گوجر خان میں سابق شوہر نے اپنی بیوی کو تشدد کا نشانہ بنانے کے بعد اس کی ناک کاٹ ڈالی۔

باغی ٹی وی : تفصیلات کے مطابق میر پور آزاد کشمیر سے تعلق رکھنے والی 32 سالہ مریم بی بی اپنی عزیزہ کے گھر گوجر خان کے گاؤں دلمی آئی ہوئی تھی کہ وہاں اس کا سابق شوہر ساتھیوں کے ساتھ آدھمکا، دونوں کے درمیان جھگڑا ہوا، شوہر نے تشدد کرتے ہوئے اس کی ناک کاٹ دی اور فرار ہوگیا۔

خاتون کو زخمی حالت میں ہسپتال منتقل کردیا گیا ہے جہاں اس کی حالت خطرے سے باہر بتائی جارہی ہے۔

پولیس کا کہنا ہے کہ واقعے کا مقدمہ درج کرلیا گیا ہے اورملزم کی گرفتاری کے لیے چھاپے مار جارہے ہیں خاتون پر تشدد وناک کاٹے جانے کے واقعہ کی اطلاع پر سی پی او راولپنڈی محمد احسن یونس نے واقعے کا نوٹس لیتے ہوئے ایس پی صدر کو فوری مقدمہ کے درج کرکے ملزم کی جلد از جلد گرفتاری کا حکم دیا ہے۔

انہوں نے کہا ہے کہ خواتین پر تشدد، زیادتی اور استحصال قطعاً ناقابل برداشت ہے، ایسے گھناؤنے جرائم میں ملوث ملزمان کے خلاف راولپنڈی پولیس زیرو ٹالیرنس پر عمل پیرا ہے۔ اس افسوسناک واقعے کے ذمہ دار سفاک ملزم کو گرفتار کرکے قرار واقعی سزا دلوائی جائے گی۔

پاکستان مسلم لیگ (ن) کی ترجمان مریم اورنگزیب نےعدالت سے شہباز شریف کا ہتکِ عزت کا دعویٰ خارج کرنے کی استدعاکرنے پر وزیراعظم عمران خان سے معافی مانگنے کا مطالبہ کر دیا-

باغی ٹی وی : مریم اورنگزیب نے اپنے بیان میں کہا کہ نیب نیازی گٹھ جوڑکے عدالتوں میں فیل ہونے کے بعد عمران صاحب اپنے الزامات خود واپس لے رہے ہیں، یہ ہے ان کی سیاست کی حقیقت ،پاناما میں پیسے دینے کا جھوٹ بولنے کی درخواست واپس لینے سے کام نہیں چلے گا،عدالت عمران صاحب کو ان کے جھوٹ پر سزا دے-

مسلم لیگ ن کی ترجمان نے کہا کہ عمران صاحب شہبازشریف اور قوم سے جھوٹ بولنے پر معافی مانگیں، درخواست واپس لینے سے آپ کوبھاگنے نہیں دیں گے ،کسی پر الزام ، کسی پر بہتان لگانا، کسی کے خلاف جھوٹ بولنا، عمران صاحب یہ آپ ریاست مدینہ بنارہے ہیں؟-

انہوں نے کہا کہ سیاسی انتقام میں آپ کے جھوٹ بولنے سے سیاسی مخالفین کی جو ہتک عزت ہوئی، عمران صاحب اس کا جواب دیں عدالت اس درخواست کو منظور نہ کرے بلکہ عمران صاحب کے خلاف قانونی کارروائی کرے ابھی تو ایک درخواست واپس لی ہے،عمران صاحب کو اپنا ہر الزام، بہتان اور جھوٹ واپس لینا پڑے گا-

مریم اورنگزیب نے کہا کہ چار سال بعد ہتک عزت کے مقدمے میں عدالت سے درخواست واپس لینے سے آپ کو فرار نہیں ہونے دیں گے عمران صاحب شہبازشریف پر جس طرح جھوٹا الزام لگایا تھا، اب سرعام معافی بھی مانگیں-

مریم نے مزید کہا کہ عمران صاحب نے آخر اعتراف کرلیا کہ پاناما پر شہبازشریف نے پیسے دینے کی کوئی پیشکش نہیں کی تھیاللہ تعالی کا شکر ہے کہ شہبازشریف کو سرخرو اور سچا ثابت کیا اور جھوٹ کا منہ ایک اور مرتبہ کالا ہوگیا –

ترجمان نے کہا کہ تین سال سے عمران صاحب التوا کے پیچھے چھپے رہے ، اب شہبازشریف کا دعوی خارج کرنے کی درخواست ان کا نیا پینترا ہے دو سال سے زائد عرصے سے عمران صاحب اپنی ہی دائر کردہ درخواست کے حق میں کوئی دلائل پیش نہیں کرسکے درخواست واپس لینا واضح ثبوت ہے کہ عمران صاحب نے جھوٹ بولا تھا-

انہوں نے کہا کہ یہ ہتھکنڈا ایک بار پھر ان کے جھوٹ، بدنیتی اور سیاسی انتقام پر مبنی رویہ کی کھلی نشانی ہے عمران صاحب نے اعتراف کرلیا ہے کہ شہبازشریف نے انہیں براہ راست پیسہ دینے کی کوئی پیشکش نہیں کی تھی اس اعتراف سے عمران صاحب کا سچائی اور ایمان داری کا لبادہ تار تار ہوچکا ہے-

مریم اورنگزیب نے کہا کہ عمران صاحب کا سیاسی انتقام پر مبنی احتساب کا جھوٹا بیانیہ دفن ہوگیا، اب پیسے دینے کے جھوٹ سے بھی بھاگ گئے عمران صاحب آپ ان شاءاللہ اپنا ہر جھوٹ ، بہتان اور الزام واپس لیں گے-

وزیراعلیٰ پنجاب سردار عثمان بزدار کا کہنا ہے کہ آزاد کشمیر کے عوام نے وزیر اعظم عمران خان کی سچی اور ایماندار قیادت پر اپنے بھرپور اعتماد کا اظہار کیا ہے آزاد کشمیر الیکشن میں جیت شفافیت اور دیانتداری کی فتح ہے۔

باغی ٹی وی : نجی ٹی وی کے مطابق عثمان بزدار نے اپنے ایک بیان میں کہا ہے کہ گلگت بلتستان کے بعد آزاد کشمیر میں بھی عوام نے چوروں اور لٹیروں کی منفی سیاست کومسترد کر دیا ہے، مخالف جماعتوں کے ریاست مخالف بیانیے کو عبرتناک شکست ہوئی ہے آزاد کشمیر کے عوام نے کرپشن زدہ عناصر کے تابوت میں آخری کیل ٹھونک دی ہے۔

میں نے نتائج تسلیم نہیں کئے نہ کروں گی مریم نواز

عثمان بزدار نے کہا ہے کہ الیکشن کے نتائج نے ثابت کردیا ہے کہ عوام تحریک انصاف کی قیادت اورپالیسیوں پر اعتماد کرتے ہیں، ثابت ہو گیا کہ کشمیری عوام شفاف اور عوام کی خدمت کرنے والی مخلص قیادت کے ساتھ ہیں۔

انہوں نے مزید کہا ہے کہ تحریک انصاف کی اب تک کی شاندار کارکردگی کی بدولت آزاد کشمیر کے عوام میں سرخرو کیا ہے، کامیابی نئے پاکستان اور تبدیلی کے ایجنڈے کی جیت ہے نتائج مخالف جماعتوں کے لیے نوشتہ دیوار ہے، مخالف جماعتوں کو شور مچانے کی بجائے جمہوری اقدار کا ثبوت دینا چاہیے۔

الیکشن کمیشن ضابطہ اخلاق کی خلاف ورزی پر پی ٹی آئی کے خلاف کارروائی میں ناکام رہا ہے بلاول بھٹو

سردار عثمان بزدار نے کہا ہے کہ جہاں جیت گئے وہ ٹھیک، جہاں ہار گئے وہاں دھاندلی، یہ روش اب نہیں چلے گی، آزاد کشمیر میں جمہوری روایات کا عَلم بلند ہوا ہے، اپوزیشن کی قسمت میں صرف رونا لکھا ہے اور وہ 2023ء تک روتے ہی رہیں گے۔

اس سے قبل وزیر اعلیٰ پنجاب نے کہا تھا کہ آزاد کشمیر کے عوام بھی آج نئے پاکستان کی بنیاد رکھیں گے۔ اللہ تعالی کے فضل و کرم اور عوام کی حمایت سے پی ٹی آئی آزاد کشمیر میں بھی حکومت بنائے گی۔ ملک کے وسائل لوٹنے والوں کو عوام نے پہلے بھی مسترد کیا اور آج بھی کریں گے۔

پی ٹی آئی حکومت سے بھارت کو دھچکا لگے گا وفاقی وزیر اطلاعات و نشریات فواد چوہدری

گورنر پنجاب چوہدری سرور نے کہا ہے کہ افغان نائب صدر کا پاکستان کے خلاف منفی پروپیگنڈہ خطے میں امن کےخلاف سازش ہے-

باغی ٹی وی : میڈیا رپورٹس کے مطابق گورنر پنجاب چوہدری سرور کا کہنا ہے کہ افغان حکومت اپنی ناکامیاں چھپانے کی ناکام کوشش کر رہی ہے ،امن کے لیے خطے میں پاکستان نے سب سے زیادہ قر بانیاں دیں ہیں ۔

چوہدری سرور کا کہنا تھا کہ وزیر اعظم عمران خان قومی امنگوں کا تر جمان اور کشمیر کا سفیر ہے،آزاد کشمیر میں25جولائی کو کپتان کے کھلاڑیوں کی ہی جیت ہوگی ،آزاد کشمیر کا صدر اور وزیر اعظم بھی پاکستان تحر یک انصاف سے ہوگا ،اپوزیشن کو آزاد کشمیر انتخابات میں واضح شکست کا خوف کھائے جا رہا ہے ۔

چوہدری سرور نے کہا کہ پاکستان درست سمت میں کامیابیوں سے آگے بڑھ رہا ہے ،حکومت بزنس کیمونٹی سمیت تمام شعبوں کو ساتھ لے کر چل رہی ہے،کمزور طبقے کو اوپر لانے کےلیے وفاقی اور پنجاب حکومت عملی اقدامات کر رہی ہے ۔

موٹروے پولیس نے ایمانداری کی روایت برقراررکھتے ہوئے گمشدہ بیگ اور رقم سمیت دیگر اشیاء مالک کے حوالے کردیں۔

باغی ٹی وی: ترجمان موٹر وے پولیس کے مطابق پٹرولنگ پولیس کو ہیلپ لائن پر اطلاع دی گئی کہ سر وس ایریا عبدالحکیم پر ایک بیگ گم ہوگیا ہے –

ترجمان کے مطابق اس اطلاع پر پٹرولنگ افسران ایم تھری نے فوری ایکشن لیتے ہوئے گمشدہ بیگ تلاش کرلیا۔

پولیس کے مطابق ضروری کارروائی کے بعد بیگ مالک کے حوالے کردیا گیا جس میں 32700 روپے اور دیگر اشیاءبھی شامل تھیں رقم کی واپسی پر شہری نے موٹروے پولیس کے کردار کی تعریف کی اور شکریہ ادا کیا۔

آئی جی پنجاب انعام غنی نے غیر ملکی شہریوں کی سکیورٹی بہتر بنانے کے لیے بڑا قدم اٹھا لیا-

باغی ٹی وی : تفصیلات کے مطابق لاہور میں ایک اجلاس کی صدارت کرتے ہوئے آئی جی پنجاب نے نیا سافٹ وئیر تیار کرنے کا حکم دے دیا ہے ۔

انعام غنی نے اجلاس میں کہا کہ پاکستان آنے اور جانے والے تمام غیر ملکیوں بالخصوص چینی شہریوں کا ریکارڈ موجود ہونا چاہیے۔

آئی جی پنجاب انعام غنی نے کہا کہ سافٹ وئیرکی تیاری میں ائیر پورٹس چائینز ڈیسک اور ایف آئی اے سے بھی معاونت حاصل کی جائے۔

انہوں نے مزید کہا کہ پیپرلیس ورکنگ سسٹم 10 روز میں اورگمشدہ بچوں سے متعلق ایپ دو ہفتوں میں لانچ کردی جائے۔