ایک ٹوئٹ نے کمرشل خلائی پروازیں شروع کرنے والی کمپنی اسپیس ایکس اور ٹیسلا کے سی ای او ایلون مسک سے دنیا کے دوسرے امیر ترین شخص کا اعزاز چھین لیا-

باغی ٹی وی : رواں سال مارچ میں دنیا کے دوسرے امیر ترین فرد بننے والے ایلون مسک اپنی ٹوئٹس کی وجہ سے اس اعزاز سے محروم ہوگئے۔

بلوم برگ کے مطابق ایلون مسک کی حال ہی میں بٹ کوائن وصول نہ کرنے کی ٹوئٹس سے جہاں ایک طرف بٹ کوائن کی قیمتوں میں تنزلی جاری ہے اسی رفتار سے ان کی دولت میں بھی کمی ہورہی ہے۔

رواں سال مارچ میں ہی ایلون مسک کا اندراج ’ بلومبرگ بلینیئر انڈیکس‘ میں دنیا کے دوسرے امیر ترین فرد کے طور پرکیا گیا تھا۔ مارچ میں ان کی دولت کا تخمینہ 160 اعشاریہ 60 ارب ڈالر لگایا گیا تھا تاہم اب ان کی جگہ برقی کار بنانے والی کمپنی LVMH کے چیئرمین برنارڈ آرنلٹ نے لے لی ہے۔

ارب پتی امریکیوں کی ٹریکنگ کرنے والے بلوم برگ ویلتھ انڈیکس کے مطابق اب تک ایلون مسک کی دولت میں 9 اعشاریہ 1 ارب ڈالر تک کی کمی ہوچکی ہے۔ جب کہ آرنالٹ کی دولت 47 ارب ڈالر اضافے کے بعد 161 اعشاریہ 2 ارب ڈالر تک پہنچ چکی ہے۔

واضح رہے کہ 13 مئی کو ہی ٹیسلا کی جانب ٹویٹر پر ایک بیان جاری کیا گیا تھا جس کے مطابق ٹیسلا نے ڈیجیٹل کرنسی کو ادائیگیوں کے لیے وصول نہ کرنے کا اعلان کیا تھا۔

ایلون مسک نے ٹوئٹر اکاؤنٹ پراس بات کا اعلان کیا تھا کہ ماحولیاتی تحفظات کے تناظرمیں ہم نے ادائیگیوں کے لیے بٹ کوائن کو وصول کرنا بند کردیا ہے اور اب صارفین بٹ کوائن کی مدد سے ٹیسلا نہیں خرید سکتے۔

Tesla & Bitcoin pic.twitter.com/YSswJmVZhP

— Elon Musk (@elonmusk) May 12, 2021

ایلون مسک نے اپنی ٹوئٹ میں لکھا ہے کہ بٹ کوائن کی مائننگ اورٹرانزیکشن میں روایتی ایندھن ( فاسلز فیول) خصوصا کوئلے کے بڑھتے ہوئے استعمال پر ہمیں تحفظات ہیں۔ ’ کرپٹو کرنسی ایک اچھا آئیڈیا ہے، لیکن اسے ماحولیاتی نقصان کے ساتھ نہیں لایا جاسکتا۔

انہوں نے مزید کہا کہ ٹیسلا اپنے بٹ کوائن فروخت نہیں کرے گی، اور ہمارا ارادہ انہیں اس وقت استعمال کرنے کا ہے، جب تک اس کی مائننگ زیادہ سسٹین ایبل انرجی پر منتقل نہیں ہوجاتی۔

ایلون مسک کی اس ٹوئٹ کے بعد سے اب تک بٹ کوئن کی قیمت میں 15 فیصد تک کمی ہوچکی ہے جب کہ ان کے حصص کی قیمتیں بھی تنزلی کا شکار ہیں۔

ٹیسلا نے ماحولیاتی تحفظات کے تناظرمیں بٹ کوائن لینے سے انکار کر دیا

بیجنگ: چینی خلائی ادارے کے مطابق فروری سے مریخ کے مدار میں رہنے والے چینی جہاز ’تیانون ون‘ نے کامیابی سے سرخ سیارے کی سطح پر اتر کر ’مریخ پر پہلی بار چینی قدموں کے نشان چھوڑے ہیں-

باغی ٹی وی: غیرملکی میڈیا رپورٹس کے مطابق چین مریخ پر کامیابی سے خلائی جہاز لینڈ کرنے والا امریکہ کے بعد دوسرا ملک بن گیا ہے۔

خبر رساں ادارے رائٹرز کے مطابق ’شنہوا‘ کا کہنا تھا کہ چین کا بغیر عملے کا ایک خلائی جہاز ہفتے کو کامیابی سے سرخ سیارے کی سطح پر اتر گیا ہے-

رائٹرز کے مطابق تیانون ون خلائی جہاز مریخ پر یوٹوپیا پلینٹیا نامی ایک وسیع میدان پر اترا اور ’مریخ پر پہلی بار چینی قدموں کے نشان چھوڑے۔

چینی صدر شی جن پینگ نے اس مشن میں شامل تمام لوگوں کو مبارک باد کا پیغام دیا۔

شی جن پینگ کا کہنا تھا کہ آپ اس چیلنج کے لیے بہادر تھے، اچھے کام کا پیچھا کیا اور ہمارے ملک کو سیاروں کی کھوج کی اگلی صفوں میں شامل کیا۔ آپ کا کارنامہ ہمیشہ وطن اور لوگوں دل میں نقش رہے گا۔

چائنا سپیس نیوز کے مطابق ’تیانون ون‘ بیجنگ کے مقامی وقت ہفتے کی صبح ایک بجے مریخ کے گرد مدار سے نکلا۔تین گھنٹے بعد لینڈنگ موڈیول آربیٹر سے علیحدہ ہوا اور مریخ کی فضا میں داخل ہوا۔

بیجنگ میں نیشنل میوزیم آف چائنا میں زورونگ روور کا ایک ماڈل، اے ایف پی فائل
رپورٹ میں بتایا گیا کہ لینڈنگ کے عمل میں ’دہشت کے نو منٹ‘ شامل تھے جب موڈیول کی رفتار کم ہوتی ہے اور آہستہ آہستہ نیچے اترتا ہےجہاز کی لینڈنگ کا وقت بیجنگ کے مقامی وقت صبح سات بج کر 18 منٹ تھا۔

رپورٹ کے مطابق روور کو اپنے سولر پینل اور انٹینا کھولنے اور 32 کروڑ میل دور گراؤنڈ کنٹرول کو سگنل بھجنے میں 17 سے زائد منٹ لگے۔

خیال رہے کہ زورونگ نامی روور اب اپنی لینڈنگ کی جگہ کا سروے کرے گا اور پھر اور کھوج کے لیے نکلے گا اس پر چھ سائنسی آلات نصب ہیں جس میں ایک ہائی ریزولوشن ٹوپوگرافی کیمرا بھی شامل۔

زورونگ سیارے کی سطح کی مٹی اور ماحول کی جانچ کرے گا اور زیر زمین دیکھنے والے ریڈار کی مدد سے قدم زندگی اور پانی اور برف کی موجودگی کے آثار کی تلاش کرے گا۔

فوٹو بشکریہ اے ایف پی فائل

’تیانون ون‘ مریخ پر چین کا پہلا آزاد مشن ہے اسے گذشتہ سال 23جولائی میں لانچ کیا گیا تھا اور چھ ماہ سفر میں رہنے کے بعد یہ فروری میں مریخ تک پہنچا تھا جہاں سے تب سے مدار میں تھا۔

اگر زورونگ کامیابی سے سطح پر گھوم سکا تو چین دینا کا پہلا ملک بن جائے گا جو مریخ کے پہلے مشن میں مدار میں داخل ہونے، سطح پر لینڈ کرنے اور روور چلانے میں کامیاب ہوا۔

چینی خلائی اسٹیشن ’تیانگونگ 3‘ کا کورموڈیول کامیابی سے مدار میں پہنچا دیا گیا

ٹرمپ کی صدارت کے آخری سال میں امریکی صدارتی محل ”وائٹ ہاﺅس“پر پراسرارطاقتوں کے حملوں کا انکشاف سامنے آیا ہے-

باغی ٹی وی : امریکی ادارے کی رپورٹ میں بتایا گیا ہے کہ پچھلے سال، یعنی نومبر 2020 میں وائٹ ہاؤس پر نہ دکھائی دینے والی پراسرار توانائی کے کم از کم دو حملے ہوچکے ہیں جن کی تفتیش میں اہم امریکی ادارے اب تک تحقیقات کر رہے ہیں لیکن انہیں کوئی کامیابی نہیں مل سکی ہے –

ان عجیب و غریب اور پراسرار حملوں میں کسی نامعلوم طریقے سے مختلف افراد کو الگ الگ نشانہ بنایا جاتا ہے جبکہ انہیں معلوم ہی نہیں ہو پاتا کہ وہ کسی حملے کا شکار ہوگئے ہیں-

حملے کا شکار ہونے والے فرد کو اچانک کسی خاص سمت سے تالیاں بجنے کی آوازیں سنائی دینے لگتی ہیں جن کا دورانیہ 30 سیکنڈ سے 30 منٹ تک ہوسکتا ہے آواز کچھ ایسی ہوتی ہے جیسے کسی کو انعام ملنے پر تالیاں بجائی جا رہی ہوں.

دیگر علامات میں دھڑکتے والے انداز سے سر میں درد ہونا اور متلی جیسی کیفیت بھی شامل ہیں اگر اس پراسرار حملے کا شکار ہونے والے فرد کے قریب دوسرے لوگ بھی موجود ہوں تو انہیں ایسی آوازیں بالکل بھی نہیں سنائی دیتیں-

ان ظاہری علامات کو ”ہوانا سنڈروم“ کہا جاتا ہے جن کی بنیاد پر بعد میں ایسے کسی ممکنہ حملے کا اندازہ لگایا جاتا ہے لیکن تب تک بہت دیر ہوچکی ہوتی ہے ہوانا سنڈروم کے اولین واقعات 2016 کے دوران کیوبا میں تعینات امریکا اور کینیڈا کے سفارتی عملے کے ساتھ پیش آئے-

2018 میں ایسے ہی واقعات چین میں خفیہ مشن پر جانے والے امریکی سی آئی اے کے اہل کاروں کے ساتھ پیش آئے یہ حملے کس طرح کیے جاتے ہیں؟ ان حملوں کے پیچھے کون ہے؟ اس بارے میں فی الحال ہم کچھ نہیں جانتے-

البتہ اس بارے میں کئی مفروضے ضرور موجود ہیں جن میں ”براہِ راست توانائی“ کو اصل ذمہ دار قرار دیا جاتا ہے براہِ راست توانائی سے مراد وہ توانائی ہے جو خاص اسی مقام تک پہنچے جہاں تک اسے پہنچانا ہو –

اب تک لگائے گئے اندازوں کے مطابق، اس کام کے لیے مائیکروویوز ہی موزوں ترین ہیں کیونکہ عام روشنی کی طرح انہیں کسی نقطے پر آسانی سے مرکوز کیا جاسکتا ہے، جبکہ یہ اپنے راستے میں آنے والی بیشتر رکاوٹوں سے آرپار گزر جاتی ہیں-

البتہ مائیکروویوز والی بات بھی اب تک صرف ایک مفروضہ ہے امریکی میڈیا کے مطابق، وائٹ ہاﺅس پر ”براہِ راست توانائی“ کا تازہ ترین حملہ ڈونلڈ ٹرمپ کے آخری دنوں میں امریکی صدارتی دفتر کے قریب ایک لان پر کیا گیا جہاں نیشنل سیکورٹی کونسل کا ایک اہلکار اس سے متاثر ہوا-

امریکا کی نیشنل اکیڈمی آف سائنسز کے تازہ ترین قیاسات کے مطابق ”ہوانا سنڈروم“ کی ممکنہ وجہ بننے والی مائیکروویو ٹیکنالوجی پر آج سے 50 سال پہلے سابق سوویت یونین میں اچھا خاصا کام کیا گیا تھا اور اس سے کچھ خفیہ ہتھیار بھی بنائے گئے تھے –

ہوسکتا ہے کہ ماضی میں کسی ملک، تنظیم یا فرد نے یہ ٹیکنالوجی حاصل کرلی ہو اور اسے مزید بہتر بنا لیا ہو لیکن ایک بار پھریہ بات بھی فی الحال صرف مفروضہ ہے.

برقی کار بنانے والی کمپنی ٹیسلا نے کرپٹو کرنسی بٹ کوائن کو وصول کرنے سے انکار کردیا ہے۔

باغی ٹی وی : کمرشل خلائی پروازیں شروع کرنے والی کمپنی اسپیس ایکس اور ٹیسلا کے سی ای او ایلون مسک نے ٹوئٹر اکاؤنٹ پراس بات کا اعلان کیا ٹوئٹ میں ان کا کہنا ہے کہ ماحولیاتی تحفظات کے تناظرمیں ہم نے ادائیگیوں کے لیے بٹ کوائن کو وصول کرنا بند کردیا ہے اور اب صارفین بٹ کوائن کی مدد سے ٹیسلا نہیں خرید سکتے۔

Tesla & Bitcoin pic.twitter.com/YSswJmVZhP

— Elon Musk (@elonmusk) May 12, 2021

ایلون مسک کی اس ٹوئٹ کے بعد بٹ کوائن کی قیمت میں 10 فیصد سے زائد کی کمی ہوگئی، جب کہ ٹیسلا کےحصص کی قیمتیں بھی گر گئیں۔

ایلون مسک نے اپنی ٹوئٹ میں لکھا ہے کہ بٹ کوائن کی مائننگ اورٹرانزیکشن میں روایتی ایندھن ( فاسلز فیول) خصوصا کوئلے کے بڑھتے ہوئے استعمال پر ہمیں تحفظات ہیں۔ ’ کرپٹو کرنسی ایک اچھا آئیڈیا ہے، لیکن اسے ماحولیاتی نقصان کے ساتھ نہیں لایا جاسکتا۔

انہوں نے مزید کہا کہ ٹیسلا اپنے بٹ کوائن فروخت نہیں کرے گی، اور ہمارا ارادہ انہیں اس وقت استعمال کرنے کا ہے، جب تک اس کی مائننگ زیادہ سسٹین ایبل انرجی پر منتقل نہیں ہوجاتی۔

Energy usage trend over past few months is insane https://t.co/E6o9s87trw pic.twitter.com/bmv9wotwKe

— Elon Musk (@elonmusk) May 13, 2021

خیال رہے کہ ٹیسلا نے رواں سال مارچ میں ہی کچھ ماہرین ماحولیات اورسرمایہ کاروں کی مخالفت کے با وجوداعلان کیا تھا کہ اب ٹیسلا کی گاڑیوں کو بٹ کوائن کی مدد سے خریدا جاسکتا ہے۔

جبکہ اس سے ایک ماہ قبل ہی ٹیسلا نے ڈیڑھ ارب ڈالر کے بٹ کوائن خریدنے کا انکشاف کیا تھا تاہم ایلون مسک کی ٹوئٹ کے بعد ٹیسلا پھر اپنی ڈگرپرواپس آگئی ہے۔

آئرش محکمہ صحت کے آئی ٹی سسٹم پر سائبر ہیکرز نے حملہ کر دیا-

باغی ٹی وی : میڈیا رپورٹس کے مطابق آئرش محکمہ صحت کے‌آئی ٹی سسٹم پر سائبر حملہ کرنے والے ہیکرز نے ویب سائٹ پر قبضہ کر کے تاوان مانگ لیا تاہم آئرش وزیراعظم نے ہیکرز کو تاوان دینے سے انکار کردیا۔

جبکہ مقامی میڈیا نے روس، چین یا شمالی کوریا پر ملوث ہونے کا الزام کردیا ہے۔

ڈبلن سے سرکاری میڈیا کے مطابق محکمہ صحت نے آئی ٹی سسٹم بند کرکے ڈبلن روٹنڈا اسپتال کی تمام او پی ڈیز منسوخ کردی زچگی کے تمام کلینک بند ہیں اور صرف 36 ماہ کی حاملہ ماؤں کواسپتال آنے کی اجازت دی گئی ہے۔

محکمہ صحت کےمطابق اس اقدام سے کورونا ویکسین کا عمل متاثر نہیں ہوگا۔

سابق امریکی صدر ڈونلڈ ٹرمپ نے اپنا سوشل میڈیا پلیٹ فارم متعارف کرا دیا-

باغی ٹی وی :ڈونلڈ ٹرمپ کے لیے یہ پلیٹ فارم ایک ڈیجیٹل سروس کمپنی کمپین نیوکلیس نے تیار کیا ہے جو ڈونلڈ ٹرمپ کے سابق کمپین منیجر پراڈ پارسکل کی کمپنی ہے۔

یہ ‘سوشل میڈیا پلیٹ فارم’ بنیادی طور پر ایک بلاگ ہے جس کا انداز ٹوئٹر کی طرح ہے تاہم اس میں طویل بلاگ ڈونلڈ ٹرمپ کی جانب سے ہوسٹ کیے جائیں گے لوگ اس پلیٹ فارم میں ای میل اور فون نمبر کی مدد سے پوسٹ الرٹس کے لیے سائن اپ ہوسکیں گے اور مبینہ طور پر ان کو لائیک بھی کرسکیں گے۔

اسی طرح صارفین ڈونلڈ ٹرمپ کی پوسٹس کو فیس بک اور ٹوئٹر پر بھی شیئر کرسکیں گےاس پلیٹ فارم میں ٹوئٹر سے شیئرنگ کا آپشن تو فی الحال کام نہیں کررہا مگر فیس بک کی جانب سے ضرور یہ سہولت فراہم کی گئی ہے۔

ٹوئٹر کے ترجمان نے اس حوالے سے ایک ٹیکنالوجی ویب سائٹ سے بات کرتے ہوئے بتایا کہ عموماً ویب سائٹ ریفرنس کے ساتھ مواد کی شیئرنگ کی اجازت اس وقت تک ہوتی ہے جب تک وہ ٹوئٹر قوانین کے خلاف نہ ہو۔

اس پلیٹ فارم کو باضابطہ طور پر 4 مئی کو لانچ کیا گیا تھا مگر اس میں موجود پوسٹس 24 مارچ کی بھی ہیں ڈونلڈ ٹرمپ کی نئی پوسٹ ان کے نئے پلیٹ فارم کے لیے ویڈیو اشتہار ہے جس میں اسے ایسا مقام قرار دیا گیا ہے جہاں آزادی سے بات کی جاسکتی ہےڈونلڈ ٹرمپ بتدریج اپنے حامیوں سے براہ راست رابطہ بھی کرسکیں گے –

خیال رہے کہ یہ پلیٹ فارم اس وقت لانچ کیا گیا ہے جب فیس بک کے اوور سائٹ بورڈ کی جانب سے فیس بک اور اس کے زیر ملکیت دیگر سوشل میڈیا پلیٹ فارمز پر سابق امریکی صدر کے اکاؤنٹس کی پابندی کو برقرار ہے۔

کافی عرصے تک ٹوئٹر کے کمیونٹی اصولوں کی خلاف ورزی پر مبنی پوسٹس پر کمپنی نے کوئی کارروائی نہیں کی تھی مگر انتخابات اور کورونا وائرس سے متعلق پوسٹس پر وارننگ دی گئیں تھیں-

تاہم ٹوئٹر اور فیس بک کی جانب سے سابق امریکی صدر کے اکاؤنٹس کو 8 جنوری کو اس وقت مستقل بین کیا گیا تھا جب واشنگٹن میں کیپیٹل ہل میں ان کے حامیوں نے ہنگامہ آرائی کی، جس کے نتیجے میں ایک پولیس اہلکار سمیت 5 افراد ہلاک ہوگئےاسنیپ چیٹ نے بھی سابق صدر کا اکاؤنٹ لاک کردیا تھا جبکہ یوٹیوب اکاؤنٹ بھی معطل کردیا گیا تھا –