Category: بلاگ

آج سے دو دن پہلے تک پاکستان میں سوشل میڈیا پر کشمیر سہر فہرست تھا ہر شخص سیاسی، مسلکی و مذہبی وابستی سے بالاتر ہوکر کشمیر پر ہونے والے مظالم کو دنیا کے سامنے لارہا تھا ـ مودی کو ریاست کی جانب سے ہٹلر اور نازی ازم کا پیروکار کا بیانیہ عام ہورہا تھا ـ دنیا اس طرف متوجہ ہورہی تھی ـ پاکستان کے صحافیوں کی اکثریت کچھ لبرل ازم کے لبادے میں چھپے ناپاک لوگوں کے علاوہ کشمیر کا مقدمہ بڑے زور و شور سے بین الاقوامی سطح پر شد و مد سے لڑ رہے تھی ـ ایک موقع ایسا بھی آیا کہ بھارت کا جشن آزادی کا دن دنیا بھر میں یوم سیاہ بن کر ٹاپ رہا ـ
لیکن پھر یہ ہوا کہ مودی کے پہلے سے متحدہ عرب امارات کے طے شدہ دورے میں ایک اعزاز دیا گیا جو کہ متحدہ عرب امارات کا اپنا طرز عمل تھا وہ اسکی اپنی خارجہ پالیسی تھی ـ مگر یہاں پاکستان میں ایک طوفان آیا ـ سوشل میڈیا پر رُخ ہی بدل گیا ہر طرف اسکی مذمت اس پر تحاریر کا نہ رکنے والا ایک سلسلہ شروع ہوگیا ـ یہ بات صرف یہاں تک نہ رہی بلکہ اس کو سیاسی رنگ مل گیا ـ عمران خان کی جانب سے متحدہ ارب امارات کے امیر کو گاڑی میں ساتھ وزیر اعظم ہاؤس تک لیجانے پر جملے کسے گئے پاکستان کو بھکاری سے تشبیہہ دی جانے لگی ـ صحافی، تجزیہ نگار، دانشور، عام آدمی اور سوشل میڈیا ایکٹیوسٹ مجھ سمیت اس رنگ میں رنگ گئے ـ پھر مودی کا نوازشریف کے گھر شادی پر آنا بھی سوشل میڈیا پر زینت بنا ـ فلسطین کا مودی کے ساتھ کھڑا ہونا بھی سامنے آیا ـ اور پھر کامران خان کی جانب سے عرب ممالک کی جانب سے مودی کو سول اعزاز دینے پر ایک رائے سامنے آئی تو اس کو بتنگڑ بن گیا اور اس رائے کو عمران خان کے ساتھ ملاقات سے جوڑ کر ایک مہم شروع ہوگئی ـ جس کے مرکزی کردار انصار عباسی بنے ـ اس موقع پر کل وزیر خارجہ شاہ محمود قریشی کا بیان آیا جس میں انہوں نے ایک ڈپلومیٹ کی طرح ڈپلومیٹک بیان دیا کہ متحدہ عرب امارات کشمیر ایشو میں ہمارے ساتھ ہے اسکے بھارت سے اپنے تعلقات ہیں اور ہم سے اپنے تو اس پر ہی شور مچ گیا اور ایک اور مہم شروع ہوگئی ـ اس سارے شور طوفان اور کشمکش میں کشمیر بہت دور رہ گیا ہے ـ
حالانکہ ان ہی دنوں ایک ایسا واقعہ پیش آیا کہ جس کو بنیاد بنا کر ہم کشمیر کا ایشو بھرپور طریقے سے پیش کرسکتے تھے ـ بھارتی حکومت نے اپوزیشن کے لیڈر راہول گاندھی اور اس کے وفد کو کشمیر سری نگر پہنچنے پر واپس بھیج دیا اور سری نگر جانے نہیں دیا ـ جس پر ان کے ہاں میڈیا پر اور سنجیدہ حلقوِں میں بہت تشویش کا اظہار کیا گیا اور ادھر پاکستان میں ایک دوسرے کی ایسی کی تیسی مارنے پر سب کی پوری توجہ مرکوز تھی اور ہر کوئی ایک دوسرے کو نیچا دیکھانے میں نمبر لیجانے میں مصروف تھا
دشمن اس پوری صورتحال کو یقیناً انجوائے کررہا ہوگا اور دیکھ رہا ہوگا پاکستان میں کشمیر پر ایک ہونے والا بیانیہ اب بکھر چکا ہے ـ میں نے دو دن میں جب سب کا تجزیہ کیا سب کا بغور جائزہ لیا اپنے لوگوں کا بیانیہ دیکھا تو جو میں آج سے دو دن پہلے خود کو جتنا طاقتور اور کشمیر سے جتنا مخلص سمجھ رہ تھا آج میں اتنا ہی خود کو کمزور اور کشمیر سے مخلص نہیں سمجھ رہا ـ
میرے پاکستانیو! آؤ کشمیر کو مرنے نہ دیں، آؤ کشمیر کو زندہ رکھیں، ہم بعد میں آپس کے حساب چکتا کرلیں گے، آؤ جو قائل نہیں انہیں قائل کریں، آؤ دوبئی، بحرین، ابوظہبی، سعودی عرب جو بھی ملک ہے وہ ہندوستان کے ساتھ ہونگے مگر وہ میرا دل کہتا ہے کشمیر کے ساتھ کھڑے ہونگے ـ بس ہمیں ان کو بتانے سمجھانے اور دیکھانے کی ضرورت ہےـ کشمیری آج آزادی کی تمنا لیے سر پر کفن باندھے ظالم، جابر، متعصب دشمن کے سامنے کھڑا ہےـ ہم ان کی آواز، ہم انکا حوصلہ، ہم اسکی استقامت ہیں ـ میرے پاکستانیوں انکی آواز، انکی استقامت اور انکے حوصلے کو بکھرنے نہ دو ـ آؤ کشمیر کو زندہ رہنے دیں آپنی آواز میں، اپنی تحریر میں، اپنی تقریر میں آؤ اپس میں پھر ایک ہوکر کشمیر کشمیر کا ورد کریں ـ

نامہ.نگار روزنامہ جرات ـ ( کراچی )
بلاگر ـ سوشل میڈیا ایکٹیوسٹ

انیس سو چھپن میں اپنی معیشت کو سہارا دینے کیلئے مصر کے صدر جمال عبدالناصر نے نہر سوئز کو نیشنلائز کرنے کا فیصلہ کیا۔ یہ نہر اس وقت برطانوی اور فرنچ کمپنیوں کی ملکیت میں تھی۔ اس وقت دنیا میں دو گروہ بن گئے ایک وہ جو مصر کی حمایت کر رہا تھا اور دوسرا برطانیہ کہی۔ آپکو پتہ ہے کہ پاکستان کا نمائندہ وفد اس وقت برطانیہ کی بلائی گئی سوئز کانفرنس میں موجود تھا۔
اسکی وجہ یہ تھی کہ ہمیں اسلحہ اور پیسہ امریکہ اور اسکے اتحادیوں سے مل رہا تھا تو ہم نے اپنے "قومی مفاد” میں مصر کے بجائے برطانیہ کا ساتھ دیا۔ اس وقت کے وزیراعظم حسین شہید سہروردی سے جب پوچھا گیا کہ مسلمان ملک کے بجائے آپ نے برطانیہ کو کیوں سپورٹ کیا تو انہوں نے کہا کہ مسلم ممالک سے اتحاد کا ہمیں کیا فائدہ ہوگا؟ یہ تو صفر جمع صفر برابر صفر والی بات ہے۔ جمال عبد الناصر نے جیتے پھر مسئلہ کشمیر پر انڈیا کی ہی حمایت کی۔

اسی طرح جب پاکستان نے جب امریکہ کے کہنے پر معاہدہ بغداد جسے سینٹو بھی کہا جاتا ہے میں شمولیت اختیار کی تو عرب ممالک بہت ناراض ہوئے۔ مگر پاکستان نے عربوں کے احتجاج کو نظر انداز کر دیا کیونکہ ہمارا "قومی مفاد” معاہدہ بغداد میں پوشیدہ تھا۔ سعودی عرب نے اس کے بعد نہرو کو دورے کی دعوت دی۔ جب نہرو سودی عرب پہنچے تو وہاں "مرحبا یا یا رسول السلام” کے بینر لگائے گئے جس پر پاکستان میں "غم و غصے” کی لہر دوڑ گئی۔

نائن الیون کے بعد جب بقول غامدی صاحب امریکہ نے جہاد کرنے کیلئے افغانستان پر حملہ کیا تو پاکستان نے امریکہ کی تمام کی تمام شرائط مانتے ہوئے امریکہ کا ساتھ دیا کیونکہ ہمارا "قومی مفاد” اسی میں تھا۔ مشرف نے سب سے پہلے پاکستان کا نعرہ لگایا اور افغانی سفیر کو برہنہ حالت میں باندھ کر امریکہ کے حوالے کیا۔

عربوں کی بات کریں تو پنجابی میں جیسے کہتے ہیں کہ انہوں آج تک ہمیں "وٹا” بھی نہیں مارا۔ ہمارے لاکھوں مزدور وہاں مزدوری کرتے ہیں۔ ہمارے ایٹمی بموں جو بارود ہے سعودی عرب کے پیسے سے خریدا گیا ہے۔ جب ایٹمی دھماکوں کے بعد پابندیاں لگیں تو تین سال کیلئے سعودی عرب نے مفت لاکھوں بیرل ڈالر تیل دیا۔ بنگلہ دیش اور بھارت جب ہمارے قیدی نہیں چھوڑ رہے تھے تو شاہ فیصل نے معاملہ حل کروایا۔ حالیہ معاشی بحران میں بھی عربوں نے پیسے دیے۔ آخر مزید ہم عربوں سے کیا چاہتے ہیں؟

عربوں کو لعن طعن کرنے اور امہ کا نعرہ لگانے سے پہلے یہ ضرور سوچیں کہ آخر پاکستان نے پاکستان نے امت کو کیا دیا؟ سوائے بھیک مانگنے کے۔ کشمیر پہ ہم نے تین جنگیں لڑی ہیں عربوں نے فلسطین کیلئے پانچ جنگیں لڑیں ہم نے کتنی جنگوں میں ان کا ساتھ دیا۔ قومی مفاد صرف پاکستان کا ہی نہیں باقی ملکوں کا بھی ہے۔ ان کو بھی اپنے مفاد کا خیال کرنے دیں۔ مودی کو اگر عربوں نے دو چار ہار پہنا دیے ہیں تو اتنا غصہ کرنے کی ضرورت نہیں ہے۔
ویسے کیا انڈیا جو ایشیا کی سب سے بڑی منڈی ہے اس کو چھوڑ کے عرب کیا پاکستان سے تجارت کیا کریں؟ یعنی صفر جمع صفر برابر صفر!

ذیشان وارث

ہم تمہارے جاسوس پکڑتے رہتے ہیں تم بالی وڈ کے ناسور میں ہی رہو

ترجمان پاک مسلح افواج نے شاہ رخ خان کو منہ توڑ جواب دے کر لا جواب کر ڈالا

شاہ رخ کو مخا ب کرتے ہوئے مزید کہا کہ ہندوتوا اور آر ایس ایس کے نازی ازم کے خلاف آوقز بلند کر کے امن کی ترویج کر سکتے تھے
حقیقت میں را کے جاسوس کلبھوشن، وِنگ کمانڈر ابھی نندن اور 27 فروری کی صورتحال دیکھو، امن اور انسانیت کی بات بھی کر سکتے تھے

بجرنگی بھائی جان ہو
اک تھا ٹائیگر ہو
فینٹم ہو
یا شعلے
یا پھر پاکستان مخالف دیگر ہندی فلمیں، انڈیا نے دنیا کی آنکھوں میں دُھول جھونکنے کی خاطر فلموں کا سہارا لیا اور اپنی قوم کو دھوکہ میں رکھا کہ ہم پاکستان کی اینٹ سے اینٹ بجا دیں گے
جبکہ دوسری طرف پاکستانی افواج نے قوم کو دھوکے میں رکھنے کی بجائے زمینی حقائق سے آگاہ رکھا اور ذہنی و جذباتی تربیت کرنے کے ساتھ ساتھ جسمانی طور پر ہر وقت تیار رہنے کی بھی گاہے گاہے ترغیب دی
تاکہ ہندوستانی اگر اپنا شوق پورا کرنے کی خاطر پاکستان کی طرف منہ کریں تو پاکستانی زورِ بازو پر وہ منہ ہی توڑ دیں جیسے کہ کُل بھوشن، جس کے ہم نے کُل پرزے دھر لیے، نندن ابھی جو پاکستان نہیں آئے گا کبھی، اور 27 فروری کے موقع پر انڈیا کو دیا گیا سرپرائز اس سب کا منہ بولتا ثبوت ہیں.
شاید یہی وجہ ہے ہندوستان 7 دن تک جنگ کی دھمکی دیتا رہا اور پاکستان قوم کرکٹ میچ دیکھتی رہی اور انڈیا کی دھمکی کو خاطر میں ہی نہیں لائے کیونکہ پاکستانی جانتے تھے کہ ان تِلوں میں تیل نہیں ہے

اب بھی ہندوستان کشمیر کی خصوصی حیثیت ختم کر کے دراصل جلد از جلد اس لیے کشمیر پر قبضہ کر لیناچاہتا ہے کہ سکھوں نے ریفرنڈم 2020 کا اعلان کر رکھا ہے اور وہ ہر صورت سال 2020 میں خالصتان حاصل کرنا چاہتے ہیں اور اگر ایسا ہوتا ہے تو ہندوستان کے پاس کشمیر پر قبضہ برقرار رکھنے کے لیے زمینی راستہ ختم ہوجائے گا
کیونکہ خالصتان میں وہ علاقے بھی آتے ہیں جو 4 جون 1947 کے منصوبے کے تحت ملنے تو پاکستان کو تھے لیکن برطانوی ماہر قانون سر ریڈکلف نے لارڈ ماونٹ بیٹن کے دباو میں آکر ہندوستان کو دے کر کشمیر پر قبضے کی راہ ہموار کی تھی
ان میں ضلع گورداسپور کی تین تحاصیل، گورداسپور، پٹھانکوٹ اور بٹالہ بھی شامل ہیں
مقبوضہ کشمیر میں ہندوستانی فوج کی جانب سے نافذ کرفیو اٹھنے کی دیر ہے پھر دیکھیے گا کشمیری ہندی قابضین کا قیمہ کیسے کرتے ہیں
اور اس بات کا خدشہ خود انڈیا کو بھی ہے جبھی تو وہ زور بازو سے کشمیری جدوجہد کو کچل دینا چاہتا ہے کیونکہ وہ جانتا ہے کہ پلوامہ طرز پر بڑے پیمانے پر اس کے فوجی مرنے والے ہیں جبھی تو وہ اک مرتبہ پھر پاکستان مخالف ویب سیریز تیار کر کے اپنی قوم کو اندھیرے میں رکھنا چاہتا ہے جس پر ترجمان مسلح افواج نے شاہ رخ خان کی خوب دُرگت بنا ڈلی ہے
تاکہ ہندو قوم کسی بھلیکھے وچ نہ رہے اور اپنے بھائی بندوں کو مرنے سے بچانے کی خاطر مودی سرکار پر دباو ڈالے کہ وہ کشمیر سے جان چھڑوا لے تاکہ ہندوستانی فوج جو کشمیریوں کے قتلِ عام کا ارادہ رکھتی ہے خود بڑے پیمانے پر قتل ہونے سے بچ سکے
اب تیل دیکھنا ہے اور تیل کی دھار دیکھنی ہے
ترجمان مسلح افواج نے تو نقارہ بجا دیا ہے

محمد فہیم شاکر
شیخوپورہ
اتوار 25 اگست 2019