ڈپٹی کمشنر نبیلہ عرفان کی زیر صدارت ضلعی امن کمیٹی کا اجلاس ڈی سی آفس کمیٹی روم میں منعقد ہوا ہے، اجلاس میں ڈی پی او سید اکبر علی شاہ، اے ڈی سی جیمحمد حنیف، اسسٹنٹ کمشنرعثمان سکندر، چیئرمین ضلعی پنجاب بیت المال امجد خاں کاکٹر، راہنما پی ٹی آئی حافظ ذوالفقار مہیس، پیر علامہ قاضی محمد یعقوب رضوی، حافظ عبدچالمجید، شیخ ثائرعلی، حاجی نذرعباس، انتظارحسین شاہ، ڈاکٹر طارق اپل، علامہ عبدالرزاق رضوی، حافظ طلعت محمود و دیگر علماء کرام اور ممبران امن کمیٹی نے شرکت کی ہے،

ڈپٹی کمشنر نبیلہ عرفان نے اس موقع پرخطاب کرتے ہوئے کہا کہ ضلع نارووال میں محرم الحرام کے پرامن انعقاد کیلئے پبلک سیفٹی و سیکورٹی میونسپل سروسز اور دیگر انتظامات کے علا وہ ضابطہ اخلاق اور کورونا وائرس ایس او پیز پرعملدرآمد کو یقینی بنایا جائے گا، ضلع میں ضلعی امن کمیٹی کی کاوشوں سے عرصہ دراز سے امن و امان کی مثالی فضاء قائم ہے اوریہ فضاء اسی صورت برقرار اور قائم رہے گی، جب علما ء کرام اورممبران امن کمیٹی اپنے اپنے مسلک کے لوگوں پراثر اور کنٹرول قائم رکھیں گے، ضلع میں امن وامان کا قیام موجودہ اور آئندہ نسلوں کی بقاء کا ضامن ہے، تما م مسالک کے لوگ صبرو تحمل بردباری، رواداری اور بھائی چارے کے اصولوں پرعمل کریں منبر و محراب سے کسی مسلک کی دل آزاری نہیں ہونی چاہیے، محرم الحرام میں مجالس اور جلوسوں میں شرکت کرنیوالوں کو کورونا وائرس ایس او پیز پر عمل ضرور کروائیں، قانون کی پاسداری کو ہرصورت یقینی بنائیں، محرم الحرام پر مجالس اور جلوس روٹس کی صفائی و لا ئٹنگ و غیرہ کو متعلقہ میونسپل کمیٹیز یقینی بنائیں گیے.

ڈی پی اوسید اکبر علی شاہ نے خطاب کر تے ہو ئے کہا کہ امن کمیٹی کا بنیادی مقصد دلوں کو جوڑنا ہے، امن کمیٹی کے اراکین کے ضلع بھر میں اتحاد و اتفاق کی جو درخشندہ روایات قائم کی ہیں وہ قابل ستائش ہیں اور توقع ہے کہ انہیں مستقبل قریب میں بھی برقرار رکھا جائے گا، سوشل میڈیا پر اشتعال انگیز پوسٹیں ذاتی فعل ہیں اور ایسا کرنیوالوں کی زیرو ٹارلنس ہو گی، شہریوں کا فرض ہے کہ اپنے اردگرد کے ماحول پر خصوصی نظر رکھیں اگر کہیں مشتبہ لوگ یا لاوارث سامان نظر آئے فوری اطلاع کریں.

اس موقع پر ممبران امن کمیٹی حافظ ذوالفقار مہیس، امجد خاں کاکڑ، شیخ ثائرعلی، حاجی نذرعباس، انتظار حسین شاہ، علامہ پیر قاضی محمد یعقوب رضوی، حافظ عبدالمجید و دیگر علما ء کرام نے اظہار خیال کر تے ہو ئے ڈپٹی کمشنر اور ڈی پی او کو مکمل تعاون کا یقین دلایا اورسیکورٹی انتظامی امور کے حوالہ سے کئی ایک تجاویز پیش کیں.

ڈپٹی کمشنر نے کہا کہ اراکین امن کمیٹی کی تما م مثبت تجاویز پر عملدرامد کو یقینی بنائیں گے، اے ڈی سی جی کو ہدایت کی کہ تحصیل لیول پراسسٹنٹ کمشنر، ڈی ایس پی، ایس ڈی او، واپڈا اور سی او میونسپل کمیٹی پر مشتمل کمیٹی تشکیل دیں جو اپنے اپنے علا قہ میں محرم الحرام سے قبل محرم الحرام کے موقع پر جلوسوں کے روٹس کا با قاعدہ معائنہ کریں اور سہولیات کی فراہمی کو یقینی بنائیں.

محمد عارف راشد باغی ٹی وی نارووال

صدیوں کا بیٹا تاریخی قصبہ لڈن تبدیلی سرکار کا قصبہ لڈن سے سوتیلی ماں جیسا سلوک ہے، ایک لاکھ کی آبادی بنیادی سہولتوں کی عدم دستیابی کے باعث سخت اذیت کاشکار ہے، ناقص سیوریج سسٹم ہے، پینے کا صاف پانی کئی سال سے بند ہے واٹر سپلائی ضلعی انتظامیہ کا منہ چڑھارہی ہے، لڈن کی سیاسی سماجی اور تجارتی حلقوں نے وزیراعلیٰ پنجاب، کمشنر ملتان اور ڈی سے وہاڑی سے نوٹس لینے کا مطالبہ کیا ہے، ناقص سیوریج سسٹم کے باعث گلی محلے سڑکیں گندے پانی میں ڈوب چکیں ہیں، شہرکے چاروں اطراف محلہ جاوید کوٹ، ممتازبازار، نئی آبادی، حسن محمود کالونی، حسوپورہ، امام بارگاہ، شاہد کالونی مین بازار چوک قاسم شہید، عیسن والا میں گندے پانی کے جوہڑ بن چکے ہیں، یہاں کی عوام ترقی کے اس دور میں بھی مضرصحت پانی پینے پر مجبور ہیں، جس سے شہریوں میں پیٹ کی بیماریوں وبائی امراض کے علاوہ ہیپاٹائٹس بی اور سی کا شکار ہورہے ہیں، جگہ جگہ گندگی اور غلاظت کے ڈھیر لگ چکے ہیں، شہرکے وسط میں کئی سال سے پڑی بند واٹر سپلائی گندے پانی اور مچھروں کی آماجگاہ بن گئی ہے.

لڈن کی سیاسی سماجی اورتجارتی رہنماوٴں عنصر جوئیہ، عمر دراز رحمانی، حاکم علی رحمانی، مہر زاکر، شوکت کاٹھیا، حاجی زبیح اللہ، چوہدری انیل نے میڈیا کو بتایا کہ قصبہ لڈن لاوارثوں کا شہر ہے، یہاں پر اقتدار کرنے والے سابقہ اور موجودہ حکمرانوں نے اس شہر کی کبھی بھی صیح معنوں میں حقیقی ترجمانی نہیں کی ہے، آج بھی یہ قصبہ گنجان آباد ہونے کے باوجود پستی اور تنزلی کا شکار ہے، پرانے اور نئے پاکستان کے دعوے دار آج بھی ان بنیادی مسائل سے منہ پھیر چکے ہیں، سب سے بڑا مسئلہ سیوریج کا ہے، جو کروڑوں روپے خرچ کرنے کے باوجود ضلعی انتظامیہ کی عدم توجہ اور کرپشن کے باعث جوں کا توں ہے، یہاں کے سفید پوش لوگ نقل مکانی پر مجبور ہوچکے ہیں، سیوریج کے پانی سے غریب لوگوں کے مکان گر رہے ہیں، لہزا ہم وزیراعلیٰ پنجاب کمشنر ملتان اورڈپٹی کمشنر وہاڑی سے نوٹس لینے کامطالبہ کرتے ہیں.

طیب اشرف
نمائندہ باغی ٹی وی لڈن
تحصیل وہاڑی ضلع وہاڑی