Category: پنجاب

لاہور: ہوٹل میں مقیم پی ٹی آئی کے رکن پنجاب اسمبلی کے کمرے میں آگ لگ گئی۔

باغی ٹی وی : نجی خبررساں ادارے کی رپورٹ کے مطابق پی ٹی آئی کے رکن پنجاب اسمبلی ندیم عباس بارا لاہور کے مقامی ہوٹل میں مقیم تھے جہاں ان کے کمرے میں اچانک آگ لگ گئی۔

رپورٹ کے مطابق ندیم عباس بارا کمرے میں سوئے ہوئے تھے جو ہیئر ڈرائی مشین کے جلنے کی بوسے جا گے تاہم ندیم عباس بارا کے کمرے میں لگنے والی آگ پر فوری قابو پالیا گیا ہے-

واضح رہے کہ پنجاب کی وزارت اعلیٰ کے انتخاب کیلئے حکومت اور اپوزیشن نے اپنے اپنے ارکان اسمبلی کو ہوٹلوں میں ٹھہرایا ہے ذرائع کے مطابق تحریک انصاف کے 160 سے زائد ارکان اسمبلی مال روڈ پر واقع ہوٹل پہنچ گئے ہیں جبکہ دیگر ارکان پنجاب اسمبلی بھی آج ہوٹل پہنچ جائیں گے۔

دوسری جانب پاکستان تحریک انصاف کے چیئر مین اور سابق وزیر اعظم عمران خان پنجاب کی وزارت اعلیٰ کے انتخاب کے سلسلے میں آج لاہور پہنچیں گے عمران خان کی زیر صدارت پارلیمانی پارٹی کا مشترکہ اجلاس آج لاہور میں ہوگا اور سابق وزیر اعظم پی ٹی آئی اور مسلم لیگ ق کے ارکان اسمبلی سے خطاب کریں گے۔

علاوہ ازیں کل پنجاب اسمبلی میں وزیراعلیٰ پنجاب کے لیے انتخاب کے سلسلے میں تمام ترحفاظتی اور قانونی اقدامات کرنے کا فیصلہ کیا گیا ہے اس سلسلے میں اسمبلی سیکریٹریٹ کی طرف سے کچھ احکامات بھی جاری کیئے گئے ہیں سپریم کورٹ کے حکم کے مطابق 22 جولائی 2022 کو وزیراعلیٰ پنجاب کے آزاد اور شفاف انتخاب کے انعقاد کیلئے صوبائی اسمبلی سیکریٹریٹ کی طرف سے ضابطہ اخلاق جاری کردیا گیا ہے۔

کل کے حوالے سے جاری کردہ جوضابطہ اخلاق سامنے آیا ہے اس کے مطابق اسمبلی سیکریٹریٹ میں اراکین اسمبلی اور اسمبلی اسٹاف کے مہمانوں کے داخلے پر مکمل پابندی ہوگی۔اس کے ساتھ ساتھ اسپیکر باکس، آفیسر باکس اور مہمانوں کی گیلریاں بند ہوں گی، تاہم میڈیا گیلری کھلی ہوگی۔

اس سلسلے میں مزید بتایا گیا ہے کہ جاری ضابطے میں یہ بھی بتایا گیا ہے کہ اراکین اسمبلی سے گزارش ہے کہ اسمبلی کی طرف سے جاری کردہ شناختی کارڈ ہمراہ رکھیں، جب کہ ایوان میں موبائل فون لے جانے پر پابندی ہوگی۔

لاہور: پنجاب حکومت نے 11 ٹول پلازے صوبائی کابینہ کی منظوری کے بعد ایک سال کیلئے ختم کردیئے جبکہ باضابطہ نوٹیفکیشن بھی جاری کردیا گیا۔

باغی ٹی وی : ذرائع کے مطابق شیخوپورہ میں مرید کے کے مقام پر مریدکے نارووال روڈ ٹول پلازہ ، شیخوپورہ میں برج اٹاری کے مقام پر قائم لاہور، جڑانوالہ، فیصل آباد روڈ ٹول پلازہ ، ضلع ننکانہ صاحب میں موڑ کھنڈا کے مقام پر ٹول پلازہ ختم کرنے کی منظوری دے دی-

اس کے علاوہ ضلع سیالکوٹ بائی پاس پر واقع گوجرانوالہ سیالکوٹ روڈ ٹول پلازہ ، وزیر آباد بائی پاس پر وزیر آباد سیالکوٹ کشمیر روڈ ٹول پلازہ، ضلع قصور میں کھڈیاں خاص کے مقام پر واقع قصور دیپالپور روڈ ٹول پلازہ ختم کرنے کی منظوری دی گئی۔

صوبائی حکومت نے ضلع اوکاڑہ میں دیپالپور قصور روڈ پر واقع ٹول پلازہ ، ضلع وہاڑی میں چیچہ وطنی، بوریوالا روڈ پر واقع ٹول پلازہ، ضلع بہاولپور میں بہاولپور حاصل پور، چشتیاں روڈ پر واقع ٹول پلازہ ختم کرنے کی منظوری دے دی۔

علاوہ ازیں لاہور، جڑانوالہ، فیصل آباد روڈ ٹول پلازہ، ضلع ساہیوال میں ساہیوال، عارفوالہ روڈ پر واقع ٹول پلازہ اور ضلع ساہیوال میں ساہیوال پاکپتن روڈ پر واقع ٹول پلازہ بھی ختم کرنے کی منظوری دی۔

واضح رہے کہ تمام ٹول پلازے ختم ہونے سے 64کروڑ روپے کی سرکاری خزانے میں کمی ہوگی۔

سابق وزیر خارجہ شاہ محمود قریشی نے کہا ہے کہ پولیس کا رویہ غیر جانبدار اور بالکل مناسب ہے۔

باغی ٹی وی :پی ٹی آئی کے رہنما شاہ محمود قریشی نے میڈیا سے گفتگو کرتے ہوئے کہا کہ 2 پولنگ اسٹیشنز سے شکایات آ رہی ہیں۔ ملت کالج ممتاز آباد سے شکایت آئی ہے اور پولنگ اسٹیشنز کے اندر وہی ایجنٹ ہو جن کے پاس مجاز اتھارٹی ہو۔

انہوں نے کہا کہ یونین کونسل 62 کے خواتین پولنگ اسٹیشن پر ابھی تک عملہ نہیں پہنچا تاہم پولیس الرٹ دکھائی دے رہی ہے اور پولیس کا رویہ غیر جانبدار اور بالکل مناسب ہے۔ بارش نہ ہو تو اچھا ٹرن آوٹ رہے گا۔

شاہ محمود قریشی نے کہا کہ 2پولنگ اسٹیشنز سے شکایات آرہی ہیں، ملت کالج ممتاز آباد سے شکایت آئی ہے ، پولنگ اسٹیشنز کے اندر وہی ایجنٹ ہوجن کے پاس مجاز اتھارٹی ہو،پولیس الرٹ دکھائی دے رہی ہے،پولیس کا رویہ غیر جانبدار اور بالکل مناسب ہے،بارش نہ ہو تو اچھا ٹرن آوٹ رہے گا،ووٹر ز جلد از جلد پولنگ اسٹیشنز پر پہنچ کر ووٹ کاسٹ کریں عمران خان نے فرنٹ فٹ پر پارٹی کی کمپین کی،اس وقت پولنگ پرامن طو رپر جاری ہے،مجھے پی ٹی آئی اس وقت ڈٹی ہوئی نظر آئی،میں نے ہمیشہ کوشش کہ دروغ گوئی سے کام نہ لیا جائے-

رہنما پی ٹی آئی فواد چوہدری نے پی پی167 لاہور کا دورہ کیا اورپولنگ کےعمل اور ووٹر زٹرن آؤٹ کو بہتر قرار دے دیا ضمنی انتخابات کےحوالے سے گفتگو کرتے ہوئے کہا کہ پولنگ انتہائی اچھے ماحول میں جاری ہے، چھوٹی موٹی شکایات ہیں لیکن بظاہر ماحول خوشگوار اور موسم بھی ابھی تک ساتھ دے رہا ہے۔

فواد چوہدری نے کہا کہ مجموعی طور پر ووٹنگ کی شرح بہتر ہے، امید ہے ہم اپنا ہدف حاصل کریں گے، اکا دکا واقعات ہوتے رہتے ہیں لیکن سکیورٹی پر کمپرومائز نہیں کرنا چاہیے، ہم پر امن لوگ ہیں اور ووٹ کا حق استعمال کریں گے جن لوگوں کا ووٹ ہے فوراً پولنگ اسٹیشن پہنچیں اور فرض ادا کریں، ہمیں خوشی ہے کہ لوگ ووٹ ڈالنے کے لیے خود باہر نکل رہے ہیں۔

الیکشن کمیشن کے حوالے سے بات کرتے ہوئے پی ٹی آئی رہنما کا کہنا تھا کہ الیکشن کمیشن انتظامی طور پر نااہل ثابت ہوا ہے لیکن فی الحال اسی الیکشن کمیشن پر گزارہ کرنا ہے۔

پی ٹی آئی رہنما حماد اظہرنے کہا کہ پی ٹی آئی کا مقابلہ ن لیگ سے نہیں انتظامیہ سے ہے،ہمارے کیمپوں میں کافی رش ہے،امپورٹڈ حکومت کو احتساب کا سامنا کرنا پڑے گا، اس وقت ہر جگہ پرامن طریقے سے پولنگ جاری ہے،ابھی تک کہیں سے کوئی شکایت نہیں ملی،یہ الیکشن بیرون قوتوں،پولیس اور انتظامیہ کیخلاف ہے،جگہ جگہ الیکشن کمیشن کی نااہلی دیکھنے کو مل رہی ہے،ہمارا ووٹر پرجوش ہے اور جیت ہماری ہی ہوگی،یہ الیکشن بیرونی قوتوں،پولیس اور انتظامیہ کے خلاف ہے-

پی ٹی آئی رہنما عمران اسماعیل نے کہا کہ پنجاب کے عوام کو فیصلہ کرنا ہوگا کہ انہیں غلامی میں جینا ہے یا حقیقی آزادی سے-

پی ٹی آئی رہنماعمران اسماعیل نےکہاکہ دھمکی، دھونس، رشوت سےووٹ خریدنا ن لیگ کا پرانا طریقہ واردات ہے ، پنجاب ضمنی الیکشن حقیقی آزادی کی شروعات ہے،عوام امپورٹڈ حکومت کے بیانیہ کومسترد کرکے عمران خان کے ساتھ کھڑےہیں، پنجاب کے عوام کو فیصلہ کرنا ہوگا کہ انہیں غلامی میں جینا ہے یا حقیقی آزادی سے-

اسد عمر نے کہا ہے کہ پولیس ووٹرز کے لیے پریشانی پید اکرنے کی کوشش کررہی ہے،پولیس ووٹنگ کے عمل میں مداخلت کرنے کی کوشش کررہی ہے،علی امین گنڈاپور کو پنجاب آنے سے منع کر دیا گیا،قوم حقیقی آزادی کیلئے کھڑی ہو گئی،عوام کا سمندر پولنگ اسٹیشنز کی طرف جارہا ہے-

پی ٹی آئی رہنما شہباز گل نے کہا ہے کہ ۔تمام جماعتیں، حکومتی مشینری ایک طرف دوسری طرف عوام ،عمران خان اور پی ٹی آئی، جیت حق کی ہوگی۔

رہنما پی ٹی آئی شہباز گل نے الزام عائد کیا ہے کہ ڈی سی او مظفر گڑھ شریف خاندان کا غلام ہے۔ شہباز گل نے دھمکی دی ہے کہ ڈی سی او کو قانون کے اندر رہ کر نشان عبرت بنائیں گے۔

شہباز گل نے کہا ہے کہ پی پی 272 پولنگ اسٹیشن 44ا ور46 سے ہمارے پولنگ ایجنٹس کو نکالا گیا،ہمارے ایجنٹ کے خلاف ایف آئی آر کاٹی گئی ،دونوں حلقوں میں 10سے15ہزار جعلی ووٹ ڈالے جائیں گے،تحریک کا انتخابی کیمپ متحرک ہے۔

شہباز گل کے مطابق انہیں خالی ڈبے اور بیلٹ پیپر چیک نہیں کرنے دئیے گئے۔ فارم 46 شفافیت ختم کر دی گئی۔ اب پتہ نہیں اس پولنگ سٹیشن پر کتنے جعلی ووٹ ڈالے جائیں گے۔دھاندلی کا آغاز کر دیا گیا۔

انہوں نے شہریوں سے درخواست کی کہ جن حلقوں میں الیکشن ہیں وہاں سب لوگ اپنا ووٹ کاسٹ کریں اور فراڈیوں پر نظر رکھیں۔