Category: شعرو شاعری

مفاد کی محبّت…؟
[بقلم:جویریہ بتول]۔
حقیقتیں ہو جاتی آشکار ہیں…
محبّتیں بھی بے اعتبار ہیں…
مفاد کے رو میں بہتے ہیں سب…
عجب کھلتے یاں افکار ہیں…
ہر رشتہ بھی آئینہ ہے دکھاتا…
جن پہ ہوتے گُمانِ سدا بہار ہیں…
جب تک ذات کی نفی رہے…
واں تک اعزاز بھی بے شمار ہیں…
جہاں اس میں ذرا کوتاہی ہوئی…
واں شروع طنز کے طومار ہیں…
خود کو بھُلا کر جیئو تو سب…
دلوں کو جوڑتے معمار ہیں…
کہیں اپنا بھی کوئی احساس جاگے…
کیا ہے کُچھ پیچھے اور آگے…
تو سب کے سکوں کو لگتا ہے دھچکا…
تو سب پردے ہوتے تار تار ہیں…
نہیں محبتیں ہوتی یک طرفہ…
یہ پھولتی ہیں دو طرفہ…
تبھی پاتی ہیں یہ چرچہ…
تبھی ہوتی یہ ورثہ ہیں…
بنتی ہیں ہیں سکونِ زندگی…
دل سے کھل کر جب ہوتی خرچہ ہیں…
ورنہ آتے نشیب و فراز میں…
ٹوٹتے دل اور سوز و گداز میں…
محبتیں بہت کُچھ سہہ جاتی ہیں…
مگر اندازِ اظہار میں…
ادائے بے اعتبار میں…
ہوتی حقیقت آشکار میں…
عمل سے سب کہہ جاتی ہیں…
مشکل ہوتا ہے پھر پلٹنا…
دلوں میں کوئی جگہ ملنا…
اک بار جب یہ بہہ جاتی ہیں…!!!
پھر ایسی محبتوں کا …
رہتا ہے نہ نشاں کوئی…
کوئی فخر،امر اور آثار…
کہیں زادِ سفر نہ ساماں کوئی…
مفاد کی دلدل میں جو متزلزل رہیں…
منزل تک پہنچتی ہیں،نہ اماں کوئی…!!!
=============================
[جویریات ادبیات]۔
¤¤¤¤¤¤¤¤¤¤¤¤¤¤¤¤¤¤¤¤¤¤¤

شہید حریت، ریاض نائیکو کے نام
عاقب شاہین میر

اے وادئ خوں رنگ جِسے تُو نے قربانی کےلیے پکارا تھا
تُجھے معلوم ہے کیا؟وہ شخص مجھے جان سے بھی پیارا تھا

ہر آنکھ اشکبار ہے ، کیسے بولوں تسلی کے دو بول تو مجھے بتا
وہ بہنوں کی آنکھوں کا تارا ، اپنی ماں کا اکلوتا راج دُلارا تھا

یہ نظامِ قُدرت ہے کسی کے جانے سے بھلا کب رُکتا ہے
مگر ایک رب کے بعد وہ ہماری اُمیدوں کا پُرزور سہارا تھا

اپنے مُحسن کی جاں کا سودا کرنے والو! ہائے ستم یہ تم نے کیا کِیا
اُس جواں نے تمہاری ہی خاطر خود کو ہر تکلیف سے گزارا تھا

کیسے بُھولے گا شاہیں اُس کی باتوں ، ساتھ گزرے لمحاتوں کو
وہ بہادری کی زندہ مثال ، چمکتے آسماں کا رُوشن ستارا تھا

زادِ سفر…!!!
[بقلم:جویریہ بتول]۔
عجز و کردار…
حسنِ گفتار…
آسان بنیں گے ہم…
اور جب دلدار…
اخلاق کی زینت سے…
لہک کر…
نرمی کی خوشبو
سے مہک کر…
دلوں کو رہ گزر…
تب ملے گی…
یہ زندگانی تو…
تب چلے گی…
یہ غربت اور
امارت کی ریل…
فقط ہیں سب یہ…
قسمت کےکھیل…
ان میں جو تم…
الجھو گے…
کبھی نہ پھر
سلجھو گے…
ہر سو…شکوہ
شکایت ہو گی…
اخوت نہ کوئی…
رحمت ہو گی…
انسانیت منہ
چھپائے گی…
اور یہ زندگی بھی
شرمائے گی…
یہ زندگی رنگین
رہے یا سادہ…
ہوا میں اُڑو…
یا چلو پیادہ…
سوچ کو بلندی سے
ہم آہنگ رکھنا…
کردار کی رفعت سدا
اپنے سنگ رکھنا…
انسانیت کے درد سے
رہیں نہ تہی دست…
تھوڑی ملے یہ…
دنیا یا بہت…
آدمی سے ملناہے…
آدمی بن کر…
اس کردار کو اجالنا ہے…
اک مسلمان بن کر…
اُس کردار کی قیمت
بہت بھاری ہو گی…
اپنےعملوں کے تُلنے…
کی جب باری ہو گی…
ایمان بھی تب جا…
اپنا ہو گا کامل…
یہ سانسوں کا سفر جو…
ہوحسنِ خلق کا حامل…
عجز کواس زندگی کا
سامان کرنا…
بااخلاق رہنے کا
ہی پیمان کرنا…
کہ تواضع کا صلہ
ہے سدا بہار بلندی…
غرور و تکبر سے
دور رہے یہ زندگی…!!!
===========================

کردار میں فرق…!!!
[بقلم:جویریہ بتول]۔
شعلہ اور شمع…
دونوں کا کام ہےجلنا…
صرف کردار میں ہے فرق…
اک کے انداز میں بھڑک…
ایک میں متانت کی جھلک…
ایک کا کام ہے جلانا…
اک کا ہے راہ دکھانا…
راستوں کی رکاوٹوں کو…
واضح کر کے بتانا…
راستوں اور محبتوں میں…
فاصلوں اور قربتوں میں…
ایسی تپش نہ تُم دکھاؤ…
کہ رستے کے نشیب میں…
گہرائیوں تک گِر جاؤ…
مثلِ شعلہ کہیں نہ بھڑکو…
کسی کو جلانے تُم نہ کڑکو…
اک شمع کی مانند تُم جھلملاؤ…
رستوں میں روشنی بچھاؤ…
یاد کے جگنو کی صورت…
دل کے دریچوں میں مسکراؤ…
پھولوں کی لطیف خوشبو کی طرح…
ذہن کی گہرائی میں اُتر جاؤ…
پھر کئی وقت تک…
رہتی سکت تک…
حدِ رفعت تک…
کسی کی یادوں کے پوٹلی میں…
اک ہیرا بن کر جگمگاؤ…
شعلہ اور شمع…
دونوں کا کام تو ہے جلنا…
صرف کردار میں ہے فرق…!!!
==============================
(جویریات ادبیات)۔

خیر خواہی…!!!
[بقلم:جویریہ بتول]۔
کسی کو نظروں سے گراؤ…
نہ یونہی کبھی نیچا دکھاؤ…
انسان سے انسانیت کے…
احترام کا تعلق سدا نبھاؤ…
خطاؤں سے دُھلا نہیں کوئی…
کبھی خوبیوں پر پردہ نہ اوڑھاؤ…
محبتوں کا درس دو سدا…
نفرتوں کو جڑ سے ہی مٹاؤ…
وفاؤں کی تاثیر دیرپا ہے…
جفاؤں سے نہ اسے دھندلاؤ…
کہیں کسی چشمِ تر کا آنسو…
جو گناہوں کا بنے وضو…
رب سے کہا جو راز ہو…
دلوں میں بجتا ساز ہو…
اُسے رفعتوں پہ جھلملائے…
جی بھر کر وہ مسکرائے…
قدم وہ اپنے کر کے سیدھے…
ہم سے بھی آگے نکل جائے…
تو اپنے لہجوں کے درد سے…
کسی کو نہ کہیں تُم رلاؤ…
وقت گزرتے نہیں دیر لگتی…
غلطی کہیں بھی ہے ہو سکتی…
کسی کے دل پر وار کر کے…
خود شرمندگی کا نہ ساماں بناؤ…
انسانوں سے روا رہے انسانیت…
غالب نہ آئے کہیں رعونت…
فلاح کی طرف رواں دواں رہے…
سفر کے مقصد کو نہ بھُلاؤ…!!!
اسی کا نام ہے خیر خواہی…
یہی تو ہے بھلی ہمراہی…
اسی کو کہیں رنگِ وفائی…
جلد بازی کے فیصلوں سے…
صدائے ضمیر کو نہ دباؤ…!!!
کسی کو نظروں سے گراؤ…
نہ یونہی کبھی نیچا دکھاؤ…!!!
=============================
[جویریات ادبیات]۔
¤¤¤¤¤¤¤¤¤¤¤¤¤¤¤¤¤¤¤¤¤¤¤

آہنگِ صدا…!!!
[بقلم:جویریہ بتول]۔
تم چپ یوں ہی نہ رہا کرو…
کبھی رقم کوئی حرفِ وفا کرو…
جذبات کو نہ دو یوں اذیتیں…
کبھی اُن کو بھی آہنگِ صدا کرو…
جو فن ملا ہے،جو ہنر ہے پاس…
کبھی اُس کو عملی بھی ادا کرو…
کاندھوں پہ اٹھائے جو قرض ہیں…
کبھی ادائیگی میں نہ دغا کرو…
گر بولنے کی ہو رکھتے سکت…
کبھی کوئی لفظِ سچ کہا کرو…
برائیوں کے ہاتھوں تنگ ہو گر…
کبھی خود بھی ان سے رُکا کرو…
کسی کی چاہتے ہو گرکرنا رہبری…
کبھی انداز مثلِ آئینہ صفا کرو…
گر چاہتے ہو منزل تک راہوں کی رسائی…
کبھی کانٹے اوروں کی راہ سے چُنا کرو…
اپنے لیئے تو جیتا ہے یاں ہر کوئی…
کبھی کسی کے لیئے بھی زندگی میں جیا کرو…
ملتی اذیتوں پہ صبر کا بھی اجر ہے…
کبھی جیتے جی نہ خود کو تنہا کرو…
تم چُپ یوں ہی نہ رہا کرو…
کبھی رقم کوئی حرفِ وفا کرو…
جذبات کو نہ دو یوں اذیتیں…
کبھی اُن کو آہنگِ صدا کرو…!!!
=============================
[جویریات ادبیات]۔
¤¤¤¤¤¤¤¤¤¤¤¤¤¤¤¤¤¤¤¤¤¤¤