Baaghi TV

Category: سائنس و ٹیکنالوجی

  • ٹوئٹر نے صارفین کو بڑی خوشخبری سنا دی

    ٹوئٹر نے صارفین کو بڑی خوشخبری سنا دی

    معروف مائیکرو بلاگنگ سائٹ ٹوئٹر کو بڑی تعداد میں لوگ، کاروباری حضرات، سیاستدان، فنکار اور دیگر شخصیات استعمال کرتے ہیں اگر یہ کہا جائے گا موجودہ وقت میں اپنا پیغام دوسروں تک پہنچانے کے کئے یہ پلیٹ فارم بڑا ذریعہ بن گیا ہے تو یہ غلط نہیں ہو گا-

    باغی ٹی وی : ٹوئٹر پر صارفین کے لئے ایک بڑی پریشانی یہ ہے کہ وہ کچھ بھی پوسٹ کرتے ہوئے کوئی غلطی کر دیں تو اسے درست کرنے کے لیے صارفین کے پاس کوئی آپشن نہیں ہوتا ان کے پاس صرف اس ٹوئٹ کو ڈیلیٹ کرنے کا آپشن ہوتا ہے۔

    لیکن اب صارفین کے پرزور مطالبے کے بعد ٹوئٹر پر ٹوئٹ کو اَن ڈو یعنی پوسٹ کرنے کے بعد اسے ایڈٹ کرنے کا فیچر شامل کیا جا رہا ہے۔

    اس فیچر کے بعد جب صارف بٹن پر کلک کر دے گا تو اُس کا یہ ٹویٹ پبلش ہونے کے بجائے ڈرافٹ میں چلا جائے گا جس کو اپنی مرضی سے تبدیل کر کے دوبارہ ٹویٹ کیا جاسکے گا۔


    ٹیکنالوجی پر نظر رکھنے والی خاتون صحافی نے چند روز قبل ایک ٹویٹ شیئر کر کے بتایا تھا کہ ٹویٹر انتظامیہ نے ایک نئے فیچر پر کام شروع کردیا ہے جس کو آزمائش کے بعد جلد متعارف کرایا جائے گا-

    اس فیچر کے تحت صارفین کے پاس ٹوئٹ پوسٹ کرنے کے بعد 5 سیکنڈ کا وقت موجود ہو گا اور اگر وہ ان 5 سیکنڈز میں اپنی ٹوئٹ کو درست کرنا چاہتے ہیں تو وہ اسے ایڈٹ کرسکیں گے۔

    ٹوئٹ ایڈٹ کرنے کا طریقہ:
    ٹویٹ کرنے کے بعد صارف کے سامنے ایک بٹن ظاہر ہوگا جس پر کلک کرنے کے بعد پوسٹنگ رک جائے گی اور صارف اپنے ویٹ کو تبدیل کرسکے گا۔

    دوسری جانب ٹویٹر کے ترجمان نے بھی تصدیق کرتے ہوئے بتایا کہ ابھی یہ فیچر تیاری اور آزمائشی مراحل میں ہے، جیسے ہی کام مکمل ہوجائے گا یہ سہولت تمام صارفین کو دستیاب ہوگی تاہم اس فیچر کی سہولت کب تک دنیا بھر کے صارفین کے لیے پیش ہو گی اس حوالے سے کسی تاریخ کا اعلان نہیں کیا گیا ہے۔

  • ڈیسک ٹاپ ورژن: موبائل انٹر نیٹ کے بغیرکمپیوٹر کی مدد سے واٹس ایپ کال کرنے کا طریقہ

    ڈیسک ٹاپ ورژن: موبائل انٹر نیٹ کے بغیرکمپیوٹر کی مدد سے واٹس ایپ کال کرنے کا طریقہ

    فیس بک کی زیرملکیت موبائل ایپلیکیشن واٹس ایپ نے حال ہی میں ڈیسک ٹاپ ورژن استعمال کرنے والے صارفین کے لیے آڈیو ویڈیو کالنگ کی سہولت متعارف کرائی۔

    باغی ٹی وی :واٹس ایپ کی جانب سے ٹوئٹر پر جاری بیان میں کہا گیا تھا کہ اب صارفین بڑی اسکرین پر چیٹ کے ساتھ ویڈیو اور آڈیو کالنگ کی سہولت سے بھی استفادہ کرسکتے ہیں۔

    واٹس ایپ نے براؤزر اور ڈیسک ٹاپ پر آڈیو اور ویڈیو کال کا فیچر متعارف کروادیا

    کمپنی نے صارفین کو یقین دہانی کرائی تھی کہ کمپیوٹر سے کی جانے والی کالز بھی اینڈ ٹو اینڈ انگرپٹڈ کے تحت کی جائیں گی یعنی بالکل محفوظ ہوں گی۔

    لہذا ڈیسک ٹاپ پر واٹس ایپ کی سہولیات حاصل کرنے کے لیے صارفین کو ونڈو 1064 بٹ ورژن 1903، ایپل ڈیسک ٹاپ اور لیپ ٹاپ کی سہولیات حاصل کرنا ہو گی۔

    واٹس ایپ کی جانب سے فیچر متعارف کرائے جانے کے بعد صارفین نے سوال کرنا شروع کیے کہ جب اُن کے موبائل میں انٹرنیٹ کی سہولت نہیں ہوگی تو وہ کمپیوٹر کی مدد سے کس طرح کال کرسکیں گے۔


    تاہم اب ڈبلیو اے بیٹا انفو نے اپنی ٹوئٹ میں صارفین کے ان سوالات کا جواب دیتے ہوئے کہا کہ اگر دوران کال صارف کے موبائل میں انٹرنیٹ چلنا بند ہوجاتا ہے تب بھی کمپیوٹر پر کال منقطع نہیں ہوگی بلکہ اس پر معمول کے مطابق ہوتی رہے گی۔

    تاہم اس کے لیے ونڈوز 10 اور واٹس ایپ کے اپ ڈیٹڈ ورژن کی ضرورت ہے اگر کوئی لیپ ٹاپ استعمال کررہا ہے تو اُسے ہیڈ فون کی ضرورت نہیں لیپ ٹاپ میں مائیک اور اسپیکر کا ہونا لازمی ہے۔

    جبکہ اس کے بر عکس عام کمپیوٹر پر استعمال کرنے والے صارف کو مائیک والے ہیڈ فون کی ضرورت ہوگی اگر کوئی صارف ویڈیو کال کرنا چاہتا ہے تو اُسے عام کمپیوٹر میں علیحدہ سے کیمرا لگانا ہوگا اسی طرح لیپ ٹاپ سے ویڈیو کالنگ کرنے کے لیے بلٹن کیمرا ہونا بھی لازمی ہے۔

    واٹس ایپ کا صارفین کے لئے نیا فیچرمتعارف

    واٹس ایپ کی ویڈیوز شئیرکرتے ہوئےغیر ضروری آوازوں کو میوٹ کرنے سے صارفین کی متعلق آگاہی

    واٹس ایپ صارفین ماہانہ کتنے میسجز اور کالز کرتے ہیں ڈیٹا جاری

    واٹس ایپ کا فیس بک طرز کا ’سائن آؤٹ‘ فیچر متعارف کروانے کا فیصلہ

    واٹس ایپ کا صارفین کو نئی پرائیویسی پالیسی پر نظر ثانی کا موقع

    ایک فون میں دو واٹس ایپ اکاؤنٹس استعمال کرنے کا طریقہ

  • واٹس ایپ نے براؤزر اور ڈیسک ٹاپ پر آڈیو اور ویڈیو کال کا فیچر متعارف کروادیا

    واٹس ایپ نے براؤزر اور ڈیسک ٹاپ پر آڈیو اور ویڈیو کال کا فیچر متعارف کروادیا

    سماجی رابطے کی ویب سائٹ واٹس ایپ نے اپنے صارفین کے لیے براؤزر اور ڈیسک ٹاپ پر آڈیو اور ویڈیو کال کا فیچر متعارف کروایا ہے۔

    باغی ٹی وی : میڈیا رپورٹس کے مطابق اس فیچر کی سہولت ابھی انفرادی صارفین کے لیے ونڈو PCs اور Mac-Os پاورڈ ڈیوائسز کے لیے دستیاب ہے جس کا مطلب یہ ہے صارفین ڈیسک ٹاپ پر فی الحال گروپ وائس اور ویڈیو کالز نہیں کر پائیں گے۔

    تاہم کمپنی کا کہنا ہے کہ وہ مستقبل میں گروپ وائس اور ویڈیو کالز کے فیچر کو وسعت دینے کا ارادہ رکھتی ہے۔

    ڈیسک ٹاپ پر واٹس ایپ کی سہولیات حاصل کرنے کے لیے صارفین کو ونڈو 1064 بٹ ورژن 1903، ایپل ڈیسک ٹاپ اور لیپ ٹاپ کی سہولیات حاصل کرنا ہو گی۔


    کمپنی نے اپنے ٹوئٹر اپنے ٹوئٹ میں یہ سہولت حاصل کرنے کے لئے لنک بھی شئیر کیا جسے ڈاؤن لوڈ کر کے اس سہولت ست استفادی حاصل کیا جا سکتا ہے-

    اس کے علاوہ وائس کال کے لیے آپ کے پاس آڈیو آؤٹ پٹ ڈیوائس اور مائیکرو فون جب کہ ویڈیو کال کے لیے آپ کو کیمرہ، کمپیوٹر اور فون پر ایک فعال انٹرنیٹ کنیکشن کی ضرورت ہوگی۔

    فیچر استعمال کرنے کا طریقہ
    1: جس نمبر پر آپ آڈیو کال کرنا چاہتے ہیں اس نمبر پر انفرادی چیٹ کھولیں۔

    2: وائس کال آئیکون پر کلک کریں

    ڈیسک ٹاپ پر وائس کال ریسیو کرنے کا طریقہ
    1: کال ریسیو کرنے کے لیے Accept کال پر کلک کریں۔

    2: اگر آپ کال نہیں اٹھانا چاہتے تو decline cal پر کلک کریں

    ڈیسک ٹاپ پر آڈیو سے ویڈیو کال پر سوئچ کرنے کا طریقہ
    1: دوران کال کیمرہ اوپر اٹھائیں

    2:کیمرہ آئیکون پر کلک کریں

    3: اگر آپ کا کانٹیکٹ سوئچ قبول کرتا ہے تو آڈیو کال ویڈیو کال میں تبدیل ہو جائے گی۔

    واٹس ایپ کا صارفین کے لئے نیا فیچرمتعارف

    واٹس ایپ کی ویڈیوز شئیرکرتے ہوئےغیر ضروری آوازوں کو میوٹ کرنے سے صارفین کی متعلق آگاہی

    واٹس ایپ صارفین ماہانہ کتنے میسجز اور کالز کرتے ہیں ڈیٹا جاری

    واٹس ایپ کا فیس بک طرز کا ’سائن آؤٹ‘ فیچر متعارف کروانے کا فیصلہ

    واٹس ایپ کا صارفین کو نئی پرائیویسی پالیسی پر نظر ثانی کا موقع

    ایک فون میں دو واٹس ایپ اکاؤنٹس استعمال کرنے کا طریقہ

  • زمین کے قریب سے گزرنےوالا پیرس کے ایفل ٹاور سے بھی بڑا 1115 فٹ سیارچہ

    زمین کے قریب سے گزرنےوالا پیرس کے ایفل ٹاور سے بھی بڑا 1115 فٹ سیارچہ

    ایک ہزار ایک سو پندرہ فٹ بڑا 99942 نامی سیارچہ زمین کے قریب سےگزر گیا۔

    باغی ٹی وی :ماہرین کے مطابق سیارچہ سطح زمین سے 10.4 ملین میل کے فاصلے سے گزرا جو کہ زمین اور چاند کے درمیان فاصلے کے 44 بار بنتا ہے –

    ماہرین کا کہنا ہے کہ 99942 اپوفس نامی سیارچہ پیرس کے ایفل ٹاور سے بھی بڑا یعنی 1115 فٹ کا ہے اور اس کی چوڑائی فٹبال کے 4 گراؤنڈز کے برابر ہے اگر یہ سیارچہ زمین سے ٹکرا جاتا تو 88 کروڑ ٹن بارودی مواد کے بیک وقت دھماکے کے برابر تباہی ہوتی۔

    ناسا کے ماہرین کا کہنا ہے کہ اس سائز کا اگلا سیارچہ اپریل 2029 میں زمین سے 19000 میل کے فاصلے سے گزرے گا۔

  • واٹس ایپ کا صارفین کے لئے نیا فیچرمتعارف

    واٹس ایپ کا صارفین کے لئے نیا فیچرمتعارف

    پاکستان سمیت دنیا بھر میں مقبول ترین میسجنگ ایپلیکیشن واٹس ایپ نے اپنے صارفین کیلئے ایک نیا فیچر متعارف کرا دیا ہے۔

    باغی ٹی وی :واٹس ایپ دنیا کی مقبول ترین میسیجنگ ایپلی کیشن ہے جس کے ماہانہ صارفین کی تعداد 2 ارب سے زیادہ ہے، فیس بک کی زیر ملکیت اس ایپ میں صارفین کے لیے مسلسل نت نئے فیچرز سامنے آتے رہتے ہیں، جو عام صارفین تک پہنچنے سے قبل بیٹا ٹیسٹرز کو دستیاب ہوتے ہیں-

    تاہم واٹس ایپ نے اپنے صارفین کیلئے ایک نیا فیچر متعارف کرا دیا ہےواٹس ایپ کی جانب سے متعارف کرائے گئے اس فیچر کے استعمال سے صارفین غلط ونڈو پر پیغامات بھیجنے سے بچ سکیں گے۔واٹس ایپ کے اس نئے فیچر کی خاص بات یہ ہے کہ اس کے ذریعے صارفین اب ہر چیٹ کے دوران اس کی بیک گراؤنڈ پر مختلف تصویروں کو استعمال کر سکیں گے۔


    خیال رہے کہ واٹس ایپ کی جانب سے یہ نیا فیچر متعارف کرانے کا اعلان گزشتہ سال دسمبر میں کیا گیا تھا تاہم یہ اب دنیا بھر کے صارفین کیلئے دستیاب ہے۔

    واضح رہے کہ اس سے قبل غیر ضروری آوازوں کی ویڈیو ایڈیٹنگ کے لیے واٹس ایپ نے نئے فیچر سے متعلق صارفین کو آگاہ کیا تھا واٹس ایپ نے بتایا تھا کہ اب آپ ویڈیوز دیکھ سکتے ہیں سن نہیں سکتے واٹس ایپ نے بتایا کہ اب آپ اپنی ویڈیوز کو اسٹیٹس پر یا دوستوں کے ساتھ شئیر کرنے سے پہلے غیرضروری آوازوں کو میوٹ کر سکتے ہیں یہ فیچر اب انیڈرائیڈ فونز پر بھی موجود ہے-

    اب لازمی نہیں کہ آپ کسی ویڈیو کو میوٹ کرنے کے لیے ایک نیا ویڈیو کلپ ریکارڈ کریں بلکہ اب آپ اپنے فون میں پہلے سے موجود ویڈیو کو اسٹیٹس پر اپلوڈ کرنے یا کسی دوست کو بھیجنے سے پہلے بھی میوٹ کر سکتے ہیں۔

    واٹس ایپ نے یہ بھی بتایا تھا کہ واٹس ایپ ایک ایسا فیچر لانے والا ہے جس سے چیٹ ونڈو میں میڈیا بھیجنے کا انداز ری ڈیزائن ہوگا، یہ وہ سیکشن ہے جہاں آپ کسی میسج کے لیے تصویر یا ویڈیو اپ لوڈ کرتے ہیں۔

    یہ فیچر اس وقت آزمائشی مراحل سے گزر رہا ہے اور ممکنہ طور پر بہت جلد تمام صارفین کو دستیاب ہوگا اس تبدیلی کو واٹس ایپ کی اپ ڈیٹس پر نظر رکھنے والی ویب سائٹ نے اینڈرائیڈ ورژن کے نئے بیٹا ورژن میں دریافت کیا۔

    اینڈرائیڈ کے 2.21.5.4 بیٹا ورژن میں یہ نیا فیچر سامنے آیا ہے تاہم ویب سائٹ نے اپنی رپورٹ میں نئے اور پرانے یوزر انٹرفیس کے درمیان فرق کا اسکرین شاٹ بھی شیئر کیا تھا۔ اسکرین شاٹ میں دیکھا جا سکتا ہے کہ دونوں میں فرق موجود ہے، بائیں جانب پلس کے نشان کی جگہ تصویر کا آئیکون لے رہا ہے، اور چیٹ ٹیب میں ہلکے گرے رنگ کا بیک گراؤنڈ بھی نمایاں ہے۔

    واٹس ایپ کی ویڈیوز شئیرکرتے ہوئےغیر ضروری آوازوں کو میوٹ کرنے سے صارفین کی متعلق آگاہی

    واٹس ایپ صارفین ماہانہ کتنے میسجز اور کالز کرتے ہیں ڈیٹا جاری

    واٹس ایپ کا فیس بک طرز کا ’سائن آؤٹ‘ فیچر متعارف کروانے کا فیصلہ

    واٹس ایپ کا صارفین کو نئی پرائیویسی پالیسی پر نظر ثانی کا موقع

    ایک فون میں دو واٹس ایپ اکاؤنٹس استعمال کرنے کا طریقہ

  • انسٹاگرام پر نئے فیچر کی آزمائش کے دوران سامنے آنے والی خرابی ٹھیک ہو گئی

    انسٹاگرام پر نئے فیچر کی آزمائش کے دوران سامنے آنے والی خرابی ٹھیک ہو گئی

    فیس بک کی زیر ملکیت ایپلیکیشن انسٹاگرام اپنے ایک نئے فیچر کی آزمائش ہی کر رہی تھی جس دوران ایپ میں خرابی دیکھنے میں آگئی-

    باغی ٹی وی : وقت کے ساتھ ساتھ ایپس نئے فیچرز کی آزمائش کرتی رہتی ہیں اور کسی بھی فیچر کو دنیا بھر میں لانچ کرنے سے قبل اس کی آزمائش محدود صارفین پر ہی کی جاتی ہے۔

    حال ہی میں انسٹاگرام ایپ اپنے ایک نئے فیچر کی آزمائش ہی کر رہی تھی جس دوران ایپ میں خرابی دیکھنے میں آگئی اور یہ آزمائش محدود صارفین کے بجائے بے شمار صارفین کے اکاؤنٹس میں ہونا شروع ہو گئی۔


    انسٹاگرام ایپ کی پوسٹوں پر لائیکس کی تعداد چھپانے کی آزمائش کر رہی تھی اور اس دوران خرابی کی وجہ سے متعدد صارفین کی پوسٹوں پر لائیکس کی تعداد چھپ گئی۔

    بعد ازاں کمپنی کی جانب سے بیان جاری کیا گیا کہ ایسا غیر ارادی طور پر ہوا ہے جسے ہم جلد ٹھیک کرنے کی کوشش کر رہے ہیں اور جلد از جلد صارفین کو ان کی پوسٹوں کے لائیکس واپس نظر آنا شروع ہو جائیں گے۔


    تاہم بعد ازاں دو گھنٹوں کے مختصر وقت کے بعد کمپنی نے صارفین کو اپنے ٹوئٹ میں مطلع کیا کہ نئے فیچر میں آزمائش کے دوران ہونے والی خرابی ٹھیک ہو گئی ہے –

    کمپنی نے اپنے خرابی کے دوران تعاون کرنے پر اپنے مداحوں کا شکریہ بھی ادا کیا-

    خیال رہے کہ انسٹاگرام نے سال 2019 سے لائیکس کو پوشیدہ رکھنے کے فیچر کی آزمائش کا آغاز کیا تھا-

  • آپ دیکھنے کے خواہشمند ہیں کہ آپکے دنیا چھوڑ جانے والے عزیز و اقارب حرکت کرتے کیسے نظر آتے تھے؟

    آپ دیکھنے کے خواہشمند ہیں کہ آپکے دنیا چھوڑ جانے والے عزیز و اقارب حرکت کرتے کیسے نظر آتے تھے؟

    تو مائی ہیراٹیج نامی ویب سروس کمپنی کی جانب سے متعارف کردہ ڈیپ نوسٹالجیا ٹیکنالوجی نے ایک نیا فیچر متعارف کرایا ہے جس میں آپ دیکھ سکیں گے آپ کے دنیا چھوڑ جانے والے عزیز و اقارب حرکت کرتے کیسے نظر آتے تھے-

    باغی ٹی وی : مائی ہیراٹیج نامی ویب سروس کمپنی کی جانب سے متعارف کردہ ڈیپ نوسٹالجیا ٹیکنالوجی کی وجہ سے سوشل میڈیا پر پرانی تصویریں بھی حرکت کرتی خاصی وائرل ہورہی ہیں۔

    حال ہی میں متعارف کروائی گئی ڈیپ نوسٹالجیا ٹیکنالوجی کے لیے اے آئی(آرٹیفیشل انٹیلیجنس) استعمال کی گئی ہے جس کے تحت وہ سسٹم پر اپ لوڈ کی جانے والی تصویروں کو خود بخود متحرک کردیتی ہے۔


    آسان اور فری ٹرائل کے باعث نئی ٹیکنالوجی ٹوئٹر پر تیزی سے وائرل ہورہی ہے جہاں صارفین اپنی پرانی خاندانی، اہم شخصیات حتیٰ کہ ڈرائنگ اور السٹریشن کا بھی اینیمیٹڈ ورژن اپلوڈ کررہے ہیں۔


    کئی صارفین کی جانب سے ڈیپ نوسٹالجیا کے فیچرکو ایک جادو قرار دیا جارہا ہے جب کہ کچھ صارفین اسے خوفزدہ قرار دیتے ہوئے اس ٹیکنالوجی کے لیے ناپسندیدگی کا اظہار کررہے ہیں۔


    https://twitter.com/sheppeyescapee/status/1366031504653090816?s=20


    ایک صارف نے اپنے ٹوئٹ میں لکھا کہ’جعلی ویڈیوز واقعی میں 2020 میں ہونے والی پریشان کن چیزوں میں سے ایک ہے۔ٹیکنالوجی میں تیزی سے بہتری آرہی ہے اور ہمیں اس کے غلط استعمال اور جعلی خبروں کو روکنے کے لیے قوانین اور قانون سازی کی ضرورت ہے۔‘


    ایک صارف نے لکھا کہ ٹیکنالوجی ایک ایسا آلہ ہے جو برے اور اچھے دونوں کے لئے استعمال کیا جاسکتا ہے۔ ڈیف فیک ٹیکنالوجیز غلط معلومات پھیلانے کے لئے مشہور ہیں لیکن یہ دیکھنے میں دلچسپ ہے کہ اسے اچھ .ے کے لئے بھی استعمال کیا جاتا ہے میرا ورثہ
    نامی ایک ویب سائٹ ، نے حال ہی میں دیپ نسٹالجیا کو جاری کیا ، جو تصاویر میں چہروں کو متحرک کرتا ہے-


    انہوں نے مزید لکھا کہ ڈیپ فیک ٹیکنالوجی ایک بہت بڑا حفاظتی مسئلہ بن جائے گی۔جھے یقین ہے کہ مستقبل قریب میں اصلی فلم کو ڈیجیٹل انداز میں بدلا جانے سے الگ کرنے کے لئے ہم کسی بھی طرح سے ویڈیو تصدیق نامے کے سامنے آئیں گے۔

    جبکہ کمپنی کا نئی ٹیکنالوجی سے متعلق کہنا ہے کہ اس ٹیکنالوجی سے لاعلم رہنا خاصا مشکل ہے، اس ٹیکنالوجی کا مقصد پرانی یادوں کا ایک طرح سے استعمال ہے جو کہ آپ کے آباؤاجداد کو ایک بار پھر آپ کے سامنے متحرک کردیتاہے۔

    سوشل میڈیا پر وائرل ٹام کروز کے ہمشکل کی ٹک ٹاک ویڈیو کے چرچے

  • خلاء میں بنایا جانے والا دنیا کا پہلا ہوٹل

    خلاء میں بنایا جانے والا دنیا کا پہلا ہوٹل

    زمین کے ذیلی مدار میں بنایا جانے والا پہلا اسپیس ہوٹل 2025 میں مکمل ہوگا جسے 2027 میں آپریشنل کیا جائے گا۔

    باغی ٹی وی :غیرملکی خبررساں ادارے ڈیلی میل کی رپورٹ کے مطابق زمین کے ذیلی مدار میں بنائے جانے والے دنیا کے اس پہلے اسپیس ہوٹل میں ریسٹورنٹ، سنیما ہالز اور خصوصی قیام گاہیں (لیونگ پاڈز) بنائے جائیں گے جبکہ اس ہوٹل میں 400 افراد کی گنجائش ہوگی۔

    ووگیار اسٹیشن فوٹو بشکریہ ڈیلی میل
    یہ ہوٹل خلائی تعمیرات کے حوالے سے مشہور کمپنی آربیٹل اسمبلی کارپوریشن کی جانب سے تعمیر کیا جارہا ہے جسے 2027 میں آپریشنل کیا جائے گا۔

    ووگیار اسٹیشن فوٹو بشکریہ ڈیلی میل
    رپورٹس کے مطابق اسپیس ہوٹل میں وہ تمام سہولیات فراہم کی جائیں گی جو کہ سمندر میں چلنے والی کروز شپ میں فراہم کی جاتی ہیں۔

    ووگیار اسٹیشن فوٹو بشکریہ ڈیلی میل
    یہ ہوٹل ایک گھومنے والے رنگ کی طرح بنایا جائے گا جس میں خصوصی طور پر تیار کردہ قیام گاہیں (پوڈز) جوڑی جائیں گی۔

    ووگیار اسٹیشن فوٹو بشکریہ ڈیلی میل
    رپورٹس کے مطابق ہوٹل بنانے والے ڈویلپرز کی جانب سے خصوصی طور پر تیار کردہ قیام گاہیں ناسا اور یورپی اسپیس ایجنسی کو ریسرچ کیلئے بھی بیچی جاسکتی ہیں۔

    ووگیار اسٹیشن فوٹو بشکریہ ڈیلی میل
    رپورٹس میں بتایا گیا ہے کہ ہوٹل کا ڈیزائن متعدد دائروں پر مبنی ہوگا جس میں متعدد موڈیولز ہوں گے۔ ان میں سے زیادہ تر موڈیولز دائرے کے بیرونی حصے میں تعمیر ہوں گے جن میں ریسٹورینٹس وغیرہ ہوں گے جبکہ 24 ماڈیولز کمپنی کے زیر استعمال ہوں گے جن میں عملے کے ارکان کی رہائش، ہوٹل کیلئے پانی، بجلی اور ہوا وغیرہ کا بندوبست کیا جائے گا۔

    ووگیار اسٹیشن فوٹو بشکریہ ڈیلی میل
    اس کے علاوہ دیگر یونٹس حکومتوں اور نجی کمپنیز کو فروخت یا لیز پر بھی دیا جاسکے گا۔

    ووگیار اسٹیشن فوٹو بشکریہ ڈیلی میل

  • فیس بک کو 650 ملین ڈالرز کے ہرجانے کا سامنا

    فیس بک کو 650 ملین ڈالرز کے ہرجانے کا سامنا

    امریکی ریاست الینوائے میں پرائیویسی قانون کی خلاف ورزی پر فیس بک 650 ملین ڈالرز کا ہرجانہ ادا کرے گی۔

    باغی ٹی وی : میڈیا رپورٹس کے مطابق فیس بک نے پرائیویسی قانون کی خلاف ورزی پر 650 ملین ڈالرز کا ہرجانہ ادا کرنے کے فیصلے پر کہا ہےکہ ہم سمجھوتے پر پہنچنے کا خیرمقدم کرتےہیں۔

    واضح رہے کہ شکاگو کے اٹارنی جے ایڈیلسن نے 2015 میں فیس بک پر مقدمہ چلایا تھا جس میں الزام لگایا گیا تھا کہ فیس بک نے 2008 کے الینوائے رازداری کے قانون کی خلاف ورزی کرتے ہوئے چہروں کی شناخت کے لیے بائیو میٹرک ڈیٹا غیر قانونی طور پر جمع کیا تھا۔

    فیس بک نے گانوں کے شوقین افراد کے لیے نئی ایپ لانچ کردی

    فیس بُک کو روزانہ استعمال کرنے والے صارفین کی تعداد کتنی ہے؟ فیس بُک نے ڈیٹا جاری…

    دنیا بھر میں جن خدشات کا ڈر تھا سامنے آنا شروع ہو گئے،ٹیلی گرام پرفیس بک کے 50…

  • واٹس ایپ کی ویڈیوز شئیرکرتے ہوئےغیر ضروری آوازوں کو میوٹ کرنے سے صارفین کی متعلق آگاہی

    واٹس ایپ کی ویڈیوز شئیرکرتے ہوئےغیر ضروری آوازوں کو میوٹ کرنے سے صارفین کی متعلق آگاہی

    بعض اوقات شوٹ کی گئی ویڈیو میں غیر ضروری آوازیں ویڈیو کی اہمیت ختم کر دیتی ہیں تاہم اب ان غیر ضروری آوازوں کی ویڈیو ایڈیٹنگ کے لیے واٹس ایپ نے نئے فیچر سے متعلق صارفین کو آگاہ کیا ہے-

    باغی ٹی وی : واٹس ایپ دنیا کی مقبول ترین میسیجنگ ایپلی کیشن ہے جس کے ماہانہ صارفین کی تعداد 2 ارب سے زیادہ ہے، فیس بک کی زیر ملکیت اس ایپ میں صارفین کے لیے مسلسل نت نئے فیچرز سامنے آتے رہتے ہیں، جو عام صارفین تک پہنچنے سے قبل بیٹا ٹیسٹرز کو دستیاب ہوتے ہیں-

    تاہم اب اپنے ایک ٹویٹ میں مقبول ترین مسیجنگ ایپلیکیشن واٹس ایپ نے اپنے صارفین کو ایک نئے فیچر سے آگاہ کیا ہے-


    سماجی رابطے کی ویب سائٹ ٹوئٹر پر واٹس ایپ کے آفشیل ہینڈل کی جانب سے گزشتہ روز مداحوں کو ویڈیو شیئرنگ کے نئے فیچر سے متعلق آگاہ کیا گیا۔

    واٹس ایپ نے اپنی ٹوئٹ میں لکھا کہ اب آپ ویڈیوز دیکھ سکتے ہیں سن نہیں سکتے واٹس ایپ نے بتایا کہ اب آپ اپنی ویڈیوز کو اسٹیٹس پر یا دوستوں کے ساتھ شئیر کرنے سے پہلے غیرضروری آوازوں کو میوٹ کر سکتے ہیں یہ فیچر اب انیڈرائیڈ فونز پر بھی موجود ہے-

    اب لازمی نہیں کہ آپ کسی ویڈیو کو میوٹ کرنے کے لیے ایک نیا ویڈیو کلپ ریکارڈ کریں بلکہ اب آپ اپنے فون میں پہلے سے موجود ویڈیو کو اسٹیٹس پر اپلوڈ کرنے یا کسی دوست کو بھیجنے سے پہلے بھی میوٹ کر سکتے ہیں۔

    ویڈیو میوٹ کرنے کا طریقہ کار کیا ہے-

    1۔ واٹس ایپ چیٹ اوپن کرکے اپنی فون اسٹوریج میں سے ویڈیو منتخب کریں۔

    2۔ ویڈیو منتخب کرنے کے بعد آپ کو ویڈیو کی لمبائی ایڈجسٹ کرنے والے بار کے نیچے ساؤنڈ آئیکون نظر آئے گا۔

    3۔ ساؤنڈ آئیکون پر ٹیپ کریں جس کے بعد آپ جس دوست کو ویڈیو بھیجیں گے یا اسٹیٹس پر اپ لو ڈ کریں گے وہ میوٹ ہو جائے گی۔

    یاد رہے کہ یہ فیچر پہلی بار گزشتہ برس نومبر میں بیٹا ورژن میں استعمال کیا گیا تھا تاہم اب واٹس ایپ انتظامیہ نے اس فیچر کو اینڈرائیڈ فونز کے لیے بھی متعارف کروا دیا ہے۔

    واضح رہے کہ اس سے قبل بتایا گیا تھا کہ واٹس ایپ ایک ایسا فیچر لانے والا ہے جس سے چیٹ ونڈو میں میڈیا بھیجنے کا انداز ری ڈیزائن ہوگا، یہ وہ سیکشن ہے جہاں آپ کسی میسج کے لیے تصویر یا ویڈیو اپ لوڈ کرتے ہیں۔

    یہ فیچر اس وقت آزمائشی مراحل سے گزر رہا ہے اور ممکنہ طور پر بہت جلد تمام صارفین کو دستیاب ہوگا اس تبدیلی کو واٹس ایپ کی اپ ڈیٹس پر نظر رکھنے والی ویب سائٹ نے اینڈرائیڈ ورژن کے نئے بیٹا ورژن میں دریافت کیا۔

    اینڈرائیڈ کے 2.21.5.4 بیٹا ورژن میں یہ نیا فیچر سامنے آیا ہے تاہم ویب سائٹ نے اپنی رپورٹ میں نئے اور پرانے یوزر انٹرفیس کے درمیان فرق کا اسکرین شاٹ بھی شیئر کیا تھا۔ اسکرین شاٹ میں دیکھا جا سکتا ہے کہ دونوں میں فرق موجود ہے، بائیں جانب پلس کے نشان کی جگہ تصویر کا آئیکون لے رہا ہے، اور چیٹ ٹیب میں ہلکے گرے رنگ کا بیک گراؤنڈ بھی نمایاں ہے۔