Category: شعرو شاعری

آزادی ،جس کی جستجوں میں ناجانے کیسے کیسے کڑیل جوانوں نے جاں کے نزرانے پیش کیے ،کتنی ماؤں کی گود ویراں ہوئ،ان گنت سہاگنوں کے سہاگ اجڑے ،لاکھوں معصوموں کو نیزوں میں پرویا گیا تو لاتعداد بہنوں کی عصمتیں تار تار ہوئ ۔کروڑوں بچوں نے یتیمی کا تاج پہنا تو پھر کہیں جا کہ خوں میں نہائ سحر آزادی طلوع ہوئ ۔

14 اگست 1947 صرف کیلنڈر پر نقش ایک دن نہی بلکہ لازوال قربانیوں،ازیتوں اور عظم و حوصلے کی داستان ہے جو سننے والوں کے رونگٹے کھڑے کر دیتی ہے
آزادی کی داستاں ایام،عشروں ،مہینوں یا سالوں پر نہیں بلکہ دہائیوں پر مشتمل ہے ۔
لاالہ کے نام پر حاصل کی گئ یہ سر زمیں پاک ہمارے اجدا د کی قربانیوں اور وفاؤں کی داستاں ہے جس کا لفظ لفظ لہو سے عبارت ہے جسکی اک اک سطر ہمت و استقلال اور درد کی لامحدود گہرائیوں کو اپنے اندر سموئے ہوئے ہے

1862 سے لیکر 1867 تک تایخ بر صغیر کے انتہائ الم ناک سال جس دوران 14 ہزارا علمائے دین کو بے رحمی سے قتل کیا گیا دہلی سے لیکر پشاور تک کوئ شجر ایسا نا ملتا تھا جس پہ ظالموں نے کسی مسلمان کا سر نا لٹکایا ہو ۔
وہ بادشاہی مسجد جو آج ہمارے لیے صرف تفریح گاہ ہے اس کے صحن میں ایک دن میں اسی ،اسی علماء کرام کو تختہ دار پہ لٹکایا گیا لیکن سلام ان مرد مجاہدوں پہ جن کے سر انگریزوں کے سامنت جھکنے سے انکاری رہے اور لاالہ کا ورد کرتے قربان ہوتے چلے گئے ۔
جب مسلمانان برصغیر پہ مایوسی کے بادل گھنے ہوتے چلے گئے تو چند عظیم ہستیوں نے انقلاب آزادی کا بیڑا اٹھایا ۔اک طرف اقبال کا خواب آزادی اور مسلمانوں کی بیداری کا جزبہ تھا تو دوسری طرف قائد اعظم کی ولولہ انگیز قیادت جس نے مسلمانوں میں نئ روح اور آزادی کی امنگ پیدا کی ۔23 مارچ کو قرار داد پاکستان کے منظور ہوتے ہی جہاں اک طرف مسلمانوں کی جدو جہد آزادی نے زور پکڑا وہی دشمنان اسلام کی سازشیں بھی کھل کر سامنے آنے لگی ۔آفرین ہے ان بزرگوں پر جنہوں نے اپنے خون سے اس تحریک آزادی کو سینچا اور بلاآخر14اگست 1947 کو لاکھوں قربانیوں کی بانہوں میں ،ہزاروں بہنوں کی عصمتوں کے تار تار آنچلوں کے سائے تلے ،ان گنت شہدا کی آغوش میں سرزمین مقدس پاکستان دنیا کے نقشے پر مانند آفتاب طلوع ہوا ۔

قر بانیوں کا سلسلی یہیں ختم نہی ہوجاتا بلکہ یہاں سے بھارتی سفاکیت کی اس داستان کا آغاز ہوتا جہاں پہ انسانیت بھی شرمسار ہے ۔پاکستان بننے کے بعد مسلمانوں نے ہجرت اختیار کی تو نہتے مسلمانوں کو مولی گاجر کی طرح کاٹا گیا ،عصمتوں کو تار تار کیا گیا ،بزرگوں نے کانپتے ہاتھوں سے جوان بیٹو ں کے لاشے اٹھائے ،ماؤں نے دودھ کیلیے بلکتے شیر خواروں کے گلے اپنے ہاتھوں سے گھونٹے تاکہ ان کی آواز سے دوسرے مسافروں کی جان خطرے میں نا آئے ،بہنوں ،بیٹیوں نے عزتوں کی پامالی کے ڈر سے کنویں میں چھلانگیں لگا کہ جانوں کا نزرانہ پیش کیا ۔مال دودلت،زر،زیور ،گھر بار عزتیں لٹائیں قافلوں نے جب سرزمیں پاکستان پر پہ پہنچے تو عجب منظر تھا ،آنکھوں سے اشک رواں تھے ،وطن کی مٹی کو چومتے جاتے تھے اور ایک ہی بات کہتے جاتے تھے پاکستان کا مطلب کیا ،لاالہ اللہ ۔
پاکستان کو بنے74 سال گزر گئے لیکن قربانیوں کی یہ داستاں آج بھی تازہ اور زبان زد عام ہے ،یہاں تک پہنچتے میرا قلم کئ بار رکا ،میرے اشک بے اختیار صفح قرطاس پہ بکھرے ،اور میں بارہا یہ سوچنے پہ مجبور ہوئ کی کیا ہم اس آزادی کا حق نبھا رہے ہیں ،کیا جس مقصد کی خطر یہ مملکت خداد حاصل کی گئ ہم اس مقصد میں کامیاب ہیں؟ اور ہر دفعہ عرق ندامت میری پیشانی پہ چمکا کہ
ستم یہ ہے کہ چہتر برسا کا ہو کے بھی
یہ بچہ پاؤں پہ ہم نے کھڑا نا ہونے دیا

۔آج ہم آزادی مبارک تو کہتے ہیں لیکن اسکے مفہوم کو نہی پہچانتے ،ہم گاڑی پہ پاکستانی جھنڈا تو لہراتے ہیں لیکن اس میں گانا انڈیا کا بجاتے ہیں .آج ہمارے لیے پاکستان کی بنی چیزیں گھٹیا ں اور غیر میعاری ہیں
وہ انڈیا جس نے نہتے مسلمانوں کو بے دریغ قتل کیا ہمارے کچھ حکمران انہیں سے دوستانے نبھاتے نظر آتے ہیں ۔
ہمیں یہ سمجھنے کی ضرورت ہے کہ ،پاکستا صرف زمیں کا اک ٹکڑا نہی ہے اک نام نہی ہے بلکہ پاکستان دو قومی نظریہ کی سر خروئ کا نام ہے ۔پاکستان تو اک گوشہ عافیت کا نام ہے ،پاکستان کاہر زرہ اسلامی روائتوں کا امین ہے۔یہ وہی سرزمین ہے جسکا عشق ہمارے لہوں میں شامل ہے کیونکہ وطن سے محبت تو ایمان ہوتی ہے نا ،یہ ملک ہمارے آبا کی وفائ کا صلہ ہے ۔اسے ہم نے ہی سنوارنا ہے
اس کی ترقی اور فلاح و بہبود تبھی ممکن ہے جب ہم ملکر صدق دل سے کوشش کریں گے ۔

اگر چہ تیرا آج لہو رنگ ہے مگر
میں تیرا کل تو سنوار سکتا ہوں
اک عمر کیا میں ہزار عمریں آصف
تیرے سبز ہلالی پہ وار سکتا ہوں
@_Ujala_R

ہم سے تقریباً تین لاکھ چوراسی ہزار چار سو دو کلو میٹر دور موجود ایک آسمانی جسم جسے ہم چاند کہتے ہیں اتنا قریب ہے کہ تین سے چار دن میں ہم سپیس کرافٹ کے ذریعے پہنچ سکتے ہیں اور اتنا دور کہ ہم چاند اور زمین کے فاصلے کے درمیان تیس زمینیں رکھ سکتے ہیں۔۔۔

یہ وہ گول پتھر ہے جو لاکھوں سال سے انسانوں کا حسین ترین تصور ہے اور ہمارے پچپن میں یہاں بڑھیا چرخا کاٹا کرتی تھی اور آج بھی ہر انسان اپنی محبوبہ کی خوبصورتی کو چاند سے ہی تشبیہ دیتا ہے لیکن بیس جولائی انیس سو انہتر کو جب نیل آرمسٹرانگ اور بز ایلڈرن نے چاند پر قدم رکھا تو انہیں کوئی بڑھیا نظر آئی نہ ہی چاند اپنی محبوبہ جیسا خوبصورت نظر آیا۔۔۔

اس کے بعد بھی جتنے مشن چاند پر گئے انہیں کوئی بڑھیا نہیں ملی اور یوں سائنس نے ہم سے ہمارا خوبصورت بچپن ہمیشہ کیلئے چھین لیا۔ آج بھی دنیا کے کونے کونے میں چاند سے متعلق مختلف کہانیاں مشہور ہیں اور ہر انسان کو اپنی مرضی کا چہرہ بھی چاند میں نظر آتا ہے لیکن حقیقت میں یہ چاند پر پھیلا ہوا لاوا اور راکھ ہے۔۔۔

اکاون سال پہلے آرمسٹرانگ کی ٹیم اپنے ساتھ جمے ہوئے سرد لاوے کے کچھ ٹکرے زمین پر لائی تھی جس پر تحقیق سے پتہ چلا تھا کہ تین سے ساڑھے تین ارب سال پہلے چاند پر بےشمار آتش فشاں پٹھے تھے جنکا لاوا ہزاروں میل تک پھیل گیا تھا اور یہ جما ہوا لاوا زمین سے دھبوں کی شکل میں نظر آتا ہے۔۔۔

چاند پر موجود راکھ پر جب سورچ کی روشنی پڑتی ہے تو یہ چمک اٹھتی ہے اور ہر طرف چاندنی پھیل جاتی ہے۔ نیل آرمسٹرانگ نے جب نصف صدی پہلے چاند پر پہلا قدم رکھا تھا تو اس قدم کے نشاں آج بھی اس راکھ میں نقش ہیں جیسے ابھی کی بات ہو کیونکہ چاند پر ہوا، بادل یا بارش بلکل نہیں ہوتی کیونکہ وہاں چاند کے گرد ہماری زمیں کی طرح گیسوں کا غبارہ نہیں ہوتا۔۔۔

چاند کا اپنا کوئی اٹماسفیئر نہیں ہے اور یہی وجہ ہے کہ چاند پر انسانوں کے قدموں کے نشان لاکھوں، کروڑوں سال تک قائم رہیں گے لیکن ان قدموں کے نشان کے ساتھ ساتھ چاند پر ایک نام بھی نقش ہے۔ افسانوں میں بہت سے لوگ اپنی محبوبہ سے چاند تارے توڑ کے لانے کا وعدہ تو کرتے ہیں لیکن حقیقت میں ایک شخص نے اپنی بیٹی سے وعدہ کیا تھا کہ میں تمہارا نام چاند پر لکھ کر آؤں گا اور اس نے یہ وعدہ پورا بھی کیا۔۔۔

چاند پر جانے والے آخری مشن اپالو سیونٹین کا کمانڈر یوجین سرنن تین دن چاند پر رہا اور واپسی کے دوران اس نے چاند پر اپنی بیٹی ٹریسی کا نام لکھا یہ اس کیلئے ایک اعزاز تھا لیکن اس اعزاز کے ساتھ اسے اس بات کا دکھ بھی تھا کہ وہ اس وقت تصویر نہ بنا سکا۔۔۔

سچ بتائیے گا آپ میں سے کتنے لوگ ایسے ہیں جنہوں نے کبھی غور کیا کہ ہم کتنے سالوں سے چاند کی ایک ہی سمت کیوں دیکھ رہے ہیں؟ چودھویں کا چاند بھی ہر بار ایک ہی جیسا کیوں ہوتا ہے؟ اس کی وجہ یہ ہے کہ چاند زمین پر گردش کرنے کے علاوہ اپنے محور کے گرد بھی گردش کرتا ہے لیکن زمین اور اپنے گرد ایک چکر پورا کرنے میں ایک جتنا ہی وقت لگاتا ہے یہی وجہ ہے کہ آج تک ہمیں چاند کی دوسری سمت نظر نہیں آئی اور اس عمل کو فیس لاک کہتے ہیں۔۔۔

لیکن چین کا روبوٹنگ سسٹم اب چاند کی دوسری سمت بھی لینڈ کرچکا ہے اور دوسری سمت اس سمت سے بہت ہی پیاری اور چمکدار ہے یعنی اگر کوئی شاعر چاند کی دوسری سمت کو دیکھ لے تو وہ ہمیشہ اپنی محبوبہ کو چاند کی دوسری سمت سے تشبیہ دے گا۔۔۔

@Waseemakrm_