشمیر کے چیئرمین محمد اشرف صحرائی نے کہا ہے کشمیریوں نے نام نہاد پارلیمانی انتخابات کو مسترد کر کے بھارتی حکومت اور عالمی برادری کو ایک بار مرتبہ پھریہ واضح پیغام دیا ہے کہ وہ صرف اور صرف تنازعہ کشمیر کا حل چاہتے ہیں۔ وقت آچکا ہے کہ تنازعہ کشمیر کو اسکے تاریخی پس منظر میں حل کیا جائے اور کشمیریوں کو اپنی خواہشات کے مطابق اپنے سیاسی مستقبل کا فیصلہ کرنے کا موقع دیا جائے۔ انہوںنے کہا کہ کشمیر ی بھارت کے تمام تر جبر و استبداد کے باوجود تحریک آزادی کے غیر متزلزل وابستگی رکھتے ہیں ۔ جموںوکشمیر کا ایک تاریخی پس منظر ہے لہذابھارت اپنی دھمکیوںاور نہتے کشمیریوں پر مظالم سے کشمیر کے تاریخی حقائق کو تبدیل نہیں کر سکتااور اسے اب حقیقت کا سامنا کرنا ہوگا۔ اگر بھارت مسئلہ کشمیر کو فوجی طاقت کے بل پر حل کرنے کی پالیسی جاری رکھے گا تو اسکا نتیجہ کچھ نہیں نکلے اور اس سے حالات خراب ہوتے رہیں گے۔ کشمیر ایک سیاسی مسئلہ ہے جسے فوجی طاقت کے ذریعے ہرگز حل نہیں کیا جاسکتالہذا بھارتی حکومت کو ہٹ دھرمی ترک کر کے تنازعہ کشمیر کے پر امن حل کی طرف آنا چاہیے ۔انہوں نے سرینگر جموں شاہراہ پر سنگم کے نزدیک تمام طرح کی گاڑیوں پر ٹیکس کے اطلاق کی مذمت کرتے ہوئے کہا کہ یہ اقدام کشمیریوں کو معاشی لحاظ سے تباہ اور کمزور کرنے کا ایک اور حربہ ہے۔ انہوں نے کہا کہ اس ناروا اقدام سے مقبوضہ وادی میں معاشی بحران پیدا ہو گا۔

واشنگٹن(باغی مانیٹرنگ ڈیسک ) امریکی صدر ڈونلڈ ٹرمپ نے چین پر تجارتی معاہدہ توڑنے کا الزام عائد کر تے ہوئے کہاہے کہ چین نے تجارتی معاہدے کی خلاف ورزی کی ہے لہذااسے اب قیمت چکانا ہوگی .ٹرمپ کا یہ بیان چین کے اس بیان کے بعد سامنے آیا ہے جس میں کہا گیا ہے کہ اگر امریکا نے چینی اشیاء پر ٹیکس عائد کیے تو اس کے جواب میں ضروری اقدامات اٹھائے جائیں گے۔امریکی صدر نے 200 ارب روپے کی چینی اشیاء پر ڈبل سے زیادہ ٹیکس عائد کرنے کا اعلان کر رکھا ہے۔ایک طرف دونوں ممالک کی جانب سے ایک دوسرے کی اشیاء پر ٹیکس عائد کرنے کے بیانات داغے جا رہے ہیں جب کہ دوسری جانب دونوں ممالک کے درمیان امریکا میں تجارتی مذاکرات بھی جاری ہیں۔امریکا میں چین کے وفد کی سربراہی نائب وزیراعظم لیو ہی کر رہے ہیں جنہیں چین میں ایک طاقتور عہدیدار کے طور پر جانا جاتا ہے۔چینی حکام سے مذاکرات سے قبل ڈونلڈ ٹرمپ نے بیجنگ پر معاہدے کی خلاف ورزی کا الزام عائد کرتے ہوئے کہا وہ ایسا نہیں کر سکتے تھے، اب انہیں اس کی قیمت چکانا ہو گی۔خیال رہے کہ 2018 میں امریکا نے چین کی اشیاء پر 250 ارب ڈالر کے ٹیکس عائد کئے جس کے جواب میں چین نے بھی امریکی اشیاء پر 110 ارب ڈالر کے ٹیکس نافذ کیے.