ایرانی میڈیا کے مطابق ایران میں اسرائیل کے لیے جاسوسی کرنے کے الزام میں ایک شخص کو سزائے موت دے دی گئی ہے۔
رپورٹس کے مطابق حالیہ کشیدگی کے تناظر میں ایران نے جاسوسی کے مقدمات میں عدالتی کارروائیاں تیز کر دی ہیں اور سکیورٹی سے متعلق کیسز میں سخت اقدامات کیے جا رہے ہیں۔
حکام کا کہنا ہے کہ ملک کی سلامتی کے خلاف سرگرمیوں میں ملوث عناصر کے خلاف بلاامتیاز کارروائی جاری رکھی جائے گی۔
یہ پیش رفت ایسے وقت میں سامنے آئی ہے جب ایران اور اسرائیل کے درمیان تناؤ میں اضافہ دیکھنے میں آ رہا ہے۔
Blog
-
ایران میں اسرائیل کے لیے جاسوسی پر ایک شخص کو سزائے موت
-
عیدالفطر پر مولانا فضل الرحمان سے ملاقات کے لیے کارکنوں کو عبدالخیل آنے سے روک دیا گیا
جمعیت علمائے اسلام پاکستان نے عیدالفطر کے موقع پر کارکنوں کے لیے اہم ہدایات جاری کرتے ہوئے قائد جمعیت مولانا فضل الرحمان سے ملاقات کے لیے آبائی گاؤں عبدالخیل آنے سے گریز کرنے کی اپیل کی ہے۔
جاری اعلامیے میں کہا گیا ہے کہ کارکنوں کی قیادت اور خانوادہ مفتی محمود سے محبت اور عقیدت مثالی ہے، اور عیدین کے مواقع پر کارکنان کی بڑی تعداد ملاقات اور دعاؤں کے لیے حاضری دیتی رہی ہے تاہم ملک میں امن و امان کی صورتحال، سیکیورٹی خدشات اور قائد جمعیت کی صحت و انتظامی امور کو مدنظر رکھتے ہوئے یہ فیصلہ کیا گیا ہے۔
جمعیت کی قیادت نے تمام کارکنوں اور ذمہ داران، چاہے ان کا تعلق کسی بھی ضلع سے ہو، ہدایت کی ہے کہ وہ عید کے موقع پر عبدالخیل نہ آئیں اور ان ہدایات پر سختی سے عمل کریں۔ اعلامیے میں کارکنوں سے کہا گیا ہے کہ وہ ان بابرکت دنوں میں اپنی قیادت کو دعاؤں میں یاد رکھیں۔
-
وزیراعظم کی ہاؤس فنانس کی سہولیات عام آدمی تک پہنچانے کے لیے عملی اقدامات اٹھانے کی ہدایت
وزیراعظم میاں محمد شہباز شریف نے ہاؤس فنانس کی سہولیات عام آدمی تک مؤثر انداز میں پہنچانے کے لیے عملی اقدامات اٹھانے کی ہدایت کر دی-
وزیراعظم شہباز شریف کی زیر صدارت وفاقی وزارت ہاؤسنگ اینڈ ورکس کے امور پر اجلاس وزیراعظم ہاؤس میں منعقد ہوا اجلاس میں کم آمدنی والے طبقے کے لیے رہائش کی فراہمی، سستے گھروں کے منصوبے، نجی شعبے کی حوصلہ افزائی اور عوامی سہولیات کی بہتری کو ترجیحات میں شامل قرار دیا گیا۔
وزیراعظم نے ہاؤس فنانس کی سہولیات عام آدمی تک مؤثر انداز میں پہنچانے کے لیے عملی اقدامات اٹھانے کی ہدایت کی اجلاس کو وزارت ہاؤسنگ اینڈ ورکس کے اسٹریٹجک روڈ میپ پر بریفنگ دی گئی۔
اجلاس میں بتایا گیا کہ تعمیرات کے شعبے میں ٹیکس اسٹرکچر کی اصلاحات جاری ہیں اور فیڈرل بورڈ آف ریونیو و صوبوں کے ساتھ مشاورت کے ذریعے ٹیکس اسٹینڈرڈائزیشن پر کام ہو رہا ہے، ہاؤس مورٹگیج اصلاحات کے مسودے پر بھی مشاورت جاری ہے پبلک پرائیویٹ پارٹنرشپ کے تحت کم آمدنی والے افراد کے لیے گھروں کی تعمیر کے لیے لائحہ عمل تیار کیا جا رہا ہے، اور رئیل اسٹیٹ اور ہاؤسنگ کے شعبے کے ضابطہ کار کے لیے ریئل اسٹیٹ ریگولیٹری اتھارٹی کے قیام کی منصوبہ بندی کی گئی ہے۔
ہاؤس فنانس کے حوالے سے رئیل اسٹیٹ انویسٹمنٹ ٹرسٹ پر وزارت خزانہ، ایف بی آر، سیکیورٹیز اینڈ ایکسچینج کمیشن اور صوبائی وزارت ہاؤسنگ کے ساتھ مل کر کام جاری ہے،اجلاس میں وفاقی وزرا اعظم نذیر تارڑ، احد خان چیمہ، محمد اورنگزیب، ریاض پیرزادہ، شزا فاطمہ، رانا ثنا اللہ، بلال اظہر کیانی اور دیگر اعلیٰ سرکا ر ی افسران نے شرکت کی۔
-
اسحاق ڈار کی ترک ہم منصب سے ٹیلیفونک گفتگو
نائب وزیر اعظم و وزیر خارجہ سینیٹر محمد اسحاق ڈار نے گزشتہ شب ترکیہ کے وزیر خارجہ حکان فیدان سے ٹیلیفونک گفتگو کی۔
گفتگو کے دوران خطے کی موجودہ صورتحال پر تبادلہ خیال کیا گیا اور بڑھتی ہوئی کشیدگی پر گہری تشویش کا اظہار کیا گیا اسحاق ڈار نے فوری طور پر تناؤ میں کمی کی ضرورت پر زور دیا اور کہا کہ تعمیری مذاکرات اور سفارتکاری ہی مسائل کے حل اور خطے میں امن و استحکام کے فروغ کے واحد مؤثر ذرائع ہیں۔
دوسری جانب نائب وزیر اعظم اور وزیر خارجہ سینٹر محمد اسحاق ڈار 18 تا 19 مارچ کو سعودی عرب کے وزیر خارجہ کی دعوت دارالحکومت ریاض کا دو روزہ دورہ کریں گے تاکہ خطائی ممالک کے وزرائے خارجہ کے اجلاس میں شرکت کی جا سکے۔
وزیراعلیٰ پنجاب سے چین کے نئے قونصل جنرل کی ملاقات
اجلاس کے دوران وزیر خارجہ محمد اسحاق ڈار تمام خطے اور علاقائی سالمیت، خودمختاری اور سیاسی آزادی کے لیے مکمل حمایت کا اعادہ کریں گے اور ان کے علاقوں پر ہونے والے تمام حملوں کے فوری خاتمے کا مطالبہ کریں گے،انہوں نے پاکستان کی جانب سے جاری تنازع کے فوری خاتمے کے لیے زور دیا اور کہا کہ مسائل کے حل کے لیے مذاکرات اور سفارتکاری ہی مؤثر راستہ ہیں، وزیر خارجہ اس موقع پر پاکستان کی سفارتی کوششوں اور خطے میں جاری سنگین سیکیورٹی بحران کے حل میں اپنا فعال کردار ادا کرنے کی خواہش کو بھی اجاگر کریں گے۔
افغان طالبان کی پالیسیوں کے خلاف مزاحمت ،افغانستان میں مزاحمتی تنظیم این ایم ایف کے قیام کا اعلان
-
خواتین سے کہوں گی کسی غلط سرگرمی کا حصہ نہ بنیں،گرفتارخاتون خودکش حملہ آور کی اپیل
سکیورٹی اداروں نے کالعدم بلوچستان لبریشن آرمی (بی ایل اے) کی جانب سے خودکش حملے کے لیے تیار کی گئی نوجوان لڑکی کو گرفتار کرلیا۔
وزیراعلیٰ بلوچستان سرفراز بگٹی نے کوئٹہ وزیر داخلہ ضیا لانگو و دیگر حکام کے ہمراہ پریس کانفرنس کی جس دوران بی ایل اے کی جانب سے خودکش حملوں کے لیے تیار کی گئی لڑکی لائبہ کو بھی موجود تھیں،پریس کانفرنس میں لائبہ نے بتایا کہ اسے خودکش مشن کے لیے تیار کیا جارہا تھا کہ اسے خضدار سے گرفتار کرلیا گیا، تمام خواتین سے کہوں گی کسی غلط سرگرمی کا حصہ نہ بنیں۔ ضلع خضدار کے علاقے تحصیل زہری کی رہائشی ہوں، کمانڈر ابراہیم نے میرا رابطہ دل جان سے کرایا ،کمانڈر ابراہیم ذہن سازی کرکے مجھے خودکش حملہ آور بنانا چاہتا تھا،کمانڈر دل جان نے کہا کہ بی وائے سی کی ڈاکٹر صبیحہ کے پاس لے کر جائے گا خودکش حملے کی تیاری کیلئے، تنظیمی گفتگو اور نظریات سے متاثر ہو کر وہ اس راستے پر چلنے کے لیے تیار ہو گئی۔ بعد ازاں کمانڈر ابراہیم نے اس کا رابطہ دل جان سے کروایا، جہاں اسے ہدف دیا گیا کہ مزید لڑکیوں کو بھی اس سرگرمی کے لیے تیار کرے۔
اس موقع پر وزیراعلیٰ بلوچستان سرفراز بگٹی کا کہنا تھا کہ دہشتگرد بلوچ خواتین کا استحصال کر رہے ہیں، لائبہ کہ کہانی سب کے سامنے ہے، بی ایل اے نے خواتین کا احترام ختم کیا، بلوچوں کو لاحاصل مقاصد کی طرف دھکیل دیا گیا ہے،بلوچستان کے عوام حکومت سے خود حساس معلومات شیئر کر رہے ہیں، سکیورٹی فورسز کی کامیاب کارروائی نے بڑی تباہی سے بچالیا اور بلوچستان کو محفوظ بنایا۔
-
وزیراعلیٰ پنجاب سے چین کے نئے قونصل جنرل کی ملاقات
وزیراعلیٰ پنجاب مریم نواز شریف نے لاہور میں نئے تعینات چین کے قونصل جنرل سن یان سے ملاقات کی-
ملاقات میں دونوں رہنماؤں نے پاک چین دوستی، سٹریٹجک شراکت داری اور سی پیک کے تحت اقتصادی اور ثقافتی تعاون کو مزید فروغ دینے پر اتفاق کیا
وزیراعلیٰ مریم نواز شریف نے نئے قونصل جنرل کو لاہور میں تعیناتی پر مبارکباد دی اور دورہ چین کی دعوت شکریہ کے ساتھ قبول کرلی انہوں نے پاک چین دوستی کو فقیدالمثل قرار دیتے ہوئے کہا کہ پنجاب حکومت چینی سرمایہ کاری، صنعتی ترقی، ٹیکنالوجی کی منتقلی اور روزگار کے مواقع بڑھا نے کے لیے پرعزم ہے۔چینی قونصل جنرل سن یان نے کہا کہ پاک چین تعلقات سٹریٹجک اعتماد، باہمی احترام اور غیر متزلزل یکجہتی کی روشن مثال ہیں انہوں نے پاکستان کی علاقائی سلامتی، ترقی اور بین الاقوامی فورمز پر اصولی حمایت کو قابل تحسین قرار دیا۔
اسرائیل کا ایرانی انٹیلی جنس منسٹر اسماعیل خطیب کو نشانہ بنانے کا دعویٰ
ملاقات میں تجارت، انفراسٹرکچر، توانائی، الیکٹرک موبلٹی، ویسٹ مینجمنٹ اور آئی ٹی کے شعبوں میں دوطرفہ تعاون پر زور دیا گیا۔ پنجاب میں چینی سرمایہ کاروں کے لیے خصوصی اقتصادی زونز قائداعظم بزنس پارک میں گارمنٹس سٹی جیسے منصوبے تیار کیے جا رہے ہیں تاکہ برآمدی مینوفیکچرنگ اور صنعتی شراکت داری کو فروغ دیا جا سکے۔
وزیراعلیٰ مریم نواز شریف نے چینی شہریوں اور منصوبوں کی حفاظت کو ترجیح قرار دیا اور کہا کہ پنجاب حکومت سرمایہ کاروں کے لیے محفوظ اور دوستانہ کاروباری ماحول فراہم کر رہی ہے۔
-
خلیج ہرمز کے قریب ایرانی میزائل تنصیبات پر امریکی فضائی حملہ، ’بنکر بسٹر‘ بم استعمال
خلیج ہرمز کے حساس علاقے میں کشیدگی میں مزید اضافہ ہو گیا ہے جہاں امریکی فوج نے ایرانی میزائل تنصیبات کو نشانہ بناتے ہوئے طاقتور فضائی حملہ کیا ہے۔ امریکی حکام کے مطابق اس کارروائی میں جدید اور انتہائی تباہ کن ’بنکر بسٹر‘ بم استعمال کیے گئے۔
امریکی سینٹرل کمانڈ (CENTCOM) کی جانب سے جاری بیان میں کہا گیا ہے کہ حملے میں تقریباً 5000 پاؤنڈ (2,268 کلوگرام) وزنی گہرائی تک تباہی پھیلانے والے بم استعمال کیے گئے، جن کا ہدف ساحلی علاقوں میں قائم مضبوط ایرانی میزائل اڈے تھے۔عرب میڈیا رپورٹس کے مطابق امریکی حکام کا کہنا ہے کہ ان مقامات پر نصب ایرانی اینٹی شپ کروز میزائل بین الاقوامی بحری جہاز رانی کے لیے سنگین خطرہ بن چکے تھے، جس کے باعث یہ کارروائی ناگزیر ہو گئی۔ذرائع کے مطابق یہ حملہ خلیج ہرمز میں بحری آمد و رفت کو بحال کرنے کی جانب پہلی بڑی فوجی کوشش قرار دیا جا رہا ہے، جہاں حالیہ کشیدگی کے باعث عالمی تیل کی ترسیل بھی متاثر ہونے کا خدشہ پیدا ہو گیا تھا۔دفاعی ماہرین کا کہنا ہے کہ اس کارروائی کے بعد خطے میں مزید کشیدگی بڑھنے کا امکان ہے، جبکہ ایران کی جانب سے ممکنہ ردعمل بھی صورتحال کو مزید پیچیدہ بنا سکتا ہے۔
-
اسرائیل کا ایرانی انٹیلی جنس منسٹر اسماعیل خطیب کو نشانہ بنانے کا دعویٰ
اسرائیل نے ایرانی انٹیلی جنس منسٹر اسماعیل خطیب کو نشانہ بنانے کا دعویٰ کردیا۔
میڈیا رپورٹس کے مطابق اسرائیل نے ایرانی انٹیل جنس منسٹر اسماعیل خطیب کو نشانہ بنانے کا دعویٰ کیا ہے، حکام کارروائی کے نتائج کا جائزہ لے رہے ہیں۔الجزیرہ کا کہنا ہے کہ ایران سے ابھی تک اس پیشرفت پر کوئی باضابطہ ردِعمل سامنے نہیں آیا۔
دوسری جانب امریکی نیوی نے طیارہ بردار بحری جہاز یو ایس ایس جیرالڈ فورڈ کو میدان جنگ سے ہٹانے کا فیصلہ کرلیا۔حکام کے مطابق طیارہ بردار جہاز مرمت کیلئے یونانی بندرگاہ پر لنگر انداز رہے گا، 12 مارچ کو یو ایس ایس جیرالڈ فورڈ میں آگ بھڑک اٹھی تھی۔ایرانی پاسداران انقلاب نے جہاز پر میزائل حملوں کا دعویٰ کیا تاہم امریکی سینٹرل کمانڈ کا دعویٰ ہے کہ جہاز میں آگ خود بخود بھڑک اٹھی تھی۔نیویارک ٹائمز کے مطابق آگ پر قابو پانے میں 30 گھنٹے لگے تھے، 600 میرینز کے بستر جل گئے، جس کی وجہ سے وہ ایک ہفتے سے فرش پر سورہے ہیں۔رپورٹ کے مطابق یو ایس ایس جارج ایچ ڈبلیو بش کو جلد مشرق وسطیٰ میں تعینات کیا جائے گا۔
-
خطے کی سلامتی پر اجلاس میں شرکت،اسحاق ڈار کا 2روزہ سعودی عرب کا دورہ
نائب وزیر اعظم اور وزیر خارجہ سینٹر محمد اسحاق ڈار 18 تا 19 مارچ کو سعودی عرب کے وزیر خارجہ کی دعوت دارالحکومت ریاض کا دو روزہ دورہ کریں گے تاکہ خطائی ممالک کے وزرائے خارجہ کے اجلاس میں شرکت کی جا سکے۔
اجلاس کے دوران وزیر خارجہ محمد اسحاق ڈار تمام خطے اور علاقائی سالمیت، خودمختاری اور سیاسی آزادی کے لیے مکمل حمایت کا اعادہ کریں گے اور ان کے علاقوں پر ہونے والے تمام حملوں کے فوری خاتمے کا مطالبہ کریں گے،انہوں نے پاکستان کی جانب سے جاری تنازع کے فوری خاتمے کے لیے زور دیا اور کہا کہ مسائل کے حل کے لیے مذاکرات اور سفارتکاری ہی مؤثر راستہ ہیں، وزیر خارجہ اس موقع پر پاکستان کی سفارتی کوششوں اور خطے میں جاری سنگین سیکیورٹی بحران کے حل میں اپنا فعال کردار ادا کرنے کی خواہش کو بھی اجاگر کریں گے۔
-
پنجاب میں درخت کاٹنے پر مکمل پابندی عائد
وزیر اعلیٰ پنجاب مریم نواز کی ہدایت پر صوبے میں درخت کاٹنے پر مکمل پابندی عائد کر دی گئی ہے۔
وزیرِ ہاؤسنگ بلال یاسین کی زیر صدارت پنجاب ہاؤسنگ اتھارٹی کا پہلا بورڈ اجلاس ہوا، جس میں ملک بھر سے 21 ایجنسیز کے ایم ڈیز نے ویڈیو لنک کے ذریعے شرکت کی،اجلاس میں واضح کیا گیا کہ کسی بھی درخت کو کاٹنے سے پہلے پنجاب ہاؤسنگ اتھارٹی کی پیشگی منظوری لازمی ہوگی۔
اجلاس کے دوران درختوں کی حفاظت کے لیے کئی اقدامات کی بھی منظوری دی گئی ہے، اور خصوصی ایپ بھی تیار کی گئی ہے جس کے ذریعے ہر در خت کی جیو ٹیگنگ اور مانیٹرنگ کی جائے گی،بورڈ اجلاس میں نئے لگائے گئے پودوں کی تین سال تک نگرانی کو لازمی قرار دیا گیا ہے ایک درخت کا ٹنے کی صورت میں بیس نئے پودے لگانے کی تجویز بھی دی گئی ہے تاکہ شجرکاری کے منصوبے محفوظ رہیں۔
سیاسی مفاد کیلئے مودی کی دوغلی پالیسیاں، بھارت عالمی سطح پر تنہائی کا شکار
پنجاب ہاؤسنگ اتھارٹی (پی ایچ اے) نے ہدایت کی ہے کہ ترقیاتی منصوبوں میں شجرکاری کا تحفظ اولین ترجیح ہو اور ڈویلپمنٹ پراجیکٹس میں ایس او پیز پر سختی سے عملدرآمد کیا جائے اس کے ساتھ ہی پبلک پارکس اور گرین ایریاز کے تحفظ کے لیے کمیٹیاں بنانے کی بھی تجویز دی گئی ہے اور ثقافتی پارکس میں ہونے والی سرگرمیاں بھی اتھارٹی کی منظوری سے مشروط ہوں گی۔
اجلاس میں یہ بھی کہا گیا کہ ڈیجیٹل ڈیش بورڈ کے ذریعے درختوں کی سو فیصد مانیٹرنگ یقینی بنائی جائے گی،یہ اقدامات ماحولیات کے تحفظ اور شہری سہولیات کے توازن کو برقرار رکھنے کے لیے کیے جا رہے ہیں۔
شمالی وزیرستان سرحد پر پاک فوج کی کارروائی، متعدد افغان طالبان ہلاک