کوئٹہ پولیس کی کاروائی گاڑیاں چوری کرنے والے بین الصوبائی گروہ کے تین ارکان کو گرفتار کرلیا گیا کوئٹہ شہر کے مختلف تھانوں کی حدود سے چوری شدہ تین گاڑیاں برآمد ہوئی ہیں تفصیلات کے مطابق ایس پی سریاب ڈویژن محمد بلوچ کی خصوصی ہدایات اور ایس ڈی پی او شالکوٹ سرکل زین عاصم کی زیر نگرانی میں ایس ایچ او شالکوٹ تھانہ خلیل احمد بگٹی اور ایس ایچ او نیو سریاب تھانہ مختیار احمد موسیٰ خیل نے دیگر پولیس پارٹی کے ہمراہ کلی زیرین خان سبی روڈ کوئٹہ میں کامیاب کاروائی کرتے ھوئے گاڑیاں چوری کرنے والے گروہ کے تین ارکان کو گرفتار کرلیا جن میں عبدالروف ولد سورہ خان بھٹو سکنہ بروری روڈ کوئٹہ ارشد ولد عبدالمالک شاہوانی سکنہ مستونگ ظفرعلی ولد محمدبخش قوم بلیدی سکنہ حب شامل ہیں ملزمان سے برآمد ھونے والی گاڑیاں جن میں ٹیوٹا ڈبل ڈور پک اپ سرکاری سیٹلائٹ ٹاؤن تھانہ کی حدود سے چوری شدہ ھے جس کی دوسری گاڑی وٹز کار سفید رنگ سول لائن تھانے کی حدود سے چوری شدہ ھے تیسری گاڑی ایکس کرولا انڈسٹریل تھانے کی حدود سے چوری شدہ ھے گرفتارملزمان کے خلاف مقدمہ درج کیاگیاہے۔
Blog
-
وزیراعلیٰ بلوچستان جام کمال خان نے ہدایت کر دی۔
کوئٹہ:- وزیراعلیٰ بلوچستان جام کمال خان نے رمضان المبارک میں کوئٹہ سمیت صوبہ بھر میں سیکیورٹی کے موثر انتظامات کے ساتھ ساتھ ٹریفک کے نظام کی بہتری اور عوام الناس کو ارزاں نرخوں پر اشیائے خوردونوش کی فراہمی یقینی بنانے کی ہدایت کی ہے، رمضان المبارک میں سیکیورٹی اقدامات، ٹریفک کے انتظامات اور رمضان بازاروں سے متعلق امور کے جائزہ اجلاس کے دوران وزیراعلیٰ نے کوئٹہ میں پانچ مقامات پر لگائے گئے رمضان بازاروں میں ضلعی انتظامیہ کے زیرانتظام فیئر پرائس شاپس کے انعقاد کی منظوری دیتے ہوئے ہدایت کی کہ عوام کو پھل، سبزیاں، آٹا اور دیگر اشیائے خوردونوش کی ارزاں نرخوں پرفراہمی ک لئے ضلعی انتظامیہ اور پرائس کنٹرول کمیٹیاں فعال اور متحرک رہیں، عبادت گاہوں، بازاروں اور عوامی مقامات کی فول پرول سیکیورٹی کے لئے سی سی ٹی وی کیمروں کی تنصیب کے ساتھ ساتھ دیگر اقدامات کئے جائیں اور تمام سیکیورٹی ادارے الرٹ رہتے ہوئے عوام کی جان ومال کے تحفظ کو یقینی بنائیں اور مربوط اینٹیلیجنس سسٹم قائم کرتے ہوئے معلومات کا تبادلہ بھی کریں، وزیراعلیٰ نے رمضان المبارک کے دوران عمومی جرائم کی روک تھام کی ہدایت بھی کی، وزیراعلیٰ نے ٹریفک کے نظام کی بہتری کا پلان بنانے اور اس پر فوری طور پر عملدرآمد کے آغاز کی ہدایت کی۔ وزیراعلیٰ نے قیمتوں میں استحکام برقرار رکھنے کے لئے انتظامی افسران اور مجسٹریٹس کو باقاعدگی کے ساتھ اشیاء خورونوش کے نرخوں پر نظر رکھنے اور اس کی خلاف ورزی کرنے والے دکانداروں، ملاوٹ اور ذخیرہ اندوزی کے مرتکب عناصر کے خلاف سخت کارروائی کی ہدایت بھی کی، انہوں نے کہا کہ حکومت کی رٹ نظر آئے گی تو عوام کو ریلیف ملے گا لہٰذا میٹروپولیٹن کارپوریشن اور ضلعی انتظامیہ ہر مقام پر اپنی موجودگی یقینی بنائیں، خاص طور پر میٹروپولیٹن کارپوریشن اپنا دائرہ کار کو سریاب اور گردونواح کے دیگر علاقوں تک وسعت دے کر صفائی کے نظام سمیت دیگر شہری سہولتیں فراہم کرے اور مزید سستے بازاروں کا انعقاد کیا جائے جن سے زیادہ سے زیادہ عوام مستفید ہوسکیں۔ وزیراعلیٰ نے کوئٹہ شہر میں مستقل بنیادوں پر ماڈل بازاروں کے قیام کا جائزہ لینے کی ہدایت بھی کی۔ اس موقع پر ڈی آئی جی کوئٹہ کی جانب سے اجلاس کو سیکیوریٹی انتظامات اور ٹریفک پلان کے بارے میں بریفنگ دی گئی جبکہ کمشنر کوئٹہ ڈویژن اور ایڈمنسٹریٹر میٹروپولیٹن کارپوریشن نے سستے بازاروں کے انعقاد کے حوالے سے تفصیلات سے آگاہ کر دیا ہے اجلاس میں ایڈیشنل چیف سیکریٹری منصوبہ بندی وترقیات، سیکریٹری خزانہ، ایس ایس پی ٹریفک، ڈپٹی کمشنر کوئٹہ اور دیگر متعلقہ حکام نے شرکت کی۔
-
لڑکیوں کو تنگ کرنے والے اوباش انجام تک کیسے پہنچے؟
گجرات(نمائیندہ باغی ٹی وی) تھانہ شاہین کے علاقہ میں کالج جاتی ہوئی لڑکیوں کو تنگ کرنے،حراساں کرنے اور دھمکیا ں دینے والے تین اوباش ملزمان گرفتار۔
نازیبا سر گرمیوں میں ملوث آوارہ ملزمان کے خلاف سخت ایکشن لیا جائے،ڈی پی او گجرات سید علی محسن نے تمام SDPO,sکو ہدایت جاری کر دیں تفصیلات کے مطابق ڈی پی او گجرات سید علی محسن نے عوامی شکایت پر تمام ڈی ایس پیز کو خصوصی ہدایات جاری کی کہ کالج اور یونیورسٹی آنے جانے والی لڑکیوں کو تنگ اور حراساں کرنے والے اوباش اور آواہ لڑکوں کو فوری گرفتار کر کے ان کے خلاف مقدمات درج کئے جائیں تاکہ آ ئندہ کوئی آوارہ ملزم اس طرح کی نازیبا حرکت کی جرات نہ کر سکے۔ ان احکامات پر عمل کرتے ہوئے ڈی ایس پی سٹی رضا حسین اعوان کی زیر نگرانی ایس ایچ او تھانہ شاہین رائے فیاض احمد نے ایکشن لیتے ہوئے پولیس ٹیم کے ہمراہ لڑکیوں کو حراساں کرنے والے تین رکنی اوباش اور آوارہ لڑکوں کا گروہ جن میں 1۔ فلک شیر سکنہ ملہو کھوکھر 2۔ امیر حمزہ سکنہ ملہو کھوکھر 3۔ عمر فاروق سکنہ لدھا سدھا شامل ہیں کو گرفتار کرلیااور ان کے خلاف دفعہ 506/25D،ٹیلی گراف کے تحت مقدمات درج کرکے مزید تفتیش شروع کر دی۔ڈی پی او گجرات سید علی محسن نے کہا ہے کہ لوگوں کی جان و مال اور عزت آبرو کی حفاظت میری اولین ترجیح ہے اور ایسے شر پسند عناصر کے ساتھ آہنی ہاتھوں سے نمٹا جائے گا. -
مدارس کی رجسٹریشن، وزارت تعلیم میں اہم اجلاس، بڑا فیصلہ کر لیا گیا
وفاقی وزارت تعلیم و پیشہ ورانہ تربیت نے اتحاد تنظیمات مدارس پاکستان کے ساتھ طے شدہ رجسٹریشن فارم کے مطابق آئندہ تمام دینی مدارس و جامعات کی وزارت سے رجسٹریشن لازمی قرار دیدی، وفاقی حکومت غیر رجسٹرڈ اور قواعد کی خلاف ورزی کرنے والے مدارس کی رجسٹریشن منسوخ اور بند کرنے کی مجاز ہو گی۔
باغی ٹی وی کی رپورٹ کے مطابق وفاقی وزیر تعلیم شفقت محمود کی زیر صدارت دینی مدارس کے حوالے سے اہم اجلاس وزارت کے کمیٹی روم میں منعقد ہوا جس میں اتحاد تنظیمات مدارس پاکستان کے سربراہان اور دیگر ذمہ داران نے شرکت کی۔ اجلاس میں متفقہ طور پر فیصلہ کیا گیا کہ آئندہ تمام دینی مدارس و جامعات اتحاد تنظیمات مدارس پاکستان کے ساتھ طے شدہ رجسٹریشن فارم کے مطابق وفاقی وزارت تعلیم و پیشہ ورانہ تربیت کے ساتھ رجسٹریشن کرانے کے پابند ہوں گے۔ اس مقصد کے لئے وفاقی وزارت تعلیم و پیشہ ورانہ تربیت ملک بھر میں 10 ریجنل دفاتر رجسٹریشن کے لئے قائم کرے گی۔ اجلاس میں وفاق المدارس العربیہ پاکستان کے نائب صدر مفتی اعظم پاکستان مفتی رفیع عثمانی، تنظیم المدارس اہلسنت پاکستان کے صدر مفتی منیب الرحمن، وفاق المدارس العربیہ پاکستان کے ناظم اعلیٰ مولانا قاری محمد حنیف جالندھری، وفاقی المدارس السلفیہ پاکستان کے جنرل سیکرٹری مولانا محمد یسین ظفر، وفاق المدارس الشیعہ پاکستان کے نائب صدر علامہ سید قاضی نیاز حسن نقوی اور رابطة المدارس الاسلامیہ پاکستان کے جنرل سیکرٹری ڈاکٹر عطاءالرحمن اور وفاق المدارس الشیعہ پاکستان کے جنرل سیکرٹری مولانا محمد افضل حیدری اور وزارت تعلیم و پیشہ ورانہ تربیت کے اعلیٰ حکام نے شرکت کی۔اجلاس میں فیصلہ کیا گیا کہ وفاقی وزارت تعلیم و پیشہ ورانہ ت تربیت مدارس و جامعات کے اعداد و شمار اکٹھے کرنے کی واحد مجاز اتھارٹی ہو گی اور وہ مدارس و جامعات و وزارت کے ساتھ رجسٹرڈ نہ ہوں گے، وفاقی حکومت انہیں بند کرنے کی مجاز ہو گی۔ جو مدارس و جامعات رجسٹریشن کے قواعد و ضوابط کی خلاف ورزی کریں گے ان کی رجسٹریشن منسوخ کر دی جائے گی۔
-
کاغذات نامزدگی مسترد ہونے پر مودی کا مقابلہ کرنے پہنچا تیج بہادر سپریم کورٹ
بھارتی وزیر اعظم نریندر مودی کے مقابلے میں بھارتی فوج کے معطل فوجی تیج بہادر نے کاغذات نامزدگی مسترد ہونے پر بھارتی سپریم کورٹ سے رجوع کر لیا
باغی ٹی وی کی رپورٹ کے مطابق تیج بہادر نے مودی کے مقابلے میں بھارتی ریاست اترپردیش کے علاقے وارانسی سے کاغذات نامزدگی جمع کروائے تھے جو الیکشن کمیشن نے مسترد کر دئیے .اج تیج بہادر نے سپریم کورٹ سے رجوع کر لیا. انہوں نے بھارت کے معروف وکیل پرشانت بھوشن کے ذریعے سپریم کورٹ سے رجوع کیا ہے.
-
پی اے سی کی چیئرمین شپ پر مشاورت کریں گے، زرداری
سابق صدر آصف علی زرداری نے کہا ہے کہ رانا تنویر بندہ اچھا ہے لیکن پی اے سی کی چیئرمین شپ پر مشاورت کریں گے
باغی ٹی وی کی رپورٹ کے مطابق آصف زرداری نے کہا کہ آئی ایم ایف کے لوگ اسٹیٹ بینک میں بیٹھیں ہوں گے تو ہم کیا ملک چلائیں گے؟اب تو لگتاہے آئی ایم ایف کا آفس پاکستان شفٹ ہو رہا ہے، ایک سوال کے جواب میں انہوں نے کہا کہ پی اے سی کے چیئرمین شپ کے بارے میں مسلم لیگ ن نےخورشید شاہ سے ضرور بات کی ہوگی، مجھ سے کیوں کریں گے ،انہوں نے کہا کہ رانا تنویر بندہ تو اچھا ہے، دیکھتے ہیں ،پی اے سی کی چیئرمین شپ پر مشاورت کریں گے
-
پٹرول پمپوں پرپٹرول کی قمیت میں ہیر پھیر
حکومت کی جانب سے پٹرول کی قیمتیں بڑھانے کے باعث عام شہری پہلے ہی پریشان تھا،رہی سہی کسر پٹرول پمپ مالکان نے پوری کردی،شہر کے اکثر پٹرول پمپس پر پٹرول 110 روپے فی لیٹر فروخت ہونے لگا.تفصیلات کیمطابق حکومت کی جانب سے پٹرول کی قیمتوں میں اضافے کے بعد پٹرول کی فی لیٹر قیمت 108 روپے مقرر کی گئی تھی مگر شہر کے بیشتر پٹرول پمپ مالکان دھڑلے سے فی لیٹر پٹرول کے 110 روپے وصول کررہے ہیں اور شہریوں سے روزانہ لاکھوں روپے غیرقانونی طور پر وصول کیے جارہے ہیں،دوسری جانب شہر کے گنجان آباد علاقوں میں موجود پٹرول پمپوں کی جانب سے زائد رقم وصول کرنے کے باوجود بھی ضلعی انتظامیہ نے کوئی کاروائی کرنا گوارا نہ کیا،فی لیٹر پٹرول کی زائد قیمت وصول کرنے پر نہ تو کسی پٹرول پمپ کو سیل کیاگیا اور نہ ہی کوئی نوٹس دیاگیا،،شہریوں نے ڈپٹی کمشنر مظفرگڑھ ڈاکٹر احتشام انور سے مطالبہ کیا ہے کہ من مانے ریٹ پر پٹرول کی فروخت کا سلسلہ بند کرایا جائے اور زائد رقم وصول کرنے والے پٹرول پمپوں کو سیل کیاجائے.
-
گجرات: 1 نائب قاصد اور 3 یوسی سیکرٹری معطل
گجرات(نمائندہ باغی ٹی وی)رمضان بازار جلالپور جٹاں میں ڈیوٹی سے غیر حاضر ہونیوالے تین یونین کونسلز کے سیکرٹریز اور ایک نائب قاصد کو معطل کرکے انکوائری لگا دی گئی ۔ تفصیلات کے مطابق ڈپٹی کمشنر ڈاکٹر خرم شہزاد نے چیف آ فیسر بلدیہ جلا لپور جٹاں اور پرائس مجسٹریٹ مرزا مشرف بیگ کی تحریری رپورٹ پر سیکرٹری یونین کونسل سوک کلاں محمد ساجد افضل ، سیکرٹری یونین کونسل اخلاص گڑھ سکندر زمان، سیکرٹری یونین کونسل عالم گڑھ محمد بلال اور نائب قاصدیونین کونسل منڈھالہ شفقت علی کو رمضان بازار جلا لپور جٹاں میں ڈیوٹی سے غیر حاضر ہونے پر معطل کرتے ہوئے اے ڈی سی آ ر رانی حفضہ کنول کو انکوائری کے احکامارت جاری کر دیئے۔
-
حکومت کا وقت ختم، یہ اعلان کس نے کر دیا، اہم خبر آ گئی
مسلم لیگ ن کے رہنما خواجہ آصف نے کہا ہے کہ حکومت کاوقت ختم ،کاؤنٹ ڈاون شروع ہوچکا ہے.
باغی ٹی وی کی رپورٹ کے مطابق خواجہ آصف نے کہا کہ عمران خان روحانیت کی طرف چل پڑےلیکن روحانیت ہی کہا نہیں جاتا، خواجہ آصف نے مزید کہا کہ انھوں نے کرائے کےلوگ رکھےہ یں کوئی آئی ایم ایف کا نامزد ہےکوئی کسی کا ،یہ بریف کیس لے کرآئے ہیں اوربریف کیس لےکرچلے جائیں گے
-
وزیر مذہبی امور پر قتل کا الزام، گرفتار کیا جائے، بڑی خبر آ گئی
تحصیل جمرود کے رہائشی الحاج تاج محمد نے الزام عائد کیا ہے کہ وفاقی وزیر مذہبی امور سید عالم شنواری کے قتل میں ملوث ہیں، دوسری جانب وفاقی وزیر نے اپنے اوپر لگائے گئے الزامات کی تردید کی ہے
باغی ٹی وی کی رپورٹ کے مطابق ضلع خیبر ٹرائبل کی تحصیل جمرور میں سینیٹر تاج محمد نے سابق رکن قومی اسمبلی شاہ جی گل آفریدی کے ہمراہ پریس کانفرنس کرتے ہوئے الزام لگایا کہ قاری سید عالم شنواری کے قتل میں وفاقی وزیر مذہبی امور پیر نور الحق قادری ملوث ہیں. انہوں نے کہا کہ ملک اعجاز آفریدی اس قتل کے سہولت کار ہیں،.انہوں نے حکومت سے مطالبہ کیا کہ قاتلوں کے خلاف کاروائی کی جائے. انہوں نے پریس کانفرنس میں دھمکی دی کہ حکومت نے قاتلوں کے خلاف کاروائی نہ کی تو قبائلی روایات کے مطابق قاری سید عالم شنواری کا خاندان بدلہ لینے میں حق بجانب ہو گا.
دوسری جانب وفاقی وزیر برائے مذہبی امور پیر نورالحق قادری نے الزامات مسترد کرتے ہوئے کہا کہ ہمارے خاندان نے ہمیشہ علاقے میں امن کا پیغام دیا ہے جس کی زندہ مثال ہمارے چار عظیم علماء کرام ہیں جن کو جمرود میں شہید کرا دیا گیا لیکن ابھی تک ہم نے کسی پر الزام نہیں لگایا گیا جوکہ ہمارے خاندان کے پر امن ہونے کا بڑا ثبوت ہے انہوں نے کہا کہ الحاج برادران نے پریس کانفرنس کے دوران قاری سید عالم قتل کیس کے بغیر ثبوت کے الزامات لگا دئے جس کو ہم مسترد کرتے ہیں.
واضح رہے کہ صوبہ خیبرپختونخواہ کے ضلع پشاور کی جدید رہائشی بستی ریگی ماڈل ٹائون میں موٹرسائیکل سواروں کی فائرنگ سے جاں بحق ہونے والے قاری سیدعالم شنواری قتل کی ایف آئی آر ریگی ماڈل ٹائون پولیس اسٹیشن میں درج کی گئی ہے. قاری سیدعالم کے بھائی فوڈانسپکٹر احمدشاہ شنواری کی مدعیت میں نامعلوم افراد کے خلاف ایف آئی آر درج کی گئی تھی