ایرانی میڈیا کے مطابق پاسدارانِ انقلاب نے دعویٰ کیا ہے کہ ایران نے دو امریکی C-130 ٹرانسپورٹ طیارے مار گرائے ہیں، جسے جاری کشیدگی میں ایک بڑی پیش رفت قرار دیا جا رہا ہے۔
فارس نیوز ایجنسی کی رپورٹ کے مطابق پاسدارانِ انقلاب کے شعبۂ تعلقات عامہ نے بیان میں کہا کہ یہ کارروائی کامیابی سے انجام دی گئی اور اسے امریکا کے لیے ایک بڑی شکست قرار دیا گیا ہے۔
بیان میں کہا گیا کہ ہر C-130 طیارہ 50 سے زائد افراد کو لے جانے کی صلاحیت رکھتا ہے، تاہم ان طیاروں میں موجود افراد سے متعلق کوئی تفصیلات فراہم نہیں کی گئیں۔
ایرانی حکام کے مطابق یہ اقدام خطے میں جاری تنازع کے تناظر میں کیا گیا، جبکہ اس حوالے سے مزید معلومات سامنے آنے کا امکان ظاہر کیا جا رہا ہے۔
دوسری جانب امریکی حکام کی جانب سے اس دعوے پر تاحال کوئی باضابطہ ردعمل سامنے نہیں آیا، جس کے باعث صورتحال مزید غیر واضح ہو گئی ہے۔
ماہرین کے مطابق ایسے دعوؤں کی آزادانہ تصدیق مشکل ہوتی ہے، تاہم یہ پیش رفت خطے میں بڑھتی ہوئی کشیدگی اور بیانیہ جنگ کی عکاسی کرتی ہے۔
Blog
-
ایران کا دعویٰ، دو امریکی C-130 طیارے مار گرائے گئے
-
ڈیرہ غازی خان: کوہِ سلیمان اور فورٹ منرو میں ژالہ باری، نقصانات کے سروے کا حکم، مشترکہ ٹیم تشکیل
ڈیرہ غازی خان میں حالیہ ژالہ باری کے بعد ضلعی انتظامیہ متحرک ہو گئی ہے۔ ڈپٹی کمشنر محمد عثمان خالد نے کوہِ سلیمان اور خصوصاً فورٹ منرو کے متاثرہ علاقوں میں نقصانات کے فوری سروے کے احکامات جاری کر دیے ہیں۔ایڈیشنل ڈپٹی کمشنر ریونیو سید عثمان منیر بخاری کی جانب سے جاری نوٹیفکیشن کے مطابق ژالہ باری سے لائیو اسٹاک اور نجی املاک کو ہونے والے نقصانات کے تخمینہ کیلئے ایک مشترکہ سروے ٹیم تشکیل دے دی گئی ہے۔ٹیم میں اسسٹنٹ کمشنر کو کنوینر مقرر کیا گیا ہے جبکہ تحصیلدار کوہِ سلیمان، متعلقہ ایس ڈی او بلڈنگ، ویٹرنری آفیسر اور پی ڈی ایم اے/ڈیزاسٹر مینجمنٹ کا نمائندہ بطور ممبران شامل ہوں گے۔
سروے ٹیم کو ہدایت کی گئی ہے کہ:
متاثرہ علاقوں کا جامع فیلڈ سروے کیا جائے
لائیو سٹاک اور نجی املاک کے نقصانات کا درست تخمینہ لگایا جائے
متعلقہ ریکارڈ کے ذریعے نقصانات کی تصدیق کی جائے
امداد و معاوضہ کے لیے مستند ڈیٹا تیار کیا جائے
ٹیم کو ہدایت دی گئی ہے کہ سات روز کے اندر تفصیلی رپورٹ ڈپٹی کمشنر کو پیش کی جائے۔ مزید برآں پولیٹیکل اسسٹنٹ کوہِ سلیمان کو مختلف محکموں کے درمیان مؤثر کوآرڈینیشن اور بروقت تکمیل یقینی بنانے کا ٹاسک دیا گیا ہے۔ضلعی انتظامیہ کے مطابق عوامی آگاہی کو بھی یقینی بنایا جائے گا تاکہ متاثرہ افراد بروقت معلومات فراہم کر سکیں۔ انتظامیہ نے اس عزم کا اظہار کیا ہے کہ سروے رپورٹ کی روشنی میں متاثرین کو ہر ممکن ریلیف فراہم کیا جائے گا۔ -
ننکانہ صاحب: سیوریج میگا پروجیکٹ میں بدانتظامی، پی ٹی سی ایل لائنیں بار بار کٹنے لگیں، شہری شدید متاثر
ننکانہ صاحب میں جاری سیوریج میگا پروجیکٹ کے دوران مبینہ بدانتظامی اور ناقص کوآرڈینیشن کے باعث پی ٹی سی ایل کی لائنیں بار بار کٹنے کے واقعات سامنے آ رہے ہیں، جس سے سینکڑوں صارفین روزانہ شدید مشکلات کا شکار ہو گئے ہیں۔ذرائع کے مطابق شہر کے مختلف علاقوں جن میں گول چکر، بیری والا چوک اور لاہور روڈ شامل ہیں، کھدائی کے دوران بارہا پی ٹی سی ایل کی مین لائن کو نقصان پہنچا، جس کے نتیجے میں ٹیلیفون اور انٹرنیٹ سروس مسلسل معطل رہنے لگی۔ اس صورتحال نے شہریوں کے روزمرہ معمولات، کاروباری سرگرمیوں اور آن لائن کاموں کو شدید متاثر کیا ہے۔متاثرہ شہریوں کا کہنا ہے کہ یہ مسئلہ اب روز کا معمول بن چکا ہے اور متعلقہ ادارے اس پر سنجیدہ اقدامات کرنے میں ناکام نظر آتے ہیں۔ دوسری جانب اطلاعات ہیں کہ حالیہ واقعات کے دوران پی ٹی سی ایل عملے اور واسا کنٹریکٹر کے درمیان تلخ کلامی اور مبینہ ہاتھا پائی بھی ہوئی، جس سے انتظامی کنٹرول پر مزید سوالات اٹھنے لگے ہیں۔ماہرین کے مطابق کسی بھی بڑے انفراسٹرکچر منصوبے میں کھدائی سے قبل زیر زمین یوٹیلٹی لائنز کی مکمل نشاندہی (Utility Mapping) اور اداروں کے درمیان مؤثر رابطہ انتہائی ضروری ہوتا ہے۔ بار بار لائن کٹنے کے واقعات اس بات کی نشاندہی کرتے ہیں کہ منصوبے میں مناسب پلاننگ اور سائٹ سپروژن کا فقدان ہے۔شہری و سماجی حلقوں نے واسا ننکانہ صاحب کی اعلیٰ انتظامیہ کی کارکردگی پر بھی سوالات اٹھاتے ہوئے فوری اصلاحی اقدامات کا مطالبہ کیا ہے۔ ان کا کہنا ہے کہ متاثرہ کنکشنز کی فوری بحالی، ذمہ داران کا تعین اور آئندہ ایسے واقعات کی روک تھام کے لیے واضح حکمت عملی اپنائی جائے۔
-
ملکی ضروریات کو پورا کرنے کیلئے ملک میں ایندھن کے مناسب ذخائر موجود ہیں،وزیراعظم
وزیراعظم شہباز شریف کا کہنا ہے ملکی ضروریات پوری کرنے کے لیے ایندھن کے مناسب ذخائر موجود ہیں اور حکومت عوامی ریلیف کے اقدامات کر رہی ہے،مشکل کی اس گھڑی میں کسی صورت عوام کو اکیلا نہیں چھوڑ سکتے-
وزیراعظم کی زیرصدارت پیٹرولیم مصنوعات پر سبسڈی کے نفاذ پر پیشرفت کا جائزہ اجلاس ہوا جس میں وفاقی وزرا اور متعلقہ حکام شریک ہوئے انٹیلی جینس بیورو نے حکومتی کفایت شعاری اور سادگی اقدامات کے نفاذ پر رپورٹ پیش کی اجلاس کو سبسڈی فراہمی پر پیشرفت کے ساتھ ملک میں ایندھن کے ذخائر اور کھپت پر بھی بریفنگ دی گئی۔
اس موقع پر وزیراعظم شہباز شریف نے کہا کہ مسافر بسوں کو ایک لاکھ روپے ماہانہ سبسڈی فراہم کی جا رہی ہے جبکہ منی بس و ویگنوں کو 40 ہزار روپے ماہانہ اور مال بردار گاڑیوں کو 80 ہزار اور ڈیلیوری وینوں کو 35 ہزار روپے سبسڈی دی جا رہی ہےاشیائے خورونوش کی قیمتوں میں اضافہ روکنے کے لیے ٹرکوں کو 70 ہزار روپے ماہانہ سبسڈی دی جا رہی ہے، نظام میں شفافیت کیلئے یہ رقوم ڈیجیٹل والٹس کے ذریعے فراہم کی جارہی ہے بلوچستان حکومت نے قومی پیکیج کے لیے طے شدہ رقم جمع کرادی ہے جو لائق تحسین ہے، امید ہے باقی صوبے بھی اس پیکیج کے لیے جلد از جلد طے شدہ رقوم جمع کرا دیں گے-
ایران کے خلیجی ممالک پر حملے،متعدد اہم تنصیبات میں آگ لگ گئی
وزیراعظم شہباز شریف نے کہا کہ گزشتہ تین ہفتوں میں 129 ارب روپے کا عوامی ریلیف پیکیج دیا گیا، مشکل کی اس گھڑی میں کسی صورت عوام کو اکیلا نہیں چھوڑ سکتے، پیٹرول لیوی میں فی الفور 80 روپے فی لیٹر کی کمی کرکے عوام کو ریلیف دیا گیا جبکہ پاکستان ریلوے 6 ارب روپے کی سبسڈی فراہم کر رہی ہے، مسافر ٹرینوں اور مال گاڑیوں کے کرایوں میں کسی بھی قسم کا اضافہ نہیں کیا جا رہا، ٹول ٹیکس میں سہ ماہی 25 فیصد اضافہ بھی واپس لے لیا گیا ہے، مشکل وقت میں جس قدر ممکن ہے، عوامی ریلیف کے اقدامات کر رہے ہیں، ملکی ضروریات کو پورا کرنے کیلئے ملک میں ایندھن کے مناسب ذخائر موجود ہیں۔
-
ایران کے خلیجی ممالک پر حملے،متعدد اہم تنصیبات میں آگ لگ گئی
ایران کی جانب سے خلیج کے ممالک پر جاری حملوں کے دوران متعدد اہم تنصیبات میں آگ لگ گئی اور نقصان ہوا-
ابو ظہبی میں بوروج پیٹروکیمیکل پلانٹ میں متعدد آگ کے واقعات پیش آئے جب فضائی دفاع نے میزائلوں کو ناکارہ بنایا، میڈیا آفس ابو ظہبی کے مطابق کسی کے زخمی ہونے کی اطلاع نہیں ہے، تاہم پلانٹ کی سرگرمیاں معطل کر دی گئی ہیں،قومی ایمرجنسی اور ڈیزاسٹر مینجمنٹ اتھارٹی کے مطابق پہلے ہی میزائل خطرے کے پیش نظر فضائی دفاع فعال کر دیا گیا تھا۔
بحرینی وزارتی ذرائع کے مطابق ایک ایرانی حملے کے بعد ایک تنصیب میں لگی آگ کو بجھا دیا، توانائی کمپنی بیپوک کے مطابق اس کے ایک اسٹوریج فیسلٹی میں ٹینک آگ بھی بجھا دی گئی کسی کے زخمی ہونے کی اطلاع نہیں ہے۔
رپورٹ کے مطابق کویت پیٹرولیم کارپوریشن کے شعیخ آئل سیکٹر کمپلیکس کو ڈرون حملے میں نشانہ بنایا گیا، جس کے نتیجے میں آگ لگ گئی۔ دو پاور اور واٹر پلانٹس بھی متاثر ہوئے، جس کی وجہ سے دو یونٹس بند ہو گئیں۔ سرکاری محکموں کے دفاتر میں بھی نقصان ہوا۔
سعودی عرب کی وزارت دفاع نے بتایا کہ گزشتہ چند گھنٹوں کے دوران ایک کروز میزائل کو ناکارہ بنایا گیا،ایران نےجوابی کارروائیوں میں تل ابیب سمیت اسرائیل کے کئی شہروں پرمیزائل اور ڈرون داغے،جس سے کئی گاڑیوں میں آگ بھڑک اٹھی۔
-
اتحاد ایئرویز کا کرایوں میں 50 فیصد کمی کا اعلان
ابوظہبی کی سرکاری ایئرلائن ’اتحاد ایئرویز‘ نے مسافروں کو راغب کرنے کے لیے طویل فاصلے کی پروازوں پر 50 فیصد تک کی بڑی رعایتوں کا اعلان کر دیا ہے۔
برطانوی اخبار دی سنڈے ٹائمز کی رپورٹ کے مطابق یہ رعایتیں مئی اور جون کے دوران سفری طلب بڑھانے اور خالی نشستیں بھرنے کے مقصد سے متعارف کرائی گئی ہیں یہ قومی ایئرلائن، جو خلیج کی تین بڑی ایئرلائنز میں شمار ہوتی ہے، حالیہ برسوں کے مقابلے میں انتہائی کم کرایے پیش کر رہی ہے۔
لندن سے سڈنی تک ابوظہبی کے راستے اکانومی کلاس کے ریٹرن ٹکٹ کی قیمت صرف 688 پاؤنڈ سے شروع ہو رہی ہے، جبکہ بزنس کلاس کے ریٹرن کرایے 2 ہزار 465 پاؤنڈ سے دستیاب ہیں اسی نوعیت کی نمایاں رعایتیں سنگاپور، ہانگ کانگ، بینکاک، مالدیپ اور ٹوکیو جیسے اہم مقامات کے لیے بھی دی جا رہی ہیں۔
یہ قیمتیں دیگر ایئرلائنز کے مقابلے میں واضح طور پر کم ہیں، مثال کے طور پر برٹش ایئرویز پر لندن سے سڈنی کے اکانومی ریٹرن ٹکٹ کی قیمت تقریباً 1850 پاؤنڈ ہے، جبکہ بزنس کلاس دس ہزار پاؤنڈ سے تجاوز کر جاتی ہےبعض اطلاعات کے مطابق اتحاد ایئرویز کے موجودہ کرایے کورونا وبا کے عروج کے دوران پیش کیے گئے نرخوں سے بھی کم ہیں۔
یہ غیر معمولی رعایتیں ایسے وقت میں سامنے آئی ہیں جب امریکا، اسرائیل اور ایران کے درمیان جاری کشیدگی نے خطے میں فضائی سفر کو شدید متاثر کیا ہے،متعدد پروازیں منسوخ یا متاثر ہو چکی ہیں، جس کے باعث خلیجی ایئرلائنز کو خالی نشستوں کا سامنا ہے۔ اتحاد ایئرویز کو توقع ہے کہ جولائی تک حالات بہتر ہو جائیں گے اور کرایے دوبارہ معمول پر آ جائیں گے-
-
بھارت کو انتہائی تشویش کا حامل ملک قرار دینےاور تجارت مشروط کرنے کا مطالبہ
امریکی کمیشن برائے عالمی مذہبی آزادی کے وائس چئیر ڈاکٹر آصف محمود نے ٹرمپ انتظامیہ سے ”انتہائی تشویش کا حامل ملک’قرار دینےاور تجارت مشروط کرنے کا مطالبہ کیا ہے-
امریکن پاکستانی ڈاکٹر آصٖف محمود نے کہا کہ بھارت میں گرجا گھر جلائے جارہے ہیں، مسلمانوں پر پابندی ہے کہ وہ گوشت نہیں کھاسکتےغیرہندو لڑکیوں سے جبری شادیاں کی جارہی ہیں اور ہجوم کے ہاتھوں لوگوں کوتشدد کا نشانہ بنایا جارہاہےبھارت کی 13 ریاستوں میں مذہب کی تبدیلی کے خلاف قوانین نافذ کیے جا چکے ہیں، لوگوں کے مذہبی احساسات مجروح کیے جانے سے متعلق الزامات غیرمتناسب طور پر اقلیتوں بشمول مسلمانوں اور مسیحیوں کو متاثر کررہے ہیں، ایسے بھارت کو نہ صرف انتہائی تشویش کا حامل ملک قراردیاجائےبلکہ بھارت سے امریکا کی تجارت کو مذہب وعقائد کی آزادی سے متعلق حالات بہتر بنانے سے مشروط کیا جائے۔
ایران کی خفیہ ٹیکنالوجی امریکی دفاعی نظام کے لیے ایک بڑا چیلنج بن گئی ہے، امریکی میڈیا
دوسری جانب ڈاکٹرآصف محمود کی جانب سے یہ مطالبات کیے جانے پر بھارت میں انتہاپسند لابی سوشل میڈیا پر غیرمعمولی طور پر متحرک ہوگئی ہےسوشل میڈیا صارفین ڈاکٹرآصف محمود کا نام اورتصویر لگا کرانتہائی متنازعہ پوسٹ بنا کر امریکی کمیشن برائے عالمی مذہبی آزادی کے وائس چئیر سے منسوب کررہے ہیں-
-
مودی کی مسلم مخالف پالیسی پر ششی تھرور کی سخت تنقید
سینئر بھارتی سیاستدان ششی تھرور نے مودی سرکار کے مسلم مخالف بیانیے کو تنقید کا نشانہ بنایا ہے۔
ایک انٹرویو میں ششی تھرور نے بالی وڈ فلم امر اکبر انتھونی کا حوالہ دے کر نئے اور پرانے بھارت کا موازنہ کیا اور کہ کہا ماضی کے بھارت میں انٹرٹینمنٹ کے ذریعے بھی محبت اور ہم آہنگی کو فروغ دیا جاتا تھا، امر اکبر انتھونی جیسی فلموں پر ٹیکس چھوٹ ملتی تھی تاکہ ٹکٹ کے پیسے بھی کم ہوں اور لوگ شوق سے ایسی فلمیں دیکھیں، اب دور بدل چکا ہے اور ایسی فلموں کو ٹیکس چھوٹ کے ذریعے فروغ دیا جا رہا ہے جن میں مسلمانوں کے خلاف نفرت دکھائی جاتی ہے، ششی تھرور نے اس رویے کو بیانیے اور اقدار میں بڑی تبدیلی کا عکاس قرار دیا۔
بارشوں کی پیشگوئی کے باعث تمام متعلقہ اداروں کو الرٹ کردیا ہے،شرجیل میمن
ایران کی خفیہ ٹیکنالوجی امریکی دفاعی نظام کے لیے ایک بڑا چیلنج بن گئی ہے، امریکی میڈیا
-
بارشوں کی پیشگوئی کے باعث تمام متعلقہ اداروں کو الرٹ کردیا ہے،شرجیل میمن
سندھ کے سینئر وزیر شرجیل انعام میمن کا کہنا ہے کہ صوبے میں شدید بارشوں کی پیشگوئی کے بعد متعلقہ اداروں کو الرٹ کردیا ہے،جبکہ کسانوں کو موسمی صورتحال کے پیش نظر حکومتی رہنمائی اور معاونت فر اہم کی جا رہی ہے۔
شرجیل میمن نے کہا کہ آئندہ دنوں سندھ کے مختلف اضلاع میں بارشوں کا امکان ظاہر کیا گیا ہے کراچی سمیت سکھر، کشمور، گھوٹکی، جامشورو، شکارپور، لاڑکانہ میں بارشوں کی پیشگوئی کی گئی ہے جبکہ بعض مقامات پر ژالہ باری بھی متوقع ہے، محکمہ موسمیات کے مطابق بارشوں کا سلسلہ 6 اپریل کو شدت اختیارکر سکتاہے، حساس ڈھانچوں اورفصلوں کے تحفظ کےلیے پیشگی اقدامات کیےجا رہے ہیں، بارشوں کی پیشگوئی کے باعث حکومت نے تمام متعلقہ اداروں کو الرٹ کردیا، ضلعی انتظامیہ، بلدیاتی ادارے اور ریسکیو سروسزکو متحرک کر دیا گیا ہے جبکہ کسانوں کو موسمی صورتحال کے پیش نظر حکومتی رہنمائی اور معاونت فر اہم کی جا رہی ہے۔
ایران کی خفیہ ٹیکنالوجی امریکی دفاعی نظام کے لیے ایک بڑا چیلنج بن گئی ہے، امریکی میڈیا
-
ایران کی خفیہ ٹیکنالوجی امریکی دفاعی نظام کے لیے ایک بڑا چیلنج بن گئی ہے، امریکی میڈیا
امریکی میڈیا رپورٹس میں دعوی کیا گیا ہے کہ ایرانی ٹیکنالوجی امریکی دفاعی نظام کے لیے ایک بڑا چیلنج بن گئی ہے-
امریکی نشریاتی ادارے سی این این کے مطابق ایران نے امریکی جنگی طیاروں کو مار گرانے کے لیے جدید انفرا ریڈ ڈیٹیکشن ٹیکنالوجی استعمال کی، جو روایتی ریڈار سسٹمز سے پوشیدہ رہتی ہے اور جدید الیکٹرانک وار فیئر سسٹمز بھی اسے پکڑنے یا جام کرنے کی صلاحیت نہیں رکھتے یہ ٹیکنالوجی امریکی دفاعی نظام کے لیے ایک بڑا چیلنج بن گئی ہے، کیونکہ کھربوں ڈالر کی جدید ٹیکنالوجی کے باوجود امریکا اس نظام کا مؤثر جواب دینے میں ناکام نظر آ رہا ہے۔
رپورٹ کے مطابق حالیہ دنوں میں امریکی جنگی طیاروں کے گرنے کے واقعات نے ٹرمپ اور امریکی وزیر دفاع پیٹ ہیگسیتھ کے اس دعوے کو کمزور کر دیا ہے کہ ایران کی فضائی حدود پر مکمل کنٹرول حاصل کر لیا گیا ہے،ٹرمپ اور ہیگسیتھ بارہا یہ دعویٰ کرتے رہے کہ ایران کا فضائی دفاعی نظام، بحریہ اور ریڈار نیٹ ورک تباہ ہو چکا ہے اور امریکی و اسرائیلی طیاروں کو کسی مزاحمت کا سامنا نہیں تاہم حالیہ واقعات نے ان دعوؤں پر سوالات اٹھا دیے ہیں جبکہ ایران اب تک 7 امریکی طیارے مار گرانے کا دعویٰ کر چکا ہے، جن میں ای تھری، ایف ففٹین اور ایف تھرٹی فائیو جیسے جدید طیارے شامل ہیں-
تجزیہ کاروں کے مطابق اگر یہ دعوے درست ثابت ہوتے ہیں تو یہ جدید جنگی ٹیکنالوجی کے میدان میں ایک بڑی پیش رفت سمجھی جائے گی، جومستقبل کی فضائی جنگوں کے توازن کو تبدیل کر سکتی ہے۔
ایران کی توانائی تنصیبات کو نشانہ بنانے کیلئے امریکا سے گرین سگنل کا انتظار ہے،اسرائیل