Baaghi TV

Category: سائنس و ٹیکنالوجی

  • "آبدوز ڈرون” جو پہلی نظر میں عام سے مچھلی دکھائی دیتا ہے

    "آبدوز ڈرون” جو پہلی نظر میں عام سے مچھلی دکھائی دیتا ہے

    چینی فوج کے لئے تیار کیا گیا جاسوسی ڈرون جو پہلی نظر میں عام سی مچھلی دکھائی دیتا ہے اسے بیجنگ کی ایک روبوٹ بنانے والی کمپنی نے تیار کیا ہے-

    باغی ٹی وی : غیر ملکی میڈیا کے مطابق کمپنی’بویا گونگداؤ روبوٹکس‘ کا تیار کردہ یہ زیرِ آب جاسوس ڈرون پہلی بار ’’بیجنگ ملٹری ایکسپو‘‘ میں پیش کیا گیا جو گزشتہ ماہ منعقد ہوئی تھی۔

    یہ ڈرون نہ صرف دیکھنے میں اصلی اور جاندار مچھلی جیسا ہے بلکہ اس کے تیرنے کا انداز بھی بالکل کسی حقیقی مچھلی کی طرح ہےاس ’آبدوز ڈرون‘ کی آنکھوں میں جاسوس کیمرے نصب ہیں جو سمندر کے اندر بہت دور تک دیکھنے کی صلاحیت رکھتے ہیں۔

    علاوہ ازیں اس کی کھال میں کئی طرح کے سینسرز بھی ہیں جو اسے سمندری پانی کے درجہ حرارت سمیت دوسری مختلف خصوصیات سے مسلسل باخبر رکھتے ہیں یہ ایک بار مکمل چارج ہوجانے کے بعد، یہ آبدوز ڈرون مسلسل آٹھ گھنٹے تک پانی کے اندر تیر سکتا ہے۔

    بویا گونگداؤ روبوٹکس کا کہنا ہے کہ اسے بحری علوم اور سمندری زندگی پر تحقیق کرنے والوں کےلیے بنایا گیا ہے تاہم ضرورت پڑنے پر اس سے سمندر کی خفیہ نگرانی کا کام بھی لیا جاسکتا ہے۔

  • فری لانسنگ کی دنیا .تحریر عادل ندیم

    فری لانسنگ کی دنیا .تحریر عادل ندیم

    آج سے دھائی پہلے جب طلباء گاؤں سے شہر کا رخ کرتے تھے تو پڑھنے کے ساتھ ساتھ ان کو فکر معاش بھی رھتی تھی جس کے لیے وہ ٹیوشن پڑھاتے ، ھوٹلز پر کام کرتے یا اس جیسے دوسرے مشقت والے کام کرتے۔
    جس سے ان کی پڑھائی پر بھی اثر پڑتا تھا ۔

    آج کا زمانہ بدل چکا ھے
    آج طلباء پڑھائی کے ساتھ ، فری لانسنگ سے کمائی کر رھے ھیں

    آج ھم آپ کو متعارف کروانے جا رھے ھیں فری لانسنگ سے۔
    سب سے پہلا سوال جو آپ سب کے اذھان میں آے گا کہ فری لانسنگ ھے کیا ؟

    فری لانسنگ سے مراد اپنی خدمات کو آن لائن بیچنا ھے ۔
    آپ کو کلائنٹ آرڈر دیتے ھیں کہ ھمارے کاروبار کے لیے ویب سائٹ بنا دیں ، ھمیں گرافکس بنا دیں ، کاروبار کی مارکیٹنگ کر دیں یا ھمارے ورچوئل اسسٹنٹ بن جائیں۔
    اس کے علاؤہ بے شمار ایسے کام ھیں جو آپ فری لانسر کے طور پر سر انجام دے سکتے ھیں .
    آپ اپنے گھر سے یہ کام سر انجام دیتے ھیں آپ کو آفس جانے کی ضرورت نہیں ھوتی۔
    کلائنٹس آپ کو عموماً گھنٹوں کے حساب سے ادائیگی کرتے ھیں

    Upwork, Fiverr, guru.com , Freelancer.com ,toptal & people per hour
    یہ بڑے فری لانسنگ کے پلیٹ فارمز ھیں جن پر ھزاروں کی تعداد میں پاکستانی بھی موجود ھیں اور ماہانہ اچھی خاصی آمدن کما رھے ھیں اور پاکستان میں روپے لا رھے ھیں

    فری لانسنگ کے لیے ضروری ھے کہ آپ کے پاس کوئی سکل ھو جو آپ آن لائن بیچ سکیں۔

    گرافک ڈیزائننگ، سرچ انجن آپٹیمائزیشن، ورڈ پریس، ڈیجیٹل مارکیٹنگ ، ایمازون ورچوئل اسسٹنٹ،ای کامرس، سوشل میڈیا مینیجر اور بے شمار سکلز ھیں جو آپ سیکھ سکتے ھیں
    اب آپ یہ سوچ رھے ھوں گے کہ یہ سکلز سیکھیں ؟
    تو پریشان نہ ھوں مختلف ادارے موجود ہیں جو یہ سکلز سکھا رھے ھیں

    E-Rozgaar , Digi Skills & Tevta
    یہ حکومتی ادارے ھیں جو مختلف سکلز فری میں سکھا رھے ھیں

    اس کے علاؤہ Extreme E-commerce & enablers
    یہ نجی ادارے ھیں جو فری اور پیڈ کورسز کروا رھے ھیں

    آپ انٹرنیشنل لرننگ پلیٹ فارمز جیسا کہ Udemy & Coursera اور دیگر پلیٹ فارمز سے بھی سکلز سیکھ سکتے ھیں۔

    فری لانسنگ کے لیے ضروری ھے کہ آپ کہ پاس ایک عدد لیپ ٹاپ یا کمپیوٹر اور ایک اچھا انٹرنیٹ کنیکشن ھو۔

    آج ھی ان اداروں کی ویبسائٹس کو وزٹ کریں، اپنی پسند کی سکل سیکھیں اور اپنے فری لانسنگ کیرئیر کا آغاز کریں۔

    فری لانسنگ کی دنیا آپ کی منتظر ھے

  • رچرڈ برنسن کا خلائی سفر کامیاب، توقع ہے کہ یہ سفرابھرتی خلائی سیاحت کی حوصلہ افزائی کا باعث بنے گا رچرڈبرنسن

    رچرڈ برنسن کا خلائی سفر کامیاب، توقع ہے کہ یہ سفرابھرتی خلائی سیاحت کی حوصلہ افزائی کا باعث بنے گا رچرڈبرنسن

    ارب پتی رچرڈ برنسن خلائی سیاحت کے کامیاب سفر کے بعد زمین پر واپس آگئے ہیں۔

    باغی ٹی وی : ورجن گلیکٹک خلائی جہاز پر سوار تین دیگر مسافروں اور دو کمانڈروں کے ہمراہ انہوں نے کچھ منٹ خلا میں گزارے توقع ہے کہ یہ سفر ابھرتی خلائی سیاحت کی حوصلہ افزائی کا باعث بنے گا۔

    پرواز کے دوران برنسن نے کہا کہ یہ مہم جوئی زندگی کے ایک عظیم تجربے کی نمائندگی کرتی ہے۔یہ خلائی جہاز امریکا کی نیو میکسیکو ریاست میں اسپیس پورٹ خلا کے لیے روانہ ہوا۔ اس نے تقریبا 50 منٹ تک خلا میں سفر کیا۔

    برنسن نے اعلان کیا کہ وہ ورجن گیلیکٹک ہولڈنگز انک کے لیے ٹیسٹ فلائٹ پر جائیں گےانہوں نے ایک ہفتہ قبل اس وقت یہ اعلان کیا تھا جب ان کی عمر71 سال ہوگئی تھی۔

    برنسن کی پرواز کےصرف نو روز بعد خلائی سیاحت کی دوڑ میں ایمیزون کے بانی جیف بیزوس 20 جولائی کو خلا سفر پر جا رہے ہیں وہ بلیو اوریجن خلائی جہاز میں خلا میں جائیں گے۔

    سفر کا فیصلہ امریکا سے منظوری کے بعد کیا گیا ورجن گیلیکٹک کی فیڈرل ایوی ایشن ایڈمنسٹریشن فیس ادا کرنے والے مسافروں کو لے جاتی ہے برنسن ورجن کے وی ایس ایس یونٹی خلائی جہاز پر سوار ہوئےاس کے ٹیک آف سے لینڈنگ تک کوئی 90 منٹ لگے۔

    ایمازون کے سرابرہ جیف بیزوس کی خلا سے زمین پر واپسی روکی جائے، پیٹیشز پر41000…

    یہ پرواز نیشنل ایروناٹکس اینڈ اسپیس ایڈمنسٹریشن کی وضع کردہ خلائی لائن کے قریب پہنچ گئی۔ اس لائن کو "کرمان لائن” کہا جاتا ہے جو زمین کی سطح سے 100 کلومیٹر دور ہے۔

    خیال رہے کہ متعدد بار تاخیر، ایلون مسک اور جیف بیزوز سے سخت مسابقت کے بعد ورجین گلیکٹک کا یونٹی 22 مشن کامیاب ہوا اس سے قبل بلیو اوریجن نے اپنی پہلی انسانی پرواز 20 جولائی کو بھیجنے کا اعلان کیا تھا جس میں جیف بیزوز بھی شامل ہوں گے تاہم اس اعلان کے فوری بعد ورجن گلیکٹک نے 11 جولائی کو اپنی پہلی پرواز بھیجنے کا اعلان کیا۔

    رچرڈ برانسن رچرڈ برانسن کی خلا میں یہ پرواز ورجین کی اہم کامیابی ہے کیونکہ یہ اسپیس شپ 2 کا پہلا مکمل ٹیسٹ بھی تھا اور اس سے کمرشل خلائی پروازوں کا راستہ کھل جائے گاکمپنی کی جانب سے 2022 سے خلائی پروازوں کو شروع کیے جانے کا امکان ہے۔

    رچرڈ برانسن نے اس کمپنی کی بنیاد 2004 میں رکھی تھی اور انہیں توقع تھی کہ 2009 میں لوگوں کو خلا کی سیر کرانے کا آغاز ہوسکتا ہے، مگر اس سسٹم کی تیاری مشکل ثابت ہوئی جبکہ مالی اخراجات زیادہ اور 2014 کی تجرباتی پرواز جان لیوا ثابت ہوئی۔

    تاہم 17 سال کی کوششوں کے بعد یہ کمپنی توقع کررہی ہے کہ اب اسے کامیابی مل سکے گی جو اب تک سیکڑوں افراد کو 2 سے ڈھائی لاکھ ڈالرز کے ٹکٹ فروخت کرچکی ہے۔

    ائیر کار کی کامیاب آزمائشی پرواز

    امریکا کی ریاست نیو میکسیکو سے سیاحوں یا سائنسی محققین کو اس اسپیس شپ سے خلا میں بھیجا جائے گا جہاں وہ چند منٹ تک بے وزنی، بالائی خلا سے زمین کے مسحور کن نظارے اور محفوظ لینڈنگ کے تجربے سے گزر سکیں گے۔

  • مستقبل قریب میں واٹس ایپ صارفین ایچ ڈی کوالٹی میں تصاویر بھیج سکیں گے

    مستقبل قریب میں واٹس ایپ صارفین ایچ ڈی کوالٹی میں تصاویر بھیج سکیں گے

    فیس بُک کی ایپ وٹس ایپ نے اپنے صارفین کی ہائی ریزولیشن تصویر اور ویڈیو بھیجنے کا دیرینہ مسئلہ حل کر دیا ہے تاہم مستقبل قریب میں واٹس ایپ صارفین ہائی ریزولیشن کوالٹی میں تصاویر بھیجنے کے اہل ہوجائیں گے-

    باغی ٹی وی : چاہے اسمارٹ فون کا کیمرہ 64 میگا پکسل ہو یا 108 میگا پکسل، واٹس ایپ صارفین ہمیشہ یہی شکوہ کرتے دکھائی دیتے ہیں کہ وہ کسی دوسرے کو اپنی ہائی ریزولیشن تصاویر اور ویڈیوز نہیں بھیج سکتے۔

    واٹس ایپ پر نظر رکھنے والی’’بیٹا انفو‘‘ ویب سائٹ کے مطابق واٹس ایپ اپنے صارفین کی بڑی پریشانی کو حل کرنے کے لیے کام کر رہا ہےمستقبل قریب میں صارفین ایک دوسرے کو ہائی ریزولیشن کوالٹی میں تصاویر اور ویڈیوز بھیجنے کے اہل ہو جائیں گے۔


    ویب سائٹ نے دعویٰ کیا ہے کہ واٹس ایپ کے نئے ورژن میں جب کوئی صارف کسی دوسرے کو تصویر بھیجے گا تو اسے تین آپشنز دیے جائیں گے جو درج ذیل ہیں:

    پہلا آپشن آٹو (Auto) ہے جس کا انتخاب کرنے پر تصویر درمیانی ریزولیشن میں بھیجی جا سکے گی۔ یہ آپشن واٹس ایپ کی جانب سے تجویز کردہ ہوگا۔
    دوسرا آپشن بیسٹ کوالٹی (Best Quality) کا ہوگا جس میں صارف تصویر کو اس کی حقیقی ریزولیشن میں بھیج سکے گا تیسرے آپشن ڈیٹا سیور (Data Saver) میں واٹس ایپ تصویر کی ریزولیشن کو خودبخود کم کرے گا۔

    واٹس ایپ کا ہائی ریزولیشن تصویر والا فیچر اس وقت بیٹا ورژن استعمال کرنے والوں کے لیے دستیاب ہے تاہم اس پر مزید کام کیا جا رہا ہے اور جلد ہی تمام استعمال کنندگان اس سے فائدہ اٹھا سکیں گے۔

  • فیس بک کا ٹوئٹر جیسا اہم فیچر متعارف کرانے کا فیصلہ

    فیس بک کا ٹوئٹر جیسا اہم فیچر متعارف کرانے کا فیصلہ

    فیس بک جلد ہی ٹوئٹر کی طرح ’تھریڈ‘ فیچر متعارف کروانے جارہا ہے –

    اغی ٹی وی : ٹیکنالوجی ویب سائٹ ٹیک کرنچ کے مطابق فیس بک اپنے صارفین کے لیے ’عوامی شخصیات کے ایک چھوٹے گروپ کے ساتھ‘ ’تھریڈ‘ فیچر متعارف کروانے جا رہا ہے جس سے صارفین ایونٹس میں لائیو کمینٹری بھی کر سکیں گے۔

    اس بارے میں فیس بک انتظامیہ کا کہنا ہے کہ تھریڈڈ پوسٹس میں ’ویو پوسٹ تھریڈ ‘ کا بٹن بھی شامل ہوگا، جس سے فالوورز تھریڈ میں موجود تمام پوسٹوں کو باآسانی نیوی گیٹ کر سکیں گے۔

    تاہم فیس بک نے ابھی تک تھریڈ کے عوامی رول آؤٹ فیچر کے لیے تفصیلات ظاہر نہیں کی ہیں اور ابھی تک یہ بات بھی واضح نہیں ہے کہ فیس بک اس فیچر کو مزید صارفین تک وسعت دے گا یا نہیں۔

    ویب سائٹ کے مطابق ٹوئٹر پر محدود کریکٹرز کی وجہ سے تھریڈز بہت کارآمد ہیں اور صارفین اپنی ٹوئٹس کو مکمل کرنے کے لیے پوسٹوں کو ملا دیتے ہیں، تاہم فیس بک میں کریکڑ کاؤنٹ کی پابندی نہ ہونے کی وجہ سے تھریڈ مختلف طریقے سے کام کر سکتی ہیں۔

    رپورٹ کے مطابق طویل پوسٹ کے بجائے فیس بک تھریڈز کو کسی ایونٹ میں براہ راست کمینٹری کے لیے استعال کیا جاسکتا ہے جب کہ یہ انفلوئنسرز کے لیے بھی مفید ثابت ہوسکتی ہیں۔

    اس بارے میں ٹیکنالوجی بلاگر اور سوشل میڈیا کنسلٹنٹ میٹ نوارا کا کہنا ہے کہ ’تھریڈ فیچر کی بدولت کسی بھی پرانی پوسٹ میں نئی پوسٹ شامل کرکے ایک تھریڈ بنائی جاسکے گی جس میں شامل تمام پوسٹس کی آڈیئنس پہلی پوسٹ کی طرح یکساں ہوگی۔

  • انٹارکٹیکا میں گرمی کی شدت میں اضافہ بھیانک حد تک پہنچ سکتا ہے، ماہرین نے خطرے کی گھنٹی بجا دی

    انٹارکٹیکا میں گرمی کی شدت میں اضافہ بھیانک حد تک پہنچ سکتا ہے، ماہرین نے خطرے کی گھنٹی بجا دی

    جنیوا:کینیڈا سے لے کر روس تک درجہ حرارت بڑھتا ہی جارہا ہے اور اس سے ماہرین اور عوام میں تشویش پھیلانے والے پودوں اور جانوروں کے خطرے سے دوچار ہیں۔ اور ، اب ، یہ خبریں آرہی ہیں کہ انٹارٹیکا میں بھی گرجہ حرارت ریکارڈ کیا گیا –

    باغی ٹی وی :یکم جولائی کو قطب جنوبی پر 18.3 ڈگری سینٹی گریڈ کے ریکارڈ درجہ حرارت کی تصدیق کے بعد ماہرین نے خبردار کیا ہے کہ انٹارکٹیکا میں گرمی کی شدت میں مزید متوقع اضافہ ’بھیانک حد تک‘ پہنچ سکتا ہے جو مارچ 2015 میں پچھلی اعلی 17.5 ڈگری سینٹی گریڈ تک چڑھ گیا تھا۔

    حالیہ تحقیقات سے بھی یہی بات سامنے آئی ہے کہ برفانی براعظم قطب جنوبی (انٹارکٹیکا) اور گرین لینڈ کے اوسط درجہ حرارت میں صرف 2 ڈگری سینٹی گریڈ کے اضافے سے بھی وہاں جمی ہوئی کھربوں ٹن برف پگھل سکتی ہے جس کے نتیجے میں سمندروں کی سطح 43 فٹ تک بلند ہوسکتی ہے۔

    50 لاکھ سال کا موسمیاتی احوال 80 میٹر طویل پہاڑی پر محفوظ

    ماہرین کو خدشہ ہے کہ اگر درجہ حرارت میں اضافہ اس مقام تک پہنچ گیا تو پھر شاید ہمارے پاس ماحول کو دوبارہ درست کرنے کا کوئی راستہ باقی نہیں بچے گا۔

    انٹارکٹیکا کا اوسط درجہ حرارت ساحلی علاقوں میں منفی 10 ڈگری سینٹی گریڈ جبکہ براعظم کے درمیان بلند ترین مقامات پر منفی 60 ڈگری سینٹی گریڈ تک ہوتا ہے۔

    گرمیوں میں انٹارکٹیکا کا اوسط ساحلی درجہ حرارت گرمیوں میں 10 ڈگری سینٹی گریڈ سے کچھ زیادہ، اور سردیوں میں منفی 40 ڈگری سینٹی گریڈ رہتا ہے جبکہ جمعہ کے روز انٹارکٹیکا میں 18.3 ڈگری سینٹی گریڈ کے ریکارڈ درجہ حرارت کی تصدیق، اقوامِ متحدہ کے ذیلی ادارے ’’عالمی موسمیاتی تنظیم‘‘ (ڈبلیو ایم او) نے کی تھی۔

    سائنسدانوں کا زمین پر سمندر سے بھی بڑی جھیل دریافت کرنے کا انکشاف

    یہ درجہ حرارت انٹارکٹیکا میں ارجنٹائن کے تحقیقی مرکز ایسپیرینزا نے 6 فروری 2020 کے روز ریکارڈ کیا تھا۔ البتہ انٹارکٹیکا میں بلند ترین درجہ حرارت 30 جنوری 1982 کے روز، 19.8 ڈگری سینٹی گریڈ ریکارڈ کیا گیا تھا۔

    اس سال 9 فروری کو انٹارکٹیکا میں برازیل کے تحقیقی مرکز نے بھی وہاں 20.75 ڈگری سینٹی گریڈ درجہ حرارت معلوم کرنے کا دعوی کیا تھا لیکن ڈبلیو ایم او نے تجزیئے کے بعد اس ریکارڈ کو مسترد کردیا ہے۔

    پاکستان میں عالمی حدت کے اثرات .تحریر:حمزہ احمد صدیقی

    عالمی موسمیاتی تنظیم کے اوّل نائب صدر اور ارجنٹائن میں محکمہ موسمیات کے سربراہ ڈاکٹر سیلیستو ساؤلو نے کہااس نئے ریکارڈ سے ایک بار پھر یہی ظاہر ہوتا ہے کہ ماحولیاتی تبدیلی کو روکنے کےلیے ہنگامی اقدامات کی ضرورت ہے-

    دوسری جانب عالمی موسمیاتی تنظیم کے سیکریٹری جنرل، پیٹیرے تالاس نے ’اے ایف پی‘ کو بتایا کہ برفانی براعظم انٹارکٹیکا، دنیا میں سب سے تیزی سے گرم ہونے والے علاقوں میں شامل ہے، جہاں کا اوسط درجہ حرارت پچھلے پچاس سال میں 3 ڈگری سینٹی گریڈ بڑھ چکا ہے۔

    گلگت بلتستان کے پہاڑوں میں قدرت کا دل ، شمشال جھیل

  • واٹس ایپ کےاینڈروئیڈ فون اور آئی فون صارفین کے لئے خوشخبری

    واٹس ایپ کےاینڈروئیڈ فون اور آئی فون صارفین کے لئے خوشخبری

    سلیکان و یلی: واٹس ایپ نے آئی فون سے اینڈروئیڈ فون اور اینڈروئیڈ سے آئی فون پر منتقل ہونے والے صارفین کا دیرینہ مسئلہ حل کرنے پر کام شروع کر دیا ہے-

    باغی ٹی وی : واٹس ایپ نظر رکھنے والی ویب سائٹ وےبیٹا انفو کے مطابق واٹس ایپ انتظامیہ اس فیچر پر گزشتہ کئی ماہ سے کام کر رہی ہےاورجلد ہی واٹس ایپ کے استعمال کنندگان ایک آپریٹنگ سسٹم سے دوسرے آپریٹنگ سسٹم پر اپنی چیٹ کو منتقل کرسکیں گے۔


    ویب بیٹا انفو نے ایک ویڈیو شیئر کی ہے جس میں بتایا گیا ہے کہ چیٹ کس طرح باآسانی منتقل کی جاسکیں گی ویڈیو کے کیپشن میں یہ بھی بتایا گیا کہ اس کیلئے ایک کیبل کی ضرورت درپیش ہوگی تاہم یہ سہولت فی الحال بیٹا ورژن استعمال کرنے والے صارفین کیلئے متعارف کروائی جائے گی۔

    رواں سال مارچ میں ہی یہ خبرسامنے آئی تھی کہ واٹس ایپ دو آپریٹنگ سسٹمز کے درمیان چیٹ منتقل کرنے کے فیچر پر کام کر رہا ہے کیوںکہ گوگل اینڈروئیڈ صارفین کے لیےچیٹ کا بیک اپ گوگل ڈرائیو پر جب کہ آئی فون کے صارفین کی چیٹ کا بیک اپ آئی کلاؤڈ پر بناتا ہے۔

    واٹس ایپ صارفین کی دیرینہ خواہش تکمیل کے مراحل میں داخل

    اور یہ دونوں ایک دوسرے کے بیک اپ کو منتقل کرنے کی اجازت نہیں دیتے اور ایک موبائل سے دوسرے فون پر منتقل ہونے صارف گوگل ڈرائیو یا آئی کلاؤڈ پر موجود واٹس ایپ کے چیٹ بیک اپ کو منتقل نہیں کر سکتے۔

    توکلنا ایپ میں اب نئے فیچرز اردو زبان میں بھی دستیاب

  • زمین سے 66 ہزار کلومیٹر فاصلے پر گزرنے والا نیا سیارچہ

    زمین سے 66 ہزار کلومیٹر فاصلے پر گزرنے والا نیا سیارچہ

    11 کلومیٹر فی سیکنڈ کی رفتار سے سفر کرتا ہوا ایک نو دریافت شدہ سیارچہ زمین سے 66 ہزار کلومیٹر کے فاصلے سے گزرتا دیکھا گیا ہے۔

    باغی ٹی وی : غیر ملکی خبر رساں ادارے کے مطابق 7 میٹر طویل یہ سیارچہ جسے ‘2021 این اے’ کا نام دیا گیا ہے 3 جولائی کوسعودی وقت کے مطابق صبح 7بج کر57 منٹ پر دیکھا گیا تھا۔

    یہ سیارچہ زمین سے ایک قمری فاصلے تقریبا384401 کلومیٹرکے اندر2021 کے آغاز کے بعد سے اب تک گزرنے والا 68 واں سیارچہ ہے جدہ میں فلکیاتی سوسائٹی کے سربراہ انجینئر ماجد ابو زہرہ نے بتایا کہ اس سیارچے کا تعلق اپولو گروپ سے ہے۔

    زمین کے قریب سے گزرنےوالا پیرس کے ایفل ٹاور سے بھی بڑا 1115 فٹ سیارچہ

    یہ ایسے سیارچوں کا مجموعہ ہے جس میں 5.3 سے لے کر 12میٹر قطر کی چٹانیں شامل ہیں یہ زمین کے قریب والے سیارچوں کی اس نام نہاد فہرست میں شامل ہیں جن کی گزرگاہیں زمین کے مدار کو قطع کرتی ہیں۔

    ‘2021 این اے’ سیارچہ زمین کے قریب آنے سے قبل پہلی مرتبہ یکم جولائی کو ہوائی کی ‘پین سٹارس ون ‘ رصد گاہ سے دیکھا گیا تھا۔

    سائنسدانوں نے کرہ ارض کے قریب نئی ’سپر ارتھ‘ دریافت کر لی

    ابوزہرہ نے کہا ہے کہ اگر سیارچہ زمین سے تصادم کے راستے پر ہوتا تو یہ زمین کی فضا میں پہنچتے ہی آگ کا گولا بن جاتا کسی بھی سیارچے کی دریافت نظام شمسی کے بارے میں ہمارے علم کو آگے بڑھانے میں معاون ہوتی ہے۔

    ابو زہرہ کے مطابق یہ اجسام ٹائم مشینوں کی طرح ہیں جن کے پاس بہت سارے رازموجود ہوتے ہیں۔ یہ ہماری زمین کی ابتدا کے بارے میں مزید معلومات فراہم کر سکتے ہیں۔

    ابوزہرہ نے بتایا ہے کہ جدید سیارچے کی نقل و حرکت کا مشاہدہ، مستقبل میں کسی بھی سیارچے سے لاحق خطرے کا اجتماعی طور پر جواب دینے کے لئے بین الاقوامی صلاحیتوں کی آزمائش کا بہترین موقع ہے۔

    چار ارب ساٹھ کروڑ سال پُرانا شہابی پتھر دریافت

  • توکلنا ایپ میں اب نئے فیچرز اردو زبان میں بھی دستیاب

    توکلنا ایپ میں اب نئے فیچرز اردو زبان میں بھی دستیاب

    سعودی عرب میں توکلنا ایپ میں مزید فیچرز کا اضافہ کیا گیا ہے جس میں ’ہیلتھ پاسپوٹ‘ کے علاوہ بیرون ملک سفر کے دوران کورونا انشورنس کی سہولت کے بارے میں معلومات شامل ہیں اور فیچرز عربی سمیت متعدد زبانوں میں فراہم کیے گئے ہیں جن میں اردو شامل ہے۔

    باغی ٹی وی : خبررساں ایجنسی ایس پی اے کی رپورٹ کے توکلنا ایپ کی انتظامیہ کا کہنا ہےکہ ایپ کے فیچرز میں مزید اضافے سے لوگوں کو کافی سہولت ہوگی نئے اضافہ کیے جانے والے فیچرز میں سعودی مرکزی بینک اور کواپریٹو انشورنس کونسل کی جانب سے منظورشدہ انشورنس پالیسی جو بیرون مملکت سفر کے دوران کورونا کے مرض کی کوریج کےلیے مخصوص ہے شامل ہے۔

    واٹس ایپ صارفین کی دیرینہ خواہش تکمیل کے مراحل میں داخل

    نئے فیچر میں ہیلتھ پاسپورٹ کی تفصیلات کا اضافہ کیا گیا ہے جس میں ویکسینیشن کے بعد اسٹیٹس ظاہر کیا جاتا ہے ہیلتھ پاسپورٹ کے ذریعے با آسانی معلوم ہوتا ہے کہ اس شخص نے ایک ویکسین لگوائی ہے یا دونوں کا کورس مکمل کرچکا ہے۔

    اگر دونوں ویکسین لگوائی ہیں تو اسٹیٹس ’محصن‘ کا ہوگا اس کے ساتھ ہی ویکسینیشن کی تاریخ اور جو ویکیسین دی گئی ہے اس کی تفصیلات بھی درج کی جاتی ہیں۔

    کراچی کے نوجوان نے موٹر وے پر ہنگامی‌صورتحال کیلئے خاص موبائل ایپلیکیشن متعارف کروا دی

    ہیلتھ پاسپورٹ میں سفر کے لیے پی سی آر ٹیسٹ کی رپورٹ شامل کی جاتی ہے جو بیرون ملک سفر کے لیے درکار ہوتا ہے۔

    سعودی منصوعی ذہانت ’سدایا‘ کی جانب سے کہا گیا ہے کہ توکلنا کے نئے فیچرز ایپ اسٹور، ایپ گیلری یا گوگل اسٹور سے اپ ڈیٹ کیے جاسکتے ہیں نئے فیچرز عربی سمیت متعدد زبانوں میں فراہم کیے گئے ہیں جن میں اردو شامل ہے۔

    فیس بُک کا اپنے "شی مینز بزنس” کو پاکستان میں توسیع دینے کا فیصلہ

  • ناخوشگوار ازدواجی زندگی مردوں میں فالج اور قبل ازوقت موت کا باعث بن سکتی ہے تحقیق

    ناخوشگوار ازدواجی زندگی مردوں میں فالج اور قبل ازوقت موت کا باعث بن سکتی ہے تحقیق

    تل ابیب یونیورسٹی نے دریافت کیا ہے کہ ناخوشگوار شادی شدہ زندگی سے مردوں کےلیے فالج اور کسی بھی دوسری وجہ سے قبل از وقت موت کا خطرہ بڑھ جاتا ہے۔

    باغی ٹی وی : رپورٹس کے مطابق 32 سال کے دوران 10 ہزار سے زائد شادی شدہ اسرائیلی مردوں سے حاصل شدہ معلومات کا تجزیہ کرنے پر ماہرین کو معلوم ہوا کہ ناخوشگوار ازدواجی زندگی سے موت کا خطرہ، تمباکو نوشی سے ناگہانی موت کے خطرے سے مماثلت رکھتا ہے۔

    مطالعے کی ابتداء میں اپنی ناخوشگوار شادی شدہ زندگی کی شکایت کرنے والے 94 فیصد مردوں کو اگلے تیس سال میں فالج کا سامنا کرنا پڑا جبکہ 21 فیصد مرد ناگہانی موت کا نوالہ بن گئےاس کے مقابلے میں تمباکو نوشی کرنے والے مردوں کےلیے موت کا خطرہ 37 فیصد تک، جبکہ کاہلی کی زندگی گزارنے والے مردوں کےلیے یہی خطرہ 21 فیصد تک بڑھ جاتا ہے۔

    ناخوشگوار ازدواجی زندگی اور مردوں کی قبل از وقت ناگہانی موت میں کیا تعلق ہے؟ اس بارے میں ماہرین کا خیال ہے کہ ازدواجی زندگی کے مسائل مردوں کو مستقل اعصابی تناؤ، ڈپریشن اور بے سکونی میں مبتلا کرسکتے ہیں جن کا عمومی نتیجہ فالج، دل کے دورے اور مختلف اعصابی و جسمانی بیماریوں کی شکل میں ظاہر ہوتا ہے۔

    یہ تحقیق 30 سال سے زیادہ کی تحقیق سے متعلق صحت کے وسیع اعداد و شمار پر مبنی تھی جس میں 10 ہزار اسرائیلی مردوں کی ہلاکت کا پتہ لگایا گیا تھا۔ بہت سے مرد اپنے خانگی اور ازدواجی مسائل کا مقابلہ کرنے کےلیے تمباکو نوشی، شراب نوشی، منشیات اور الا بلا کھانے جیسی عادتیں بھی اختیار کرلیتے ہیں جو آگے چل کر ان کی صحت کو تباہ کردیتی ہیں؛ اور بالآخر موت کی وجہ بھی بن جاتی ہیں۔

    ’’جرنل آف کلینیکل میڈیسن‘‘ کے حالیہ شمارے میں شائع ہونے والی اس تحقیق میں ماہرین نے زور دیا ہے کہ ازدواجی زندگی سے متعلق تعلیم کو بھی عوامی صحت کے منصوبوں کا لازمی حصہ بنانے کی ضرورت ہے۔

    مطالعے کے حصے کے طور پر ، محققین نے ایک ڈیٹا بیس کے اعداد و شمار کا تجزیہ کیا جس نے 1960 کی دہائی میں ڈیٹا اکٹھا کرنا شروع کیا اور 32 سال تک ، اسرائیل کے تمام سرکاری ملازمین کی 10 ہزار مردوں کی صحت اور سلوک کا سراغ لگایا ، جس میں فالج سے موت پر خصوصی توجہ دی گئی اور عام طور پر قبل از وقت موت۔ مطالعہ کے آغاز میں ، زیادہ تر شرکاء 40 کی دہائی میں تھے۔ تب سے ، 64 فیصد متعدد بیماریوں سے ہلاک ہوئے۔

    اگرچہ یہ تحقیق صرف مردوں پر کی گئی ہے لیکن اس سے ماضی میں کی گئی تحقیقات کی تائید ہوتی ہے جن سے معلوم ہوا تھا کہ ناخوشگوار ازدواجی زندگی میاں اور بیوی، دونوں کی صحت اور زندگی کےلیے نقصان دہ ثابت ہوسکتی ہے۔