Category: پنجاب

لیگی ایم پی اے سعدیہ تیمورنے ن لیگ کی کرونا سے وفات پانے والی منیرہ یامین ستی کا آخری خط ایوان میں پڑھ دیا، بے نظیر بھٹو ہسپتال راولپنڈی میں کرونا میں مبتلا ہوں، منیرہ یامین ستی کے خط کا متن

سرکاری ہسپتال میں زیر علاج ہوں ڈاکٹرز نرسوں اور جان ہتھیلی پر رکھ کر کرونا کے مریضوں کاعلاج کررہے ہیں، بی بی ایچ ڈاکٹر عمر، ڈاکٹر فضل الرحمن تمام نرسز اور پیرا میڈیکل سٹاف کرونا کے خلاف بہادری سے جنگ لڑ رہے ہیں،

منیرہ یامین ستی نے آخری خط میں اپیل کی کہ حکومت ڈاکٹر فضل الرحمن کی سربراہی میں تمام سٹاف کو تعریفی اسناد دیں،وزیر صحت ڈاکٹر یاسمین راشد کرونا کےلئے لیب کی سہولیات کو بڑھائیں، بطور ایم پی اے اگر کسی فرد یا شخص یاسرکاری ملازمین کو تکلیف پہنچی ہو تو معذرت کی طلبگار رہوں گی،

اسپیکر پنجاب اسمبلی نے کہا کہ پرویز الہی اکثر فون پر یامین منیرہ ستی سے بات ہوتی رہی،کرونا کے دوران یامین ستی کا خط ملا تو جوابا بھی خط لکھا، اللہ تعالی انہیں جنت میں جگہ دے یامین ہمت والی خاتون تھیں،

اینٹی نارکوٹکس فورس پنجاب کی کاروائیا ں‌جاری ، ملک پاکستان کو منشیات سے پاک کرنے کا عزم لئے اینٹی نارکوٹکس فورس کی بڑی کاروائی ، اندرون ملک منشیات اسمگلنگ کی کوشش ناکام بنا دی ، سیال موڑ موٹروے ٹول پلازہ پر تلاشی کے دوران ایک کار سے لاکھوں روپے مالیت کی منشیات برآمد۔

تفصیلات کے مطابق اینٹی نارکوٹکس فورس کی کاروائی اندرون ملک منشیات اسمگلنگ کوشش ناکام سیال موڑ موٹروے ٹول پلازہ پر تلاشی کے دوران ایک کار سے لاکھوں روپے مالیت کی 9 کلو گرام ہیروئن قبضہ میں لےکر ملزمان قسمت شیر اور لیاقت علی جو کہ کے پی کے کا رہائشی ہیں کو گرفتار کرکے مزید تفتیش جاری ہے۔

وفاقی وزیر برائے ہوا بازی غلام سرور خان نے لب ٹھٹھو گاؤں حسن ابدال روڈ میں ترقیاتی کاموں کا افتتاح کیا ہے اور جلسہ عام سے خطاب کیا ہے.
ایم این اے منصور حیات خان ایم پی اے عمار صدیق خان بھی اس موقع پر موجود تھے۔ 9 کروڑ 50 لاکھ روپے کی لاگت سے گیس کی فراہمی کےمنصوبہ کا افتتاح کیا ہے. 72 لاکھ 50 ہزار روپے کی لاگت سے بجلی کی فراہمی کے منصوبے کا افتتاح کیا ہے.

وفاقی وزیر برائے ہوابازی غلام سرور خان نے کہا کہ اس منصوبے سے یہاں کے عوام بنیادی سہولیات سےمستفید ہو سکیں گے، علاقے کے تمام دیہاتوں کو گیس اور بجلی کی فراہمی مقصد اور بلا تفریق خدمت اولین ترجیح ہے،موجودہ حکومت ترقیاتی کاموں کے لئے ہر ممکن اقدامات کر رہی ہے. انہوں نے کہا کہ آپ سے کیا گیا ایک اور وعدہ پورا ہو رہا ہے، ملکی تعمیر و ترقی کے کئے تحریک انصاف کی حکومت نے مثالی اور ٹھوس اقدامات کئے ہیں، پاکستان کی ترقی کے لئے مخلص اور ملکی دشمن قیادت کو پہچانئے، شیطان کا کام ورغلانا ہے، اللہ تعالی شیطان کے شر سے محفوظ رکھے. انہوں نے کہا کہ شیطان کے نائب بھی موجود ہیں، شیطان کبھی پی ڈی ایم اور کبھی ایم آر ڈی کی صورت میں ہوں گے، اللہ پاک پی ڈی ایم جیسے شیطانوں سے بھی محفوظ رکھے. انہوں نے کہا کہ اللہ تعالی مولوی فضل الرحمان جیسے شیطان سے محفوظ رکھے، پاکستان میں سب سے بڑے شیطان کا نام مولانا فضل الرحمان ہے، اس کا کام عوام کو ورغلانا ہے.
انہوں نے کہا کہ لیاقت علی خان اور قائداعظم کو ایک ایک موقع ملا جن کو تین تین بار موقع ملا انہوں نے اپنی اولادوں کا سوچا، کہا جاتا ہے پی ائی اے میں ہماری غلطیوں اور نااہلیوں سے مسائل میں اضافہ ہوا، انسان ہیں غلطی ہو سکتی ہے لیکن ہم نے عوام کا خون نہیں چوسا۔

انہوں نے کہا کہ پی آئی اے 462 ارب خسارہ کن کے پیٹوں میں گیا ہے، یہ انکی 35 سال کی لوٹ مار کا نتیجہ ہے، ایک ہزار بندوں کو جعلی ڈگریوں اور سفارشی نوکریاں کس نے دیں ۔ انہوں نے کہا کہ جعلی لائنسس والا سوزکی نئیں چلا سکتا تو یہاں جہاز چلارہے ہیں، لوگوں کی جان بچانے کی غرض سے جعلی لائنسس والوں کے خلاف آواز اٹھائی، اس پر مجھے فخر ہے ۔ غلام سرور خان نے کہا کہ ہمارا میںڈیٹ ہی اختساب کا ہے جہنوں نے ملک لوٹا انکا حساب ہم نے کرنا ہے، حساب کتاب چھوٹے چوروں سے نہیں وزیراعظم ہاوس سے پہلے اختساب شروع کیا، پنجاب ہاوس تختہ لاہور کے ڈرامہ باز کو ہم نے پکڑا، جس کے شر سے سرکاری افسروں کی بیویاں اور لوگوں کی بچیاں محفوظ نہیں تھی،انشاء اللہ ہماری حکومت پانچ سال پورے کرے گئی۔

انہوں نے کہا کہ یہ استعفی دے رہے تھے کدھر ہیں استعفی، یہ ضمنی الیکشن اور سینٹ الیکشن میں بھی حصہ لیں گیے، کیسز ختم کرنے کے لیے یہ لوگ منتیں ترلے کر رہے ہیں ۔انہوں نے کہا کہ ان کا احتساب بھی جاری رہے گا اور حکومت پانچ سال پورے بھی کرے گی، انہوں نے مزید کہا کہ ان کا مستقبل جیلیں ہیں اور ان انجام بھی یہی ہے، سب سے زیادہ ضرورت اتحاد اور اتفاق کی ہے، ہم میں کوئی سندھی، بلوچی کوئی پنجابی ، پٹھان نہیں سب پاکستانی ہیں۔

ایڈیشنل آئی جی سی ٹی ڈی محمد طاہر رائے کی بطور آئی جی بلوچستان تعیناتی اور ڈی آئی جی کرائمز ڈاکٹر مسعود سلیم کی ریٹائرمنٹ پر الوداعی تقریب۔افسران نے پنجاب پولیس بالخصوص سی ٹی ڈی کو بطور ادارہ مستحکم بنانے میں محمد طاہر رائے کی گراں قدر خدمات کوسراہا۔ آئی جی پنجاب نے اس مو قع پر کہا کہ محمد طاہر رائے پاکستان پولیس سروس کے انتہائی پروفیشنل، قابل اور محنتی آفیسر ہیں۔محمد طاہر کی بہترین لیڈر شپ اور انتھک محنت کی بدولت صوبے سے دہشت گردوں کو بھاگنا پڑا۔

ایڈیشنل آئی جی اسٹیبلشمنٹ اظہر حمید کھوکھر، ایڈیشنل آئی جی انویسٹی گیشن فیاض احمد دیو سمیت دیگر افسران نے بھی محمد طاہر رائے کی خدمات کو شاندار اندازمیں سراہا۔حکومت کی جانب سے بطور آئی جی بلوچستان تعیناتی میرے لئے اعزاز سے کم نہیں۔

ایڈیشنل آئی جی سی ٹی ڈی محمد طاہر رائے نے کہا کہ پنجاب پولیس میں طویل عرصہ سروس کے بعد بلوچستان پولیس کی سربراہی ملنے پر اللہ پاک کا شکر گذار ہوںتمام شہریوں، افسران اور ماتحتوں کی یکساں عزت اورانکے ساتھ خوش اخلاقی سے پیش آنامیری کامیابی کا راز ہے۔ بلوچستان کے تمام شہریوں اور قومیتوں کے تحفظ کیلئے اپنی تمام صلاحیتوں کوبروئے کار لاؤں گا۔

مخلوق خدا کی جان و مال کے تحفظ کو یقینی بناتے ہوئے شہادت کے رتبے پر فائز ہونا میری اولین خواہش ہے۔ محمد طاہر رائے اور ڈاکٹر مسعود سلیم نے اپنے اعزاز میں تقریب کے انعقاد پر آئی جی پنجاب اور دیگر افسران کاشکریہ ادا کیا۔ محکمہ پولیس کے لیے بوقت ضرورت میری خدمات ہمیشہ میسر رہیں گی۔ ڈاکٹر مسعود سلیم
تقریب کے اختتام پر آئی جی پنجاب نے محمد طاہر رائے اور ڈاکٹر مسعود سلیم کو یادگاری سووینئرزبھی دئیے۔

سابق وزیراعظم چودھری شجاعت حسین اور قائم مقام گورنر پنجاب چودھری پرویزالٰہی سے پاکستان میں جرمنی کے سفیر ڈاکٹر برن ہارڈ سٹیفن شلیگ ہیک Dr. Bernhard Stephan Schlagheck کی ملاقات ، فرسٹ سیکرٹری کرسچن بوچر Mr. Christian Boettcher بھی ملاقات میں موجود تھے ، اس موقع پر دونوں ممالک میں باہمی تجارت، موجودہ ملکی و عالمی سیاسی صورتحال اور باہمی دلچسپی کے دیگر امور پر تبادلہ خیال کیا گیا ، جرمن سفیر نے چودھری شجاعت حسین کی خیریت بھی دریافت کی

چودھری شجاعت حسین نے کہا کہ جرمنی میں کورونا میں مبتلا پاکستانیوں کو احسن طریقے سے ڈیل کرنے پر جرمن حکومت کے خصوصی شکرگزار ہیں
قائم مقام گورنر پنجاب چودھری پرویزالٰہی نے کہا کہ پاکستان اور جرمنی کے درمیان تعلقات کو مضبوط بنیادوں پر استوار کرنے کی ضرورت ہے، اوورسیز پاکستانی جرمنی کی ترقی کیلئے تعاون کر رہے ہیں

پاکستان میں جرمن مصنوعات کو بہت پسند کیا جاتا ہے ، پاکستان ایک خوبصورت اور امن پسند ملک ہے، تمام ممالک کے سفیر شمالی علاقہ جات میں خود جا کر قدرتی خوبصورتی کو بیان کرتے ہیں ، جرمن سفیر ڈاکٹر برن ہارڈ سٹیفن شلیگ ہیک نے کہا کہ پاکستان اور جرمنی کے درمیان دوستانہ تعلقات قائم ہیں ، پاکستان کے لوگ ملنسار اور محبت کرنے والے ہیں، پاکستان میرا دوسرا گھر ہے اور ہم پاکستانیوں کا جرمنی میں خصوصی خیال رکھتے ہیں

ڈبلیو ایچ او کے ذریعے کورونا کے خاتمے کیلئے فائزر کی تیار کردہ ویکسین پاکستان کو جلد از جلد فراہمی کیلئے کوشاں ہیں، چودھری پرویزالٰہی کے وزارتِ اعلیٰ کے دور میں عوامی فلاحی منصوبوں کی وجہ سے پنجاب نے خوب ترقی کی، خصوصاً تعلیم، صحت اور زرعت کے شعبوں میں ورلڈ بینک نے بھی ان منصوبوں کی تعریف کی
جرمن سفیر ڈاکٹر برن ہارڈ سٹیفن شلیگ ہیک نے چودھری شجاعت حسین کو اپنی کتاب کا تحفہ بھی پیش کیا